စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် (၃၁.၁၀.၂၀၂၅) ရက်နေ့ နေ့ယ် (၁၃:၃၀) နာရီအချိန်တွင် ဦးပိုင်အမှတ်(၇၉/ဃ) + ၄၀/ဟ၊ ကြို့ကုန်းအနောက်ရပ်ကွက်၊ အင်းစိန်မြို့နယ်ရှိ Nilar Yoma စက်သုံးဆီဆိုင်သို့ ဈေးကွက်စောင့်ကြည့်ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရပါသည်။
Nilar Yoma စက်သုံးဆီဆိုင်မှ တာဝန်ခံ ဦးဝင်းမော်ဦးမှ ပူးပေါင်းပါဝင်လျက် မြန်မာနိုင်ငံစက် သုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ထုတ်ပြန်ပေးလျက်ရှိသော စက်သုံးဆီရည်ညွှန်းဈေးအတိုင်း LED ဘုတ်ဖြင့် ရောင်းချပေးလျက်ရှိကာ၊ ရောင်းချဆီအမျိုးအစား၏ ဈေးနှုန်း၊ ဆီဘောက်ဆာကားဝင်ရောက်မှုနှင့် ဆီလက်ကျန်အခြေအနေများကို သက်ဆိုင်ရာဌာနများသို့ နေ့စဉ်စာရင်းပေးပို့လျက်ရှိပြီး စက်သုံးဆီဈေးနှုန်းများမှာ ဓါတ်ဆီ(92)တစ်လီတာလျှင် (၂၇၀၅) ကျပ်၊ ဓါတ်ဆီ(95)တစ်လီတာလျှင် (၂၈၀၀)ကျပ်၊ ဒီဇယ်(ရိုးရိုး)တစ်လီတာလျှင် (၂၄၅၅)ကျပ်၊ ဒီဇယ် (ပရီမီယမ်)တစ်လီတာလျှင် (၂၉၉၀)ကျပ်ဖြင့် ရောင်းချလျက်ရှိကြောင်း သိရှိရပါသည်။
DOCA (ရန်ကုန်)