ပြည်တွင်းကုန်သွယ်မှုသတင်း

     လက်ပံတန်းမြို့မဈေးအတွင်း အောက်တိုဘာလဒုတိယပတ်၌ ရောင်းချလျက်ရှိသော အခြေခံ  စားသောက်ကုန်များဖြစ်သော ရွှေဘိုပေါ်ဆန်း တန်တစ်ပြည်လျှင် ၈၅၀၀ ကျပ်၊ဧည့်မထဆန် တစ်ပြည်လျှင် ၃၀၀၀ ကျပ်၊ကြက်သွန်နီတစ်ပိဿာလျှင် ၁၀၀၀/၁၂၀၀ ကျပ်၊ကြက်သွန်ဖြူ(ဗမာ) တစ်ပိဿာလျှင် ၁၀၀၀၀ ကျပ်၊ ကြူကုတ်တစ်ပိဿာလျှင် ၁၃၀၀၀ ကျပ်၊ ချင်းတက်တစ်ပိဿာ ၇၀၀၀ ကျပ်၊ ငရုတ်ခြောက် (အရှည်) တစ်ပိဿာလျှင် ၁၅၀၀၀ ကျပ်၊ ငရုတ်ခြောက်(အပု) တစ်ပိဿာ လျှင် ၂၀၀၀၀ ကျပ်၊အာလူးတစ်ပိဿာလျှင် ၈၀၀၀ကျပ်၊မန်းကျည်းသီးမှည့်အစေ့မပါ တစ်ပိဿာလျှင် ၆၅၀၀ ကျပ်၊ ကြက်ဥလက်လီဈေးနှုန်း(အကြီး)တစ်လုံးလျှင် ၅၀၀ ကျပ်၊ (အသေး)တစ်လုံးလျှင် ၄၈၀ ကျပ်၊ဘဲဥ(အကြီး)တစ်လုံးလျှင် ၆၀၀ ကျပ်၊(အသေး) တစ်လုံးလျှင် ၅၀၀ ကျပ်တို့ အသီးသီး ရှိကြပါသည်။

          အခြေခံစားသောက်ကုန်များမှာ လက်ပံတန်းမြို့အတွင်း ရောင်းချလျက်ရှိသော အသား မွေးမြူ ရေးကြက်(စီပီ) ကြက်သားတစ်ပိဿာလျှင် ၂၅၀၀၀ ကျပ်၊ ဆိတ်သားတစ်ပိဿာလျှင် ၅၀၀၀၀ ကျပ်၊ ဝက်သားတစ်ပိဿာလျှင် ၃၅၀၀၀ကျပ်၊ အမဲသားတစ်ပိဿာလျှင် ၃၀၀၀၀ ကျပ်၊ ငါးကြင်း တစ်ပိဿာလျှင် ၂၀၀၀၀/၂၅၀၀၀ ကျပ်၊ ငါးမြစ်ချင်းတစ်ပိဿာလျှင် ၁၈၀၀၀/၂၀၀၀၀ ကျပ်၊ အသီးသီး ရောင်းဝယ်နေကြကြောင်း သိရှိရပါသည်။

             စားသုံးဆီဈေးနှုန်းများမှာ ပဲဆီတစ်ပိဿာလျှင် ၂၁၀၀၀ ကျပ်၊နှမ်းဆီတစ်ပိဿာလျှင် ၂၀၀၀၀ကျပ်၊ စားအုန်းဆီတစ်ပိဿာလျှင် ၇၃၀၀ကျပ်၊ ဈေးဖြင့်အရောင်းအဝယ်ဖြစ်နေကြောင်း သိရှိ ရပါသည်း။

DOCA(ပဲခူး)   

      ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့မဈေးအတွင်း အောက်တိုဘာလ ဒုတိယပတ်တွင် ရောင်းချလျက်ရှိသော ငပိ၊ငခြောက်၊ပုဇွန်ခြောက်ဈေးနှုန်းများမှာ ပုဇွန်ငပိ တစ်ဆယ် ကျပ်သားလျှင် ၂၀၀၀/ ကျပ်ဈေးနှုန်းများဖြင့် ရောင်းချလျက်ရှိပါသည်။ မြိတ်ဒေသထွက်ကုန် မျှင်ငပိဗူး ၂၅ ကျပ်သား တစ်ဗူးလျှင် ၅၀၀၀/ကျပ်၊ဈေးနှုန်းတို့ဖြင့် ဈေးကွက်အတွင်း ရောင်းချ လျှက်ရှိပါသည်။ ငပုတ် သင်ခြောက် တစ်ဆယ်ကျပ်သားလျှင် ၃၅၀၀/၄၀၀၀ ကျပ်၊အာဗြဲခြောက် အချိုခြောက် တစ်ဆယ် ကျပ်သားလျှင် ၄၀၀၀/၆၀၀၀/၇၀၀၀ /၇၅၀၀ကျပ်ထိ အသေးအကြီးပေါ်မူတည်၍ ဈေးနှုန်းမြင့်တက် ရောင်းချလျက်ရှိပါသည်။အသားမြှောင်းခြောက် တစ်ဆယ် ကျပ်သားလျှင် ၂၈၀၀/၃၀၀၀ ကျပ်၊ SP ခြောက် (ငဖီးမ) ခြောက် တစ်ဆယ်ကျပ်သားလျှင် ၁၈၀၀ ကျပ်၊ ငတံခွန် ခြောက် တစ်ဆယ် ကျပ်သားလျှင် ၂၅၀၀/၂၈၀၀ ကျပ်၊ ငနီတူခြောက် တစ်ဆယ်ကျပ် သားလျှင် ၄၀၀၀/၄၅၀၀ ကျပ်၊ငဇင်းပြားခြောက် တစ်ဆယ်ကျပ်သားလျှင် ၂၅၀၀/၃၀၀၀ ကျပ်ဈေး တို့ဖြင့် ပုံမှန် ရောင်းချလျက် ရှိပါသည်။

     ပုဇွန်ခြောက်ဈေးနှုန်းများအနေဖြင့် ပုဇွန်ခြောက်တစ်ဆယ်ကျပ်သားလျှင် အနည်းဆုံး ၈၀၀၀ ကျပ်မှစတင်၍  ၁၇၀၀၀ ကျပ်ထိ ဈေးနှုန်းများရှိနေပါသည်။အများဆုံးဝယ်ယူလျက် ရှိသော ပုဇွန် ခြောက်မှာ ၁၁၀၀၀/၁၂၀၀၀/ကျပ်ဈေးနှုန်းဖြင့် ရောင်းချလျက်ရှိသော ပုဇွန်ခြောက်များ ဖြစ်ပါ သည်။ ပုဇွန်ခြောက်ဈေးနှုန်းများမှာ ယခင်လနှင့်ယခုလနှိုင်းယှဉ်ပါက ဈေးနှုန်းများ အနည်းငယ်မြင့်တက် ရောင်းချလျက်ရှိကြောင်း ဈေးအတွင်းငပိ၊ငခြောက်၊ ပုဇွန်ခြောက် ရောင်းချသူ တစ်ဦးထံမှ သိရှိရပါ သည်။

DOCA(ပဲခူး)   

     ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့ စည်ပင်သာယာဈေးတွင်ရှိသော ဂျင်း  ဈေးနှုန်းများမှာ  စက်တင်ဘာလ  ဒုတိယပတ်တွင်  ဂျင်း၁၀ကျပ်သားလျှင်  ၇၀၀ / ကျပ် ရှိခဲ့ပြီး ယခုအောက်တိုဘာလဒုတိယပတ်တွင်လည်း၇၀၀/ကျပ်ရှိနေပါသည်။ဂျင်းဈေးနှုန်းမှာဈေးငြိမ်နေကြောင်း သိရှိရပါသည်။

       ကြက်သွန်ဖြူဈေးနှုန်းများအနေဖြင့် စက်တင်ဘာလဒုတိယပတ်တွင် ကြက်သွန်ဖြူ (ကြူကုတ်) ၁၀ ကျပ်သားလျှင် ၁၅၀၀/ကျပ်၊ ယခု အောက်တိုဘာလဒုတိယပတ်တွင် ကြက်သွန်ဖြူ (ကြူကုတ်) ၁၀ ကျပ်သားလျှင် ၁၅၀၀ကျပ် ဈေးနှုန်းဖြင့် ရောင်းချလျက်ရှိပါသည်။

      ကြက်သွန်ဖြူ(ရှမ်းစ) ဈေးနှုန်းအနေဖြင့်  စက်တင်ဘာလဒုတိယပတ်တွင် ၁၀ ကျပ်သားလျှင် ၁၀၀၀ ကျပ်ပေါက်ဈေးရှိနေပြီး ယခုအောက်တိုဘာလဒုတိယတွင်လည်း ဈေးနှုန်းအပြောင်းအလဲမရှိ၊ ဈေးငြိမ် နေပါသည်။ ကြက်သွန်ဖြူ (ဥတစ်လုံး) ဈေးကွက်မှာတစ်ဆယ်ကျပ်သားလျှင် ၂၅၀၀ ကျပ်  ဈေးနှုန်း တို့ဖြင့် ရောင်းချလျှက်ရှိရာ ဂျင်း၊ကြက်သွန်ဖြူ၊ဈေးကွက်တို့မှာ ဈေးအေးနေပြီးပုံမှန် ရောင်းဝယ်လျက်ရှိပါသည်။

DOCA(ပဲခူး)   

     ပဲပြားကို မြန်မာနိုင်ငံအပါအဝင် နိုင်ငံတကာ၌စားသုံးနေကြပြီး ချက်ပြုတ်ရန် လွယ်ကူသော အစားအစာ ဖြစ်သည့်အပြင် ဝယ်ယူရာ၌လည်းဈေးနှုန်းသက်သာလှသည်။ အာဟာရဓာတ် များစွာနှင့် ပရိုတင်းဓာတ် မြင့်မားစွာပါဝင်သောပဲပြားကို ပဲပိစပ်မှထုတ်လုပ်ထားသော ပဲနို့မှ ပြုလုပ်ခြင်းဖြစ်ကာ ပဲပိစပ်အရည်ကို ကျိုချက်၍အဖတ်များကို စစ်ထုတ်လိုက်သောအခါ ပဲနို့ကိုရရှိပြီး ပဲနို့ထဲသို့ ခဲစေသောဓာတ်ပစ္စည်း မဂ္ဂနီဆီယမ် ကလိုရိုက် သို့မဟုတ် ကယ်လ်ဆီယမ် ဆာလဖိတ်ကို ထည့်လိုက်ခြင်းဖြင့် ပဲနို့သည် ဒိန်ခဲကဲ့သို့ အဖတ်များအဖြစ် စတင်ခဲလာပါသည်။ ခဲထားသောအဖတ်များကို ဖိနှိပ်ခြင်း၊ ရေစစ်ထုတ်ခြင်းဖြင့်ပြုလုပ်ကာ လိုချင်သောပုံစံပေါ် မူတည်၍ ပျော့ပြောင်းသော၊ မာသောပဲပြားအတုံးများအဖြစ် ပုံသွင်းကာ ပဲပြားကိုရရှိလာပါသည်။

        ပဲပြားတွင်ပါဝင်သော Isoflavones ဓာတ်သည် သွေးတွင်းရှိမကောင်းသော ကိုလက်စထရော ကို လျှော့ချပေးပြီး နှလုံးရောဂါဖြစ်နိုင်ချေကိုလျော့နည်းစေပါသည်။ ကယ်လ်ဆီယမ် ပါဝင်မှု ကြောင့် အရိုးပွရောဂါ ဖြစ်ပွားခြင်းမှကာကွယ်ပေးနိုင်ပြီး ကယ်လိုရီနည်းပြီး ပရိုတင်းဓာတ် များစွာပါဝင်သည့်အတွက်ကြောင့် အစာ စားချင်စိတ်ကို ထိန်းချုပ်စေနိုင်ပြီး ကိုယ်အလေးချိန် လျှော့ချလိုသူများအတွက် သင့်လျော်ပါသည်။ မြန်မာနိုင်ငံတွင် ပဲပြားကို ပဲပြားဟင်း၊ ပဲပြားဟင်းချို၊ ဟင်းသီးဟင်းရွက်များနှင့်ရောနှောကြော်ချက်ခြင်း စသဖြင့် အမယ်မျိုးစုံချက် ပြုတ်စားသောက်ကြပါသည်။ ပဲပြားတုတ်ထိုး၊ ပဲပြားသုပ်၊ ပဲပြားအစာသွပ်တို့ကို မိမိတို့အိမ်တွင်လည်း လွယ်ကူစွာပြုလုပ်နိုင်ခြင်း၊ စီးပွားဖြစ်ရောင်းချရာတွင်လည်း အရင်းအနှီး နည်းပါးပြီး ရောင်းပန်း လှသောကြောင့် ပဲပြားသည်အစားအသောက်လုပ်ငန်းတွင် အမြဲမပြတ် နေရာယူ တွင်ကျယ်လျက်ရှိနေပါသည်။

DOCA(ပဲခူး)   

          မြန်မာနိုင်ငံသည် စိုက်ပျိုးရေးကိုအခြေခံပြီး အခြားစီးပွားရေးကဏ္ဍများကိုလည်း ဖွံ့ဖြိုးတိုး တက်အောင် ဆောင်ရွက်နေသော နိုင်ငံတစ်ခုဖြစ်ပြီး စစ်ကိုင်းတိုင်းဒေသကြီး၊ ကန့်ဘလူမြို့နယ် တွင်လည်း လယ်ယာစိုက်ပျိုးရေးလုပ်ငန်းများအပြင် ကွမ်းခြံများကို မိမိတို့ယာကွက်များ၌လည်း ကောင်း၊ နေအိမ်ခြံဝင်းများ၌လည်းကောင်း မိသားစုဝင်ငွေရရှိသည့်အတွက် စိုက်ပျိုးကြကြောင်း သိရသည်။

          ၂၀၂၅ ခုနှစ်၊ အောက်တိုဘာလ တတိယပတ်တွင် ဖြစ်ပေါ်နေသော ကန့်ဘလူမြို့နယ်၏ ကွမ်း ရွက်ဈေးနှုန်းများမှာ အရည်အသွေးပေါ်မူတည်၍ ကွမ်းရွက်(ရှယ်)တစ်ပိဿာလျှင် (၆၀၀၀)ကျပ်၊ ကွမ်းရွက်(ကြီး)တစ်ပိဿာလျှင် (၃၅၀၀)ကျပ်၊ ကွမ်းရွက်(သေး)တစ်ပိဿာလျှင် (၂၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ကွမ်းရွက်များကို ကန့်ဘလူခရိုင်အတွင်းနှင့် မန္တလေးမြို့သို့ တင်ပို့ရောင်းချကြောင်း ကွမ်းရွက်ရောင်းဝယ်ရေး လုပ်ငန်းရှင်များထံမှ သိရှိရပါသည်။

DOCA (စစ်ကိုင်း)