ပြည်တွင်းကုန်သွယ်မှုသတင်း

              စစ်ကိုင်းတိုင်းဒေသကြီး၊ ကန့်ဘလူခရိုင်သည် လယ်ယာစိုက်ပျိုးရေးလုပ်ငန်းများကို အဓိက လုပ်ကိုင်ကြသည်။ နှစ်စဉ် စပါး၊ ပြောင်း၊ ပဲမျိုးစုံနှင့် ဆီထွက်သီးနှံ မြေပဲ၊ နှမ်း၊ နေကြာတို့ အဓိက စိုက်ပျိုးကြောင်း၊ ယခုအခါ ကန့်ဘလူခရိုင်အတွင်း၌ ဩဂုတ်လမှစ၍ ဆီထွက်သီးနှံ မိုးမြေပဲများ စတင်ရိတ်သိမ်းလျက်ရှိကြောင်း၊ ထို့ကြောင့် ဒေသခံပြည်သူများအတွက် အလုပ်အကိုင်အခွင့် အလမ်းများ ပေါ်ပေါက်လာကာ မိသားစုဝင်ငွေရရှိကာ အဆင်ပြေလျက်ရှိကြောင်း သိရသည်။

         မြေပဲသီးနှံရိတ်သိမ်းရာတွင် မြေပဲပင်နုတ်ခြင်း၊ အတောင့်ခြွေခြင်း တို့ပြုလုပ်ရသည့်အတွက် မြေပဲပင်နုတ်(၁)ရက်လျှင် (၁၅၀၀၀)ကျပ်၊ မြေပဲအတောင့်ခြွေခ (၁)တင်းလျှင် (၇၅၀၀)ကျပ်၊ မြေပဲအတောင့်ယူပါက (၃)ပြည်ပေးရကြောင်း၊ မြေပဲအတောင့်ခြွေသူများသည် ကျွမ်းကျင်မှုရှိပါက တစ်ရက်လျှင် (၂မှ ၄)တင်းအထိရကြောင်း၊ မြေပဲပင်၏ အတောင့်အနည်းအများပေါ်မူတည်၍ တင်ရေကွာခြားကြောင်း၊ မြေပဲရိတ်သိမ်းရာသီဖြစ်သည့်အတွက် မြေပဲပင်နုတ်ခြင်း၊ မြေပဲအတောင့် ခြွေခြင်းကို နေ့စဉ်လုပ်ကိုင်နေရသည့်အတွက် နေ့စဉ်ဝင်ငွေရရှိကာ မိသားစုများ အဆင်ပြေလျက် ရှိကြောင်း ဒေါ်မြမွန်၏ပြောပြချက်အရ သိရှိရသည်။

DOCA (စစ်ကိုင်း)      

   ဟင်းဉာဏ်ခေါ် ဟင်းညံ့ပင်များသည် ကျေးရွာများတွင် စိမ့်စမ်းရေများမှ ဖြစ်ပေါ်လာသော စမ်းချောင်းငယ်များ၊ စွတ်စိုသောမြေများတွင် ဟင်းညံ့ပင်များပေါများစွာပေါက်ရောက်လေ့ရှိပါသည်။ ဟင်းညံ့ပင်သည်  ကြာဖူးများကဲ့သို့ ဟင်းညံ့အဖူးတွင် အပွင့်ကလေးများ ပွင့်သော အပင်တစ်မျိုး ဖြစ်ပါသည်။ အရိုးနှင့် အဖူးပါ (၂)မျိုးစလုံးစား၍ရသည့် အပင်ဖြစ်ပါသည်။ မိုးရာသီတွင် ဟင်းညံ့ပင်များသည် ဖြိုင်ဖြိုင်ထွက်ပေါ်သော အပင်မျိုးဖြစ်ပါသည်။ ကျေးလက်ဒေသများတွင် နှစ်ခြိုက်ကြသည့် ဟင်းလျာများတွင် ဟင်းညံ့ပင်သည်လည်း ပါဝင်ပါသည်။ ဟင်းညံ့ပင်မှာ ခံတွင်းမြိန်သော  အစားအစာ ဟင်းလျာ ပင်လည်းဖြစ်သည်။ ဟင်းညံ့ကို ကြက်သွန်ဖြူ ဆီချက်ဖြင့် ကြော်ချက်၍ သော်လည်းကောင်း၊ ချဉ်ရည်ဟင်းချက်၍ သော်လည်းကောင်း၊ချက်ပြုတ်၍ စားသောက်ကြသည်။   ဟင်းညံ့ကို ငါးနဲ့ချက်စားကြသလို သီးနှံမျိူးစုံနှင့်လည်း တွဲချက်ကြပါသည်။ ဟင်းညံ့ကို မန်းကျည်းရွက်၊ ကင်မွန်းချဉ်ရွက်၊ ပတက်စာ၊ ငှက်ပျောဖူး၊ ခရမ်းသီးအသေး၊ မုန်လာဥဖြူ  ၊ ဗူးသီးနုနု စသည် တို့နှင့်လည်း တွဲဖက်ချက်စားကြပါသည်။ ငါးနှင့်ချက်စား၍လည်း စားကောင်းသလို မိုးရာသီနှင့် အလွန်လိုက်ဖက်သော ဟင်းလျာများဖြစ်ကြပါသည်။ယခုအချိန်သည် မိုးရာသီဖြစ်၍ ဟင်းညံများ စတင်ထွက်ပေါ်လျှက်ရှိပြီး ဈေးကွက်အတွင်း၌ ဟင်းညံ့တစ်စည်း လျှင်(၃၀၀/၅၀၀)ကျပ် ဈေးနှုန်းများဖြင့်  ရောင်းချလျှက်ရှိ ကြောင်းဟင်းညံ့ ခူးယူရောင်းချသူ တစ်ဦးထံမှ  သိရှိရသည်။

DOCA(မန္တလေး)

   မန္တလေးမြို့အတွင်းသို့ ဧရာဝတီတိုင်းမှ အုန်းသီးများဝင်ရောက်လျှက်ရှိပြီး လမ်းဘေး ဈေးသည်များမှ ရောင်းချလျှက်ရှိကြောင်းသိရသည်။ အချို့မှာ အုန်းသီးဆံအစိမ်းကို ကွမ်းယာများ ထဲတွင်ထည့်၍ စားသုံးကြကြောင်း၊ အုန်းသီးဆံကိုခြစ်၍ ကြော်ပြီးလည်း ထိုးမုန့်၊ ရွှေကြည်ဆနွင်း မကင်းများပေါ်သို့ ဖြူး၍လည်း အသုံးပြုလေ့ရှိသည်။ အုန်းသီးဆံကို ညစ်ပြီးရရှိသော အုန်းနို့ များကိုလည်း အုန်းနို့ကျောက်ကျော၊ အုန်းထမင်းနှင့် အစားအသောက်အမျိုးမျိုးပြုလုပ် စားသောက် ကြသည်။ အုန်းသီးဆံကို နေပူလှမ်းအခြောက်ခံပြီးကြိတ်ကာ အုန်းဆီအဖြစ်ပြုလုပ်ရောင်းချကြပြီး ဈေးကွက်ကောင်းလျှက်ရှိပါသည်။ အုန်းသီးကို ဘုရားပွဲ၊ တရားပွဲ၊ ကန်တော့ပွဲများ ပြင်ဆင်ရာတွင် အသုံးပြုကြသလို မိရိုးဖလာကန်တော့ပွဲများတွင်လည်း အုန်းသီးကို ထည့်သွင်းအသုံးပြုကြသည်။ အုန်းစိမ်းရည်သောက် အုန်းသီးတစ်လုံးလျှင် ၃၅၀၀/၄၀၀၀ ကျပ်အထိ ရောင်းချကြပြီး ဘုရား ကန်တော့ပွဲများနှင့် ရိုးရာကန်တော့ပွဲများတွင် အသုံးပြုသော အုန်းသီးဈေးနှုန်းမှာ တစ်လုံးလျှင် ၅၀၀၀/၆၀၀၀ ကျပ်အထိ ရောင်းချနေကြောင်း အုန်းသီးငှက်ပျောရောင်းချသူများထံမှ သိရှိရသည်။

DOCA(မန္တလေး)

        ၂၀၂၅ ခုနှစ်၊ မိုးရာသီဩဂုတ်လစတုတ္ထပတ်တွင် ကရင်ပြည်နယ် ဒေသထွက် သကြားပြောင်းဖူးများ ဈေးကောင်းရလျက်ရှိကြောင်း သိရသည်။ ဒေသခံတောင်သူများသည် သကြားပြောင်းကို မိသားစု အပိုဝင်ငွေရရှိရန်အတွက် တစ်နိုင်တစ်ပိုင်စိုက်ပျိုးကြသည်။ သကြားပြောင်းကို ပြုတ်၍လည်းကောင်း ၊မီးဖုတ်၍လည်းကောင်း စားသုံးနိုင်သလို ကြက်ဥဖြစ်လည်း ကြော်စားပါက အလွန်စားကောင်းသော သီးနှံတစ်မျိုးဖြစ်သည်။ သကြားပြောင်းတွင် ဓာတ်တိုးဆန့်ကျင်အာနိသင် ကြွယ်ဝတာကြောင့် အရေ ပြား ဓာတ်တိုးပစ္စည်းပျက်စီးမှုကနေ အထိရောက်ဆုံး ကာကွယ်ပေးနိုင်သောကြောင့် ကျန်းမာရေး အတွက် ကောင်းကြိုးဖြစ်စေပါသည်။ သကြားပြောင်းဈေးနှုန်းမှာ တစ်ဖူးလျှင်(၅၀၀)ကျပ်၊ (၁၀)ဖူး လျှင် (၄၀၀၀)ကျပ် တို့ဖြင့် အရောင်းအဝယ်ဖြစ်လျက်ရှိကြောင်း သိရသည်။

DOCA (ကရင်)

      ၂၀၂၅ ခုနှစ်၊ ဩဂုတ်လ စတုတ္ထပတ်တွင် ကရင်ပြည်နယ် ဘားအံမြို့ရေပေါ်ဈေး၌ ဘူးသီးများ ဈေးကောင်းရလျက်ရှိကြောင်း သိရသည်။

           ဘူးသီးများကို ဘားအံမြို့အနီးတဝိုက် ကျေးရွာများတွင် တနိုင်တပိုင်စိုက်ပျိုးကြသည့်အပြင် စီးပွားဖြစ်လည်း စိုက်ပျိုးကြသည်။ ဘူးသီးကို ဟင်းနှင့်ဟင်းချိုအဖြစ် ချက်ပြုတ်စားကြတလို အကြော်ဆိုင်များတွင် အကြော်ကြော်၍ ရောင်းချကြသောကြောင့် စိုက်တောင်သူများအတွက် အပိုဝင်ငွေတိုးစေသည်။ ဘူးသီးကို အလုံးအရွယ်အစားအလိုက် ဈေးနှုန်းခွဲခြားရောင်းချကြသည်။ ဘူးသီးအလုံးကြီး တစ်လုံးလျှင် (၅၀၀၀) ကျပ်နှင့် ဘူးသီးအလုံးငယ် တစ်လုံးလျှင် (၃၀၀၀) ကျပ်နှုန်းတို့ဖြင့် အရောင်းအဝယ်ဖြစ်လျက်ရှိကြောင်းနှင့် ယင်းဘူးသီးများသည် ဒေသထွက်ဘူးသီးများရှိသကဲ့သို့ အခြားမြို့များမှ ဝင်ရောက်လာခြင်းများလည်းရှိကြောင်း သိရပါသည်။

          ကရင်ပြည်နယ် ဘားအံမြို့အတွင်းဖြစ်ပေါ်နေသော  ဇူလိုင်လနောက်ဆုံးပတ်နှင့် ဩဂုတ်လ စတုတ္ထပတ်ဘူးသီးဈေးနှုန်း နှိုင်းယှဉ်မှုများအရ အခြေခံစားသောက်ကုန် ဟင်းသီးဟင်းရွက်ဈေးနှုန်း အနည်းငယ်မြင့်တက်နေသေ်လည်း ဘူးသီးဈေးနှုန်းမှာ တည်ငြိမ်ကာ အရောင်းအဝယ်ပုံမှန်ရှိနေကြောင်း သိရသည်။

DOCA (ကရင်)