ပြည်တွင်းကုန်သွယ်မှုသတင်း

         ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့မဈေးအတွင်း ရောင်းချလျက်ရှိသော ကြက်သွန်နီဈေးနှုန်းများမှာ  အောက်တိုဘာလဒုတိယပတ်မှ အောက်တိုဘာလနောက်ဆုံးပတ်အထိ ကြက်သွန်နီ(အကြီး) လက်လီဈေးနှုန်း တစ်ပိဿာလျှင် (၂၅၀၀/ ၂၈၀၀) ကျပ်ဈေးနှုန်းဖြင့် အရောင်းအဝယ်ရှိနေခဲ့သော်လည်း နိုဝင်ဘာလဆန်းမှစတင်ပြီး ကြက်သွန်နီ ဈေးနှုန်းများ တစ်ဖြည်းဖြည်းမြင့်တက်လာပြီး ယခုနိုဝင်ဘာလနောက်ဆုံးပတ်တွင် ကြက်သွန်နီတစ်ပိဿာလျင်ကြက်သွန်နီ (ကြီး)၅၀၀၀/ကျပ်၊ ကြက်သွန်နီ(လတ်)၄၀၀၀/ကျပ်၊ ကြက်သွန်နီ(သေး) ၃၅၀၀/ ကျပ် ဈေးနှုန်းဖြင့် ကြက်သွန်နီဈေးများမြင့်တက်သွားကြောင်းသိရှိရပါသည်။

             အာလူးဈေးကွက်ရောင်းချမှုအနေဖြင့် အာလူးတစ်ပိဿာလျင် အောက်တိုဘာလဒုတိယပတ်တွင် အာလူးတစ်ပိဿာလျှင် ၇၀၀၀/ ၈၀၀၀) ကျပ်ပေါက်ဈေးဖြင့် အရောင်းအဝယ်ရှိနေခဲ့ပြီး အောက်တိုဘာလလနောက်ဆုံးပတ်တွင် လည်းအာလူးဈေးနှုန်းများဆက်လက်မြင့်တက်လာခဲ့ရာ ယခုနိုဝင်ဘာလနောက်ဆုံးပတ်တွင်(၈၀၀၀/ ၁၀၀၀၀) ဈေးနှုန်းဖြင့် အရောင်း အဝယ်ဖြစ်နေပါသဖြင့် အာလူးဈေးနှုန်း/ ဈေးကွက်အခြေအနေမှာ ဈေးနှုန်းမြင့်တက်သွားကြောင်း သိရှိရပါသည်။

DOCA(ပဲခူး)

            ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့ စည်ပင်သာယာဈေးတွင်းရှိသော ချင်းဈေးနှုန်းများမှာ အောက်တိုဘာလနောက်ဆုံးပတ်တွင် ချင်း (၁၀)ကျပ်သားလျှင် ၁၀၀၀ ကျပ်ရှိခဲ့ပြီး နိုဝင်ဘာလနောက်ဆုံးပတ်တွင်လည်း ၁၀၀၀ ကျပ်ရှိနေပါသည်။  ချင်းဈေးနှုန်းများအတက်အကျမရှိ ယခင်လဈေးနှုန်းအတိုင်းဈေးငြိမ်နေကြောင်းသိရသည်။

             ကြက်သွန်ဖြူဈေးနှုန်းများအနေဖြင့် အောက်တိုဘာလနောက်ဆုံးပတ်တွင် ကြက်သွန်ဖြူ (ကြူကုတ်) ၁၀ ကျပ်သားလျှင် ၂၈၀၀ ကျပ်၊ယခု  နိုဝင်ဘာလနောက်ဆုံးပတ်တွင် လည်း ဈေးနှုန်းအပြောင်းအလဲမရှိပဲ ဈေးငြိမ်နေကြောင်းသိရသည်။

             ကြက်သွန်ဖြူ(ရှမ်းစ) ဈေးနှုန်းအနေဖြင့်  အောက်တိုဘာလနောက်ဆုံးပတ်တွင် (၁၀) ကျပ်သားလျှင် ၁၅၀၀/ ၂၀၀၀ ကျပ်ပေါက်ဈေးရှိနေပြီး ယခုနိုဝင်ဘာလနောက်ဆုံးပတ်တွင် ကြက်သွန်ဖြူ(ရှမ်းစ) ၁၀ကျပ်သားလျှင် ၁၅၀၀/၂၀၀၀ ကျပ်ဈေးတို့ဖြင့် အရောင်းအဝယ်ဖြစ်နေပါသည်။ ကြက်သွန်ဖြူဥ တစ်လုံးဈေးကွက်လည်းရှိနေပြီး တစ်ဆယ်ကျပ်သားလျှင် ၃၀၀၀ ကျပ်ဈေးနှုန်းဖြင့် အရောင်းအဝယ်ဖြစ်နေကြကြောင်း သိရှိရပါသည်။

DOCA(ပဲခူး)

               တောင်ငူမြို့နယ် ကျွန်းကုန်းကျေးရွာရှိ ကောင်းအကြော်စုံလုပ်ငန်းသည် ပဲဖူးကြော်၊ စားတော်ပဲကြော်၊ ကြက်သွန်ကြော်၊ ငရုတ်သီးကြော်များကိုထုတ်လုပ်သည့် တပိုင်တနိုင်ကုန်ထုတ်လုပ်ငန်းဖြစ်ကြောင်းသိရသည်။

               ပဲများကို မန္တလေးမြို့မှ တစ်ပိဿာလျှင် ၁၀၀၀၀ ကျပ်ဖြင့် မှာယူရပါသည်။ ရရှိလာသောပဲကြော်များကို ၅ ကျပ်သားအထုပ်များထုပ်၍ တစ်ထုပ်လျှင် ၇၀၀ ကျပ်ဖြင့် ဈေးကွက်အတွင်း ဖြန့် ဖြူးရောင်းချပါသည်။ ပဲကြော်ရာတွင် ဆီ၊ ဆားအပြင် ဂျုံမှုန့်အနည်းငယ်ကိုလည်း ထည့်သုံးရကြောင်းသိရသည်။

              ငရုတ်သီးကြော်နှင့် ကြက်သွန်ကြော်တို့အတွက် လိုအပ်သည့်ငရုတ်သီးခြောက်နှင့် ကြက်သွန်နီများကို တောင်ငူမြို့ရှိ ပွဲရုံများတွင် ဝယ်ရသည်။ ကြက်သွန်ကြော်ကို ၂၅ ကျပ်သား အထုပ်များထုပ်၍ တစ်ထုပ်လျှင် ၁၈၀၀၀ ကျပ်ဖြင့် ဈေးကွက်အတွင်းရောင်းချပါသည်။ ငရုတ်သီးကြော်ကိုမူ လိုသလောက်ချိန်တွယ်၍ ရောင်းချပေးကြောင်းသိရသည်။

              ကောင်းအကြော်စုံလုပ်ငန်းသည် မိသားစုအပြင် နေ့စား(၃)ဦးငှားရမ်းပြီး ထုတ်လုပ်လျက်ရှိကြောင်း၊ ထုတ်လုပ်သည့်အကြော်စုံများကို တောင်ငူ၊ ရေတာရှည်နှင့် အုတ်တွင်းမြို့နယ်ရှိ ကုန်စုံဆိုင်ကြီးများသို့ ပို့ဆောင်ပေးကြောင်း လုပ်ငန်းရှင် ဦးနေအောင်စိုး၏ ပြောပြချက်အရ သိရှိရပါသည်။

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးလျက်ရှိပြီး ရာသီပေါ်သီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။

    ယခုအခါ ကန့်ဘလူမြို့နယ်အတွင်းရှိ နတ်ပေးကျေးရွာ၊ တောက္ကရှပ်ကျေးရွာနှင့် မြို့ပေါ်ရပ်ကွက်များတွင် မုန်လာဥဖြူများစိုက်ပျိုးကြကြောင်း၊ ထွက်ရှိသည့်မုန်လာဥဖြူများကို ကန့်ဘလူမြို့မဈေးတွင်ရောင်းချကြောင်း ၊ ဒီဇင်ဘာလပထမပတ်အတွင်း မုန်လာဥဖြူ(အကြီး) (၄)ဥပါတစ်တွဲလျှင် ၇၀၀ ကျပ်၊ မုန်လာဥဖြူ(အသေး) (၄)ဥပါတစ်တွဲလျှင် ၄၀၀ ကျပ်ဖြင့်ရောင်းချကြောင်း၊ ရာသီစာ ဖြစ်သည့်အတွက် မုန်လာဥဖြူများရောင်းအားကောင်းလျက်ရှိကြောင်း မြို့မဈေးရှိကုန်စိမ်းရောင်းချသူတစ်ဦးထံမှ သိရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့မဈေးတွင် ရောင်းချလျက်ရှိသည့် ကြက်ဥ၊ ဘဲဥများမှာ ဒေသတွင်းကြက်ခြံ၊ ဘဲခြံများမှ ဝယ်ယူရောင်းချလျက်ရှိပြီး၊ လိုအပ်ချက်အရ မန္တလေးမှလည်း ဝယ်ယူရောင်းချကြောင်း သိရသည်။ ၂၀၂၄ ခုနှစ်၊ ဒီဇင်ဘာလ ပထမပတ်အတွင်း ဖြစ်ပေါ်နေသော ကြက်ဥ၊ ဘဲဥ၊ ငုံးဥဈေးနှုန်းများမှာ ကြက်ဥကြီးတစ်လုံးလျှင် (၅၀၀)ကျပ်၊ ဥလတ် တစ်လုံးလျှင်(၄၇၀)ကျပ် ၊ ဥသေးတစ်လုံးလျှင်(၄၅၀)ကျပ်နှင့် ဘဲဥကြီးတစ်လုံးလျှင်(၇၀၀)ကျပ်၊ ဥသေးတစ်လုံးလျှင် (၆၅၀)ကျပ်၊ ငုံးဥ(၈)လုံးလျှင် (၁၀၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခင်လကာလတူဖြစ်ပေါ်ခဲ့သော ဈေးနှုန်းများထက် အနည်းငယ်မြင့်တက်လာကြောင်း ကြက်ဥ၊ ဘဲဥ၊ ငုံးဥများကို စားသောက်ဆိုင်များ၊ မုန့်လုပ်ငန်းများတွင် အများဆုံးအသုံးပြုကြပြီး အိမ်ရှင်မများမှမိသားစုထမင်းဝိုင်းအတွက် ဟင်းလျာအဖြစ် ချက်ပြုတ်ရာတွင်လည်း အသုံးပြုကြကြောင်း ကန့်ဘလူမြို့မဈေးအတွင်းရှိ ဈေးသည်များထံမှ သိရှိရသည်။

DOCA(စစ်ကိုင်း)