သတင်းနှင့် လှုပ်ရှားမှုများ

            စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ်တာဝန်ခံရုံးမှ တာဝန်ရှိသူ များသည် ပန်းတနော်မြို့နယ်အတွင်း အွန်လိုင်းစနစ်ဖြင့် ရောင်းချခြင်းလုပ်ငန်းများ အွန်လိုင်းမှတ်ပုံတင် ပြီး သည့် မြို့နယ်တွင်း ရောင်းချနေသော လုပ်ငန်းနေရာလိပ်စာနှင့် ကုန်စည်များအမှန်တကယ် ကိုက်ညီမှု ရှိ/မရှိ အခြေအနေကွင်းစစ်ဆေးခြင်း လုပ်ငန်းကို (၇.၁.၂၀၂၅) ရက်နေ့ (၁၁:၀၀)အချိန်က ပန်းတနော် မြို့နယ်တွင်း ကွင်းဆင်းစစ်ဆေးခဲ့ကြသည်။

            ကွင်းဆင်းစစ်ဆေးရာတွင် ပန်းတနော်မြို့နယ်အတွင်း အွန်လိုင်းစနစ်ဖြင့် ကုန်စည်များကို ရောင်းချသူ လုပ်ငန်း မှတ်ပုံတင် ထားပြီး လုပ်ငန်းများဖြစ်သည့် Karen Ma Chilli Power ,  Daw Khin Win Kyu ,  Outfits to Shine , Thiri Pyae Sone Online Shop , Shwe Pyae Sone,  Pouk Sa, စသော အွန်လိုင်းရောင်းချသူလုပ်ငန်း၆)ခုသို့ သွားရောက်၍ အွန်လိုင်းရောင်းချခွင့် မှတ်ပုံတင်လျောက်ထားစဉ်က ဖြည့်သွင်း သည့် နေရပ်လိပ်စာ၊ ရောင်းချရန် ကုန်စည်(သို့)ဝန်ဆောင်မှု အမျိုးအစားစာရင်းအတိုင်း  ကိုက်ညီချက် ရှိ/မရှိ စစ်ဆေးခြင်း၊ အွန်လိုင်းရောင်းချမှု လုပ်ငန်းနှင့်စပ်လျဉ်း၍  မြေပြင်စစ်ဆေးခြင်းလုပ်ငန်းများကို လုပ်ထုံးလုပ်နည်းများနှင့်အညီ စနစ်တကျဆောင်ရွက်လျက်ရှိပြီး မှတ်ပုံတင်လက်မှတ်ရရှိသူ၏ တာဝန်ဖောက် ဖျက်မှု ရှိ/မရှိကို မြေပြင်စစ်ဆေးဆောင်ရွက်ခြင်းများ  လုပ်ငန်းစဉ်အတိုင်းစစ်ဆေး ဆောင်ရွက်မည်ဖြစ်ပြီး တွေ့ရှိပါက အရေးကြီး ကုန်စည် ဝန်ဆောင်မှုဥပဒေအရ အရေးယူဆောင်ရွက်နိုင်ကြောင်း၊ စားသုံးသူ ကာကွယ်ရေး ဥပဒေအရလည်း အရေးယူဆောင်ရွက်ခံရမည်ဖြစ်ကြောင်း လုပ်ငန်းရှင်များ သိရှိနားလည် နိုင်စေရန် ပြောကြားဆွေးနွေးခဲ့ကြောင်း သိရသည်။

DOCA(ဧရာဝတီ)

            ဧရာဝတီတိုင်းဒေသကြီး ၊ မအူပင်ခရိုင်၊ မအူပင်မြို့နယ် မိတ်သစ်ဆန်စက်လုပ်ငန်းသို့ စားသုံးသူရေး ရာဦးစီးဌာနမှ တာဝန်ရှိသူများက (၇.၁.၂၀၂၅) ရက်နေ့ နံနက် (၁၀:၀၀)နာရီအချိန်က ဆန်စက် လုပ်ငန်းရှင် နှင့် တွေ့ဆုံ၍ ဆန်စက်လုပ်ငန်းဖွံ့ဖြိုးတိုးတက်စေရေးနှင့် စပါးဆန် ကြိတ်ခွဲ ထုတ်လုပ်မှု အခြေအနေ ထုတ်ကုန်လုံခြုံစိတ်ချရမှု ရှိစေရေး ကွင်းဆင်းစစ်ဆေး ဆောင်ရွက်ခဲ့ သည်။

            စစ်ဆေးဆောင်ရွက်ရာတွင် မအူပင်ခရိုင်၊ ဒုခရိုင်ဦးစီးမှူး ဦးအောင်ဇော်ဦးသည် မိတ်သစ် ဆန်စက်လုပ်ငန်းအား စပါး ဆန် သိုလှောင်ထားရှိမှုနှင့် စပါးကြိတ်ခွဲထုတ်လုပ်မှုကို ကြည့်ရှုစစ်ဆေးခဲ့ပြီး ဆန်စက်ပိုင်ရှင်နှင့် တွေ့ဆုံ၍ ဆန်စက် တွင် ဒေသထွက်စာပါးဝယ်ယူကြိတ်ခွဲမှု၊ ကုန်သည်များမှ စပါးလာရောက်ကြိတ်ခွဲမှုအခြေအနေများကို မေးမြန်းပြီး ဧည့်မထ စပါး ၃၀၀၀တင်း သိုလှောင်ထား ရှိကြိတ်ခွဲရန်ရှိပြီး ကုန်သည်များ ကြိတ်ခွဲထားသော ဆန် ၁၅၀၀အိတ်ရှိကြောင်း၊ မိမိကိုယ်ပိုင်ကြိတ်ခွဲပြီး ဆန်အိတ်များမရှိ ကြောင်း၊  စပါးထွက်ရှိသော ကာလတွင် တစ်နေ့ကို စပါး၂၀၀၀ကြိတ်၍ ဆန် အိတ် ၄၀၀ ထွက်ရှိကြောင်း၊ ဆန်တန် အနေဖြင့် တစ်နေ့ကို ၂၀တန်ကြိတ်ခွဲနိုင်ကြောင်း ရန်ကုန်သို့ တင်ပို့မှု မရှိဘဲ  နယ်မြေအတွင်း သာရောင်းချကြောင်းနှင့် နဝလီကြိတ်ခွဲပြီး မိသားစုဝမ်းစာသာ ဆန် သိုလှောင်ထားရှိကြောင်း ရှင်းလင်းပြောပြသည်။   စားသုံးသူ ရေးရာဦးစီးဌာနမှ သိုလှောင်ရုံမှတ်ပုံ တင်ခြင်းဆိုင်ရာ ကိစ္စရပ်နှင့် ပတ်သက်၍ ရှင်းလင်းပြီး ဆန်စပါးသိုလှောင်မှုလုပ်ငန်းစဉ် ကုန်ရ ကုန်ထုတ် ကုန်လက်ကျန် စာရင်းများ ထည့်သွင်းရမည်ဖြစ်၍ လုပ်ငန်းရှင်ကိုယ်တိုင် ဆောင်ရွက်တက်စေရန် အသိပေးပြောကြားပြီး ဆန်စက် ထုတ်ကုန်လုံခြုံစိတ်ချရမှု ရှိစေရေးကိုလည်း ဆွေးနွေးခဲ့ကြောင်း သိရသည်။

DOCA(ဧရာဝတီ)

               စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်း ဒေသကြီး၊ တိုင်းဒေသကြီးဦးစီးမှူး ဦးဆောင်၍ တိုင်းဒေသကြီးဦးစီးမှူးရုံးမှ ဝန်ထမ်းများသည် (၈.၁.၂၀၂၅)ရက်နေ့ နံနက်(၁၀း၀၀)နာရီအချိန်တွင် မုံရွာမြို့၊ မုံရွာတက္ကသိုလ်၌ စားသုံးသူကာကွယ်ပေးရေး  အသိပညာပေးဟောပြောပွဲဆောင်ရွက်ခဲ့ရာ  ဆရာ/ဆရာမ (၁၅)ဦး၊  ကျောင်းသား/ ကျောင်းသူ ( ၂၈၅  )ဦး၊  စုစုပေါင်း ( ၃၀၀ )ဦး တက်ရောက်ခဲ့ကြပါသည်။

            အဆိုပါ ဟောပြောပွဲတွင် မုံရွာတက္ကသိုလ် ဒုတိယပါမောက္ခချုပ် ဒေါက်တာဒေါ်စန်းစန်းအေးက နှုတ်ခွန်းဆက် အဖွင့်အမှာစကားပြောကြားခဲ့ပြီး၊ စားသုံးသူရေးရာဦးစီးဌာန၊  တိုင်းဒေသကြီးဦးစီးမှူး  ဦးခမ်လျန်စွမ်းက စားသုံးသူဆိုသည်မှာ ၊ ဘာကြောင့်စားသုံးသူများ ကာကွယ်သင့်လဲ၊ မြန်မာနိုင်ငံ၏ စားသုံးသူကာကွယ်ရေးလုပ်ငန်းဆောင်ရွက်မှုများ၊ ကမ္ဘာ့တိုင်းပြည်များက မည်သို့မည်ပုံ ကာကွယ် ကြပါသနည်း၊ ဌာန၏ လုပ်ငန်းဆောင်ရွက်မှုအကြောင်းများနှင့် ဝန်ဆောင်မှုများအကြောင်း၊ စားသုံးသူ နစ်နာမှုရှိပါက တိုင်ကြားနိုင်သည့်နည်းလမ်းများနှင့် တိုင်ကြားမှုများ အပေါ် ညှိနှိုင်းဖြေရှင်း ဆောင်ရွက် မှုများအကြောင်း၊ Consumer Call Center (1535) နံပါတ်ကို ဖုန်းခေါ်ဆို၍လည်း တိုင်ကြား နိုင်ပါကြောင်း စသည့်အကြောင်းအရာများကို ကျယ်ကျယ်ပြန့်ပြန့် ဟောပြောဆွေးနွေးခဲ့ပြီး တက်ရောက်လာသော ဆရာ/ ဆရာမများ၊ ကျောင်းသား/ကျောင်းသူများ၏ သိရှိလိုသည့် မေးမြန်းမှုများ အပေါ် တိုင်းဒေသကြီးဦးစီးမှူးမှ ပြန်လည်ရှင်းလင်းဆွေးနွေးခဲ့ကြပြီး  ဌာန၏ ပညာပေးလက်ကမ်း စာစောင်များ၊ စားသုံးသူကာကွယ်ရေးဥပဒေနှင့် နည်းဥပဒေစာအုပ်များ ပေးအပ်ကာ အသိပညာပေး ဟောပြောပွဲအခမ်းအနားကို  (၁၁ꓽ၃၀) နာရီအချိန်တွင် အောင်မြင်စွာပြီးမြောက်ခဲ့ကြောင်း  သတင်းရရှိပါသည်။

DOCA(စစ်ကိုင်း)

          ဆလပ်ရွက်စားသုံးခြင်းဖြင့် ဆီးချိုဖြစ်နိုင်ခြေကို ကျဆင်းစေပြီး ဆလပ်ရွက်မှာ ကယ်လိုရီပါဝင်မှုူ နည်းသောကြောင့် သွေးတွင်းသကြားဓာတ်ကို ထိန်းညှိပေးခြင်း၊ သွေးထဲမှ အကျိုး မပြုသော ကိုလက်စထရောကို ကျဆင်းစေနိုင်တာကြောင့် သွေးတွင်းအဆီများကို လျော့ချပေးနိုင် တာတဲ့အတွက် ရုတ်တရက်နှလုံးရပ်တာ၊ လေဖြတ်တာမျိုးတွေမဖြစ်စေဖို့ ကာကွယ် ပေးနိုင်သလို၊ နှလုံးသွေးကြောကျဉ်း ရောဂါကိုလည်း မဖြစ်စေဖို့ ကာကွယ်ပေးနိုင်ကြောင်း သိရှိရပါသည်။

          ယခုရာသီချိန်သည် ဆလပ်ရွက်ပေါများသော ရာသီဖြစ်သည့်အတွက် ဆလပ်ရွက်ကို လူအများက အကင်များဖြင့်တွဲစား၍သော်လည်း၊ မြန်မာ့ငပိနှင့် တွဲစားရာတွင်လည်းကောင်း၊ အသုပ်များသုတ်စားရာတွင်လည်းကောင်း အမျိုးမျိုး အသုံးပြုစားသုံးလျက်ရှိပြီး ဈေးကွက်တွင်

DOCA(ဧရာဝတီ)

          စားသုံးသူရေးရာဦးစီးဌာန ၊ မြန်အောင်မြို့နယ်ဦးစီးမှူးသည် (၆.၁.၂၀၂၅) ရက်နေ့ နေ့လည် (၁၄:၀၀) အချိန်တွင် မြန်အောင်မြို့၊ အမှတ်(၅)ရပ်ကွက်၊တာကြီးတန်းရပ်၊ ကျောင်းကြီးလမ်းရှိ မြို့နယ်မီးသတ်ဦးစီးဌာန၊အစည်းအဝေးခန်းမတွင် မြို့နယ်မီးသတ်ဦးစီးဌာနရှိ ဝန်ထမ်းများအား  စားသုံးသူကာကွယ်ရေးအသိပညာပေး ဟောပြောခြင်းကို ဆောင်ရွက်ခဲ့ပါသည်။

ဟောပြောပွဲတွင် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးမြင့်အောင်က စားသုံးသူ ရေးရာဦးစီးဌာန၏ သမိုင်းအကျဉ်း၊ မျှော်မှန်းချက်၊ ရည်မှန်းချက်များအကြောင်း၊ စားသုံးသူ ကာကွယ်ရေးဥပဒေပါ စားသုံးသူ၏ အဓိပ္ပါယ်ဖွင့်ဆိုချက်၊ စားသုံးသူအခွင့်အရေးနှင့်တာဝန်များ၊ စားသုံးသူများသည် ကုန်စည်ကို ရွေးချယ်ဝယ်ယူတတ်စေရန်၊ ကုန်အညွှန်းအမှတ်အသားနှင့် စပ် လျဉ်း၍ ဖော်ပြပါရှိသည့် အချက်အလက်များကို သေချာစွာစိစစ်ဝယ်ယူနိုင်ရန်၊ အစားအသောက် နှင့် ကုန်စည်တွေပေါ်မှာ ဖော်ပြရမည့် ကုန်အညွှန်းအမှတ်အသားများအကြောင်း၊ ဝယ်ယူ အသုံးပြု ခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက ပြောဆိုတင်ပြ တိုင်ကြား ခွင့်နှင့် ပြန်လည်ကုစားနိုင်ခွင့်များအကြောင်း၊  ပြစ်မှုနှင့် ပြစ်ဒဏ်များအကြောင်းနှင့် စားသုံးသူ သတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ(Consumer Information and Complaint Center) CICC ဖွင့်လှစ်ထားရှိမှုအခြေအနေကိုလည်ကောင်း၊ Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်းစသည်တို့ကို အသိပညာပေးဟောပြော ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)