သတင်းနှင့် လှုပ်ရှားမှုများ

            ၂၀၂၅ ခုနှစ်၊ ဇန်နဝါရီလ (၆)ရက် နေလယ် (၁၃:ဝဝ)နာရီအချိန်၌ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ အစည်းအဝေးခန်းမ-၁၊ ရုံးအမှတ် (၅၂)၊ နေပြည်တော်တွင် မြန်မာနိုင်ငံ စားသုံးသူကာကွယ်ရေးကော်မရှင်ဥက္ကဌ ပြည်ထောင်စုဝန်ကြီးဦးဆောင်၍ လုပ်ငန်းညှိနှိုင်းအစည်းအဝေး (၁/၂၀၂၅)ကို ကျင်းပပြုလုပ်ခဲ့ရာ မြန်မာနိုင်ငံစားသုံးသူကာကွယ်ရေးကော်မရှင်အတွင်းရေးမှူး၊ မြန်မာ နိုင်ငံစားသုံးသူကာကွယ်ရေးကော်မရှင်အဖွဲ့ဝင်များ ညွှန်ကြားရေးမှူးချုပ် ကုန်သွယ်ရေးဉီးစီးဌာန၊ ညွှန်ကြားရေးမှူးချုပ် မြန်မာကုန်သွယ်မှုမြင့်တင်ရေးအဖွဲ့၊ ဒုတိယအမြဲတမ်းအတွင်းဝန်  ပြည်ထောင်စု ဝန်ကြီးရုံး၊ ဒုတိယညွှန်ကြားရေးမှူးချုပ် စားသုံးသူရေးရာဦးစီးဌာန၊ ကဏ္ဍအလိုက် စားသုံးသူအငြင်းပွားမှု ဖြေရှင်းရေး အထောက်အကူပြုလုပ်ငန်းကော်မတီအဖွဲ့ခေါင်းဆောင်နှင့်အဖွဲ့ဝင်များ၊ စားသုံးသူရေးရာ ဦးစီးဌာနမှ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ လက်ထောက်ညွှန်ကြားရေးမှူးများ၊ ဦးစီးအရာရှိများနှင့်  ပြည်ထောင်စုနယ်မြေ၊ တိုင်းဒေသကြီး/ ပြည်နယ်စားသုံးသူရေးရာကော်မတီ ဥက္ကဌ များမှ  Virtual စနစ်ဖြင့် တက်ရောက်ခဲ့ကြောင်း သိရှိရပါသည်။

             အဆိုပါ အစည်းအဝေးတွင် မြန်မာနိုင်ငံစားသုံးသူကာကွယ်ရေးကော်မရှင်ဥက္ကဌ၊ ပြည်ထောင်စု ဝန်ကြီးက အဖွင့်အမှာစကားပြောကြားခဲ့ပြီး မြန်မာနိုင်ငံစားသုံးသူကာကွယ်ရေး ကော်မရှင်အတွင်းရေးမှူးမှ မြန်မာနိုင်ငံစားသုံးသူကာကွယ်ရေးကော်မရှင် လုပ်ငန်းညှိနှိုင်းအစည်းအဝေး(၁/၂၀၂၄)၏ ဆုံးဖြတ်ချက် များအပေါ် ဆောင်ရွက်ပြီးစီးမှုအခြေအနေများတင်ပြခြင်း၊  လုပ်ငန်းဆောင်ရွက်မှုအခြေအနေများနှင့် အမှာစာများအားဖတ်ကြားတင်ပြခဲ့ရာ ကော်မရှင်ဥက္ကဌက အမှာစာများအပေါ် အဆုံးအဖြတ်ပေးခဲ့ပါသည်။ ထို့နောက် ပြည်ထောင်စုနယ်မြေ၊ တိုင်းဒေသကြီး/ ပြည်နယ်စားသုံးသူရေးရာကော်မတီ ဥက္ကဌများက လုပ်ငန်းဆောင်ရွက်မှုအခြေအနေများအားအခြေအနေများအား ရှင်းလင်းတင်ပြ ဆွေးနွေးခဲ့ကြပြီး လုပ်ငန်း ညှိနှိုင်းအစည်းအဝေးကို အောင်မြင်စွာရုပ်သိမ်းခဲ့ကြောင်း သတင်းရရှိပါသည်။

DOCA(စစ်ကိုင်း)

စားသုံးသူရေးရာဦးစီးဌာန၊ဟင်္သာတမြို့နယ်တာဝန်ခံသည် ဇန်နဝါရီလ(၇)ရက်နေ့ နံနက် (၈:၃၀) နာရီအချိန်တွင် ဟင်္သာတမြို့နယ်၊ နတ်မော်တိုက်နယ်ရှိ အခြေခံပညာအထက် တန်း(နတ်မော်)ကျောင်း၊ ကျောင်းမုန့်ဈေးတန်းတွင် ရောင်းချသော မုန့်ဆိုင်များအား ဈေးကွက် စောင့်ကြည့် စစ်ဆေးခြင်း ဆောင် ရွက်ခဲ့ပါသည်။

          ထိုသို့ကွင်းဆင်းခဲ့ရာတွင် ကျောင်းဈေးတန်းတွင်ရောင်းချသော မုန့်များတွင် ရက်လွန်ခြင်း၊ မှိုတက်ခြင်းများ ရောင်းချမှု ရှိ/မရှိ၊ တားမြစ်ဆိုးဆေးသုံးစွဲထားသော မုန့်များ ရောင်းချမှုမရှိစေရေးနှင့်  စားသုံးသူမိဘပြည်သူများ ဘေးအန္တရာယ် ကင်းရှင်းစေရန်အတွက် ဈေးကွက် အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်း အမှတ်အသားများ ပြည့်စုံ မှန်ကန်စွာ ဖော်ပြခြင်းရှိ/မရှိ၊ သတ်တမ်းလွန်ကုန်စည်များရောင်းချခြင်းရှိ/မရှိတို့ကို စစ်ဆေးခဲ့ပြီး၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေး နှင့် သတ်မှတ် အရည်အသွေးပြည့်မီသော ကုန်စည်များကိုသာရောင်းချရန်စသည် တို့ကိုအသိပညာပေး ဆွေးနွေးခဲ့ပြီး စစ်ဆေးခြင်းများ ဆောင်ရွက် ခဲ့ကြကြောင်း သိရှိရပါသည်။

DOCA(ဧရာဝတီ)

             စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေး အသိပညာပေးဟောပြောပွဲများ၊  စီးပွားရေးလုပ်ငန်းရှင်များအားတွေ့ဆုံပြီး ဥပဒေ၊ အမိန့်နှင့်ညွှန်ကြားချက်များအား ရှင်းလင်းဆွေးနွေးခြင်းနှင့် ကုန်အညွှန်းအမှတ်အသား များပြည့်စုံစွာထည့်သွင်းဖော်ပြရေးအတွက် တွေ့ဆုံဆွေးနွေးခြင်းများကို လစဉ်ဆောင်ရွက်လျက်ရှိရာ (၆.၁.၂၀၂၅)ရက်နေ့၊  နံနက်(၁၀:၃၀)နာရီအချိန်တွင် ရွှေဘိုခရိုင်စားသုံးသူရေးရာဦးစီးဌာနမှ ဒု-ခရိုင် ဦးစီးမှူးနှင့် စားသုံးသူရေးရာဌာနခွဲတာဝန်ခံတို့သည် ရွှေဘိုမြို့၊ အမှတ်(၂)ရပ်ကွက်ရှိ ရွှေပြည့်အိမ် စားသောက်ဆိုင်လုပ်ငန်းရှင်အား တွေ့ဆုံဆွေးနွေးခဲ့ပါသည်။

        ထိုသို့တွေ့ဆုံရာတွင် ရွှေဘိုခရိုင်စားသုံးသူရေးရာဦးစီးဌာနမှ ဒု-ခရိုင်ဦးစီးမှူးက စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြခြင်းအကြောင်းများ၊ ကုန်စည်နှင့်စပ်လျဉ်း၍ အာမခံချက်ပေးခြင်းနှင့် အာမခံချက်ပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများ၊ ဝန်ဆောင်မှုနှင့်စပ်လျဉ်း၍ အာမခံချက်ပေးခြင်းနှင့် အာမခံချက်ပေးထားမှုအပေါ် စားသုံးသူကတောင်းဆိုနိုင်သည့်အခွင့်အရေးများ၊  စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာနမှဆောင်ရွက်နေသော လုပ်ငန်းများကို သိရှိလိုပါက ရုံးဖွင့်ရက် ရုံးချိန်အတွင်း Consumer Call Center No 1535သို့ ဆက်သွယ် မေးမြန်းနိုင်သည့်အကြောင်းများ၊ အွန်လိုင်းစနစ်ဖြင့်ရောင်းချခြင်း မှတ်ပုံတင်လက်မှတ်လျှောက်ထားခြင်းနှင့်ပတ်သက်၍ သိကောင်းစရာများ အသိပညာပေးဆွေးနွေးခဲ့ပြီး စားသုံးသူကာကွယ်ရေး အသိပညာပေး လက်ကမ်းစာစောင်များ ဖြန့်ဝေခဲ့ကြောင်းသတင်းရရှိပါသည်။

DOCA(စစ်ကိုင်း)

              စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦး စီးမှူးရုံးအနေဖြင့် စားသုံးသူကာကွယ်ရေး အသိပညာပေးဟောပြောပွဲများ၊  စီးပွားရေးလုပ်ငန်းရှင်များအားတွေ့ဆုံပြီး ဥပဒေ၊ အမိန့်နှင့်ညွှန်ကြားချက်များအား ရှင်းလင်းဆွေးနွေးခြင်းနှင့် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြရေးအတွက် တွေ့ဆုံဆွေးနွေးခြင်းများကို လစဉ်ဆောင်ရွက်လျက်ရှိရာ (၇.၁.၂၀၂၅)ရက်နေ့၊  နံနက်(၁၀:၃၀)နာရီအချိန်တွင် ရွှေဘိုခရိုင်စားသုံးသူရေးရာ ဦးစီးဌာနမှ ဒု-ခရိုင် ဦးစီးမှူးနှင့် စားသုံးသူရေးရာဌာနခွဲတာဝန်ခံတို့သည် ရွှေဘိုမြို့၊ အမှတ်(၇) ရပ်ကွက်ရှိ ရွှေသမင် အမှတ်တံဆိပ် ကိတ်ခြောက် ထုတ်လုပ်ဖြန့်ဖြူးရောင်းချသည့် လုပ်ငန်းရှင်အား တွေ့ဆုံဆွေးနွေးခဲ့ကြောင်းသိရသည်။

            ထိုသို့တွေ့ဆုံရာတွင် ရွှေဘိုခရိုင်စားသုံးသူရေးရာဦးစီးဌာနမှ ဒု-ခရိုင်ဦးစီးမှူးက ဌာနမှဆောင်ရွက်လျက်ရှိသော လုပ်ငန်းများအကြောင်း၊ စားသုံးသူကာကွယ်ရေးဥပဒေပါ စားသုံးသူ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြခြင်းအကြောင်းများ၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါအကြောင်းများ၊ အသင့်စားမုန့် အမျိုးမျိုးတွင်ပါဝင်ရမည့် ကုန်အညွှန်း အမှတ်အသားအကြောင်း၊ စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာနမှဆောင်ရွက်နေသော လုပ်ငန်းများကိုသိရှိလိုပါက ရုံးဖွင့်ရက် ရုံးချိန်အတွင်း Consumer Call Center No 1535သို့ ဆက်သွယ်မေးမြန်း နိုင်သည့်အကြောင်းများ၊ အွန်လိုင်းစနစ်ဖြင့်ရောင်းချခြင်း မှတ်ပုံတင်လက်မှတ် လျှောက်ထားခြင်း နှင့်ပတ်သက်၍ သိကောင်းစရာများ အသိပညာပေးဆွေးနွေးခဲ့ပြီး စားသုံးသူကာကွယ် ရေးအသိပညာပေးလက်ကမ်းစာစောင်များ ဖြန့်ဝေခဲ့ကြောင်းသတင်းရရှိပါသည်။

DOCA(စစ်ကိုင်း)

ဧရာဝတီတိုင်းဒေသကြီး၊ မအူပင်မြို့နယ်အတွင်းရှိ ကုန်ပစ္စည်းသိုလှောင်ရုံများမှ သိုလှောင်ထားရှိသည့် ကုန်စည်များအား မအူပင်ကုန်လမ်း တစ်လျှောက် ကုန်သိုလှောင်ရုံနှင့် မအူပင် တိုးမြစ်ကမ်း တစ်လျောက်ရှိ မြစ်လမ်းကြောင်း ကုန်စည်သယ်ယူပိ့ဆောင်မှုလုပ်ငန်းများအား မြို့နယ် တရားမဝင်ကုန်သွယ်မှုတိုက်ဖျက်ရေး အဖွဲ့မှ  တာဝန်ရှိသူများက ရှောင်တခင် ကွင်းဆင်းစစ်ဆေးဆောင်မှု ပြုလုပ်ခဲ့ကြသည်။

၂၀၂၅ခုနှစ် ဇန်နဝါရီလ ဆန်းပိုင်းက ကွင်းဆင်းစစ်ဆေးရာတွင် တရားဝင်တင်သွင်း ရောင်းချ လျက်ရှိ သည့်ဆေးနှင့်ဆေးပစ္စည်းများ သိုလှောင်ထားသည် လုပ်ငန်းများတွင် တရားမဝင်ဆေးဝါးများ မှတ်ပုံ တင်ခွင့်ပြု ချက်အမှတ်မပါရှိဘဲ တရားမဝင် တင်သွင်းဖြန့်ချီ ရောင်းချခြင်း ရှိ/ မရှိကို သိုလှောင်ရုံများအား စစ်ဆေး ခြင်း၊ လူသုံးကုန်ပစ္စည်းအမျိုးမျိုး၊ အိမ်သုံးစက်ပစ္စည်းအမျိုးမျိုး တရားမဝင် တင်သွင်းသိုလှောင်ထားရှိမှု ရှိ/မရှိကို စစ်ဆေးခြင်း၊ တရားမဝင် ကုန်သွယ်မှုတိုက်ဖျက်ရေး အထူးအဖွဲ့သည် မအူပင်မြို့နယ်အတွင်း ပြည်သူများ  ဘေးအန္တရာယ်ကင်းရှင်းစွာ ကုန်စည်များအသုံးပြုနိုင်ရေး၊ မအူပင်တိုးမြစ်ကမ်းတစ်လျောက် လယ်ယာ ထွက်ကုန်များ တရားမဝင်သယ်ယူမှူ မရှိစေရေး စစ်ဆေးခြင်း၊ စီးပွားရေးလုပ်ငန်းရှင်များ မျှတသည့် စီးပွားရေး ဈေးကွက် ယှဉ်ပြိုင်မှု စနစ်ကောင်းမွန်စေရေး တရားမဝင်ကုန်သွယ်မှုကိစ္စများကြောင့် မြို့နယ်တွင်း ကုန်ထုတ်လုပ် မှုလုပ်ငန်းများ လုပ်ကိုင်နေကြသည့် လုပ်ငန်းရှင်များ၏ ထုတ်ကုန်ထုတ်လုပ်နိုင်မှု အားနည်းမှု မရှိစေရန် ရည်ရွယ်၍ ရှောင်တခင်စစ်ဆေးခြင်းဖြစ်ပြီး လုပ်ငန်းအသီးသီးမှ လုပ်ငန်းရှင်များ  တရားမ၀င်တင် သွင်းဖြန့်ချီ နေသည့် ဆေးဝါးများနှင့် ကုန်စည်အမျိုးမျိုး ရောင်းချပါက တည်ဆဲဥပဒေများနှင့်အညီ အရေးယူ ဆောင်ရွက်သွားမည်ဖြစ်ကြောင်း အထူးစစ်ဆေးရေးအဖွဲ့မှ အသိပေးပြောကြားခဲ့ကြောင်းသိရသည်။

DOCA(ဧရာဝတီ)