သတင်းနှင့် လှုပ်ရှားမှုများ

    (၁၅.၇.၂၀၂၅)ရက်နေ့တွင် ကုန်ဈေးနှုန်းတည်ငြိမ်ကျဆင်းရေးအဖွဲ့၏ ဦးဆောင်မှုဖြင့် ဧရာဝတီတိုင်းဒေသကြီး၊ မွေးမြူရေးနှင့်ကုသရေးဦးစီးဌာန၊ ပုသိမ်ခရိုင်ဦးစီးမှူးတို့ ကြီးကြပ် ပါဝင်ကြပြီး တိုင်းဒေသကြီးဦးစီးမှူးရုံးသို့ အခြေခံစားသောက်ကုန်ဈေးနှုန်းများအား သက်သာ သော ဈေးနှုန်းဖြင့်ရောင်းချပေးကြောင်း သိရပါသည်။

    ထို့အပြင်ဘဲဥအလုံး (၅၀၀)ကို ဝန်ထမ်းတစ်ဦးလျှင်(၁၀)လုံး တစ်လုံးလျှင် ၄၀၀/-ကျပ်ဖြင့် ချိုသာသောစျေးနှုန်းများဖြင့် ခြံစျေးအတိုင်း ရောင်းချပေးလျက်ရှိပါသည်။

DOCA (ဧရာဝတီ)

     ဖျာပုံခရိုင် ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်သည် ၂၀၂၅ ခုနှစ်၊ စက်တင်ဘာလ(၁၀) ရက် ၊ နေ့လယ် (၁၄:၀၀) နာရီအချိန်တွင် ဒေးဒရဲမြို့ပေါ်ရှိ ဘိလပ်မြေ အရောင်းဆိုင်များသို့ ဈေးကွက်စောင့်ကြည့်စိစစ်ခြင်းကို ဆောင်ရွက်ခဲ့ပါသည်။

    ယခင်ဩဂုတ်လတွင်  ကြံနှစ်ကောင် ဘိလပ်မြေ တစ်အိတ်လျှင် (၂၃၅၀၀) ကျပ်၊ Alpha ဘိလပ်မြေ တစ်အိတ်လျှင် (၂၃၅၀၀) ကျပ် ဖြင့် အရောင်းအဝယ်ဖြစ်လျက်ရှိပြီး ယခုလ စက်တင်ဘာလတွင် ယခင်ဩဂုတ်လတွင်  ကြံနှစ်ကောင် ဘိလပ်မြေ တစ်အိတ်လျှင် (၂၆၅၀၀) ကျပ်၊ Alpha ဘိလပ်မြေ တစ်အိတ်လျှင် (၂၆၅၀၀) ကျပ် ဖြင့် အရောင်းအဝယ်ဖြစ်လျက်ရှိကြောင်း သိရသည်။ ယခင်လနှင့် ယခုလ ဘိလပ်မြေ ဈေးနှုန်း များကို နှိုင်းယှဉ်ပါက ဘိလပ်မြေ တစ်အိတ်လျှင် (၃၀၀၀) ကျပ်နှုန်း မြှင့်တက်သွားကြောင်း ဈေးကွက်စောင့်ကြည့်စိစစ်ခဲ့မှုအရ သတင်းရရှိပါသည်။

(Doca ဧရာဝတီ)

    ဒေးဒရဲမြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်နှင့် ဝန်ထမ်းတို့ သည် ၂၀၂၅ ခုနှစ်၊ စက်တင်ဘာလ(၁၁) ရက်နေ့၊ နေ့လယ် (၁၂:၀၀) နာရီအချိန်တွင် ဒေးဒရဲမြို့ ပြည်တော်သာလမ်းရှိ “ဧရာမင်း” ဖုန်းနှင့်လျှပ်စစ်ပစ္စည်း အရောင်းဆိုင်လုပ်ငန်းအား ဈေးကွက် စောင့်ကြည့် စစ်ဆေးခြင်းကို ဆောင်ရွက်ခဲ့ပါသည်။

    ထိုသို့စစ်ဆေးခဲ့ရာတွင် ဆက်သွယ်ရေး ဝန်ဆောင်မှုလုပ်ငန်းနှင့် ပက်သက်၍ စားသုံးသူများ စိတ်ကျေိနပ်မှုရရှိအောင် ဆောင်ရွက်ပေးနိုင်ရန် သတင်းအချက်အလက်များ ပြည့်စုံမှန်ကန်စွာ ကြိုတင် အသိပေးချက်များ ရှိ/မရှိ ၊ တိုင်ကြားမှုများအား ပေးနိုင်ရန်နှင့် စားသုံးသူအခွင့်အရေး ပြည့်ဝစွာ ရည်ရွယ်၍ စစ်ဆေးခဲ့ကြောင်း ဆက်သွယ်ရေး ဝန်ဆောင်မှုလုပ်ငန်းတွင် ကွန်ရက် ချိတ်ဆက်မှုများ ဆောင်ရွက်ထားလျက်ရှိကြောင်း သက်ဆိုင်ရာဌာန ထောက်ခံချက်များရှိကြောင်းနှင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များအကြောင်းကိုလည်း အသိပညာပေး ဆွေးနွေးခဲ့ကြောင်း သတင်းရရှိပါသည်။

(Doca ဧရာဝတီ)

  ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ်တာဝန်ခံဦးမြင့်ဌေးနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၈.၉.၂၀၂၅) ရက်နေ့ နံနက် (၁၀:၀၀)နာရီက လပွတ္တာမြို့နယ် အမှတ်(၇)ရပ်ကွက်သကြားဘုရားကုန်းရှိ(စတား)မုန့်မျိုးစုံလုပ်ငန်းတွင် ရောင်းချနေသော မုန့်များအား ဈေးကွက်မရောက်မီ ကုန်ညွှန်းအမှတ်အသား ဖော်ပြချက် ပြည့်စုံမှု ရှိ/ မရှိ ကွင်းဆင်းစစ်ဆေးခဲ့ပါသည်။

  ထိုသို့ကွင်းဆင်းစစ်ဆေးဆောင်ရွက်ရာတွင် လပွတ္တာမြို့နယ်တာဝန်ခံမှ လပွတ္တာမြို့နယ်အမှတ်(၇)ရပ်ကွက် သကြားဘုရားကုန်းရှိ မုန့်မျိုးစုံလုပ်ငန်းတွင်  ရောင်းချနေသော မုန့်များတွင် ကုန်ညွန်းအမှတ်အသားဖော်ပြခြင်း ပြည့်စုံမှု ရှိ/မရှိစစ်ဆေးခဲ့ပြီး၊ ကုန်မျိုးစုံ လုပ်ငန်းရှင်များအားစီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များမှ အခန်း(၁၈)ပါ ကုန်ညွှန်းအမှတ်အသား ဖော်ပြခြင်းနှင့်စပ်လျဉ်၍ မည်သည့် စီးပွားရေးလုပ်ငန်းရှင်မဆို ပုဒ်မခွဲ (ခ)နှင့် (ဆ)တို့ပါ ကုန်အညွှန်းအမှတ်သားဖော်ပြရာတွင် မြန်မာ ဘာသာဖြစ်၊ မြန်မာဘာသာနှင့် အခြားဘာသာတစ်ခု(သို့)တစ်ခုထက်ပို၍ တွဲလျှက်ဖြစ်စေရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များ အနေဖြင့်ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်ကြားချက်များအား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်ညွှန်းအမှတ်အသား ဖော်ပြချက်၊ ပြည့်စုံမှု ရှိ/မရှိအား ဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက်သွား ပါမည်။

DOCA(ဧရာဝတီ)

  ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်အိမ်မဲမြို့နယ် တာဝန်ခံ ဒေါ်ဇင်မာသန်း နှင့် ဝန်ထမ်းများသည်(၈.၉.၂၀၂၅) ရက်နေ့၊နံနက်(၁၀:၃၀) အချိန်တွင် မြို့နယ်တာဝန်ခံရုံး၌ စားသုံးဆီ လက်လီ/လက္ကား အရောင်းဆိုင်လုပ်ငန်းရှင်များအား စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ပါ သည်။

       ထို့သို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ စားသုံးဆီရောင်းချသူ စီးပွားရေးလုပ်ငန်းရှင်များအား ခေါ်ယူတွေ့ဆုံ၍ လက်ရှိဖြစ်ပေါ်နေသော စားသုံးဆီဈေးနှုန်းကြီးမြင့်ခြင်းနှင့် ပတ်သက်ပြီး စားသုံးဆီရောင်းချသောလုပ်ငန်းရှင်များအနေဖြင့် သတ်မှတ်ရည်ညွှန်းဈေးထက် ပိုမိုရောင်းချခြင်းမပြု လုပ်ကြရန်၊ ဈေးနှုန်းမြင့်တင်ရောင်းချခြင်းစစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူ ဆောင်ရွက်သွားမည်ဖြစ်ကြောင်း အသေးစိတ်ရှင်းလင်းဆွေးနွေးခဲ့ပြီး၊ မြို့နယ်ဦးစီးမှူးမှ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ၂၀၁၉ ပါပြဌာန်းချက်များမှ အခန်း(၁၈)ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်အညွှန်းပြည့်စုံစွာဖော်ပြထားသော  ကုန်စည်များ ကိုသာရောင်းချကြရန်၊ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအား အသေးစိတ်ရှင်းလင်း ဟောပြောခဲ့ပြီး စားသုံးဆီလုပ်ငန်းရှင်များအား အသိပေးဆွေးနွေးဟောပြောခဲ့ပါသည်။ တက်ရောက်လာ သောဆီလုပ်ငန်းရှင်များမှ သိရှိလိုသည့်မေးမြန်း ချက်များအား မြို့နယ်ဦးစီးမှူးမှပြန်လည်ရှင်းလင်းဆွေးနွေး ခဲ့ပါသည်။ ဟောပြောပွဲသို့ စားသုံးဆီ လက်လီ/ လက္ကား အရောင်းဆိုင်ပိုင်ရှင် စီးပွားရေးလုပ်ငန်းရှင် (၃၀)ဦး တက်ရောက်ခဲ့ပါသည်။

DOCA(ဧရာဝတီ)