ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ ကန့်ဘလူမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် ဒေသအတွင်းမှ ထွက်ရှိသည့်မျှစ်များကို မျှစ်စိမ်းနှင့် မျှစ်ပြုတ်အဖြစ်ရောင်းချသလို မျှစ်ချဉ်သိပ်၍ သိုလှောင်ထားကြပြီး ဈေးကွက်အတွင်းသို့ ရောင်းချလျက်ရှိကြောင်း သိရသည်။

      ၂၀၂၅ ခုနှစ်၊ ဇူလိုင်လ တတိယပတ်အတွင်း ကန့်ဘလူမြို့မဈေး၌ ဖြစ်ပေါ်နေသော မျှစ်ချိုနှင့် မျှစ်ချဉ်ဈေးနှုန်းမှာ မျှစ်ချို တစ်ပိဿာလျှင်(၇၀၀၀)ကျပ်၊ (၅၀)ကျပ်သားလျှင်(၃၅၀၀)ကျပ်နှင့် မျှစ်ချဉ် တစ်ပိဿာလျှင်(၅၃၀၀)ကျပ်၊ (၅၀)ကျပ်သားလျှင်(၂၇၀၀)ကျပ်နှင့် (၁၀)ကျပ်သားလျှင်(၅၅၀)ကျပ်ဖြင့် ရောင်းချလျက်ရှိကြောင်း၊ ယခုလိုမိုးရာသီတွင် မျှစ်များလှိုင်လှိုင်ပေါ်နေသောကြောင့် နောက်နှစ်အတွက် မျှစ်ခြောက်လှန်းအတွက် ဝယ်ယူကြသလို၊ မျှစ်ချဉ်ပြုလုပ်ရန်အတွက် ဝယ်ယူကြသည့်အတွက် မျှဉ်ချိုသည် အရောင်းအဝယ်သွက်လျက်ရှိကြောင်း၊ မျှစ်ချဉ်သည် မျှစ်ချိုရှားပါးလာသည့်အချိန်၌သာ အရောင်းသွက်လေ့ရှိကြောင်း မျှစ်ချိုနှင့် မျှစ်ချဉ် အရောင်းဆိုင်များမှ သတင်းရရှိပါသည်။ 

DOCA(စစ်ကိုင်း)

     ကန့်ဘလူမြို့တွင် ရာသီအရွေးစားသုံးရန်နှင့် ရောင်းချရန်အတွက် လက်လုပ်ချဉ်မျိုးစုံကို ကိုယ်တိုင်လုပ်ပြီး ရောင်းချလျက်ရှိရာ ၂၀၂၅ ခုနှစ်၊ ဇူလိုင်လ တတိယပတ်အတွင်း ကန့်ဘလူမြို့၊ “မြို့မဈေး”၌ ဖြစ်ပေါ်နေသော သရက်သီးကုလားတည်ချဉ် ဈေးနှုန်းမှာ သရက်သီးကုလားတည်ချဉ် လက္ကားတစ်ပိဿာလျှင် (၁၁၀၀၀)ကျပ်၊ သရက်သီးကုလားတည်ချဉ် လက်လီတစ်ပိဿာလျှင် (၁၂၀၀၀)ကျပ်၊ သရက်သီးကုလားတည်ချဉ် (၅၀)ကျပ်သားလျှင်(၆၀၀၀)ကျပ်၊ သရက်သီးကုလားတည် ချဉ်(၂၅)ကျပ်သားလျှင်(၃၀၀၀)ကျပ်၊ သရက်သီးကုလားတည်ချဉ် (၁၀)ကျပ်သားလျှင်(၁၂၀၀)ကျပ်နှင့်  နှမ်းပတ်ချဉ်တစ်ထုပ်လျှင်(၅၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း  သိရှိရသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူမြို့တွင် ငရုပ်သီးခြောက်၊ အာလူး၊ ကြက်သွန်နီနှင့် ကြက်သွန်ဖြူ တို့ကို ကန့်ဘလူဒေသထွက်နှင့် ရှမ်းပြည်နယ် အောင်ပန်းမြို့၊ မန္တလေးတိုင်းဒေသကြီးတို့မှ အများဆုံးမှာယူ ရောင်းချလျက်ရှိကြောင်း သိရှိရပါသည်။

      ၂၀၂၅ ခုနှစ်၊ ဇူလိုင်လ တတိယပတ်အတွင်း ကန့်ဘလူမြို့တွင် ရောင်းချနေသော ငရုပ်သီးခြောက် ဈေးနှုန်းများမှာ ငရုပ်သီးခြောက်(အရှည်) တစ်ပိဿာလျှင်(၁၅၀၀၀)ကျပ်၊ ငရုပ်သီးခြောက်(အပု) တစ်ပိဿာလျှင်(၃၀၀၀၀)ကျပ်၊ (၅၀)ကျပ်သားလျှင်(၁၅၀၀၀)ကျပ်နှင့် ငရုပ်သီးမှုန့် (၁၀)ကျပ်သားလျှင် (၂၀၀၀)ကျပ် ဈေးနှုန်းတို့ဖြင့်  အရောင်းအဝယ်ဖြစ်လျက်ရှိကြောင်း၊ ဇူလိုင်လ ဒုတိယပတ်ဈေးနှုန်းများနှင့် နှိုင်းယှဉ်ပါက ယခုပတ်အတွင်း ငရုပ်သီးခြောက်နှင့် ငရုပ်သီးမှုန့်ဈေးနှုန်းများ အနည်းငယ် ကျဆင်းသွား ကြောင်း ကုန်မျိုးစုံရောင်းဝယ်ရေး လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများကို စိုက်ပျိုးရောင်းချသည့်အပြင်၊ ဒေသထွက်ရိုးရာလက်လုပ်ချဉ်များ ပြုလုပ်ရောင်းချပြီး မိသားစုစားဝတ်နေရေးအတွက် အထောက်အပံ့များရရှိကာ အဆင်ပြေလျက်ရှိကြောင်း သိရသည်။

     ၂၀၂၅ ခုနှစ်၊ ဇူလိုင်လ တတိယပတ်အတွင်း ကန့်ဘလူမြို့၊ မြို့မဈေး၌ ဖြစ်ပေါ်နေသော ပဲတီပင်ပေါက် ဈေးနှုန်းမှာ ပဲတီပင်ပေါက် လက္ကား တစ်ပိဿာလျှင်(၄၀၀၀)ကျပ်၊ ပဲတီပင်ပေါက် လက်လီ တစ်ပိဿာလျှင်(၅၀၀၀)ကျပ်၊ (၁၀)ကျပ်သားလျှင်(၅၀၀)ကျပ်နှင့် ပဲတီပင်ပေါက်ချဉ် လက္ကားတစ်ပိဿာ လျှင်(၅၀၀၀)ကျပ်၊ ပဲတီပင်ပေါက်ချဉ် လက်လီတစ်ပိဿာလျှင် (၅၅၀၀)ကျပ်၊ (၅၀)ကျပ်သားလျှင် (၂၇၀၀)ကျပ်နှင့် (၁၀)ကျပ်သားလျှင်(၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ၊ ပဲတီပင်ပေါက်နှင့် ပဲတီချဉ်ရောင်းချသည့် လုပ်ငန်းရှင်များထံမှ သိရှိရသည်။

DOCA(စစ်ကိုင်း)

      စစ်ကိုင်းတိုင်းဒေသကြီး ၊ ကန့်ဘလူမြို့မဈေးတွင် ဘုရားပန်းအမျိုးမျိုးဖြစ်သော  ဂန္ဓာမာပန်း၊ သစ္စာပန်း၊ နှင်းဆီ၊ မေမြို့ပန်း၊ ပန်းထိမ်းငိုပန်း၊ သပြေပန်းအငုတ်၊ သပြေပန်းအခက်များ၊ စကားဖြူပန်း၊ စကားဝါပန်းနှင့် အာစီယံသပြေတို့ကို ရောင်းချနေကြောင်း သိရှိရပါသည်။

    ၂၀၂၅ ခုနှစ်၊ ဇူလိုင်လ တတိယပတ်တွင် ကန့်ဘလူမြို့မဈေး၌ ဖြစ်ပေါ်နေသော ဘုရားပန်း အမျိုးမျိုး၏ဈေးနှုန်းများမှာ စကားဖြူပန်း(၃)ပွင့်ပါ တစ်ကုံးလျှင်(၃၅၀)ကျပ်၊ စကားဖြူပန်း(၃) ကုံးလျှင် (၁၀၀၀)ကျပ်၊ စကားဝါပန်း(၃)ပွင့်ပါ တစ်ကုံးလျှင်(၂၀၀)ကျပ်၊ (၃)ကုံးလျှင်(၅၀၀)ကျပ်၊ နှင်းပန်းတစ်စီး လျှင်(၈၀၀)ကျပ်၊ ကျောက်ခက်စိမ်း တစ်စီးလျှင်(၅၀၀)ကျပ်၊ သပြေပန်းဈေးနှုန်းအနေဖြင့် သပြေပန်း အငုတ်(အကြီး)လျှင် (၄၀၀၀မှ ၅၀၀၀)ကျပ်၊ သပြေပန်းအခက်(၁)စည်းလျှင် (၁၅၀၀မှ ၂၀၀၀) ကျပ်၊ နှင်းဆီပန်းအပွင့်ကြီးတစ်ပွင့်လျှင် (၇၀၀)ကျပ်၊ နှင်းဆီပန်းအပွင့်(အသေး) တစ်ပွင့်လျှင် (၄၀၀)ကျပ်တို့ဖြင့် အရောင်းအဝယ်ဖြစ်လျက်ရှိကြောင်း ပန်းရောင်းချသူများထံမှ သိရှိရပါသည်။

DOCA(စစ်ကိုင်း)