ပြည်တွင်းကုန်သွယ်မှုသတင်း

    ထားဝယ်မြို့နယ်တွင် ကုန်ဈေးနှုန်းများ အနည်းငယ်မြင့်တက်လျက်ရှိရာမှ အသားငါး ဈေးနှုန်း များ ထဲမှ ငါးဈေးနှုန်းသည်လည်း မြင့်တက်လျက်ရှိပါသည်။

       ထားဝယ်မြို့အတွင်း ကျေးရွာများမှ ထွက်ရှိသည့် ဒေသထွက်ရေချိုငါးများသည် ဈေးကောင်းရရှိပြီး အရောင်းအဝယ် ဖြစ်လျက်ရှိကြောင်း သိရသည်။ ၂၀၂၅ ခုနှစ်၊ ဇူလိုင်လ တတိယပတ်တွင် ငါးစင်ရိုင်းဈေးနှုန်းများအနေဖြင့် ငါး(အကြီး) ရှယ်ဆိုက်ဝင် ဆယ်ကောင်ကို ၅၀၀၀ ကျပ်၊ ငါး(အလတ်) နှင့် (အသေး) တစ်ဗူးလျှင် ၃၀၀၀ ကျပ် နှင့် ၄၀၀၀ ကျပ်၊ ဈေးနှုန်းအသီးသီးတို့ဖြင့် အရောင်း အဝယ် ဖြစ်လျက်ရှိကြောင်း သိရသည်။

DOCA(တနင်္သာရီ

    တနင်္သာရီတိုင်းဒေသကြီး၊ ထားဝယ်မြို့ရှိ သစ်သီးဆိုင်များတွင် ပန်းသီးအများအပြား ရောင်းချလျက်ရှိကြောင်း၊ ပန်းသီးများကို သစ်သီးပွဲရုံများမှ မှာယူရောင်းချလျက်ရှိကြောင်း၊ ပန်းသီး သည် ကျန်းမာရေးအတွက် အထောက်အကူများစွာပေးသည့်အတွက် လူကြိုက်များသည့် အသီး တစ်မျိုး ဖြစ်ကြောင်း သိရသည်။

   ၂၀၂၅ ခုနှစ် ၊ ဇူလိုင်လ တတိယပတ်အတွင်း ထားဝယ်မြို့ရှိ သစ်သီးဆိုင်များတွင် ပန်းသီးအလုံး ကြီး(၁)လုံးလျှင် (၂၅၀၀)ကျပ်၊ ပန်းသီးအလုံးသေး(၄)လုံးလျှင် (၅၀၀၀)ကျပ်ဖြင့် ရောင်းချလျက် ရှိကြောင်း၊ လူကြီးလူငယ်မရွေး ကြိုက်နှစ်သက်သည့်အတွက် အရောင်းအဝယ်ဖြစ် လျက်ရှိကြောင်း သစ်သီးဆိုင်များမှ သိရှိရပါသည်။

DOCA(တနင်္သာရီ)

    တနင်္သာရီတိုင်းဒေသကြီး၊ထားဝယ်မြို့ရှိ သစ်သီးရောင်းဝယ်ရေးဆိုင်များတွင် ရာသီပေါ်အသီး တစ်မျိုးဖြစ်သည့် နာနတ်သီးများ စတင်ရောင်းချနေကြောင်း သိရသည်။ နာနတ်သီးသည် ချိုချဉ် အရသာရှိပြီး ကြိုက်နှစ်သက်သူများသည့်အတွက် ဈေးကွက်အတွင်း အရောင်း အဝယ်သွက် လျက်ရှိ ကြောင်း သိရသည်။

     ယခုအခါ နာနတ်သီးများကို ထားဝယ်မြို့အတွင်းရှိ ကျေးရွာများမှ မှာယူ၍ ရောင်းချလျက် ရှိကြောင်း၊ နာနတ်သီးအရွယ်အစားပေါ်မူတည်၍ အလုံးကြီးတစ်လုံးလျှင် ၂၀၀၀ကျပ်မှနှင့် အသေး တစ်လုံးလျှင် ၁၀၀၀ ကျပ်ဖြင့် ရောင်းချပေးလျက်ရှိကြောင်း သစ်သီးရောင်းချသူများထံမှ သိရသည်။

DOCA(တနင်္သာရီ)

      တနင်္သာရီတိုင်းဒေသကြီး၊ ထားဝယ်မြို့သည် စိုက်ပျိုးရေးလုပ်ငန်းများဖြစ်သည့်  ရာသီစာသီးနှံ များနှင့် စားဖိုဆောင်သီးနှံများကိုလည်း စိုက်ပျိုးကြသည်။

      ယခုအခါ ထားဝယ်မြို့ပေါ် ကျေးရွာနှင့် အခြားသောကျေးရွာများတွင် ခရမ်းကြွပ်သီးများကို စိုက်ပျိုးကြကြောင်း၊ ခရမ်းကြွပ်သီးများကို ကမ်းနာဈေးနှင့်ရပ်ကွက်ဈေးငယ်များတွင် ရောင်းချ ကြောင်း၊ ၂၀၂၅ ခုနှစ်၊ ဇူလိုင်လ တတိယပတ်အတွင်း ခရမ်းကြွပ်သီး (၁)ဗူးလျှင်  (၁၀၀၀)ကျပ် ရရှိကြောင်း၊ ခရမ်းကြွပ်သီးကို ငပိရည်နဲ့ တွဲဖက်၍အတို့ အမြှုပ်အဖြစ် စားသုံးကြကြောင်း၊ ထမင်းဆိုင်များမှ နေ့စဉ် ဝယ်ယူကြသဖြင့် အရောင်းအဝယ်သွက်လျက်ရှိကြောင်း ဈေးရှိကုန်စိမ်းရောင်းချသူ တစ်ဦးထံမှ သိရှိရပါသည်။

DOCA(တနင်္သာရီ)

    တနင်္သာရီတိုင်းဒေသကြီး၊ ထားဝယ်မြို့၌ ဥစားကြက်မွေးမြူရေးလုပ်ငန်း လုပ်ကိုင် မှုနည်းပါးခြင်းကြောင့် ဒေသတွင်း စားသုံးမှုမလုံလောက်၍ မန္တလေးမြို့နှင့် ရန်ကုန်မြို့တို့မှဝယ်ယူ၍ အရောင်းအဝယ်ဖြစ်လျက်ရှိသည်။ ဈေးနှုန်းများအနေဖြင့်၂၀၂၅ ခုနှစ်၊ ဇူလိုင်လ(တတိယပတ်)တွင် ကြက်ဥအကြီးအသေးမူတည်၍ ကြက်ဥ(၁၀)လုံးလျှင် ကျပ်(၄၆၀၀၊ ၄၈၀၀၊ ၅၀၀၀)ဈေးရှိပြီး တစ်လုံးလျှင် ကျပ်(၅၀၀)ဖြင့်အရောင်းအဝယ်ဖြစ်လျက်ရှိပါသည်။  

    အာဟာရပြည့်ဝသော အစားအစာတစ်မျိုးဖြစ်ပြီး စားသုံးပြည်သူများအနေဖြင့် လူတန်းစားမရွေး ဝယ်ယူစားသုံးနိုင်ပြီး အလွယ်တကူစားသုံးရသော အစားအစာတစ်မျိုးဖြစ်သည့် အပြင် စားသောက် ဆိုင်လုပ်ငန်းရှင်များမှလည်း ဝယ်ယူမှုများခြင်းကြောင့် အရောင်းအဝယ်သွက်ကြောင်း ကြက်ဥရောင်း ဝယ်ရေး လုပ်ငန်းရှင်ထံမှ သိရှိရပါသည်။

DOCA(တနင်္သာရီ)