သတင်းနှင့် လှုပ်ရှားမှုများ

  ဧရာဝတီတိုင်းဒေသကြီးအစိုးရအဖွဲ့၏ လမ်းညွှန်ချက်ဖြင့် ၂.၆.၂၀၂၅ ရက်နေ့ စားသုံးသူ ရေးရာဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနနှင့် စက်မှုကြီးကြပ်ရေးနှင့်စစ်ဆေးရေး ဦးစီးဌာန ကိုယ်စားလှယ်များပါဝင်သော မြေပြင်ကွင်းဆင်းစစ်ဆေးရေးအဖွဲ့ဖြင့် Gasifier အသုံးပြု၍ လည်ပတ် ဆောင်ရွက်လျက်ရှိသော မြောင်းမြခရိုင်၊ မြောင်းမြမြို့နယ် ဘုရားကျောင်းရပ်ကွက်ရှိ ရွှေပြည်ကျော်ဆန်စက်၏ ရေဆိုးသန့်စင်မှုစနစ် ဆောင်ရွက်ထားရှိမှု အခြေအနေများ၊ MyRo တွင် သိုလှောင်ရုံထားရှိမှု ရှိ/မရှိ စစ်ဆေးခြင်း ဆောင်ရွက်ခဲ့ပါသည်၊၊

   အဆိုပါ ဆန်စက်တာဝန်ရှိသူ ဦးကျော်စိုးအား ရေဆိုးသန့်စင်မှုနစ်(ရေဆိုးသန့်စင်ကန် ၊ ရေဆိုးစီးဆင်းသည့်ရေမြောင်း၊ စက်ဖွဲပြာစစ်ထုတ်စုပုံထားရှိမှုများ)နှင့် ပတ်သတ်၍ သတ်မှတ် စံချိန်စံညွှန်းများနှင့်အညီ ဆောင်ရွက်ထားရှိစေရေး သဘာဝပတ်ဝန်းကျင်ထိခိုက်မှုမရှိစေရေး စစ်ဆေး ခဲ့ပြီး လိုအပ်သည်များကို သက်ဆိုင်ရာဌာနများအလိုက် ကြီးကြပ်ဆောင်ရွက်ရန် ကွင်းဆင်းမှာကြားခဲ့ ပါသည်၊၊

DOCA(ဧရာဝတီ)

ဧရာဝတီတိုင်းဒေသကြီးအစိုးရအဖွဲ့၏ လမ်းညွှန်ချက်ဖြင့် ၂.၆.၂၀၂၅ ရက်နေ့ စားသုံးသူ ရေးရာဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနနှင့် စက်မှုကြီးကြပ်ရေးနှင့်စစ်ဆေးရေး ဦးစီးဌာန ကိုယ်စားလှယ်များပါဝင်သော မြေပြင်ကွင်းဆင်းစစ်ဆေးရေးအဖွဲ့ဖြင့် Gasifier အသုံးပြု၍ လည်ပတ် ဆောင်ရွက်လျက်ရှိသော မြောင်းမြခရိုင်၊ မြောင်းမြမြို့နယ် ဘုရားကျောင်းရပ်ကွက် ရှိ သစ္စာ ဆန်စက်၏ ရေဆိုးသန့်စင်မှုစနစ် ဆောင်ရွက်ထားရှိမှု အခြေအနေများ၊ MyRo တွင် သိုလှောင်ရုံထားရှိမှု ရှိ/မရှိ စစ်ဆေးခြင်း ဆောင်ရွက်ခဲ့ပါသည်၊၊

အဆိုပါ ဆန်စက် တာဝန်ရှိသူ ဦးသန့်ဇော်ထူးအား ရေဆိုးသန့်စင်မှုနစ်(ရေဆိုးသန့်စင်ကန် ၊ ရေဆိုးစီးဆင်းသည့်ရေမြောင်း၊ စက်ဖွဲပြာစစ်ထုတ်စုပုံထားရှိမှုများ)နှင့် ပတ်သတ်၍ သတ်မှတ်စံချိန် စံညွှန်းများနှင့်အညီ ဆောင်ရွက် ထားရှိစေရေး သဘာဝပတ်ဝန်းကျင်ထိခိုက်မှုမရှိစေရေး စစ်ဆေးခဲ့ပြီး လိုအပ်သည်များကို သက်ဆိုင်ရာဌာနများအလိုက် ကြီးကြပ်ဆောင်ရွက်ရန် ကွင်းဆင်းမှာကြား ခဲ့ပါသည်၊၊

DOCA(ဧရာဝတီ)

     ၂၀၂၅ ခုနှစ်၊ ဇွန်လ ၃ ရက်နေ့၊ နံနက် ၉း၀၀ နာရီအချိန်တွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ အစည်းအဝေးခန်းမ(၁)၊ ရုံးအမှတ်(၅၂)၊ နေပြည်တော်၌ မြန်မာနိုင်ငံစားသုံးသူကာကွယ်ရေးကော်မရှင်ဥက္ကဋ္ဌ၊ စီးပွားရေးနှင့် ကူးသန်းရောင်းဝယ်ရေးဝန်ကြီး ဌာန ပြည်ထောင်စုဝန်ကြီး ဦးဆောင်ကျင်းပပြုလပ်သည့် မြန်မာနိုင်ငံစားသုံးသူကာကွယ်ရေး ကော်မရှင်၏ (၂/၂၀၂၅) ကြိမ်မြောက် လုပ်ငန်းညှိနှိုင်းအစည်းအဝေးအား တနင်္သာရီတိုင်းဒေသကြီး စားသုံးသူရေးရာကော်မတီမှ ဒုတိယဥက္ကဋ္ဌ၊ အတွင်းရေးမှူးနှင့် ကော်မတီအဖွဲ့ဝင်များမှ တနင်္သာရီတိုင်းဒေသကြီးအစိုးရအဖွဲ့ရုံး၊ ၃ ထပ်ဆောင်၊ Video Conferencing Room မှ Zoom Meeting ဖြင့် တက်ရောက်ခဲ့ပါသည်။

          အဆိုပါအစည်းအဝေးတွင် မြန်မာနိုင်ငံစားသုံးသူကာကွယ်ရေးကော်မရှင် ဥက္ကဋ္ဌက အဖွင့်အမှာစကားပြောကြားခြင်း၊ အတွင်းရေးမှူးက မြန်မာနိုင်ငံစားသုံးသူကာကွယ်ရေးကော်မရှင်၏  (၁/၂၀၂၅) ကြိမ်မြောက် လုပ်ငန်းညှိနှိုင်းအစည်းအဝေး၏ ဆုံးဖြတ်ချက်များအပေါ် ဆောင်ရွက်ပြီးစီးမှု အခြေအနေများ၊ လုပ်ငန်းဆောင်ရွက်မှု အခြေအနေများနှင့် အမှာစာများတင်ပြခြင်း၊  မြန်မာနိုင်ငံစားသုံးသူကာကွယ်ရေး ကော်မရှင် ဥက္ကဋ္ဌမှ အမှာစာများအပေါ် အဆုံးအဖြတ်ပေးခြင်း၊ မြန်မာနိုင်ငံ စားသုံးသူကာကွယ်ရေး ကော်မရှင်အဖွဲ့ဝင်များမှ ရှင်းလင်းဆွေးနွေးခြင်း၊ ပြည်ထောင်စုနယ်မြေ၊ တိုင်းဒေသကြီး/ပြည်နယ် စားသုံးသူရေးရာကော်မတီဥက္ကဋ္ဌများမှ ဆွေးနွေးတင်ပြခြင်း၊ တက်ရောက်လာကြသူများမှ အထွေထွေဆွေးနွေးခြင်းများ‌‌ဆောင်ရွက်ခဲ့ကာ မြန်မာနိုင်ငံစားသုံးသူကာကွယ်ရေးကော်မရှင် ဥက္ကဋ္ဌက နိဂုံးချုပ်စကားပြောကြားခဲ့ပြီး လုပ်ငန်းညှိနှိုင်းအစည်းအဝေးအား နေ့လယ် (၁၂း၀၀) နာရီအချိန်တွင် ပြီးမြောက်ခဲ့ကြောင်း သိရှိရပါသည်။

DOCA (တနင်္သာရီ)

   ဧရာဝတီတိုင်းဒေသကြီး စားသုံးသူရေးရာဦးစီးဌာနအစည်းအဝေးခန်းမတွင် မေလ ၂၈ ရက်နေ့ မြန်မာနိုင်ငံဆန်စပါးအသင်းချုပ် MRF သို့ လစဉ်ပေါ်ဆန်းဆန်အိတ်ရေ (၁၅၀၀၀)ရောင်းချနိုင်ရေး လုပ်ငန်းညှိနှိုင်းအစည်းအဝေးကျင်းပပြုလုပ်ရာ စားသုံးသူရေးရာဦးစီးဌာန တိုင်းဦးစီးမှူးဦးဝင်းထွန်း၊ ဒုတိုင်း ဦးစီးမှူးဦးထွန်းထွန်းနှင့် သက်ဆိုင်ရာခရိုင်ဦးစီးမှူးများ ဧရာဝတီကုန်သည် စက်မှုလက်မှုအသင်း အတွင်းရေးမှူး ဦးမောင်မောင်ဦး ၊တိုင်းဆန်စက်အသင်းဥက္ကဌ ဦးစိုးဝင်း၊ ဆန်ကုန်သည်များ အသင်း ဥက္ကဌဦးအောင်ကျော်စိုး၊ ပုသိမ်ခရိုင်မှဆန်စက်ပိုင်ရှင်နှင့်ဆန်ကုန်သည်များ၊ဖျာပုံခရိုင်မှ ဆန်စက်ပိုင်ရှင်နှင့် ဆန်ကုန်သည်များ၊ မြောင်းမြ ခရိုင်မှ ဆန်စက်ပိုင်ရှင်နှင့်ဆန်ကုန်သည်များ တက်ရောက်ခဲ့ပါသည်။

   စားသုံးသူရေးရာဦးစီးဌာန တိုင်းဦးစီးမှူးမှ ပြည်တွင်းဆန်ဈေးကွက်အတွင်း ပေါ်ဆန်းဆန်များ စီးဝင်/စီးထွက်မှန်ကန်မှုရှိစေရေးနှင့် ဈေးကွက်ဈေးနှုန်းတည်ငြိမ်စေရေးအတွက် လစဉ်မြန်မာနိုင်ငံ ဆန်စပါး အသင်းချုပ်သို့ ပေါ်ဆန်းဆန်အိတ် ရေ ၁၅၀၀၀ ရောင်းချရေး ညှိနှိုင်းဆောင်ရွက်ရန် ဆွေးနွေးပြောကြားပါသည်။ တက်ရောက်လာသော လုပ်ငန်းရှင်များမှ ခရိုင်၊မြို့နယ်အလိုက် ပေါ်ဆန်းဆန်များရောင်းချရေး တူညီမှုရှိစေရေး မိမိတို့မြို့နယ်အလိုက် ပေါ်ဆန်းဆန်စိုက်ပျိုးမှု ဧကအထွက်နှုန်းများ ဈေးကွက်အခြေအနေတို့ကို ဆွေးနွေးခဲ့ပြီး ပုသိမ်၊ကျုံပျော်၊ဟင်္သာတ၊မအူပင်၊ဖျာပုံ၊လပွတ္တာမြို့နယ်များ ဆန်စက်ပိုင်ရှင်ဆန်ကုန်သည်များမှ MRF သို့ လစဉ်ရောင်းချရေး ဆန်စက်ပိုင်ရှင်အိမ်အရေအတွက်တို့ကို ဝိုင်းဝန်းဆွေးနွေးပြီး တိုင်းအတွင်း ခရိုင်၊မြို့နယ်များမှ ဆန်စက်ပိုင်ရှင်၊ဆန်ကုန်သည် ၃၅ ဦးတက်ရောက်ခဲ့ကြောင်းသိရသည်။

DOCA(ဧရာဝတီ)

     တနင်္သာရီတိုင်းဒေသကြီး အစိုးရအဖွဲ့၏ ကြီးကြပ်မှုဖြင့် တနင်္သာရီတိုင်းဒေသကြီး၊ ထားဝယ်မြို့တွင် ဘိလပ်မြေပြတ်လပ်မှုမရှိစေရေး ၂၀၂၅ ခုနှစ်၊ ဇွန်လ ၁ ရက်နေ့၊ နေ့လယ် (၁၂း၀၀) နာရီအချိန်တွင် ကော့သောင်းမြို့မှ ထားဝယ်မြို့၊ ထူးထူးတိုးဆိပ်ကမ်းသို့ ရောက်ရှိဆိုက်ကပ်လာသော အမ်ဗွီဝေပုလ္လ သင်္ဘောဖြင့် တင်ဆောင်လာသော SCG အမှတ်တံဆိပ် ၅၀ ကီလိုဂရမ် ဘိလပ်မြေ အိတ် ၄၀,၀၀၀ အား စားသုံးသူရေးရာဦးစီးဌာနမှ ဦးစီးအရာရှိ ဒေါ်အေးအေးလွင်နှင့် အကောက်ခွန်ဦးစီးဌာန၊ ရေကြောင်းရဲတပ်ဖွဲ့၊ မြန့်မာ့ဆိပ်ကမ်းအာဏာပိုင်အဖွဲ့တို့မှ တာဝန်ရှိသူများပါဝင်သော ပူးပေါင်းအဖွဲ့ဖြင့် စစ်ဆေးဆောင်ရွက်ခဲ့ပြီး အဆိုပါဘိလပ်မြေများအား ထားဝယ်မြို့ပေါ်ရှိ အိမ်ဆောက်ပစ္စည်းအရောင်းဆိုင်များမှ ဒေသတွင်းဆောက်လုပ်ရေးလုပ်ငန်းများ၊ လိုအပ်သော ပြည်သူများသို့ ရောင်းချပေးသွားမည်ဖြစ်ကြောင်း သိရှိရပါသည်။

DOCA (တနင်္သာရီ)