ပြည်တွင်းကုန်သွယ်မှုသတင်း

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများ ဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးလျက်ရှိပြီး ရာသီပေါ်သီးနှံများနှင့် စားဖိုဆောင်သီးနှံများကိုလည်း စိုက်ပျိုးကြကြောင်း သိရသည်။

       ယခုအခါ ကန့်ဘလူမြို့နယ်အတွင်းရှိ နတ်ပေးကျေးရွာ၊ တောက္ကရှပ်ကျေးရွာနှင့် မြို့ပေါ်ရပ် ကွက်များတွင် မုန်လာဥဖြူများကို တစ်နိုင်တစ်ပိုင် စိုက်ပျိုးကြကြောင်း၊ ထွက်ရှိသည့်မုန်လာဥဖြူ များကို ကန့်ဘလူမြို့မဈေးတွင်ရောင်းချကြောင်း ၊ ဩဂုတ်လ တတိယပတ်အတွင်း မုန်လာဥဖြူ အကြီး(၃)ဥပါတစ်တွဲလျှင် (၇၀၀)ကျပ်၊ မုန်လာဥဖြူ(အသေး)(၃)ဥပါတစ်တွဲလျှင် (၅၀၀)ကျပ်တို့ ဖြင့်ရောင်းချကြောင်း၊ ရာသီပေါ်သီးနှံဖြစ်သည့်အတွက် မုန်လာဥဖြူများ ရောင်းအားကောင်းလျက် ရှိကြောင်း မြို့မဈေးရှိကုန်စိမ်းရောင်းချသူ တစ်ဦးထံမှ သိရှိရပါသည်။

DOCA (စစ်ကိုင်း)      

          ၂၀၂၅ ခုနှစ်၊ ဩဂုတ်လ (၁၈ ) ရက်နေ့တွင် ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက် ရာဒေသများဖြစ်သည့် ဆိပ်ဖြူ၊ မြင်းခြံနှင့် မုံရွာ၊ ပခုက္ကူ၊ ရွှေဘိုဒေသတို့မှ ကြက်သွန်နီ (၄၅၀၀၀၀) ပိဿာဝင် ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှု ရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၁၈၀၀၀၀) ကျန်ရှိကြောင်း ကုန်စည်ဒိုင်သတင်းအရ သိရှိရသည်။ ဆိပ်ဖြူ ကြက်သွန်နီ(အသစ်) အချော တစ်ပိဿာ ကျပ် ၈၅၀၊ အသန့်မှာတစ်ပိဿာ ကျပ် ၁၃၀၀၊ အကြီးမှာ ကျပ် ၁၆၀၀၊ ရှယ်မှာ ကျပ် ၁၇၅၀၊ မြင်းခြံ ကြက်သွန်နီ (အသစ်) အချော တစ်ပိဿာ ကျပ် ၇၀၀၊ အသန့်မှာ တစ်ပိဿာ ကျပ် ၁၂၅၀ ၊ အကြီးမှာ ကျပ် ၁၅၅၀၊ ရှယ်မှာ ကျပ် ၁၆၅၀၊ မုံရွာ ကြက် သွန်နီ(အသစ်)  အချော တစ်ပိဿာ ကျပ် ၁၀၀၀၊ အသန့်မှာ တစ်ပိဿာ ကျပ် ၁၃၀၀ ၊ အကြီးမှာ ကျပ် ၁၆၀၀၊ ရှယ်မှာ ကျပ် ၁၆၅၀၊ ပခုက္ကူ ကြက်သွန်နီ(အသစ်) အချော တစ်ပိဿာ ကျပ် ၁၁၀၀၊ အသန့်မှာ တစ်ပိဿာ ကျပ် ၁၂၅၀ ၊ အကြီးမှာ ကျပ် ၁၅၅၀၊ ရှယ်မှာ ကျပ် ၁၆၀၀၊ ရွှေဘို ကြက်သွန်နီ(အသစ်) အသန့်မှာ တစ်ပိဿာ ကျပ် ၁၄၅၀ ၊ အကြီးမှာ ကျပ် ၁၈၀၀၊ ရှယ်မှာ ကျပ် ၁၉၀၀ ဈေးတို့အသီးသီးရှိ ကြောင်း စုံစမ်းသိရှိရပါသည်။

            ၁၈.၈.၂၀၂၅ ရက်နေ့တွင် ဆိပ်ဖြူ ကြက်သွန်နီဈေးနှုန်းမှာ ၁၄.၈.၂၀၂၅ ရက်နေ့ကအတိုင်း ဈေး တူညီနေပြီး မြင်းခြံ ၊ မုံရွာ၊ ပခုက္ကူ ကြက်သွန်နီဈေးနှုန်းများမှာ ၁၄.၈.၂၀၂၅ ရက်နေ့ကထက် ဈေးအနည်းငယ်ကျသွားကြောင်း သိရှိရပါသည်။

DOCA(ရန်ကုန်)

     ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်ရှိ မြို့မစည်ပင်သာယာဈေးကြီး၊ မြို့သစ်ဈေး၊ ကိုးသောင်းဈေး၊ ကသည်းဈေးနှင့် ရပ်ကွက်ဈေးများတွင် ဒေသထွက်ငှက်ပျောနှင့် မှော်ဇာ ကျေးရွာ ဘက်မှထွက်သော ငှက်ပျောသီးများကို ရောင်းချလျက်ရှိရာ ၂၀၂၅ ခုနှစ်၊ ဩဂုတ်လ ဒုတိယပတ်တွင် ဖြစ်ပေါ်နေသော ငှက်ပျောသီး ဈေးနှုန်းများမှာ ရခိုင်ငှက်ပျော အချော(၁)ဖီးလျှင် (၃၀၀၀)ကျပ်၊ ဖီးကြမ်းငှက်ပျော အချော(၁)ဖီးလျှင် (၃၀၀၀)ကျပ်၊ ငှက်ပျောချဉ် အချော (၁)ဖီးလျှင် (၂၅၀၀)ကျပ် သီးမွှေးသီး ငှက်ပျော (၁)ဖီးလျှင် (၇၀၀၀)ဖြင့်လည်းကောင်း၊ ဈေးနှုန်းအသီးသီးဖြင့် ရောင်းချလျက် ရှိကြောင်း သိရသည်။

DOCA(ပဲခူး)   

        ကြက်သွန်ဖြူ၊ ကြက်သွန်နီနှင့် ဂျင်းသီးနှံများသည် မြန်မာလူမျိုးများ၏ ဟင်းလျှာများတွင် အများဆုံး ထည့်သွင်း အသုံးပြုသော ကျန်းမာရေးအထောက်အကူပြု   စာဖိုသုံးဆောင်သုံး သီးနှံများ ဖြစ်ပါသည်။ နတ်တလင်းခရိုင်၊ နတ်တလင်းမြိုနယ် ဈေးကွက်အတွင်း၌ ဩဂုတ်လ ဒုတိပတ်တွင်   ကြက်သွန်ဖြူ ဈေးနှုန်းများ မြင့်တက်နေကြောင်း သိရှိရပါသည်။

            ယခင် ဇူလိုင်လ စတုတ္တပတ်တွင် နတ်တလင်းမြို့နယ် ဈေးကွက်အတွင်း ကြက်သွန်ဖြူ (ကြူကုတ်) တစ်ပိဿာ (၁၃၀၀၀)ကျပ်၊    ကြက်သွန်ဖြူ (ရှမ်းမွှာ) တစ်ပိဿာ (၁၀၀၀၀)ကျပ်၊   ကြက်သွန်ဖြူ (ဥတစ်လုံး) တစ်ပိဿာ (၁၈၀၀၀-၂၃၀၀၀)ကျပ်၊  ကြက်သွန်နီ (ကြီး)တစ်ပိဿာ (၁၉၀၀)  ကျပ်၊ ကြက်သွန်နီ (အလတ်) တစ်ပိဿာ (၁၇၀၀)ကျပ်၊ ကြက်သွန်နီ (အသေး) တစ်ပိဿာ (၁၅၀၀)ကျပ်၊ ဂျင်းတက် တစ်ပိဿာ (၆၀၀၀)ကျပ် နှုန်းဖြင့် အရောင်း အဝယ်ဖြစ်ခဲ့ပါသည်။

             ယခု ဩဂုတ်လ ဒုတိယပတ်တွင် ဈေးကွက်အတွင်း ကြက်သွန်ဖြူ (ကြူကုတ်) တစ်ပိဿာ (၁၉၀၀၀)ကျပ်၊    ကြက်သွန်ဖြူ (ရှမ်းမွှာ) တစ်ပိဿာ (၁၂၀၀၀)ကျပ်၊   ကြက်သွန်ဖြူ (ဥတစ်လုံး) တစ်ပိဿာ (၂၀၀၀၀-၂၅၀၀၀)ကျပ်၊  ကြက်သွန်နီ (ကြီး)တစ်ပိဿာ (၁၉၀၀)ကျပ်၊ ကြက်သွန်နီ (အလတ်) တစ်ပိဿာ (၁၇၀၀)ကျပ်၊ ကြက်သွန်နီ (အသေး) တစ်ပိဿာ (၁၅၀၀)ကျပ် ဂျင်းတက် တစ်ပိဿာ (၆၀၀၀)ကျပ် နှုန်းဖြင့် အရောင်းအဝယ်ဖြစ်လျှက်ရှိရာ ဇူလိုင်လစတုတ္တပတ်နှင့် နှိုင်းယှဉ်ပါက ကြက်သွန်ဖြူ ဈေးနှုန်းများ မြင့်တက်သွားကြောင်း သိရပါသည်။

DOCA(ပဲခူး)   

    ပဲခူးတိုင်းဒေသကြီး၊ သာယာဝတီခရိုင်၊ သာယာဝတီ(မြို့မ) ဈေးအတွင်း၌  ဩဂုတ်လ ဒုတိယပတ်တွင် ရောင်းချနေသော ငါးဈေးနှုန်းများမှာ ငါးကြင်းဖြူ(တစ်ပိဿာ)လျှင် ၁၈၀၀၀ မှ ၂၀၀၀၀ ကျပ်၊ ငါးမြစ်ချင်း(တစ်ပိဿာ)လျှင် ၁၈၀၀၀ မှ ၂၀၀၀၀ ကျပ်၊ ငါးဖယ်ခြစ်(တစ်ပိဿာ) လျှင် ၅၀၀၀၀ ကျပ်၊ ငါးမြစ်ချင်းခြစ်(တစ်ပိဿာ)လျှင် ၄၀၀၀၀ ကျပ်၊ ပုဇွန်ထုပ်(အကြီး) တစ်ပိဿာလျှင် ၆၀၀၀၀ ကျပ်၊ပုဇွန်(အလတ်) တစ်ပိဿာလျှင် ၅၀၀၀၀ ကျပ်၊ ပုဇွန်(အသေး) တစ်ပိဿာလျှင် ၄၀၀၀၀ ကျပ်၊ ငါးခူ(တစ်ပိဿာ)လျှင် ၂၅၀၀၀ ကျပ်၊ ငါးကျီး(တစ်ပိဿာ)လျှင် ၂၅၀၀၀ ကျပ်၊ ပင်လယ်ငါးများဖြစ် သော ကင်းမွန်နှင့်ပြည်ကြီးငါးများ (တစ်ပိဿာ) လျှင် ၆၀၀၀၀ မှ ၈၀၀၀၀ ကျပ် ဈေးဖြင့် ရောင်းချနေကြောင်း ဈေးသည်များထံမှ စုံစမ်းမေးမြန်းသိရှိရပါသည်။

DOCA(ပဲခူး)