ပြည်တွင်းကုန်သွယ်မှုသတင်း

            တောင်ငူခရိုင်၊ ဖြူးမြို့နယ်တွင် ဆီကြော်မုန့်လုပ်ငန်းများနှင့် ပဲကြော် လုပ်ငန်းများ လုပ်ကိုင် လျက်ရှိပါသည်။ ထိုလုပ်ငန်းများထဲတွင်  စာကလေးခွေကြော် (ခေါ်)ပဲချောင်းခွေကြော် လုပ်ငန်းလည်း တစ်ခုအပါအဝင်ဖြစ်ပါသည်။ စာလေးခွေဆီကြော်မုန့် ပြုလုပ်ရန်အတွက် လိုအပ်သော ကုန်ကြမ်း ပစ္စည်းများမှာ ကုလားပဲမှုန့်၊ ကော်မှုန့်၊ စားအုံးဆီနှင့် ဆားအနည်းငယ်တို့ဖြစ်ပါသည်။

              စာကလေးခွေဆီကြော်မုန့်ပြုလုပ်ပုံမှာ ကုလားပဲမှုန့်၊ ကော်မှုန့်နှင့် ဆားတို့အား အချိုးကျ သမစွာပေါင်းစပ်၍ အခွေပုံစံလေးရအောင် ပုံစံခွက်ထဲတွင်ထည့်၍ ဆီနှင့် ကြော်ပြီးသောအခါတွင် အခွေ ပုံစံ စာကလေးခွေ ကြော်လေးများရရှိပါသည်။

              စာကလေးခွေ ထုပ်ပိုးမှုပုံစံအား ပုံစံ(၂)မျိုးဖြင့် ထုပ်ပိုးထားသည်ဟု သိရှိိရပါသည်။ ရရှိလာ သော စာကလေးခွေများအား ပလတ်စတစ်အိတ်ဖြင့် ပါကင်ထုပ်၍တစ်မျိုး၊ ဘူးတွင်ပါကင်ပိတ်၍ တစ်မျိုး ထုတ်လုပ်ထားကြောင်း သိရှိရပါသည်။

              ဈေးနှုန်းဈေးကွက်အနေဖြင့် ပလတ်စတစ်ဖြင့်ထုပ်ပိုးထားသော စာကလေးခွေ တစ်အိတ် လျင် (၅၀၀) ကျပ်နှုန်းဖြင့် ရောင်းချပြီး ပါကင်ဘူးဖြင့် ထုပ်ပိုးထားသော စာကလေးခွေ တစ်ဘူးလျင် (၁၄၀၀) ကျပ်နှုန်းဖြင့် ရောင်းချပါသည်။

             ဈေးကွက်အနေဖြင့် ဖြူးမြို့အနီးတဝိုက်ရှိ မြို့များဖြစ်သော ညောင်ပင်သာ၊ ကညွတ်ကွင်း နှင့်ဇေယျဝတီမြို့များသို့ ဖြန့်ဖြူးရောင်းချသည့် အပြင် (၁၁၅) မိုင် ယာဉ်ရပ်နားစခန်းရှိ စားသောက် ဆိုင်များသို့ပါ ရောင်းချလျက်ရှိပြီး တစ်နေ့လျင် စာကလေးခွေ အထုပ် (၁၅၀) မှ (၂၀၀) ဝန်းကျင်ထိ ထုတ်လုပ်နိုင်ကြောင်း အေးအေးခိုင် နှစ်ပြန်ကြော်လုပ်ငန်းပိုင်ရှင် ဒေါ်အေးအေးခိုင်၏ ပြောကြား ချက်အား တင်ပြလိုက်ရပါတယ်။

DOCA(ပဲခူး)

          တောင်ငူမြို့ရှိ ဈေးများတွင် တောင်ငူမြို့နှင့်အနီးတဝိုက်မှ ရာသီပေါ်သီးနှံများ တင်ပို့ရောင်းချလျက်ရှိရာ ဒေသထွက်နဂါးမောက်သီးများမှာ အကြီးတစ်လုံးလျှင် ၆၀၀ ကျပ်မှ ၇၀၀ ကျပ်၊ အလတ်တစ်လုံးလျှင် ၄၀၀ ကျပ်မှ ၅၀၀ ကျပ်၊ အသေးတစ်လုံးလျှင် ၃၅၀ ကျပ်ရှိပြီး အသေးသုံးလုံး ဝယ်ပါက ၁၀၀၀ ကျပ်ဖြင့် ရောင်းချကြောင်း သိရှိရပါသည်။

            တောင်ငူမြို့ရှိ ဈေးများသို့ ဒုံးကျည်သီးဟုခေါ်ကြသော ဖရဲသီးအလုံးသေးများ ဝင်ရောက်လျက်ရှိရာ အကြီးတစ်လုံးလျှင် ၁၈၀၀ ကျပ်မှ ၂၀၀၀ ကျပ်၊ အလတ်တစ်လုံးလျှင် ၁၅၀၀ ကျပ်မှ ၁၇၀၀ ကျပ်နှင့် အသေးတစ်လုံးလျှင် ၁၂၀၀ ကျပ်မှ ၁၃၀၀ ကျပ်အထိရှိကြောင်း ညောင်ပင်ဈေးရှိ သစ်သီးအရောင်းဆိုင်ပိုင်ရှင်တစ်ဦးထံမှ သိရှိရပါသည်။

DOCA(ပဲခူး)

 ‌      အောင်လံကုန်စည်ဒိုင်တွင် နှမ်းဈေးကွက်အနေဖြင့် ယခင်အပတ်(၃.၁၁.၂၀၂၂)ရက်နေ့မှ ယခုအပတ် (၉.၁၁.၂၀၂၂)ရက်နေ့အတွင်း (၄၅)ပိဿာဝင်(၁)အိတ်လျှင် နှမ်းနက်(စမုံ)  ကျပ်(၂၆၅၀၀၀)၊ နှမ်းဖြူ ကျပ်(၂၅၀၀၀၀)၊ နှမ်းနီ ကျပ်(၂၃၀၀၀၀)တို့ဖြင့် ဈေးနှုန်းပြောင်းလဲမှုမရှိဘဲ  နှမ်းပြာမှာယခင်အပတ် ကျပ်(၂၃၀၀၀၀) ယခု အပတ်ကျပ်(၂၂၅၀၀၀)ဖြစ်၍ ကျပ်(၅၀၀၀)ဈေးနိမ့်ပြီး အရောင်းအဝယ်ပမဏ အနေဖြင့်  နှမ်းနက် (စမုံ) (၁၂၀၀)အိတ်၊ နှမ်းပြာ(၃၈၀)အိတ်၊ နှမ်းဖြူ(၉၀)အိတ်၊ နှမ်းနီ (၁၇၀)အိတ်တို့ အရောင်းအဝယ်ရှိ ခဲ့ကြောင်း ကုန်သည်များထံမှသိရပါသည်။

          ပဲမျိုးစုံဈေးကွက်အနေဖြင့် (၂၀)ပိဿာဝင် (၁)တင်းလျှင် ပဲတီစိမ်းမှာ ယခင်အပတ် ကျပ်(၄၈၀၀၀) ယခုအပတ် ကျပ်(၄၉၅၀၀)ဖြစ်၍ ကျပ်(၁၅၀၀)ဈေးမြင့်၊ မတ်ပဲ ယခင်အပတ် ကျပ်(၅၆၀၀၀) ယခုအပတ်ကျပ်(၆၀၀၀၀)ဖြစ်၍ ကျပ်(၄၀၀၀)ဈေးမြင့်၊ ဘိုကိတ်ပြာ ယခင်အပတ်ကျပ် (၃၈၀၀၀)၊ ယခုအပတ် ကျပ်(၃၉၀၀၀)ဖြစ်၍ ကျပ်(၁၀၀၀)ဈေးမြင့်ပြီး ပဲစဉ်းငုံ(နီ) ယခင်အပတ်ကျပ်(၅၉၅၀၀) ယခုအပတ် ကျပ်(၅၈၅၀၀)ဖြစ်၍ ကျပ်(၁၀၀၀) ဈေးနိမ့်၊ ပဲကြီး ယခင်အပတ်ကျပ် (၇၈၀၀၀) ယခုအပတ် ကျပ်(၇၅၀၀၀)ဖြစ်၍ ကျပ်(၃၀၀၀)ဈေးနိမ့်ကာ ကုလားပဲ (HL)နှင့် ကုလားပဲ(မြကြေး)မှာ ယခင်အပတ်ကျပ် (၆၃၀၀၀) ယခုအပတ်ကျပ် (၆၃၀၀၀)ဖြင့်ဈေးနှုန်း တည်ငြိမ်လျက်ရှိပြီး အရောင်း အဝယ်အနေဖြင့် ပဲတီစိမ်းမှာ (၃၀)ပိဿာဝင် (၄၈၀၀)အိတ်၊ ပဲစဉ်းငုံ(နီ) (၆၅၀)အိတ်၊ မတ်ပဲ(၁၂၅) အိတ်၊ ကုလားပဲ(HL)(၇၅၀)အိတ်၊ ကုလားပဲ(မြကြေး) (၆၀၀)အိတ်၊ ဘိုကိတ်ပြာ(၁၇၀)အိတ်၊ ပဲကြီး (၄၅၀)အိတ်တို့အရောင်းအဝယ်ရှိခဲ့ကြောင်း မြေပဲလုံးဆံ(ဖြူ) တစ်ပိဿာလျှင် ယခင်အပတ် ကျပ် (၅၄၀၀) ယခုအပတ် ကျပ်(၅၃၅၀)ဖြစ်၍ ကျပ်(၅၀) ဈေးနိမ့်ပြီး မြေပဲလုံးဆံ(နီ) တစ်ပိဿာလျှင် ကျပ် (၅၃၅၀)၊ မြေပဲတောင့်အစို တစ်တင်းလျှင် ကျပ်(၂၂၀၀၀)ဖြစ်၍ မြေပဲလုံးဆံ(နီ)နှင့် မြေပဲတောင့် အစိုတို့မှာ ဈေးနှုန်းပြောင်းလဲခြင်းမရှိဘဲ မြေပဲလုံးဆံ(နီ) အိတ်(၁၁၅၀)၊ မြေပဲလုံးဆံ(ဖြူ) အိတ် (၉၅၀)၊မြေပဲတောင့်အစို တင်း(၅၃၀၀)ခန့် အရောင်းအဝယ်ရှိခဲ့ကြောင်း သိရပါသည်။

          ဝါသီးနှံအနေဖြင့်လည်း ယခင်အပတ် တစ်ပိဿာလျှင် ကျပ်(၂၃၀၀)ယခုအပတ် ကျပ်(၂၄၅၀) ဖြစ်၍ ကျပ်(၁၅၀)ဈေးမြင့်ကာ ဝါပိဿာချိန် (၃၅၀၀၀)ခန့် အရောင်းအဝယ်ရှိခဲ့ကြောင်း အောင်လံကုန်စည်ဒိုင် မှ သိရှိရပါသည်။

DOCA(မကွေး)

      ရှမ်းပြည်နယ်(တောင်ပိုင်း)၊ ရွာငံဒေသသည် ပင်လယ်ရေမျက်နှာပြင်အထက် (၃၁၅၀)ပေတွင် တည်ရှိပြီး ဥတုရာသီ (၃)မျိုးလုံး၏ သက်ရောက်မှုပြည့်စုံစွာ ရရှိသောဒေသ ဖြစ်ပါသည်။ အပူလွန်ခြင်း၊ အအေးကဲခြင်းနှင့် စွတ်စိုခြင်း၊  ခြောက်သွေ့ခြင်း ဟူသော ရာသီအပြောင်းအလဲများ အလှည့်ကျရရှိခြင်းကြောင့် သီးနှံမျိုးစုံ စိုက်ပျိုးထုတ်လုပ်မှု အောင်မြင်လျှက်ရှိသည်။

     ရွာငံဒေသတွင် မက္ကဒေးမီးယား စိုက်ပျိုးထုတ်လုပ်မှုအနေဖြင့် တနိုင်တပိုင် စိုက်ပျိုး ခြင်းမှ စီးပွားဖြစ်စိုက်ပျိုးထုတ်လုပ်ကြပြီး တစ်မြို့နယ်လုံးတွင် စိုက်ပျိုးပင်ရေ (၁)သိန်းကျော်ရှိကြောင်း လေ့လာသိရှိရပါသည်။ နှစ်စဉ်ဧပြီလတွင် တစ်ကြိမ်ခူးဆွတ်ရပြီး ဒုတိယအကြိမ် သီးပွင့်ခြင်းမှ အောက်တိုဘာလ၊ နိုင်ဝင်ဘာလတွင် ရင့်မှည့်အသီးများ ထပ်မံရရှိသည်။ ရင့် မှည့်အသီးများမှာ အခွံမာသီးများဖြစ်၍ (  Heat house) ခေါ် အပူလှန်းအိမ်တွင်း ဖြန့်ခင်း အခြောက်ခံစနစ်ဖြင့် အခြောက်ခံရသည်။ အခွံမာသီးများအား လုံးစင်ခွဲကိရိယာဖြင့် ခွဲထုတ်ရာမှ အစေ့အဆံအဖြူလေးများရရှိပြီး တိုက်ရိုက်စားသုံးနိုင်သော သီးနှံများဖြစ်သည်။

     ဈေးနှုန်းအနေဖြင့် အစေ့အဆံ တစ်ကီလိုလျှင်( ၂၈၀၀၀)ကျပ်ရှိပြီး ဈေးကွက်အနေဖြင့် ပြည်တွင်းဒေသစုံသို့ ပေးပို့ရောင်းချကြသည်။ ထိုင်းနိုင်ငံနှင့် တရုတ်နိုင်ငံတို့မှ ကုန်သည်များမှာ ဒေသအရောက် ကွင်းဆင်းဝယ်ယူလျှက်ရှိပြီး ပြည်ပကြိုက်စားသုံးသီးနှံများဖြစ်ကြောင်း လေ့လာသိရှိရပါသည်။

ကျန်းမာရေးအကျိုးကျေးဇူးများ

• နှလုံးရောဂါဖြစ်နိုင်ခြေကို လျှော့ချပေးခြင်း
• Palmitoleic Acid ပါဝင်မှုကြောင့် သွေးတွင်းသကြားဓာတ်ကို ထိန်းပေးနိုင်ခြင်း
• စနစ်တကျစားသုံးခြင်းကြောင့် အဆင့် ၂ ရှိသော ဆီးချိုကို ထိန်းပေးနိုင်ခြင်း
• ကင်ဆာရောဂါဖြစ်နိုင်ခြေများကိုလည်း လျှော့ချပေးခြင်း
• မှတ်ဉာဏ်အား တိုးတက်စေခြင်း
• အဆာခံနိုင်ပြီး သကြားဓာတ်ပါဝင်မှုနည်းခြင်းတို့ကြောင့်ဝိတ်ချရာတွင်သင့်လျော်ခြင်း
• အရွယ်မတိုင်မှီ အိုမင်းရင့်ရော်ခြင်းကို ကာကွယ်ပေးခြင်း
• သွား၊ အရိုးနှင့် ဆံကေသာများကို ကျန်းမာသန်စွမ်းစေခြင်း
• လေးဘက်နာရောဂါကာကွယ်ပေးခြင်း

DOCA(ရှမ်း)

တနင်္သာရီတိုင်းဒေသကြီးသည် ရော်ဘာ၊ ကွမ်းသီးများကို အဓိကထား စိုက်ပျိုးလျက်ရှိသည့် တိုင်းဒေသကြီးဖြစ်ပါသည်။ ရော်ဘာစိုက်ပျိုးသည့်ဧရိယာမှာ (၃၅၁၇၇၇)ဧက၊ အစေးလှီး ဧရိယာမှာ (၁၉၃၂၇၅)ဧက၊ အထွက်နှုန်းမှာ (၁၀၂.၈၃)ပေါင် ရှိပြီး တစ်နှစ်စာပျှမ်းမျှအထွက်တန်မှာ (၉၀၁၅) မက်ထရစ်တန် ရှိကြောင်း သိရှိရပါသည်။မှိုင်းခံရော်ဘာတွင် RSS-1၊ RSS-2၊ RSS-3၊ RSS-4၊ RSS-5 ဟူ၍ အဆင့်သတ်မှတ်ချက် (၅ ) မျိုး ရှိပါသည်။ ယခုလက်ရှိ တနင်္သာရီတိုင်းဒေသကြီးအတွင်းတွင် RSS-3 နှင့် RSS-5 ( ၂ )မျိုးသာ အဓိက အရောင်းအဝယ်ဖြစ်လျက်ရှိပါသည်။
ယခင်နှစ်ထက် ယခုနှစ်မှာ ရော်ဘာ ဈေးကောင်း ပိုရလျက် ရှိပြီး ယခုအပတ် (၈.၁၁.၂၀၂၂) မှ (၁၀.၁၁.၂၀၂၂)အထိ ရော်ဘာစျေးနှုန်းမှာ RSS-3 တစ်ပေါင်လျှင် (၁၂၅ဝိ/-) ခန့်၊ RSS-5 တစ်ပေါင်လျှင် (၁၁၅ဝိ/-)ခန့် ဈေးနှုန်းရှိပြီး ယခင်နှစ် အလားတူကာလတွင် RSS-3 တစ်ပေါင်လျှင် (၇၃ဝိ/-) ကျပ်နှင့် RSS-5 တစ်ပေါင်လျှင် (၆၃ဝိ/-)ကျပ်ပေါက်စျေးရှိကြောင်းစုံစမ်းသိရှိရပါသည်။
တနင်္သာရီတိုင်းဒေသကြီးထားဝယ်တွင် ရာဘာစျေးနှုန်းအနေဖြင့် တောင်သူများ တွက်ခြေကိုက် လျက်ရှိသောကြောင့် ရာဘာအစေးခြစ်လုပ်ငန်းများ လုပ်ကိုင်လျက်ရှိပြီး ယခင်အပတ်နှင့်နှိုင်းယှဉ်ပါက စျေးနှုန်းအနည်းငယ်ကျဆင်း၍ အရောင်းအဝယ်မှာ ပုံမှန်ရှိပြီး ရာဘာကို ထားဝယ်မှ ရန်ကုန်သို့ လည်းကောင်း၊ ထားဝယ်မှ မုဒုံသို့လည်းကောင်း တင်ပို့လျက်ရှိပြီး သယ်ယူပို့ဆောင်ခ(ကားခ) မှာ တစ်ပိဿာလျှင် (၁ဝဝိ/-)ကျပ် ပေးဆောင်ရကြောင်း ကုန်သည်တစ်ဦးထံမှ စုံစမ်းသိရှိရပါသည်။
DOCA(တနင်္သာရီ)