သတင်းနှင့် လှုပ်ရှားမှုများ

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုနှင့် ဖျာပုံခရိုင်ဦးစီးမှူးမှကြီးကြပ်၍ ဖျာပုံခရိုင်အတွင်းရှိ ကျိုက်လတ်မြို့နယ်တွင် ၆.၃.၂၀၂၅ ရက်နေ့ နံနက်(၁၀:၀၀)နာရီအချိန် ကျိုက်လတ်မြို့နယ်တာဝန်ခံ ဦးမိုးမင်းသန်းသည် ကျိုက်လတ် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးမှူးနှင့်ပူးပေါင်း၍ ပြန်ကြားရေး နှင့် ပြည်သူ့ဆက်ဆံရေးရုံးရှိ စာဖတ်ပြည်သူ (၁၂)ဦးအား စားသုံသူရေးရာကာကွယ်ရေးဆိုင်ရာ အသိ ပညာပေးဟောပြောခြင်း‌ ဆောင်ရွက်ခဲ့ကြောင်းသိရသည်။ ဟောပြောပွဲတွင် ကျိုက်လတ်မြို့နယ်တာဝန်ခံ ဦးမိုးမင်းသန်းက စားသုံးသူရေးရာဦးစီး ဌာန၏ လုပ်ငန်းဆောင်ရွက်ချက်များနှင့် စားသုံးသူကာကွယ်ရေးဥပဒေပါ စားသုံးသူပြည်သူများ ရရှိနိုင်သည့်အခွင့်အရေး (၈)ချက်အားရှင်းလင်းခြင်း၊ ကုန်စည်များတွင် ကုန်အညွှန်းအမှတ်အသား ပြည့်စုံစွာဖော်ပြပါရှိရမည့် အချက်အလက်များကို ရှင်းလင်းပြောကြားခြင်း၊ မိမိတို့ဝယ်ယူအသုံး ပြုသောကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက တိုင်ကြားခွင့်ရှိ ကြောင်းနှင့် တိုင်ကြားမှု လက်ခံဆောင်ရွက်ရေးစင်တာများ (CICC) ဖွင့်လှစ် ထားရှိမှုအခြေအနေ များနျင့် ပြစ်မှုပြစ်ဒဏ်များအကြောင်း ၊ တိုင်ကြားနိုင်သည့် နည်းလမ်းများကို အသိပညာပေး ရှင်းလင်းဟောပြောခြင်း ၊ ထို့အပြင် အွန်လိုင်းရောင်းချခြင်းမှတ်ပုံတင်လက်မှတ်မရှိဘဲ အွန်လိုင်း အသုံးပြု၍ ကုန်စည်နှင့်ဝန်ဆောင်မှုများကို ရောင်းချခြင်း ကြော်ငြာခြင်း ပြုလုပ်ပါက မိမိတို့ စားသုံးသူ ရေးရာဦးစီးဌာနမှ မြေပြင်ကွင်းဆင်းစစ်ဆေးပြီး စစ်ဆေးတွေ့ရှိပါက အရေကြီးကုန် စည်နှင့်ဝန်ဆောင်မှု ဥပဒေအရ အရေးယူခံရမည်ဖြစ်ကြောင်းနှင့် အွန်လိုင်းရောင်းချခြင်းနှင့် ပတ်သက်၍ မှတ်ပုံတင်လိုင်စင် လျှောက်ထားလိုပါက မိမိတို့ စားသုံးသူရေးရာဦးစီးဌာနမှ ကူညီဆောင်ရွက်ပေးလျက်ရှိကြောင်းနှင့်  အွန်လိုင်းရောင်းချခြင်း မှတ်ပုံတင်လျှောက်ထားလိုပါက လိုအပ်သည့် အချက်အလက်များနှင့် အထောက်အထားများ မှတ်ပုံတင်ကြေးပေးသွင်းရမည့် ကုန်ကျ စရိတ်များအကြောင်း ရှင်းလင်းပြေားကြားခဲ့ပြီး၊ စားသုံးသူရေးရာဦးစီးဌာန၏ လုပ်ငန်းဆောင်ရွက် ချက်များကိုသိရှိလိုပါက Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်း အသိပညာပေး ဟောပြောခဲ့ကြောင်းသိရှိရပါသည်။

DOCA(ဧရာဝတီ)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ မျှော်မှန်းချက် ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေး ဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ အပြင် စားသုံးသူကာကွယ်ရေးအသိပညာပေးလုပ်ငန်းများကို ဆောင်ရွက်လျက်ရှိရာ ရွှေဘိုခရိုင်ဦးစီးမှူးရုံးမှ ခရိုင် ဦးစီးမှူး ဦးဆောင်၍ ၂၀၂၅ခုနှစ်၊ မတ်လအတွင်း စီးပွားရေးလုပ်ငန်းရှင်များနှင့် တွေ့ဆုံခြင်းအား (၅)  ကြိမ် ဆောင်ရွက်ခဲ့ပါသည်။

 ရွှေဘိုခရိုင်အနေဖြင့် ၂၀၂၅ခုနှစ် မတ်လအတွင်း စီးပွားရေးလုပ်ငန်းရှင်အား တွေ့ဆုံခြင်း (၅) ကြိမ် ဆောင်ရွက်ခဲ့ရာ ခရိုင်ဦးစီးမှူးဦးဆောင်သော ဝန်ထမ်းများအဖွဲ့သည် (၃.၃.၂၀၂၅)ရက်နေ့တွင် အမဲသား ခြောက်၊ ဆိတ်သားခြောက်လုပ်ငန်းရှင်၊ (၅.၃.၂၀၂၅)ရက်နေ့တွင် ဆန်စက်လုပ်ငန်းရှင်၊ (၁၀.၃.၂၀၂၅) ရက်နေ့တွင်ဆန်စက်လုပ်ငန်းရှင်၊  (၁၇.၃.၂၀၂၅)ရက်နေ့တွင် ကိတ်မုန့်၊ပေါင်မုန့်လုပ်ငန်းရှင် ၊ (၁၈.၃.၂၀၂၅) ရက်နေ့တွင် မုန့်မျိုးစုံလုပ်ငန်းရှင်တို့ဖြင့် တွေ့ဆုံဆွေးနွေးပြီး စားသုံးသူကာကွယ်ရေးဥပဒေ၊  အမိန့် ၊  ညွှန်ကြားချက်များကို  ဌာနမှ ဆောင်ရွက်လျက်ရှိသော လုပ်ငန်းများအား အသိပညာပေး ဆွေး နွေးခဲ့ကြောင်း သတင်းရရှိပါသည်။

DOCA(စစ်ကိုင်း)

           ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်အတွင်း  ရှိ စိုက်ပျိုးရေး ဆေးဆိုင်များတွင်  တရားမဝင်ပိုးသတ်ဆေးနှင့် ဓာတ်မြေသြဇာများ၊ သက်တမ်းလွန်အရောင်းပစ္စည်းများ ရောင်းချမှုမရှိစေရေးအတွက် ၁၆.၃.၂၀၂၅ရက်နေ့ နံနက် (၁၀း၀၀) နာရီအချိန်တွင် လိုက်လံကွင်းဆင်း စစ်ဆေးဆောင်ရွက်ခဲ့ကြောင်း သိရသည်။

             ထိုသို့ ကွင်းဆင်းစစ်ဆေးရာတွင် ပန်းတနော်မြို့နယ် စိုက်ပျိုးရေးဦးစီးဌာန မြို့နယ်ဦးစီးမှူးက မြို့နယ်အဆင့်မြေအသုံးချရေးတာဝန်ခံ၊ မျိုးစေ့တာဝန်ခံ၊ သီးနှံကာကွယ်ရေးတာဝန်ခံ၊ ပန်းတနော်မြို့နယ် စိုက်ပျိုးရေးဦးစီးဌာန အထွေထွေအုပ်ချုပ်ရေးဦးစီးဌာန မြို့အုပ်ချုပ်ရေးမှူး ဒုတိယဦးစီးမှူးနှင့် ဝန်ထမ်းများသည် ပန်းတနော်မြို့နယ်စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့် မြို့နယ်တာဝန်ခံ ပါဝင်သော ပူးပေါင်းအဖွဲ့သည် စိုက်ပျိုးရေးဆေးဆိုင်များအား တရားမဝင်ပိုးသတ်ဆေးနှင့် ဓါတ်မြေသြဇာများ၊ သက်တမ်းလွန်အရောင်းပစ္စည်းများရောင်းချမှုရှိ/မရှိ အခြေအနေများအား လိုက်လံကွင်းဆင်းစစ်ဆေးပြီး၊ ကုန်စည်များသည် ဝယ်ယူစားသုံးသူမိဘပြည်သူများအား ဘေးအန္တရာယ်မဖြစ်စေရန်နှင့် ကုန်စည်များပေါ်တွင် ကုန်အညွှန်းအမှတ် အသားပြည့်စုံမှု ရှိ/မရှိ တို့ကိုစစ်ဆေးခဲ့ပြီး၊ ကုန်အညွှန်းအမှတ်အသားများဖော်ပြခြင်းနှင့် ပတ်သက်၍ မည်သည့်စီးပွားရေးလုပ်ငန်းရှင်မဆို ပုဒ်မ ၄၁၊ ပုဒ်မခွဲ(ခ)နှင့်(ဆ) တို့ပါ ကုန်အညွှန်းအမှတ်အသား ဖော်ပြရာတွင်  မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍ တွဲလျက်ဖြစ်စေ၊ ရေးသားဖော်ပြရမည်ဖြစ်ပြီး၊ စားသုံးသူများအနေဖြင့် ကုန်စည်များ ဝယ်ယူအသုံးပြုရာ တွင်လည်း ကုန်စည်နှင့် ပတ်သက်သည့် သတင်းအချက်အလက်များ ပြည့်စုံစွာရရှိနိုင်ပြီး စိတ်ကြိုက်ရွေးချယ်ဝယ်ယူနိုင်ရေး၊ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါ ဥပဒေများအကြောင်း၊ စီးပွားရေးလုပ်ငန်းရှင်၏ တာဝန်များအကြောင်း၊ စီးပွားရေးလုပ်ငန်းရှင်များအနေဖြင့် ညွှန်ကြားချက်များအား လိုက်နာဆောင်ရွက်ရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်းအသိပညာပေးခဲ့ပြီး  လိုအပ်သည်များကို လမ်းညွှန်မှာကြားခဲ့ကြောင်း သိရှိရပါသည်။

DOCA (ဧရာဝတီ)

            ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် စားသုံးသူရေးရာဦးစီးဌာနနှင့် စိုက်ပျိုးရေး ဦးစီးဌာနတို့ ပူးပေါင်း၍ ဌာဆိုင်ရာများ သိသင့်သည့် စားသုံးသူကာကွယ်ရေး ဥပဒေအကြောင်း သိကောင်းစရာများ ဆွေးနွေးဟောပြောပွဲကို ၁၅.၃.၂၀၂၅ ရက်နေ့ နံနက် (၁၀း၀၀) နာရီအချိန်တွင် မြို့နယ်အထွေထွေအုပ်ချုပ်ရေး ဦးစီးဌာနရုံးရှိ အစည်းအဝေးခန်းမ၌ ကျင်းပသည်။

            ဆွေးနွေးပွဲတွင် မြို့နယ်စိုက်ပျိုးရေးဦးစီးဌာနမှူး က အဖွင့်အမှာစကား ပြောကြားပြီး မြို့နယ်စားသုံးသူရေးရာ မြို့နယ်ဦးစီးဌာနမှူး ဦးအောင်လွင်မှ မိမိဌာန၏ လုပ်ငန်းတာဝန်များနှင့် စားသုံးသူ၏ အခွင့်အရေးများ၊ စားသုံးသူကာကွယ်ရေးဥပဒေ ပေါ်ပေါက်လာပုံ၊ စားသုံးသူနှင့် စီးပွားရေး လုပ်ငန်းရှင်များ၏ တာဝန်များ၊ ကုန်စည်ဝန်ဆောင်မှုနှင့် စပ်လျဉ်း၍ အာမခံချက် ပေးခြင်းနှင့် တောင်းဆိုနိုင်သည့် အခွင့်အရေးများ၊ စားသုံးသူနစ်နာ ဆုံးရှုံးမှု ဖြစ်ပေါ်လာပါက တိုင်ကြားနိုင်သည့် နည်းလမ်းများ၊ မြန်မာနိုင်ငံ စားသုံးသူကာကွယ်ရေးကော်မရှင်၊ စားသုံးသူရေးရာ ကော်မတီတို့နှင့် ဆက်သွယ်ဆောင်ရွက်ရန် နည်းလမ်းများ၊ စီမံခန့်ခွဲမှု နည်းလမ်းအရ အရေးယူ ဆောင်ရွက်ပုံ နည်းလမ်းအဆင့်ဆင့်၊ သက်ဆိုင်ရာဌာန၊ အဖွဲ့အစည်းများနှင့် ပူးပေါင်း ဆောင်ရွက်ရမည့် နည်းလမ်းများကို ရှင်းလင်းဆွေးနွေးရာ တက်ရောက်သူများက သိရှိလိုသည့် ဆွေးနွေးတင်ပြချက်များကို မြို့နယ် စားသုံးသူရေးရာဦးစီးမှူးက ပြန်လည်ရှင်းလင်း ဆွေးနွေးခဲ့သည်။

          အဆိုပါ ဆွေးနွေးပွဲသို့ ညောင်တုန်းမြို့နယ်စိုက်ပျိုးရေးဦးစီးဌာနရုံးမှ နယ်မြေကွင်းဆင်းဝန်ထမ်း ၂၈ ဦးနှင့် ရပ်ကျေးအုပ်ချုပ်ရေးမှူး ၃၆ဦး  တက်ရောက်ခဲ့ကြောင်း သိရှိရပါသည်။

DOCA (ဧရာဝတီ)

          ဧရာဝတီတိုင်းဒေသကြီး၊ မအူပင်ခရိုင် စားသုံးသူရေးရာဦးစီးဌာန၊ ညောင်တုန်းမြို့နယ် ဦးစီးမှူးရုံးမှတာဝန်ရှိသူများသည် ဒေသတွင်ထုတ်လုပ်သော နို့နှင့် နို့ထွက်ပစ္စည်းလုပ်ငန်းများ ထုတ်လုပ်နေမှုအခြေအနေများကို (၁၆.၃.၂၀၂၅) ရက်နေ့က လုပ်ငန်းရှင်နှင့် တွေ့ဆုံ၍ ထုတ်လုပ်မှု ဖြစ်စဉ်နှင့် ဈေးကွက်ဈေးနှုန်းများကို လေ့လာခဲ့ကြောင်း သိရသည်။

              နို့နှင့် နို့ထွက်ပစ္စည်းများထုတ်လုပ်လျှက်ရှိသော ညောင်တုန်းမြို့နယ်မှ Top နွားနို့လုပ်ငန်း၊ ဝါဝါဝင်း နို့ဒိန်ချဉ်လုပ်ငန်းများ မှ ထုတ်လုပ်နေမှုနှင့် ဈေးနှုန်းဈေးကွက်များကို သိရှိနိုင်ရန် ညောင်တုန်းမြို့နယ် ဦးစီးမှူးဦးအောင်လွင်မှ လုပ်ငန်းရှင်နှင့် တွေ့ဆုံ၍ မေးမြန်းဆွေးနွေးခဲ့သည်။ လုပ်ငန်းရှင်များမှ Top လုပ်ငန်းမှ နွားနို့နှင့်  ဒိန်ချဉ်ကို ထုတ်လုပ်ပြီး နွားနို့ 1.00L, 0.50L, 0.28L (၃)မျိုးထုတ်လုပ်ပြီး 1.00L, ငွေကျပ် ၅၀၀၀/-၊တစ်ရက်ထုတ်လုပ်မှု ၄၀ဗူး ၊ 0.50L ငွေကျပ် ၃၀၀၀/-၊ တစ်ရက်ထုတ်လုပ်နိုင်မှု ၃၀ဗူးနှင့် 0.28L ငွေကျပ် ၁၇၀၀/- ဖြင့်တစ်ရက်ထုတ်လုပ်နိုင်မှု ၈၀ဗူး ထုတ်လုပ်နိုင်ကြောင်းနှင့်  ဒိန်ချဉ်ကိုလည်း (၃)မျိုးထုတ်လုပ်ကြောင်း  1.00L, ငွေကျပ် ၆၀၀၀/-၊တစ်ရက်ထုတ်လုပ်နိုင်မှု ၅၀ဗူး၊  0.50L ငွေကျပ် ၃၅၀၀/-၊တစ်ရက်ထုတ်လုပ်နိုင်မှု ၅၀ဗူးနှင့်  0.28L ငွေကျပ် ၂၂၀၀/- ဖြင့် တစ်ရက်ထုတ်လုပ်နိုင်မှု ၃၂၀ဗူး ရောင်းချ ထုတ်လုပ်နိုင်ကြောင်းသိရသည်။

             ဝါဝါဝင်း လုပ်ငန်းမှ မလိုင်အပြည့်ဒိန်ချဉ် 1.00L, ၊ အဆီထုတ်ဒိန်ချဉ် 1.00L, ငွေကျပ် ၇၅၀၀/-  မလိုင်အပြည့်နွားနို့ 0.25L  မလိုင်အပြည့်ဒိန်ချဉ် 0.25L ငွေကျပ် ၂၀၀၀/- ၊ မလိုင်အပြည့်နွားနို့ 1.00L, ငွေကျပ် ၅၀၀၀/-  မလိုင်အပြည့်နွားနို့ 0.25L ငွေကျပ် ၁၅၀၀/- ၊ ၊ မလိုင်အပြည်ဒိန်ချဉ်၊ အဆီထုတ် ဒိန်ချဉ်၊ကို ငွေကျပ် ၇၅၀၀/-၊ အဆီထုတ်နွားနို့ 0.25L ငွေကျပ် ၁၅၀၀/-၊ အဆီထုတ်နွားနို့ 1.00L, ငွေကျပ် ၅၀၀၀/-  သကြားမပါဒိန်ချဉ် 0.20l   ငွေကျပ် ၂၀၀၀/- ကျပ်ဖြင့် ရောင်းချကြောင်း ထုတ်လုပ်မှု အနေဖြင့် နွားနို့ ပိဿာ ၂၅၀-၃၀၀ ထွက်ရှိကိုထုတ်လုပ်ပြီး ဈေးကွက်လိုအပ်ချက် ပေါ်မူတည်၍ ထုတ်လုပ်ကြောင်း သိရသည်။

            ဈေးကွက်ဖြန့်ဖြူးမှုအနေဖြင့် Top လုပ်ငန်းမှ ဒေသတွင်သာဖြန့်ဖြူးရောင်းချပြီး၊ ဝါဝါဝင်း လုပ်ငန်းမှ တိုင်းဒေသကြီးအတွင်း မြို့နယ်များ၊ ရန်ကုန် Super Market များသို့ဖြန့်ဖြူး ရောင်းချကြောင်း သိရပါသည်။

DOCA(ဧရာဝတီ)