ပြည်တွင်းကုန်သွယ်မှုသတင်း

၅.၅.၂၀၂၅ ရက်နေ့၊ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ရေထွက် ကုန်ပစ္စည်းများ၏ တစ်ပိဿာ ဈေးနှုန်းများမှာ ဖျာပုံရွှေပုဇွန်ရှယ် မှာ ကျပ် ၂၈၀၀၀၀ ၊ ဖျာပုံရွှေပုဇွန်ရိုးရိုးကျပ် ၂၀၀၀၀၀၊ ဖျာပုံချိုကြီးရှယ် ကျပ် ၁၅၀၀၀၀၊ ဖျာပုံချိုကြီးရိုးရိုး ကျပ် ၁၂၀၀၀၀၊ ဖျာပုံချို သေးရှယ်ကျပ် ၉၅၀၀၀ ၊ ဖျာပုံ ချိုသေးရိုးရိုးကျပ် ၈၀၀၀၀ ၊မြိတ်ပုဇွန်လတ် ကျပ် ၁၂၀၀၀၀၊ မြိတ်ပုဇွန်ရိုးရိုး ကျပ် ၉၀၀၀၀၊ ရေချိုငါးခြောက်များဖြစ်ကြသော ငါးကျီးကြပ်တိုက်ကြီး   ကျပ် ၉၀၀၀၀ ၊ ငါးကျီးကြပ်တိုက်သေး  ကျပ် ၇၀၀၀၀ ၊ ငါးမြွေထိုး ကျပ် ၄၀၀၀၀ ၊ ငါးရံ့ခြောက်ကြီး ကျပ် ၈၅၀၀၀ ၊ ငါးရံ့ခြောက်လတ်ကျပ် ၆၅၀၀၀ ၊ ငါးရံလုံးရှယ် ကျပ် ၅၅၀၀၀ ၊ ရေငံငါးခြောက်များဖြစ်ကြသော ကလိန် ကျပ် ၁၀၀၀၀ ၊ ငါးကွမ်းရှပ်ကြီး ကျပ် ၃၅၀၀၀၊ ငါးတံခွန်မျှင်ကြီး (ရှယ်)ကျပ် ၂၀၀၀၀၊ ငါးတံခွန်လုံးကြီး ကျပ် ၆၀၀၀၊ ငါးနှပ်ခြောက် ကြီး(ရှယ်) ကျပ် ၅၀၀၀၀ ၊ ငါးရွှေသေး ကျပ် ၁၀၀၀၀ ၊ ငါးမီးတံသွယ် ကျပ် ၇၀၀၀  ဈေးတို့အသီးသီး ရှိကြကြောင်း ကုန်စည်ဒိုင်မှ စုံစမ်းသိရှိရပါသည်။

DOCA(ရန်ကုန်)

    စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ကုလားပဲ(၃၀၁၄၃)ဧက စိုက်ပျိုးကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် ကုလားပဲလုံးများ ကိုဒေသတွင်းအပြင် မန္တလေးမြို့မှ ဝယ်ယူရောင်းချကြောင်း၊ ရွှေဘိုမြို့ ဈေးကွက်အတွင်း မေလ၊ ဒုတိယအပတ်တွင်ရောင်းချသည့် ကုလားပဲလုံးဈေးနှုန်းမှာ (၁)ပြည်လျှင်(၆၀၀ဝိ/-)ကျပ်နှင့် တစ်တင်းလျှင် (၉၆၀၀ဝိ/-)ကျပ်ဖြစ်ကြောင်း၊ ကုလားပဲလုံးမှာ အဖြူရောင်နှင့် အဝါရောင် နှစ်မျိုးရှိပြီး ရောင်းချရသည့် ဈေးနှုန်းမှာလည်းတူညီကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ကုလားပဲလုံး(၁)ပြည်လျှင်(၆၀၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးအေးနေကြောင်း၊  ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့်သူများ၊ ကုလားပဲသုတ် ရောင်းချသူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA(စစ်ကိုင်း)

     ပဲခူးတိုင်းဒေသကြီး၊သာယာဝတီခရိုင် မင်းလှမြို့နယ်အတွင်းရှိ ရောင်းချနေသော ဟင်းသီး ဟင်းရွက်များမှာ မင်းလှမြို့နယ်ပတ်ဝန်းကျင်ရှိ ကျေးရွာများမှဝင်ရောက်သည့်အပြင် ပုတီးကုန်း ၊ သဲကုန်း၊ပေါင်းတည် စသည့်မြို့နယ်များမှလည်း ဝင်ရောက်ရောင်းချနေကြောင်း သိရှိရပါသည်။

    ထိုသို့ဝင်ရောက်ရာတွင်ဧပြီလ ပထမပတ်နှင့်ဒုတိယပတ်အတွင်း ခရမ်းချဉ်သီး ထိုင်ဝမ် ၁ပိဿာ ၁၅၀၀ ကျပ်၊ခရမ်းချဉ်သီး(ကိုင်းခရမ်းချဉ်သီး)တစ်ပိဿာလျှင်၂၅၀၀ကျပ်၊ ဂေါ်ဖီထုပ် ၁ထုပ်လျှင် (၁၀၀၀မှ၁၅၀၀) ကျပ်၊ ပန်းဂေါ်ဖီ ၁ထုပ် (၈၀၀မှ၁၂၀၀ )ကျပ်၊ ပန်းဂေါ်ဖီ(စိမ်း) တစ်ထုပ်၁၅၀၀ကျပ်၊ အာလူး ၁ပိဿာ ၅၀၀၀ မှ ၆၀၀၀ ကျပ်၊ ရွှေဖရုံသီး ၁လုံးလျှင် ၁၂၀၀ မှ ၁၅၀၀ ကျပ်၊ ဗူးသီး ၁လုံးလျှင် ၁၂၀၀ မှ ၁၅၀၀ ကျပ်၊ ငရုတ်ပွ ၁ပိဿာ ၁၃၀၀၀ ကျပ်၊ ချဉ်ပေါင်ရွက် ၁စည်းလျှင် ၂၀၀ ကျပ်၊ ပဲသီး ၁၀တောင့် ၁စည်းလျှင် ၈၀၀   ကျပ်၊ ကန်စွန်းရွက် ၁စည်းလျှင် ၃၀၀ ကျပ်၊ ခရမ်းရှည်သီး ၁လုံးလျှင် ၃၀၀ မှ ၄၀၀ ကျပ်၊ဆလပ်ရွက် ၁စည်းလျှင် ၅၀၀ မှ၇၀၀ ကျပ်၊သံပုရာသီး ၁လုံးလျှင်   ၂၀၀ ကျပ်၊ဖရဲသီး ၁လုံးလျှင်  ၅၀၀၀ ကျပ်၊ ငရုတ်သီးစိမ်း ၁ပိဿာလျှင် ၃၀၀၀/ကျပ်၊ရုံပတီသီး ၁စည်းလျှင် ၂၀၀ မှ ၂၅၀ ကျပ်၊မုန်လာဥတစ်တွဲလျှင် ၈၀၀/ကျပ်၊ပြောင်းဖူးတစ်ဖူးလျှင် ၇၀၀ ကျပ်ဖြင့် အရောင်းအဝယ် ဖြစ်လျက်ရှိကြောင်း သိရှိရပါသည်။ပုတီးကုန်း၊ သဲကုန်း၊အေးမြသာယာမှပြောင်း ဖူးနှင့်ဗူးသီးများ အများဆုံးဝင်ရောက်ပြီး တစ်နေ့လျှင်ပြောင်းဖူး ၃၀ဖူး အိတ် ၂၅ခန့်၊ဗူးသီး ၁၀လုံး အိတ် ၁၅အိတ်ခန့်၊ခရမ်းချဉ်သီး ၁၀ပိဿာ ဝင်းခြင်း၁၅ ခြင်းခန့် ဝင်ရောက်ကြောင်း ဟင်းသီးဟင်းရွက် ရောင်းချနေသော ကုန်သည်များထံမှ သိရှိရပါသည်။

DOCA(ပဲခူး)

     ပဲခူးတိုင်း‌ဒေသကြီး၊ သာယာဝတီခရိုင်  ၊ လက်ပံတန်းမြို့ရှိ  ဧပြီလတွင် ရောင်းချနေ သော ပန်းဈေးနှုန်းများကတော့ သစ်ခွပန်း (၁)ခက် ၁၀၀၀ ကျပ်၊ကြယ်တာယာပန်း (၁)စည်း ၂၀၀၀ ကျပ်၊ နှင်းဆီအပွင့်ကြီး (၁)စည်း ၃၀၀၀ ကျပ်၊နှင်းဆီပန်းအပွင့်သေး(၁)စည်း ၁၅၀၀ ကျပ်၊အောင် သပြေ(၁)စည်း ၅၀၀ ကျပ်၊ ဂန္ဓာမာပန်းအပွင့်ကြီး (၁)စည်း ၅၀၀၀ ကျပ်၊ဂန္ဓာမာပန်း အဖြူ(၁)စည်း ၃၀၀၀ကျပ်၊ဂန္ဓာမာအပွင့်သေးအဝါ (၁)စည်း ၂၀၀၀ ကျပ်၊မေမြို့ပန်းတစ်စည်း ၂၀၀၀ကျပ်၊ သစ္စာပန်းတစ်စည်း ၁၅၀၀  ကျပ်၊ ဇော်ကြားပန်း (၁)စည်း ၆၀၀ ကျပ်၊ ဇော်လုံး(၁)စည်း ၁၅၀၀ ကျပ်၊ စိန်ချယ်(၁)စည်း ၁၀၀၀ကျပ်၊ အာဆီယံ သပြေ (၁)စည်း ၃၀၀ ကျပ် စသည့်ဈေးနှုန်းများဖြင့် ရောင်းချနေကြကြောင်း မေးမြန်းသိရှိရပါသည်။

DOCA(ပဲခူး)

     မြန်မာတို့တွင်  (၁၂)လ ရာသီ ပွဲတော်များ ကျင်းပလျက်ရှိရာ ဧပြီလတွင် ကျရောက်သော သင်္ကြန်ပွဲတော်သည် အစည်ကားဆုံး ဖြစ်သည်။ မြန်မာနှစ်ဟောင်းကုန်ဆုံး၍ နှစ်သစ်ကို ကြိုဆို သော အဆိုပါ သင်္ကြန်ပွဲတော် ကာလတွင် မြန်မာ့ထုံးထမ်းအစဉ်လာအရ ဘာနုရာဇာမည်သော တနင်္ဂနွေ ဂြိုလ်မင်းသည် လူပြည်သို့ ဆင်းသက်လာသည်ဟု အယူရှိကြပါသည်။

     တနင်္ဂနွေ ဂြိုလ်မင်း လူ့ပြည်သို့ ဆင်းသက်လာခြင်းအား အတာအိုးများဖြင့် ကြိုဆိုကြ ပါသည်။ သင်္ကြန်ပြီး၍ နှစ်ဆန်းတစ်ရက်နေ့တွင် အိမ်တွင်ပရိတ်အိုးများ ပြုလုပ်ပြီး စုပေါင်းပရိတ် တရားတော်နာယူကြပါသည်။

     ထို့ကြောင့် နှစ်စဉ် သင်္ကြန်ကာလတွင် အတာအိုးများမှာ ရောင်းအားကောင်းသော ပစ္စည်း တစ်မျိုး ဖြစ်ပါသည်။ တောင်ငူမြို့ ညောင်ပင်ဈေးတွင် အတာအိုး တစ်လုံးလျှင် (၁၅၀၀)ကျပ်ဖြင့် ရောင်းချပေးနေကြောင်း အတာအိုး ရောင်းချသူ တစ်ဦးထံမှ သိရှိရပါသည်။

DOCA(ပဲခူး)