ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ မုံရွာမြို့၊ မကျည်းပင်ဈေးအတွင်းတွင်  မင်းကွက်သီးများ ရောင်းချလျက်ရှိကြောင်း  သိရှိရပါသည်။

    ဈေးကွက်အတွင်း ရောင်းချနေသော မင်းကွက်သီးများကို မော်လမြိုင်ဒေသထွက် မင်းဂွတ် သီးများ ဈေးကွက်အတွင်း ဝင်ရောက်လျက်ရှိပါသည်။

    ယခုဇူလိုင်လအတွင်း ဖြစ်ပေါ်နေသော မင်းကွက်သီးဈေးနှုန်းမှာ မင်းကွက်သီးအသေး (၁)လုံး လျှင် (၅၀၀) ကျပ်၊ မင်းကွက်သီးအလတ်(၁)လုံးလျှင် (၈၀၀) ကျပ်နှင့် မင်းကွက်သီးအကြီး (၁)လုံးလျှင် (၁၀၀၀) ကျပ် အထိရောင်းချလျက်ကြောင်း မင်းကွက်သီးရောင်းချသူထံမှ သိရှိရပါသည်။

DOCA (စစ်ကိုင်း)

     စစ်ကိုင်းတိုင်းဒေသကြီး၊ မုံရွာမြို့၊ မကျည်းပင်ဈေးအတွင်းတွင်  ထောပတ်သီးများ ရောင်းချလျက်ရှိကြောင်း  သိရှိရပါသည်။

     ဈေးကွက်အတွင်းရောင်းချနေသော ထောပတ်သီးများကို ရှမ်းပြည်နယ်(တောင်ပိုင်း၊ မြောက်ပိုင်း )  တောင်ကြီး၊ ဟိုပုံ၊ ညောင်‌ရွှေ၊ ဆီဆိုင်၊ ကလော၊ ပင်းတယ၊ ရွာငံ၊ ရပ်စောက်၊ ပင်လောင်၊ လားရှိုး၊ ကွက်ခိုင်၊ ကျောက်မဲ၊ သီပေါ၊ နောင်ချို စသည့်ဒေသများမှ တင်သွင်းကြပါသည်။

     ယခုဇူလိုင်လအတွင်း ဖြစ်ပေါ်နေသော ထောပတ်သီးဈေးနှုန်းမှာ ထောပတ်သီးအသေး (၁)လုံး လျှင် (၅၀၀) ကျပ်၊ ထောပတ်သီးအလတ်(၁)လုံးလျှင် (၈၀၀) ကျပ်နှင့် ထောပတ်သီးအကြီး (၁)လုံးလျှင် (၁၀၀၀) ကျပ် အထိရောင်းချလျက်ကြောင်း ထောပတ်သီးရောင်းချသူထံမှ သိရှိရပါသည်။

DOCA (စစ်ကိုင်း)

‌    စစ်ကိုင်းတိုင်းဒေသကြီး၊ မုံရွာမြို့၊  မန်ကျည်းပင်ဈေးအတွင်းတွင်  ကြက်မောက်သီးများ ရောင်းချ လျက်ရှိကြောင်း  သိရှိရပါသည်။ ကြက်မောက်ပင်သည် အပူပိုင်းဒေသတွင် ကောင်းစွာဖြစ်ထွန်းပြီး စိုစွတ်သေရာသီဥတုကို ကြိုက်နှစ်သက်သည်။ အပင်မြင့်အမျိုးအစားမဟုတ်သော်လည်း အကိုင်း အခက်များဖြင့် ဘေးသို့ ဖြာထွက်ကာ အသီးထွက်နှုန်းအားကောင်းပြီး အခိုင်လိုက်အသီးသီး လေ့ ရှိသည်။

    ကြက်မောက်သီးတွင် သံဓာတ်ကြွယ်ဝခြင်း၊ ဘီတာမင် C ကြွယ်ဝစွာပါဝင်ခြင်း၊ အမျှင်နှင့်ရေဓာတ် ပြည့်ဝစွာပါဝင်ခြင်းတို့ကြောင့် အဆီကျစေခြင်း၊ နှလုံးကျန်းမာရေးအတွက် ကောင်းမွန်စေခြင်းနှင့် ကင်ဆာရောဂါများမှ ကာကွယ်ပေးခြင်းစသည့် ကျန်းမာရေးအကျိုး အာနိသင်များစွာ ရရှိခြင်းကြောင့် လူကြိုက်များသည့် ရာသီစာသီးနှံတစ်မျိုးဖြစ်ကြောင်းသိရှိရသည်။

     ယခုဇူလိုင်လအတွင်း ဖြစ်ပေါ်နေသော ကြက်မောက်သီးဈေးနှုန်းမှာ တစ်လုံးလျှင် (၃၀၀) ကျပ် အထိ ရောင်းချလျက်ကြောင်း ကြက်မောက်သီးရောင်းချသူထံမှ သိရှိရပါသည်။

DOCA(စစ်ကိုင်း)

    မိတ္ထီလာခရိုင်၊ ဝမ်းတွင်းမြို့နယ်ရှိ ဆန်စက်များမှာ ယခုအခါနွေးစပါးများ ထွက်ရှိချိန်ဖြစ်၍ စက် လည်မှုများကြောင်းသိရသည်။ စပါးစက်များအနေဖြင့် ကိုယ်ပိုင်စိုက်ပျိုး၍ ကြိတ်ခြင်း၊ စပါးဝယ်ယူ ကြိတ်ခြင်း၊ နဝလီကြိတ်ခြင်းများ ဆောင်ရွက်ရာ ဆန်စက်များအနေဖြင့် နဝလီကြိတ်မည်ဆိုပါက ဆန်တစ်အိတ်လျှင် (၁၂၀၀) ကျပ်နှုန်းဖြင့် ကြိတ်ခွဲကြောင်းသိရသည်။
      စပါးတင်း (၁၀၀) ကြိတ်လျှင်ဆန် (၁.၅) တင်းအိတ် (၂၇/၂၈) အိတ်ရရှိပြီးဂ ဆန်ကွဲ (၁.၅) တင်း (၁) အိတ်နှင့်ဖွဲနုမှာ (၉.၅) ပိဿာရှိ ဖွဲနု (၈) တင်းဝန်းကျင်ထွက်ရှိပါသည်။ ဝမ်းတွင်းမြို့နယ်၌ လတ် တလော ကြိတ်ခွဲနေသော ဆန်၊ ဆန်ကွဲ၊ ဖွဲနုဈေးများမှာ ရွှေသွယ်ရင် (၁.၅) တင်းဝင်တစ်အိတ်လျှင် (၅၀၀၀၀/၅၅၀၀၀) ကျပ်၊ ဆန်ကွဲတစ်အိတ်လျှင် (၄၀၀၀၀) ကျပ် ၊ ဖွဲနု (၁၈) ပိဿာဝင် (၁.၅) တင်း တစ်အိတ်လျှင် (၂၂၀၀၀)ကျပ် ဈေးရှိကြောင်းနှင့်နွေစပါးထွက်ချိန်ဖြစ်၍ စက်များကြိတ်ခွဲမှုများကြောင်း သိရသည်။

DOCA(မန္တလေး)

မြန်မာပြည်တွင် ထင်ရှားဆုံးဟင်းခတ်အမွှေးအကြိုင်မှာ နံနံပင်ဖြစ်ပြီး အစေ့ကိုလည်း ဟင်းခတ်မဆလာတွင်အသုံးပြုနိုင်ပါသည်။မြန်မာဟင်းများတွင်သာမက မုန့်ဟင်းခါး၊အုန်းနို့ ခေါက်ဆွဲ၊အသုပ်စုံတို့တွင်လည်း တွဲဖက်၍အသုံးပြုနိုင်ပါသည်။တို့စရာအဖြစ်လည်းစားသုံးကြ ပါသည်။နံနံပင်သည် ဆောင်းရာသီတွင် အထူးဖြစ်ထွန်းပြီး ကျန်ရာသီများတွင် ရှားပါးကာ စျေးကြီးပေးဝယ်ယူစားသုံးရပါသည်။နံနံပင်ကိုစိုက်ပျိုးရန်အတွက် ရေမဝပ်သော နုန်းမြေ သည်အကောင်းဆုံးဖြစ်ပါသည်။ရွှံစေးဆန်သောမြေနှင့်သဲမြေများ၌ နွားချေး၊မြေဆွေး၊ဖွဲပြာတို့ ကိုထည့်၍သင့်တော်သည့်မြေအနေအထားရအောင်ပြုပြင်၍ စိုက်ပျိုးရပါသည်။နံနံပင်စိုက်ပျိုး ရန်အတွက်ဘောင်များပြုလုပ်၍ စိုက်ပျိုးပါက အထူးကောင်းမွန်ပြီး ဘောင်များကို(၄-၅) လက်မ အမြင့်ပြုလုပ်ပြီး(၂-၃)ပေအကျယ်ဖြင့် အရှည်ကိုအလိုရှိသလောက်ထားကာ အသုံးပြု နိုင်ပါသည်။နံနံစေ့မစိုက်ခင် မြန်မြန်အပင်ပေါက်စေရန် ရေတွင်(၂၄)နာရီကြာစိမ်ရပြီး အစေ့ ကိုရေမစိမ်မီ ဂုန်နီအိတ်ပေါ်တင်၍ ပုလင်းဖြင့်နှစ်ခြမ်းကွဲသွားစေရန် အသာအယာလှိမ့်ပေးရပါ သည်။ထို့နောက် ရေတွင်(၂၄)နာရီစိမ်ရာ၌ ရေ(၂)ကြိမ်လဲပေးရပြီး ဘောင်ပေါ်တွင် (၀.၅) လက်မအနက်မြောင်းများကို (၄)လက်မခြားဆွဲပြီး မျိုးစေ့များကိုချရပါသည် ။ ထို့နောက် နွားချေးမှုန့်၊မြေဆွေးမှုန့်ဖြင့် ပါးပါးဖုံးပြီး ကောက်ရိုး၊မြောက်ခြောက်တို့ဖြင့်အုပ်ပေးရပါသည်။ ထိုသို့ပြုလုပ်ပေးခြင်းဖြင့် မြေတွင်အစိုဓါတ်ထိန်းပေးပြီး အပင်ပေါက်ရောက်မှုအားကောင်းစေ ပြီးအပင်များသန့်ရှင်းပြီး သန်မာသောနံနံပင်များရရှိစေနိုင်ပါသည်။နံနံပင်များပေါက်လာပြီး နောက်ရေကို တစ်နေ့(၂)ကြိမ်လောင်းပေးရပြီး အပင်များအနည်းငယ်ကြီးထွားလာပါက ရေကိုလျော့‌လောင်းရပါသည်။ရေများများလောင်းပါက နံနံပင်များ ခါးရိရောဂါကျရောက်စေ နိုင်ပါသည်။နံနံပင်များပေါက်ပြီး(၄၅)ရက်သားမှစတင်၍နှုတ်ယူစားသုံးရောင်းချနိုင်ပါကြောင်း၊ ယခုအခါ နံနံပင်များစိုက်ပျိုးသောတောင်သူများအနေဖြင့် စျေးကောင်းရလျှက်ရှိပါသော ကြောင့်နံနံပင်များစိုက်ပျိုးပြီး အပိုဝင်ငွေရရှိစေရန် စိုက်ပျိုးသင့်ပါကြောင်း ‌ရေးသားတင်ပြ အပ်ပါသည်။

DOCA(မန္တလေး)