ပြည်တွင်းကုန်သွယ်မှုသတင်း

             အင်းစိန်မြို့နယ်ရှိတညင်းကုန်းလက်ကားဈေးကြီးအတွင်းသို့ ဇူလိုင်လ(၂၄)ရက်နေ့မှ ဩဂုတ် လ(၄)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါတယ်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ် (ပိဿာ)ကျပ် ၆၀၀ မှ ၁၀၀၀ အတွင်း၊ ဂေါ်ဖီထုပ်(တစ်ထုပ်)ကျပ် ၅၀၀ မှ ၁၀၀၀ အတွင်း၊ ပန်းဂေါ်ဖီ(ထုပ်)ကျပ် ၆၀၀ မှ ၁၀၀၀ အတွင်း၊ အာလူး(ပိဿာ)ကျပ် ၁၇၀၀ မှ ၂၀၀၀ အတွင်း၊ မုန့်လာဉနီ(ပိဿာ) ကျပ် ၁၃၀၀ မှ ၁၇၀၀ အတွင်း ရွှေဖရုံသီး(လုံး)ကျပ် ၂၀၀၀ မှ ၃၅၀၀ အတွင်း၊ ဗူးသီး(လုံး) ကျပ် ၈၀၀ မှ ၁၂၀၀ အတွင်း၊ မုန်ညှင်း(ထုပ်)(ပိဿာ)ကျပ် ၁၂၀၀ မှ ၁၆၀၀ အတွင်း၊ ကြက်သွန်နီ(ဆိပ်ဖြူ)ကျပ် ၁၄၀၀ မှ ၂၀၀၀ အတွင်း၊ ကြက်သွန်ဖြူ(ရှမ်း)(ပိဿာ) ၃၀၀၀ မှ ၃၂၀၀ အတွင်း၊ ကြက်သွန်ဖြူ(ကြူကုတ်)(ပိဿာ) ကျပ် ၂၈၀၀ မှ ၃၂၀၀ အတွင်း၊ ချင်း(ပိဿာ)ကျပ် ၈၀၀ မှ ၁၀၀၀ အတွင်း၊ ဆလပ်ရွက် (စီး) ကျပ် ၁၀၀ မှ ၁၅၀ အတွင်း၊ ချဉ်ပေါင်ရွက်(စီး) ကျပ် ၅၀ မှ ၁၀၀ အတွင်း၊ ခရမ်းသီး(ရှည်)(ပိဿာ)ကျပ် ၁၃၀၀ မှ ၁၇၀၀ အတွင်း၊ သံပရာသီး(လုံး)ကျပ် ၂၀ မှ ၁၀၀ အတွင်း၊ ငရုတ်သီးစိမ်း (ကျောက်စိမ်း) (ပိဿာ) ၁၅၀၀ မှ ၂၀၀၀ အတွင်း၊ ဖရဲသီး (အကြီး၊ အလတ်၊ အသေး)ကျပ် ၂၅၀၀ မှ ၃၅၀၀ အတွင်း ဖြစ်ကြောင်း သိရှိရပါတယ်။ တညင်းကုန်း လက်ကားဈေးကြီးအတွင်းသို့ ယခုရက်သတ္တပတ်အတွင်း သံပုရာသီးအလုံးပေါင်း (၈၈၀၀၀)ကျော်၊ ခရမ်းသီး(ရှည်)(ပိဿာ)(၁၀၅၇၅)ကျော်၊ ဗူးသီးအလုံးပေါင်း (၁၃၇၀)ကျော်၊ ရွှေဖရုံသီးအလုံးပေါင်း (၆၄၁၀)ကျော်၊ ဂေါ်ဖီထုပ်ပေါင်း (၃၂၃၀၀)ကျော်၊ ပန်းဂေါ်ဖီထုပ်ပေါင်း (၁၀၈၀၀)ကျော်၊ မုန်ညှင်းထုပ်(ပိဿာ)ပေါင်း (၁၂၄၂၀)ကျော်၊ ဖရဲသီးလုံးပေါင်း (၂၀၄၀၀)ကျော်  အသီးသီးကုန်အဝင်ရှိကြောင်း သိရပါတယ်။

DOCA(ရန်ကုန်)

              ရန်ကုန်တိုင်းဒေသကြီး လှိုင်မြို့နယ် သီရိမင်္ဂလာဈေးတွင် ဇူလိုင်လ (၂၆) ရက်နေ့မှ ဩဂုတ်လ (၁) ရက်နေ့အထိဖြစ်ပေါ်ခဲ့သော သစ်သီးဝလံဈေးနှုန်းများမှာ တိုက်ကြီး မှ ပီလောပီနံ တစ်ပိဿာ ကျပ် ၅၀၀ မှ ၄၀၀၊ ဝမ်းတွင်း၊ တပ်ကုန်း မှ ဖရဲသီး (211) အလုံးကြီး ကျပ် ၁၅၀၀၊ အလုံးလတ် ကျပ် ၁၂၀၀၊ အလုံးသေး ကျပ် ၁၀၀၀ မှ ၈၀၀ ၊ မှော်ဘီ၊ တိုက်ကြီး မှ မာလကာသီး အလုံးကြီး ကျပ် ၅၀၀၊ အလုံးလတ် ကျပ် ၄၀၀ မှ ၃၀၀ ၊ အလုံးသေး ကျပ် ၂၀၀ မှ ၁၀၀၊ သီပေါ မှ နာနတ်သီး အလုံးကြီး ကျပ် ၇၀၀၊ အလုံးလတ် ကျပ် ၅၀၀ ၊ အလုံးသေး ကျပ် ၄၀၀ မှ ၃၀၀၊ မော်လမြိုင် မှ ကျွဲကောသီး အလုံးကြီး ကျပ် ၂၆၀၀ မှ ၂၃၀၀၊ အလုံးလတ် ကျပ် ၂၀၀၀ မှ ၁၇၀၀၊ အလုံးသေး ကျပ် ၁၅၀၀ မှ ၁၂၀၀၊ ၁၀၀၀ မှ ၅၀၀၊ ပုပ္ပါး မှ နဂါးမောက်သီး (အနီ) ဂျပ်ဖာအလုံးကြီး ၁၈ လုံးပါ ကျပ် ၁၂၀၀၀၊ အလုံးလတ် ၂၄ လုံး ပါ ကျပ် ၉၀၀၀၊ ပြင်ဦးလွင် မှ နဂါးမောက်သီး (အနီ) ဂျပ်ဖာအလုံးကြီး ၁၈ လုံးပါ ကျပ် ၁၃၀၀၀၊ အလုံးလတ် ၂၄ လုံးပါ ကျပ် ၁၀၀၀၀၊ အလုံးသေး ၃၆ လုံးပါ ကျပ် ၈၀၀၀ ၊ ရပ်စောက် မှ သရက်သီး (ရင်ကွဲ) အလုံးကြီး သေတ္တာ အလုံး ၆၀ လုံးပါ ကျပ် ၁၅၀၀၀၊ အလုံးလတ် သေတ္တာ အလုံး ၈၀ ပါကျပ် ၁၂၀၀၀၊ အလုံးသေး သေတ္တာ အလုံး ၉၀ ပါကျပ် ၉၀၀၀၊ ရပ်စောက် မှ သရက်သီး (ရင်ကွဲ)အိတ်စွပ် အလုံးကြီး သေတ္တာ အလုံး ၅၅ လုံးပါ ကျပ် ၂၂၀၀၀၊ အလုံးလတ် သေတ္တာ အလုံး ၇၀ ပါကျပ် ၁၉၀၀၀၊ အလုံးသေး သေတ္တာ အလုံး ၉၀ ပါကျပ် ၁၇၀၀၀ ဈေးတို့ရှိကြောင်း သီရိမင်္ဂလာဈေးရှိ မြန်မာနိုင်ငံ သစ်သီးဝလံ ပန်းမန်ဟင်းသီးဟင်းရွက်စိုက်ပျိုးထုတ်လုပ် တင်ပို့ရောင်းချသူများအသင်း (MFVP) မှ သိရှိရပါသည်။

DOCA(ရန်ကုန်)

            ကယားပြည်နယ်တွင် ဆန်စပါး၊ ပြောင်းကို အဓိကစိုက်ပျိုးပြီး အခြားသီးနှံများကိုလည်း သီးထပ်၊သီးညှပ်အဖြစ် စိုက်ပျိုးကြ၍ စိုက်ပျိုးရေးကိုသာ အဓိကလုပ်ကိုင်သော ပြည်နယ်ဖြစ်ပြီး   စိုက်ပျိုးရေးအတွက် လိုအပ်သောသွင်းအားစုများကို အခြားဒေသများမှ တင်သွင်းလျက်ရှိရာ ယခု ဩဂုတ်လပထမပတ်အတွင်း  ဈေးကွက်အတွင်းဖြစ်ပေါ်နေသော  ဓာတ်မြေဩဇာ နှင့် ပိုးသတ်ဆေး ဈေးနှုန်းများမှာ ဓာတ်မြေဩဇာ ပုလဲ တစ်အိတ်လျှင် (၉၄၀၀၀) ကျပ်၊မြှားတံဆိပ် ကွန်ပေါင်း တစ်အိတ်လျှင် (၇၂၀၀၀)ကျပ်၊ ပိုတက်တစ်အိတ်လျှင် (၉၅၀၀၀)ကျပ်၊ ကူကြာကူ တစ်အိတ်လျှင် (၉၉၀၀၀) ကျပ်၊ ပိုးသတ်ဆေးဈေးနှုန်းများမှာ အာမို (star)250CC (၈၀၀၀) ကျပ်နှင့် 500CC (၁၃၀၀၀) ကျပ် ၊ Rocket 500CC (၁၄၅၀၀)ကျပ်၊   ဆိုင်ဘာမတ် 500CC (၁၅၀၀၀)ကျပ်ဈေးတို့ဖြင့် အရောင်းအဝယ်ဖြစ်လျှက်ရှိပြီး ယခင် ဇူလိုင်လပထမပတ်တွင် ပုလဲ တစ်အိတ်လျှင် (၉၀၀၀၀) ကျပ်၊မြှားတံဆိပ် ကွန်ပေါင်း တစ်အိတ်လျှင် (၇၀၀၀၀)ကျပ်၊ ပိုတက်တစ်အိတ်လျှင် (၈၅၀၀၀)ကျပ်၊ ကူကြာကူ တစ်အိတ်လျှင် (၉၅၀၀၀) ကျပ်၊ ပိုးသတ်ဆေးဈေးနှုန်းများမှာ အာမို (star)250CC (၆၅၀၀) ကျပ်နှင့် 500CC (၁၁၀၀၀) ကျပ် ၊ Rocket 500CC (၁၂၅၀၀)ကျပ်၊   ဆိုင်ဘာမတ် 500CC (၁၃၅၀၀)သာရှိခဲ့ရာ  ယခုဩဂုတ်လပထမပတ်နှင့် ယခင် ဇူလိုင်လပထမပတ်နှိုင်းယှဉ်လျှင် ယခင် ဇူလိုင်လပထမပတ်ထက် ပုလဲ တစ်အိတ်လျှင် (၄၀၀၀) ကျပ်၊မြှားတံဆိပ် ကွန်ပေါင်း တစ်အိတ်လျှင် (၂၀၀၀)ကျပ်၊ ပိုတက်တစ်အိတ်လျှင် (၁၀၀၀၀)ကျပ်၊ ကူကြာကူ တစ်အိတ်လျှင် (၄၀၀၀) ကျပ်၊ ပိုးသတ်ဆေးဈေးနှုန်းများမှာ အာမို (star)250CC (၁၅၀၀) ကျပ်နှင့် 500CC (၂၀၀၀) ကျပ် ၊ Rocket 500CC (၂၀၀၀)ကျပ်၊   ဆိုင်ဘာမတ် 500CC (၁၅၀၀) ကျပ်ခန့်ဈေးနှုန်းမြှင့်တက်လာကြောင်း ပြင်ပ ဈေးကွက်ရှိ နိုင်ငံခြားငွေလဲနှုန်းမြှင့်တက်လာခြင်း ဓာတ်မြေဩဇာနှင့်ပိုးသတ်ဆေး အရောင်းဆိုင်မှ သိရပါသည်။

DOCA(ကယား)

          ပြည်မြို့ရှိ ဈေးကွက်များတွင် ဇူလိုင်လ တတိယပတ်လလောက်မှ စ၍ နဂါးမောက်သီးများ လှိုင်လှိုင်ပေါ်နေပြီး အရောင်းအဝယ်လည်းဖြစ်လျက်ရှိကြောင်း သိရှိရပါသည်။ ပြည်မြို့အနီးအနားရှိ ကျေးရွာများမှ တပိုင်တနိုင်စိုက်ပျိုးထားသောကြောင့် နဂါးမောက်သီးများ အများအပြား ဝင်ရောက်လျက်ရှိပြီး ဈေးကောင်းလည်းရရှိကြောင်း သိရှိရပါသည်။  နဂါးမောက်သီး အလုံး အချော အသေးပေါ်မူတည်၍ ဈေးနှုန်းများကွာခြားကြောင်း သိရပါသည်။ နဂါးမောက်သီး အလုံးချော တစ်လုံးလျှင် ၇၀၀ကျပ် မှ ၅၀၀ကျပ်အထိရှိပြီး နဂါးမောက်သီးအလတ်ဆိုဒ် (၃)လုံးလျှင် ၁၀၀၀ကျပ် ခန့်သာရှိတော့သဖြင့် စားသုံးသူများအနေဖြင့်လည်း စိတ်ကြိုက်ဝယ်ယူနိုင်သဖြင့် ရောင်းအားတက်နေကြောင်း သိရှိရပါသည်။

DOCA(ပဲခူး)

          ပြည်ချင်းပွဲရုံများသို့ အောင်ပန်းချင်းတက် အခက်ကြီးများ အဝင်ပုံမှန်ရှိနေ သည်ဟု သိရှိရပါသည်။ အရောင်းအဝယ်အနေဖြင့် ဒေသတွင်းရောင်းဝယ်ရေးသမားများနှင့် လက်လီဈေး ရောင်းချသူများ အဝယ်ရှိနေပြီး ဈေးနှုန်းမှာ ယခင်အပတ်ဈေးအတိုင်း ဈေးငြိမ်ပြီး ရောင်းဝယ်လျှက်ရှိနေပါသည်။ ဇူလိုင်လနောက်ဆုံးပတ်တွင် ချင်းတစ်ပိဿာ (ပွဲရုံဈေး) ၉၀၀/၁၀၀၀ကျပ် အိတ်စွဲဈေး ဖြစ်ပြီး ချင်းသန့် လက်ကားဈေးတစ်ပိဿာလျှင် ၁၄၀၀ကျပ်ဈေးတို့ဖြင့် ရောင်းချနေသည်ကို တွေ့ရှိရပါသည်။ လက်လီဈေးများတွင် တစ်ပိဿာ(ချင်းသန့်) ၂၀၀၀ကျပ်ဈေးတို့ဖြင့် ရောင်းချလျှက်ရှိနေပါသည်။

          ပြည်ဈေးကွက်အတွင်း ကြက်သွန်နီဈေးမှာ ယခင်ဇွန်လဒုတိယပတ်တွင် လက်လီ/လက်ကား ၁ပိဿာလျှင် ကျပ် ၁၈၀၀-၂၀၀၀ရှိခဲ့ရာ ဇူလိုင်လနောက်ဆုံးပတ်တွင် ကျပ် ၂၀၀၀-၂၂၀၀ရှိ၍ တစ်ပိဿာလျှင် ကျပ် ၂၀၀နှုန်းခန့် မြင့်တက်သွားခဲ့ပါသည်။ ဝင်ရောက်မှုအနေနှင့် အောင်လံ၊ ဆိပ်ဖြူ၊ ရေနံချောင်းဘက်မှ ပိဿာ (၃၀)ဝင်အိတ် ၁၅၀ တစ်ပတ်လည်ခန့်ကို ရက်ခြားအဝင်ရှိနေ၍ အဝင်မှာ နည်းသွားပါသည်။ အရောင်းအဝယ်အနေဖြင့် ပုံမှန်သာအရောင်းအဝယ်ရှိနေပြီး ဈေးနှုန်းမှာ ပွဲရုံဈေး တစ်ပိဿာ (ကြီး/လတ်/သေး)ကျပ် ၂၀၀၀/၁၉၀၀-၁၈၀၀/၁၇၀၀နှင့် လက်လီဈေး အသေးများတွင် ကျပ် ၂၃၀၀-၂၂၀၀/၂၁၀၀-၂၂၀၀/၁၉၀၀ နှုန်းတို့ဖြင့် အသီးသီး ရောင်းဝယ်လျက်ရှိကြောင်း သိရှိရပါသည်။

DOCA(ပဲခူး)