ပြည်တွင်းကုန်သွယ်မှုသတင်း

          ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့မဈေးရှိ စက်တင်ဘာလ၊ နောက်ဆုံးအပတ်တွင် ရောင်းချနေသော သစ်သီးဈေးနှုန်းများမှာ ပန်းသစ်တော်သီး ၁လုံးလျှင်  (၃၅၀၀-၅၀၀၀-၇၀၀၀)ကျပ်၊ သင်္ဘောသီးမှည့် ၁လုံးလျှင် (၁၅၀၀-၂၀၀၀)ကျပ်၊ နာနတ်သီး (၁)လုံးလျှင် (၃၅၀၀)ကျပ်၊ နဂါးမောက်သီး (၁)လုံးလျှင် (၇၀၀-၁၀၀၀-၂၀၀၀ )ကျပ်၊ ဖရဲသီး ၁လုံးလျှင် (၃၀၀၀)ကျပ်၊ လိမ္မော်သီး ၁လုံးလျှင် (၂၀၀၀)ကျပ်၊ ဩဇာသီး  ၁လုံးလျှင် (၁၀၀၀)ကျပ်၊ ပန်းသီး ၁လုံးလျှင် (၁၃၀၀) ကျပ်မှ (၁၇၀၀)ကျပ်၊ မာလကာသီး ၁လုံးလျှင် (၅၀၀)ကျပ်၊ စပျစ်သီး ၁၀ကျပ်သားလျှင် (၃၀၀၀-၄၀၀၀)ကျပ်ဈေးများဖြင့်ရောင်းချလျက်ရှိကြောင်း လက်ပံတန်းမြို့မဈေးအတွင်းရှိ သစ်သီးရောင်းချသူများထံမှသိရှိရပါသည်။

DOCA(ပဲခူး)

      တောင်ငူမြို့ ညောင်ပင်ဈေးရှိ အသားငါးဆိုင်များ၌ အိမ်မွေးကြက်သားမှာ စက်တင်ဘာလ နောက်ဆုံးပတ်တွင် တစ်ပိဿာလျှင် အကောင်လိုက်ဈေး ၂၀၀၀၀ကျပ်၊ အခြမ်းလိုက်ဈေး ၂၅၀၀၀ကျပ်ဖြင့် ဈေးနှုန်းတည်ငြိမ်လျက်ရှိနေပါသည်။

   စီပီကြက်မှာ ယခုစက်တင်ဘာလပထမအပတ်တွင် တစ်ပိဿာလျှင် ၁၂၀၀၀ ကျပ်မှ ၁၅၀၀၀ ကျပ်အထိရှိရာမှ ယခုစက်တင်ဘာလနောက်ဆုံးအပတ်တွင် တစ်ပိဿာလျှင် ၁၅၀၀၀ကျပ်မှ ၁၈၀၀၀ကျပ်အထိရှိ၍ တစ်ပိဿာလျှင် ၃၀၀၀ ကျပ်အထိ ဈေးမြင့်တက်နေပါသည်။

      ဝက်သား(သုံးထပ်သား)မှာ တစ်ပိဿာလျှင် ၂၀၀၀၀ ကျပ်၊ ဝက်သား(ပေါင်သား)မှာ တစ်ပိဿာ လျှင် ၂၂၀၀၀ ကျပ်ဖြင့် ဈေးနှုန်းတည်ငြိမ်နေကြောင်း ညောင်ပင်ဈေးရှိ သား/ ငါးဆိုင်များမှ သိရှိရပါသည်။

DOCA(ပဲခူး)

    ဧရာဝတီတိုင်းဒေသကြီး၊ ပုသိမ်မြို့တွင် စက်တင်ဘာလပထမပတ်နှင့် တတိယပတ် အတွင်း အခြေခံစားသောက်ကုန်တစ်ချို့ ဈေးနှုန်း အတက်/အကျဖြစ်ပေါ်နေပြီး ပထမပတ်တွင် ကြက်သွန်ဖြူ(ကြူကုတ်) တစ်ပိဿာ လက်ကားဈေး ၁၈၀၀၀ ကျပ်၊ လက်လီဈေး ၂၀၀၀၀ ကျပ်ဈေးမှ ယခုတတိယပတ် လက်ကားဈေး ၁၆၅၀၀ ကျပ်နှင့် လက်လီဈေး ၁၈၀၀၀ ကျပ် ဖြစ်သွား၍ တစ်ပိဿာ ၁၅၀၀/၂၀၀၀ ကျပ်ဝန်းကျင်ခန့် ဈေးနှုန်းကျဆင်းနေပြီး၊ အာလူးအလတ်တစ်ပိဿာ လက်ကားဈေး ၄၃၀၀ ကျပ်၊ လက်လီဈေး ၄၈၀၀ ကျပ်မှ ယခုတတိယပတ် လက်ကားဈေး ၇၈၀၀ ကျပ်၊  လက်လီဈေး ၈၀၀၀ကျပ်ဖြစ်သွား၍ တစ်ပိဿာလျှင် ၃၅၀၀/၃၂၀၀ ကျပ်ဝန်းကျင်ခန့် မြင့်တက်လျက်ရှိနေကြောင်း ဈေးကွက်မှ သိရှိရပါသည်။ ပထမပတ်တွင် ဧည့်မထဆန်တစ်ပြည် ၃၀၀၀ ကျပ်ခန့်ရှိပြီး ယခုပတ်တွင် ဆန်တစ်ပြည် ၃၁၀၀ ကျပ်ခန့်ရှိလျက် ၁၀၀ ကျပ်ခန့် ဈေးနှုန်း အနည်းငယ်မြင့်တက်လာကြောင်း သိရပါသည်။  ယခင်က ငရုတ်ခြောက်ရှည် တစ်ပိဿာ   ၅၅၀၀/ ၆၀၀၀ ကျပ်ခန့်ရှိပြီး ယခုတွင် တစ်ပိဿာ ၆၅၀၀/၇၀၀၀ ကျပ်ခန့်ရှိပြီး ဈေးနှုန်းမြင့်တက်လျက်ရှိကြောင်း ဈေးကွက်မှ သိရပါသည်။

    ခရမ်းချဉ်သီး တစ်ပိဿာ ၃၀၀၀/၃၅၀၀ ကျပ်၊ ပဲဆီသန့် တစ်ပိဿာ ၁၉၀၀၀/၂၀၀၀၀ ကျပ်၊ မြေပဲဆန် တစ်ပိဿာ ၈၅၀၀/၉၀၀၀ ကျပ်၊ ကုလားပဲခြမ်း တစ်ပိဿာ ၆၈၀၀/၇၀၀၀ ကျပ်၊ မန်ကျည်းသီး(အစေ့မပါ) တစ်ပိဿာ ၆၅၀၀/၇၀၀၀ ကျပ်၊ ဂျင်း တစ်ပိဿာ ၁၁၀၀၀/၁၂၀၀၀ ကျပ် ဈေးနှုန်းဖြင့် ယခင်ပထမပတ်အတိုင်း ဈေးနှုန်းတည်ငြိမ်လျက်ရှိကြောင်း ဈေးကွက်မှ သိရပါသည်။ 

DOCA(ဧရာဝတီ)

   ပုသိမ်မြို့တွင်ပဲ‌‌တောင့်ရှည်တွင် အပင်ပုမျိုး(နွယ်မဲ့)မျိုးနှင့် အပင်ရှည်မျိုး (နွယ်တတ်မျိုး)ဟူ၍ နှစ်မျိုးရှိပါသည်။  အပင်ရှည်မျိုးကို တိုင်ထောင်၍ စိုက်ပျိုးကြရသည်။ ရာသီဥတုသင့်တင့်သောဒေသတွင် တစ်နှစ်ပတ်လုံး စိုက်ပျိုးနိုင်ပါ သည်။ ပဲတောင့်ရှည်ပင်စိုက်ပျိုးရာတွင် ရေမဝပ်စေရန် မြေကိုပြုပြင်ပေးရသည်။ မျိုးစေ့စိုက်ပျိုးရာတွင် အစိုဓာတ်များလွန်းလျှင် အစေ့များပုပ်သွားတတ်သည်။ ပဲစေ့စိုက်ပြီး(၇)ရက်အကြာတွင် အပင်စတင် ထွက်ပေါ်လာပြီး တစ်ပင်နှင့်တစ်ပင် တစ်ပေခြား၍ စိုက်ပျိုးရပါသည်။ အပင်ပေါက်ပြီး (၂၀)ရက်အကြာတွင် မြေသြဇာထည့်ပေးရပါသည်။

   ထိုအပင်ကို အပွင့်ပွင့်ချိန်တွင် ပိုးမကျစေရန် ဂရုစိုက်ရသည်။ ပဲတောင့်ရှည်သီးတွင် သီးလုံးဖောက်ပိုးများ ကျရောက်တတ်သည့်အတွက် ပိုးသတ်ဆေးများ ပက်ဖြန်းကာကွယ်ရပါသည်။ ပဲတောင့်ရှည်ကို တစ်ရက်ခြား တစ်ခါခူးပေးရပါသည်။ ပဲထောင့်ရှည်အစည်း (၁၀၀၀)ကျပ်ရရှိကြောင်းသီးနှံစိုက်ပျိုးသည့်တောင်သူများထံမှ သိရှိရပါသည်။ ပဲတောင့်ရှည်ပင်သည်  မိသားစုအတွက် အပိုဝင်ငွေရရှိကြောင်း သိရပါသည်။

DOCA(ဧရာဝတီ)

       မကွေးတိုင်းဒေသကြီး၊ ပခုက္ကူခရိုင်အတွင်းရှိ ပေါက်မြို့နယ်နှင့် ဂန့်ဂေါခရိုင်အတွင်းရှိ ဆော၊ ကျောက်ထု၊ လောင်းရှည်မြို့နယ်များတွင် ကြက်သွန်ဖြူသီးနှံကို နှစ်စဉ်စိုက်ပျိုးထုတ်လုပ်လျက်ရှိသည်။ ကြက်သွန်ဖြူသီးနှံကို အောက်တိုဘာလကုန် နိုဝင်ဘာလတွင် အများဆုံးစိုက်ပျိုးကြပြီး မတ်လတွင် စတင်တူးဖော်ကြောင်း၊ ကြက်သွန်ဖြူစိုက်ဧက(၂၀၀)ကျော်ခန့်ရှိကြောင်း စိုက်ပျိုးရေးဦးစီးဌာနမှသိရှိရပါသည်။

      ပခုက္ကူဈေးကွက်သို့ ဒေသတွင်းဗမာကြက်သွန်ဖြူများအပြင် ရှမ်းပြည်နယ်ထွက် ကြူကုတ် ကြက်သွန်ဖြူ(ဥကြီး)မျိုးများလည်း ဝင်ရောက်အရောင်းအဝယ်ဖြစ်လျက်ရှိသည်။ ၂၀၂၄ခုနှစ်၊ စက်တင်ဘာလ(စတုတ္ထပတ်)တွင် ကြက်သွန်ဖြူဈေးအနည်းငယ်မြင့်တက်၍ အရောင်းအဝယ်ဖြစ်နေကြောင်း၊ ဗမာကြက်သွန်ဖြူ တစ်ပိဿာလျှင် အလုံး(ကြီး)ကျပ်(၁၀၀၀၀)၊ အလုံး(လတ်) ကျပ်(၉၀၀၀)၊ အလုံး(သေး) ကျပ်(၈၀၀၀)၊ ရှမ်းပြည် ကြူကုတ်တစ်ပိဿာလျှင် (၁၈၀၀၀-၁၅၀၀၀) ဈေးဖြင့် အရောင်းအဝယ်ဖြစ်လျက်ရှိပြီး ယခင်စက်တင်ဘာလ(တတိယပတ်)ဈေးနှုန်းနှင့်နှိုင်းယှဉ်ပါက ကျပ်(၁၀၀၀)ခန့်ဈေးတက်၍ အရောင်းအဝယ်ဖြစ်လျက်ရှိကြောင်း၊ ရှမ်းပြည်နယ်ထွက် ကြူကုတ်ကြက်သွန်ဖြူများ ပခုက္ကူဈေးကွက်သို့ နေ့စဉ်ကုန်ချိန်ပိဿာ (၅၀၀၀ မှ ၁၀၀၀၀ ထိ) ဝင်ရောက်လျက်ရှိကြောင်း ကုန်သည်များထံမှသိရှိရပါသည်။

DOCA(မကွေး)