သတင်းနှင့် လှုပ်ရှားမှုများ
၂၀၂၅ ခုနှစ်၊ မတ်လ ၂၉ ရက်နေ့၊ နေ့လယ် (၁၄း၀၀) အချိန်တွင် ထားဝယ်အထူးစီးပွားရေးဇုန် စီမံခန့်ခွဲမှုကော်မတီအစည်းအဝေး (၂၅/၂၀၂၄-၂၀၂၅)သို့ တနင်္သာရီတိုင်းဒေသကြီးဦးစီးမှူးမှ Virtual ဖြင့် တက်ရောက်ခဲ့ပါသည်။
၂၀၂၅ ခုနှစ်၊ မတ်လ ၂၉ ရက်နေ့၊ နံနက် (၁၁း၀၀) နာရီအချိန်တွင် ထားဝယ်မြို့၊ ဝင်းဖူးခိုင် တံတားမှ မြိတ်မြို့သို့ထွက်ခွာမည့် (အမ်ဗွီ ဥပေါသထ) သင်္ဘောဖြင့် တိုင်းဒေသကြီးအစိုးရအဖွဲ့၏ ခွင့်ပြုချက်ဖြင့် တင်ဆောင်မည့် အကျဉ်းဦးစီးဌာနအတွက် ဆန်အိတ်ရေ (၅၀၀၀) ကို စားသုံးသူရေးရာဦးစီးဌာနမှ ဦးစီးအရာရှိ ဒေါ်အေးအေးလွင်နှင့် အကောက်ခွန်ဦးစီးဌာန၊ ရေကြောင်းရဲတပ်ဖွဲ့၊ မြန့်မာ့ဆိပ်ကမ်းအာဏာပိုင်အဖွဲ့တို့မှ တာဝန်ရှိသူများပါဝင်သော ပူးပေါင်းအဖွဲ့ဖြင့် စစ်ဆေးဆောင်ရွက်ခဲ့ပါသည်။
၂၀၂၅ ခုနှစ်၊ မတ်လ ၂၉ ရက်နေ့၊ နံနက် (၁၁း၀၀) နာရီ အချိန်တွင် ရန်ကုန်မြို့မှ ထားဝယ်မြို့ ထူးထူးတိုးဆိပ်ကမ်း၌ (အမ်ဗွီ အောင်ချမ်းသာ)သင်္ဘောတွင် တင်ဆောင်လာသော ဘိလပ်မြေအိတ် (၄၀၀၀၀) နှင့်ကျန်းမာရေးအထောက်အကူပြုပစ္စည်းများကို စားသုံးသူရေးရာဦးစီးဌာနမှ ဦးစီးအရာရှိ ဒေါ်အေးအေးလွင်နှင့် အကောက်ခွန်ဦးစီးဌာန၊ ရေကြောင်းရဲတပ်ဖွဲ့၊ မြန့်မာ့ဆိပ်ကမ်း အာဏာပိုင်အဖွဲ့တို့မှ တာဝန်ရှိသူများပါဝင်သော ပူးပေါင်းအဖွဲ့ဖြင့် စစ်ဆေးဆောင်ရွက်ခဲ့ပါသည်။
DOCA(တနင်္သာရီ)
စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ ခုနှစ်၊ မတ်လ(၂၈) ရက်နေ့၊ နေ့လယ်(၁၄:၀၀)နာရီအချိန်တွင် ကယားပြည်နယ်ဦးစီးမှူးရုံး၌ စားအုန်းဆီအရောင်းဆိုင်လုပ်ငန်းရှင်များနှင့် တွေ့ဆုံဆွေးနွေးမှု ဆောင်ရွက်ခဲ့ပါသည်။
ကယားပြည်နယ်အတွင်း နေထိုင်ကြသော ပြည်သူများလက်ဝယ်သို့ သက်သာသောနှုန်းထားနှင့် စားအုန်းဆီများ ဝယ်ယူစားသုံးနိုင်ရေးအတွက် စားအုန်းဆီဖြန့်ဖြူး ရောင်းချလျက်ရှိကြောင်း၊ ဖြန့်ဖြူးရောင်းချလျက်ရှိသော စားအုန်းဆီများအား ဈေးကွက်အတွင်း ဈေးနှုန်းမြှင့် တင်ရောင်းချ ခြင်းရှိ/မရှိ၊ အချိန်အတွယ်ပြည့်မီမှုရှိ/မရှိကို ၂၀၂၅ ခုနှစ်၊ မတ်လ(၂၈) ရက်နေ့၊ နံနက်(၁၀:၀၀)နာရီအချိန်တွင် သက်ဆိုင်ရာ မိတ်ဖက်ဌာနများဖြင့် ပူးပေါင်း၍ အရောင်းဆိုင်(၁၄) ဆိုင်သို့ကွင်းဆင်းကြပ်မတ်ခြင်း လုပ်ငန်းများ ဆောင်ရွက်ခဲ့ပါသည်။