ဧရာဝတီတိုင်းဒေသကြီးမှ ပန်းတနော်မြို့နယ်လေးသည် “သင်ဖြူးဖျာ ဆိုလျှင် ပန်းတနော်က” ယက်လုပ် ထုတ်လုပ်ထွက်ရှိသည်ဟု ဆိုရလောက်အောင်ပင် မိရိုးဖလာ လက်မှုလုပ်ငန်းဖြစ်သည့် သင်ဖျာလုပ်ငန်းဖြင့် အထူးထင်ရှားလှသည်။
သင်ဖျာလုပ်ငန်းဖြင့် ပန်းတနော်မြို့တွင် စီးပွားရေးလုပ်ငန်းရှင်များရှိလို အလုပ်အကိုင်အခွင့် အလမ်း ရှာဖွေသော လုပ်ငန်းတစ်ခုလည်း ဖြစ်သည်။ ဒေသထွက်ကုန်တစ်ခုဖြစ်၍ လူမှု ကဏ္ဍဖွံ့ဖြိုးတိုးတက်ရေး လုပ်ငန်းအစလည်းဖြစ်သည်။ ဒေသတွင်းလုပ်ငန်း ဖွံ့ဖြိးမှ နိုင်ငံစီးပွား အထောက်အကူဖြစ်စေသည့်အတွက် အသေးစား၊အလတ်စား၊ အငယ်စားလုပ်ငန်းများ ဖွံ့ဖြိုးတိုးတက်ရန် လိုအပ်သည်။ ထိုကြောင့် ပန်းတနော်မြို့မှ ယက်လုပ်သောသင်ဖျာလုပ်ငန်းသည်လည်း မိရိုးဖလာလက်မှု လုပ်ငန်းတစ်ခုဖြစ်၍ နိုင်ငံတွင်း လူသုံများသောကုန်စည်၊ ပြည်ပ လူမျိုးများ အသုံးပြုနိုင်သည့် ပြည်ပဝဈေးကွက်ဝင်ကုန်စည် တစ်ခုဖြစ်ရန် ပန်းတနော် သင်ဖျာလုပ်ငန်းအကြောင်း တင်ပြလိုသည်။
သင်ဖျာစိုက်ပျိုးမှုနှင့် ယက်ထုပ်မှုကုန်ကြမ်း
ဧရာဝတီတိုင်းဒေသကြီးအတွင်း သင်ဖြူးဖျာ ထုတ်လုပ်သော မြို့များအနက် ပန်းတနော်မြို့နယ် မှာ လူဦးရေ၏ ၈ဝ ရာခိုင်နှုန်းခန့်က သင်ဖျာလုပ်ငန်းကို အဓိက လုပ်ကိုင်ကြပြီး အသက်အရွယ်မရွေး သင်ဖျာ လုပ်ငန်းအကြောင်းကို အနည်းနှင့်အများဆိုသလို သိရှိတတ်ကျွမ်းကြသူများ ဖြစ်ပြီး၊ သင်ဖျာယက်လုပ်သလို သင်ပင်ကိုလည်း စိုက်ပျိုးလျှက်ရှိသည်။ မြို့နယ်အတွင်းရှိ ကျေးရွာ အုပ်စု ၃၄ အုပ်စု တွင် သင်ခြံစိုက်ပျိုး မှု ၁၀၅၂၅ ဧကရှိပြီး ပန်းတနော်ဒေသမှထွက်သည့် သင်မှ ကုန်ကြမ်း များ ကို ဓနုဖြူ၊ မအူပင်၊ ညောင်တုန်း၊ အစရှိသည့် အနီးအနား ရှိ မြို့နယ်များက ဝယ်ယူပြီး သင်ဖျာယက်လုပ်ကြကြောင်း၊ ပန်းတနော်တွင် သင်ခြံစိုက်ပျိုးပြီး စိုက်ပျိုး မှု ၁၀၅၂၅ ဧကရှိသည်။ သင်က သုံးနှစ် တစ်ကြိမ် ခုတ်ယူနိုင်တဲ့အတွက် ကုန်ကြမ်း သင်အစိုတွေ လိုသလောက်ဝယ်ယူနိုင်တယ်။ ကုန်ကြမ်းထွက်ချိန်မဟုတ်တဲ့ မိုးတွင်းကာလမှာတောင် ကုန်ကြမ်းကို သင်ခြောက်လှောင်တဲ့သူတွေဆီက လိုသလောက်ဝယ်နိုင်လို့ ဒီဒေသမှာ ဖျာအတွက် ကုန်ကြမ်းပြတ်တာတော့ မရှိပါတာမျိုး မရှိကြောင်း သင်ဖျာလုပ်ငန်းရှင်တစ်ဦးဖြစ်သူဦးဝင်းမောင်ကဆိုသည်။
ပန်းတနော်မြို့နယ်အတွင်းရှိရွာတိုင်းနှင့် အိမ်တိုင်းနီးပါး ဖျာလုပ်တယ်။ ကိုယ်ပိုင်လုပ် နိုင်တဲ့သူက ကိုယ်ပိုင် ဖျာယက်လုပ်ငန်းကို လုပ်သားများနှင့် ယက်လုပ်ကြပြီး၊ ကိုယ်ပိုင် မထောင်နိုင်တော့ လည်း လက်ခစား လုပ်၍ ဖျာယက်လုပ်ငန်းကို လုပ်ကိုင်ကြသည်။
သင်ဖျာထုတ်လုပ်နိုင်မှု အခြေအနေ
သင်ဖျာလုပ်ငန်းတွင် လုပ်ငန်းအမျိုးအစား အလိုက် ရရှိသည့် လုပ်ခလစာများမှာ မတူညီပေ။ ဖျာချုပ်သူမှာ ချုပ်နိုင်သည့်အပေါ်မူတည်၍ တစ်ရက် ကျပ် ၁၀၀၀၀/ ၁၅၀၀၀ ရသည်။ သင်ဖျာယက်လုပ်သူ လုပ်သား အနည်းဆုံး သုံး/လေးဦး ငှားရမ်းပြီး လက်ခစားစနစ်ဖြင့် ဖျာများထုတ်လုပ်လျက်ရှိရာ ခြောက်တောင်ညွန့်ရှယ်ဖျာ နှစ်ယောက်အိပ် အချပ် ၆၀၊ ခြောက်တောင် ရိုးရိုးဖျာ ငါးစိတ် အချပ် ၇၀၊ လေးတောင်ညွန့်ရှယ် တစ်ယောက်အိပ် အချပ် ၈၀၊ လေးတောင် ငါးစိတ်ဖျာ ကြမ်းချော အချပ် ၈၀ ခန့်ဖြင့် စုစုပေါင်း တစ်လလျှင် ဖျာအချပ်ရေ ၂၉၀-၃၀၀နီးပါး ခန့် ထုတ်လုပ်နိုင်ကြောင်း ပန်းတနော်သင်ဖြူးဖျာထုတ်လုပ်ရေးအသင်းမှ တာဝန်ရှိသူက ရှင်းလင်’ ပြောပြသည်။
ပန်းတနော်မြို့ယက်လုပ် ထုတ်လုပ်သည့် ဖျာအမျိုးမျိုး မှာ သင်ဖျာဈေးကွက်၌ နေရာတစ်ခု အခိုင်အမာ ရရှိနေပြီဖြစ်သလို သင်ဖြင့်လုပ်သည့် ဦးထုပ်၊ ဖိနပ်၊ ပိုက်ဆံအိတ်စသည့် အမှတ်တရ အသုံးအဆောင် ပစ္စည်းများကိုလည်း ပြည်တွင်း ပြည်ပ ခရီးသွားတို့ နှစ်သက်စွာ ဝယ်ယူလာကြကြောင်း ပြောပြသည်။
သင်ဖျာရောင်းချမှုနှင့် ဈေးနှုန်းဈေးကွက်
ပန်းတနော်မှ သင်ဖြူးဖျာအမျိုးမျိုး ထုတ်ကုန်များကို ရောင်းချသော ဖျာအရောင်းဆိုင် (၁၀)ဆိုင်ခန့်ရှိသည်။ ထိုဆိုင်များမှ ကုန်ကြမ်းယက်လုပ်ပြီးဖျာများကို ကျေးရွာဖျာယက်လုပ်ငန်းအထိ လိုအပ်သော ဖျာအမျိုးအစားများကို ဝယ်ဘူပြီး ကုန်ချောအဖြစ်ယက်လုပ်ကာ ဆိုင်တွင် တင်ရောင်းချခြင်းမျိုး လည်းရှိသည်။ စိတ်ကူးစိတ်သန်း၊ ပုံဖော်၍ ဒီဇိုင်ပုံစံအမျိုးမျိုး ကြိမ် ဝါး ဖျာ ပေါင်းစပ်ဥ ၍ ထုတ်လုပ်ကြောင်း ယူကေစိန် သင်ဖျာရောင်းဝယ်ရေး လုပ်ငန်းရှင်မှ ရှင်းပြသည်။
သင်ဖျာရောင်းချမှု ဈေးနှုန်းအနေဖြင့် ရောင်းချနေသော အမျိုးအစား အလိုက် ကားစတီခုံအခင်း (အဝိုင်း၊ လေးထောင့်) ၅၅၀၀ ကျပ်၊ ၂ပေပတ်လည်ဖျာ ၁၆၀၀၀ကျပ်၊ ၁၈လက်မ ပတ်လည်ဖျာ ၂၅၀၀၀ကျပ်၊ ၆ပေ ၃ပေ တစ်ဖက်ချောဖျာ ၄၅၀၀၀ ကျပ်၊ ၆ပေ ၃ပေ နှစ်ဖက်ချောဖျာ ၅၅၀၀၀ ကျပ်၊ ၆ပေခွဲ ၅ပေ ၃လက်မ တစ်ဖက်ချောဖျာ ၆၅၀၀၀ ကျပ်၊ ၅ပေ ၄လက်မ ၂ပေဖျာ ၁၅၀၀၀ကျပ်၊ ၅ပေ ၄လက်မ ၄ပေ ၂လက်မ ဖျာ ၃၀၀၀၀ ကျပ်၊ ၆ပေ ၃ပေ ၉လက်မ ဖျာ ၄၅၀၀၀ ကျပ်၊ ၆ပေ ၂ပေ ၁၀လက်မ ဖျာ ၃၅၀၀၀ ကျပ်၊ ၆ပေ ၃ပေ ၃၈၀၀၀ ကျပ်၊ ၆ပေခွဲ ၅ပေ ၃လက်မ ၆၅၀၀၀ ကျပ်၊ ၆ပေ ၄ပေ (ခါးဆက်)ဖျာ ၃၃၀၀၀ ကျပ်၊ ၆ပေ ၄ပေ ၄လက်မဖျာ ၃၈၀၀၀ ကျပ်ရောင်းချနေသည်။ ယခင်နှစ် ဈေးထက် ၂၀၀၀၀-၂၅၀၀၀ ကျပ် ဈေးမြင့်တက်လာကြောင်း ရောင်းချသူလုပ်ငန်းရှင်မှပြောပြသည်၊
လုပ်ငန်းအခက်အခဲ
လုပ်ငန်းအခက်အခဲအနေဖြင့် သင်ဖျာလုပ်ငန်း ဖွံ့ဖြိုး တိုးတက်ရန် မတည်ရင်းနှီးငွေ လို အပ်နေခြင်း၊ လုပ်သားအင်အားရှားပါးခြင်း၊ လုပ်ငန်းနည်းပညာ လိုအပ်ခြင်း၊ သင်ဖျာကြမ်းနှင့်အချော နှစ်ချပ်ကို ချုပ်ရန်အတွက် အနားကွပ်ချုပ်သည့်အခါ လက်ဖြင့်သာ ချုပ်၍ လှိုင်းတွန့် အလှသည် စက်ဖြင့်ပြောင်းလဲ ချုပ်နိုင်လျှင် ထွက်ရှိမှု ပိုမို များပြာထွက်ရှိမည်ဖြစ်ပြီး၊ လက်ဖြင့်အနားချုပ်ခြင်းကြောင့် အချိန်ကြန့်ကြာ နေကြောင်း၊ ယက်လုပ်ခြင်းက မကြာပဲ၊ သင်ဖျာချုပ်လုပ်ချိန်က ပိုကြသည့်အတွက် သင်ဖျာချုပ်စက်များ ရှိပါက လုပ်ငန်း ပိုမိုတွင်ကျယ်မည်ဖြစ်ကြောင်း၊ အိမ်တွင်းလက်မှု လုပ်ငန်းဖြစ်နေ၍ နှစ်ကြာသော မိရိုးဖလာ လုပ်ငန်းဖြစ် သည့် အတွက် ဖျာကိုလက်ဖြင့်ချုပ်မှသာ လှပသော လှိုင်းအနားတွန့်ထွက်ရှိ ပြီး သေသပ်သော ဖျာတစ်ချပ် ရရှိကြောင်း သင်ဖျာလုပ်ငန်းရှင် အသင်းစု၏ အတွင်းရေးမှု၏ ပြောပြချက်အရ လေ့လာသိရှိရသည်။
ရှင်းလင်းတင်ပြချက်
သင်ဖျာယက်လုပ်ပြီး ကုန်စည်များကို ဒေသကုန်စည်ပြပွဲ တိုင်းဒေသကြီး ကုန်စည်ပြပွဲများတွင် ခင်ကျင်း ပြသပြီး နိုင်ငံတော် လူကြီးများမှ ဒေသတွင်းလက်မှု လုပ်ငန်းများကို အားပေးကူညီ စိတ်ဝင်စားသည့်အတွက် သင်ဖျာလုပ်ငန်းဖွံ့ဖြိုးတိုးတက်စေရန် ကူညီဆောင်ရွက်ပေးစေလိုကြောင်း၊ ဒေသတွင်းလုပ်ငန်း ယက်လုပ်မှု အခြေ အနေများကို သိရှိနားလည်မှ ကူညီပံပိုးမှု လုပ်ငန်းဆောင်ရွက်နိုင်မည်ဖြစ်၍ တင်ပြပေးနိုင်ရန်ကိုလည်း သတ်မှတ်ချက်များ စည်းမျဉ်း စည်းကမ်းများ ချမှတ်၍ လုပ်ငန်း အငယ်၊ အလတ်၊ အကြီးအလိုက် ချေးငွေများ ရရှိနိုင်ရန်၊ လက်မှု မှ စက်မှုလုပ်ငန်းသို့ ပြောင်းလဲကူညီဆောင်ရွက်နိုင်ရန်၊ အလုပ်အကိုင်အခွင့်အလမ်းကောင်း လိုအပ်သည့် ငွေကြေးအရင်း အနှီး၊ နည်းပညာ၊ ဈေးကွက်များ ကောင်းမှ လုပ်ငန်းတစ်ခု ဖွံဖြိုးတိုးတက်လာနိုင်မည့်အကြောင်းကို ကွင်းဆင်းလေ့လာချက်များအရ ရေးသားတင်ပြအပ်ပါသည်။
DOCA(ဧရာဝတီ)
