သတင်းနှင့် လှုပ်ရှားမှုများ

   ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့၊ ရွာမမြောက်ရပ်ကွက်၊ ကဝိ မင်္ဂလာလမ်းရှိ Lucky Cow တံဆိပ်ဒိန်ချဉ်လုပ်ငန်းမှ လုပ်ငန်းရှင်ဦးဇော်နိုင်နှင့် (၉.၁၀.၂၀၂၅) ရက်နေ့ တွင်မြို့နယ်တာဝန်ခံ ဒေါ်ရီရီရှိန်မှ ဒိန်ချဉ်လုပ်ငန်းထုတ်လုပ်မှု့အခြေအနေ သိရှိနိုင်ရန် တွေ့ဆုံခဲ့ ပါသည်။

          Lucky Cow ဒိန်ချဉ်လုပ်ငန်းအား တစ်နိုင်တစ်ပိုင်မိသားစုအင်အားဖြင့် လုပ်ကိုင်ခဲ့သည်မှာ (၅)နှစ်ခန့်ရှိပြီး နွားနို့ ၃၅ ပိဿာ၊၄၀ပိဿာခန့် အသုံးပြုပြီး တစ်နေ့ကိုအလေးချိန်(၀.၃) မီလီဂရမ်ဘူး ၂၅၀/၂၈၀ ခန့်ထုတ်လုပ်ပါကြောင်း၊ ကုန်ကြမ်းနွားနို့ကို မြို့တွင်းမှဝယ်ရသလို ကိုယ်ပိုင်နွားခြံမှနွားမ (၈)ကောင်မှရရှိပါကြောင်း၊ နွားနို့တစ်ပိဿာလျှင် ၄၀၀၀ ကျပ်၊ သကြားတစ်ပိဿာ ၅၀၀၀ ကျပ်၊ ရေသန့်တို့ဖြင့် ရိုးရိုးဒိန်ချဉ်ကို ထုတ်လုပ်ပါကြောင်း အသီးအစစ်ဖြစ်သော ထောပတ်၊ စတော်ဘယ်ရီ၊ နဂါးမောက်သီးတို့ဖြင့်လည်း ထုတ်လုပ်ပါကြောင်း၊ ဘူးခွံတစ်ဘူးလျှင် ၂၈၀ ကျပ်ဝယ်ရပြီး လုပ်သား မခေါ်ရဘဲ မိသားစုဝင်များနှင့်သာ စီးပွားဖြစ်ဆောင်ရွက်လျက်ရှိပြီး ဈေးကွက်အနေဖြင့် မြို့တွင်းမုန့် ဆိုင်များ၊နတ်တလင်း၊ ဇီးကုန်း၊အုတ်ဖိုမြို့များသို့ ပေးပို့ရောင်းချရပြီး ဈေးနှုန်းအနေဖြင့် ဖောက်သည် ဈေးတစ်ဘူး ၁၃၅၀ ကျပ်ပေးရပြီး ၁၅၀၀/၁၆၀၀ ကျပ်ဖြင့် ပြန်လည်ရောင်းချလျက်ရှိကြောင်း သိရှိရ ပြီးစာသုံးသူရေးရာဦးစီးဌာနတွင်လည်း ကုန်အညွှန်းအမှတ်အသား ပြည့်စုံမှုရှိစေရန် လျှောက်ထား ပြီးဖြစ်ကြောင်းလုပ်ငန်းရှင်အားစားသုံးသူကာကွယ်ရေးဥပဒေပါ လုပ်ငန်းရှင်၏တာဝန်များအကြောင်း ကိုအသိပညာပေး ဆွေးနွေးဆောင်ရွက်ခဲ့ပါသည်။

DOCA(ပဲခူး)

   ပဲခူးတိုင်းဒေသကြီး၊ ပြည်ခရိုင်တွင် အရည်အသွေးပြည့်မီသော အင်တာနက် ဝန်ဆောင်မှုများ ရရှိစေရန် စားသုံးသူများ၏ လူနေမှုဘဝများ အဆင်ပြေချောမွေ့စေရန် ရည်ရွယ်၍ ပြည်ခရိုင်အတွင်းရှိ မြို့နယ်တာဝန်ခံများမှ ပြည်မြို့နယ်တွင် “MPT, ATOM” လုပ်ငန်းများ သို့လည်းကောင်း၊ ရွှေတောင်မြို့တွင် “Excellent” ဖုန်းဆိုင်သို့လည်းကောင်း ဆက်သွယ်ရေး အင်တာနက် ဝန်ဆောင်မှုများ ဆောင်ရွက်နေသည့် ကွင်းဆင်းစစ်ဆေး၍ ဆက်သွယ်ရေး (ဝန်ဆောင်မှု)(Package/Plan)များနှင့် ဝန်ဆောင်ခနှုန်းထားများအားအများပြည်သူများလွယ်ကူစွာ သိရှိနိုင်စေရေး ဖော်ပြထားမှုရှိ/မရှိ စစ်ဆေးခဲ့ပြီး ဝန်ဆောင်ခနှုန်းထားများ ပြောင်းလဲမှုရှိပါက ကြိုတင်အသိပေးရန်နှင့် ဝန်ဆောင်ခနှုန်းထားများ မှားယွင်းစွာ ငွေကြေးဖြတ်တောက်မှုများ ဖြစ်ပေါ်ခဲ့ပါက သုံးစွဲသူများအား သက်ဆိုင်ရာအော်ပရေတာများမှ ငွေပြန်အမ်းသည့် Refound Policy များထားရှိဆောင်ရွက်နိုင်ရေး အင်တာနက်လိုင်းများ ပြတ်တောက်ပါက သက်ဆိုင်ရာ ကုမ္ပဏီများအနေဖြင့် ပြည်သူများ စိတ်ကျေနပ်မှုရရှိအောင် ဆောင်ရွက်ပေးနိုင်ရေး ဆွေးနွေး ပြောကြားခဲ့ကြောင်း သတင်းရရှိပါသည်။

DOCA(ပဲခူး)

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးအနေဖြင့် နည်းပညာ အခက်အခဲရှိသော ဆန်လုပ်ငန်းရှင်များမှ ခရိုင်ဦးစီးမှူးရုံးသို့ လာရောက်၍ ဆန်လက်ကျန်စာရင်းများ ဖြည့်သွင်းခြင်းကို ကူညီဆောင်ရွက်ပေးလျက်ရှိပါသည်။

          ၂၀၂၅ခုနှစ်၊ စက်တင်ဘာလတွင် ပခုက္ကူမြို့၊ အမှတ်(၇)ရပ်ကွက်၊ အာဇာနည်လမ်းရှိ  ဆန် ရောင်းဝယ်ရေးလုပ်ငန်းရှင် ဦးအောင်သန်း၏ “အောင်မြင့်မိုရ်”ဆန်ဆိုင်မှ ဆန်သိုလှောင်ရုံ၏ ကုန်ရ၊ ကုန်ထုတ်၊ ကုန်လက်ကျန်စာရင်းများအား MyRo Website တွင် ဖြည့်သွင်းခြင်းကို ကူညီဆောင်ရွက် ပေးလျက်ရှိပြီး ၎င်း၏ ဆန်သိုလှောင်ရုံသည် ၂၀၀၁ ခုနှစ်တွင် စတင်တည်ထောင်ပြီး အလျား(၅၀)ပေ၊ အနံ(၈၆)ပေ၊ အမြင့်(၁၅)ပေ ရှိပြီး အမိုး(သွပ်)၊ အကာ(အုတ်)၊ အခင်း (ကွန်ကရစ်)ဖြင့် တည်ဆောက် ထားပြီး ဆန်သိုလှောင်နိုင်သည့်ပမာဏမှာ အိတ်ရေ(၂၀၀၀၀)ခန့်ဖြစ်ကြောင်း၊ ၂၀၂၅ ခုနှစ်၊ စက်တင် ဘာလ ဆန်လက်ကျန်မှာ သီးထပ်ရင် ကုန်ရ(၁၄၂၄)အိတ်၊ ကုန်ထုတ် (၈၅)အိတ်၊ ကုန်လက်ကျန် (၁၃၃၉)အိတ်၊ ဧရာပဒေသာ ကုန်ရ(၆၁၂)အိတ်၊ ကုန်ထုတ်(၁၉၀)အိတ်၊ ကုန်လက်ကျန် (၄၂၂)အိတ်၊ ဆင်းသုခ ကုန်ရ(၆၄၅၄)အိတ်၊ ကုန်ထုတ်(၆၆၄)အိတ်၊ ကုန်လက်ကျန် (၅၇၉၀)အိတ်၊ ရွှေဘိုပေါ်ဆန်း ကုန်ရ(၆၈)အိတ်၊ ကုန်ထုတ်မရှိ၊ ကုန်လက်ကျန် (၆၈)အိတ်၊ ဧရာဝတီပေါ်ဆန်း ကုန်ရ(၁၄၀)အိတ်၊ ကုန်ထုတ်(၁၆)အိတ်၊ ကုန်လက်ကျန် (၁၂၄)အိတ်၊ ဆန်ကွဲ ကုန်ရ(၄၉၂၃)အိတ်၊ ကုန်ထုတ် (၁၀၀၄) အိတ်၊ ကုန်လက်ကျန် (၃၉၁၉)အိတ်၊ အခြား ကုန်ရ(၃၈၁၆) အိတ်၊ ကုန်ထုတ်(၂၁၁)အိတ်၊ ကုန်လက် ကျန်(၃၆၀၅)အိတ်ရှိကြောင်း၊ နယ်မြေအခြေအနေကြောင့် လမ်းပန်းဆက်သွယ်ရေးအခက်အခဲရှိပြီး လုံလောက်စွာ တင်ပို့ရောင်းချရခြင်းမရှိ၍ ရောင်းဝယ်ရေးအနည်းငယ်အေးနေကြောင်းလည်း ဆန် လုပ်ငန်းရှင်ထံမှ သိရှိရပါသည်။

DOCA(မကွေး)

မကွေးတိုင်းဒေသကြီးအတွင်း စပါး ဝယ်ယူ၊ သိုလှောင်၊ ကြိတ်ခွဲ၊ ရောင်းချသည့်လုပ်ငန်းများ မှန်ကန်မြန်ဆန်စွာ ဆောင်ရွက်နိုင်ရေး၊ သယ်ယူပို့ဆောင်မှုလုပ်ငန်းများ ဆောင်ရွက်ရာတွင် မလို လားအပ်သော အဟန့်အတားများ၊ ကြန့်ကြာမှုများ မဖြစ်ပေါ်စေရေး ထိန်းကျောင်းဆောင်ရွက်နိုင်ရန် ရည်ရွယ်၍ မကွေးတိုင်းဒေသကြီး ဆန်စပါးလုပ်ငန်းကြီးကြပ်ရေးအဖွဲ့ (၂/၂၀၂၅)ကြိမ်မြောက် လုပ်ငန်း ညှိနှိုင်းအစည်းအဝေးကို ၂၀၂၅ ခုနှစ်၊ အောက်တိုဘာလ ၁၀ ရက်နေ့၊နံနက် (၁၀:၃၀)နာရီ အချိန်တွင် စားသုံးသူရေးရာဦးစီးဌာန၊ မကွေးတိုင်းဒေသကြီးဦးစီးမှူးရုံး အစည်းအဝေးခန်းမ၌ ဥက္ကဌ မကွေးတိုင်း ဒေသကြီးအစိုးရအဖွဲ့ စီးပွားရေးရာဝန်ကြီးမှ ဦးဆောင်၍ ဆန်စပါးလုပ်ငန်း ကြီးကြပ်ရေးအဖွဲ့ဝင် များနှင့်အတူ ကျင်းပဆောင်ရွက်ခဲ့ပါသည်။

          အဆိုပါ လုပ်ငန်းညှိနှိုင်းအစည်းအဝေးတွင် မကွေးတိုင်းဒေသကြီး ဆန်စပါးလုပ်ငန်း ကြီးကြပ် ရေးအဖွဲ့ ဥက္ကဌ မကွေးတိုင်းဒေသကြီးအစိုးရအဖွဲ့ စီးပွားရေးရာဝန်ကြီးက မကွေးတိုင်း ဒေသကြီးသည် ဆန်လိုတိုင်းဒေသကြီး တစ်တိုင်းဖြစ်ပြီး ဆန်ဖူလုံမှုအနေဖြင့် ၇၃ ရာခိုင်နှုန်းခန့်သာရှိသည့်အတွက် လိုအပ်သည့် ဆန်များကို ဧရာဝတီ၊ စစ်ကိုင်း၊ ရန်ကုန်နဲ့ မန္တလေးတိုင်းတို့မှ  မှာယူစားသုံးရပြီး တိုင်းဒေသကြီးအတွင်းမှ ထွက်ရှိသည့် ဧရာပဒေသာဆန်ကို မန္တလေး၊ နေပြည်တော်၊ ရန်ကုန် တိုင်းဒေသကြီးသို့ တင်ပို့လျက်ရှိပြီး လက်ရှိအခြေအနေတွင် တိုင်းဒေသကြီး အတွင်းမှ ဆန်တင် ပို့မှုအတွက်  ဆန်ကုန်သည်အသင်း ဥက္ကဌနှင့် ဆန်စက်ပိုင်ရှင်များအသင်း ဥက္ကဌ တို့၏ ထောက်ခံ ချက်ဖြင့် မျှောစာများ ထုတ်ပေးပြီး တင်ပို့လျက်ရှိရာ အခက်အခဲများ ရှိပါက အစည်းအဝေးတွင် ပွင့်ပွင့် လင်းလင်း တင်ပြစေလိုကြောင်း ပြောကြားခဲ့ပါတယ်။

          ဆက်လက်၍ မကွေးတိုင်းဒေသကြီး ဆန်စပါးလုပ်ငန်းကြီးကြပ်ရေးအဖွဲ့ အတွင်းရေးမှူး၊ စားသုံးသူရေးရာဦးစီးဌာန တိုင်းဒေသကြီးဦးစီးမှူးက ဆန်စပါးသိုလှောင်မှု လုပ်ငန်းများ၊ သိုလှောင်မှု အခြေအနေများကိုလည်း စနစ်တကျ မှတ်ပုံတင်ထိန်းကျောင်းဆောင်ရွက်စေခဲ့ရာ မကွေးတိုင်းဒေသကြီးအတွင်း  သိုလှောင်ရုံ (၂၅၅)လုံး တွင် မှတ်ပုံတင်ထားလျက်ရှိပြီး (၅၈)လုံးသာလျှင်  လစဉ် ကုန်ထုတ်စာရင်းများ ရေးသွင်းထားသည်ကို စိစစ်တွေ့ရှိရသည့်အတွက် ကုန်ရ

 သိုလှောင်ရုံအားလုံး စာရင်းရေးသွင်းသွားရန်ကိုလည်း ယခုထက် ပိုမို စိစစ်ကြပ်မတ်သွားမည်ဖြစ်ပါကြောင်း၊ စပါးဆန် ဈေးနှုန်းများ တည်ငြိမ်စေရေးအတွက် စပါးများ ဝယ်ယူစုဆောင်းခြင်းလုပ်ငန်းများ ဆောင်ရွက်ရာတွင် စပါးပွဲစား (ကြားပွဲစား)များအား ထိန်းကျောင်းနိုင်ရန် ကြားပွဲစားစိစစ်ရေးကတ်များ ထုတ်ပေးပြီး လုပ်ငန်းတာဝန်များကိုလည်း သတ်မှတ်ပေးထားခဲ့ရာ မကွေးတိုင်းဒေသကြီးအနေဖြင့် ပထမဆုံး ဆောင်ရွက်ခဲ့သည့် တိုင်းဒေသကြီးတစ်တိုင်းဖြစ်ပြီး ကြားပွဲစားစိစစ်ရေးကတ် (၃၅၄)ကတ် ထုတ်ပေးထားပြီး၊တစ်နှစ်သက်တမ်းပြည့်ပြီးဖြစ်သည့်ကြားပွဲစားများအား မှတ်ပုံတင် သက်တမ်းတိုးဆောင်ရွက်စေရေး လမ်းညွှန်မှာကြားထားပြီးဖြစ်ပါကြောင်း၊ ဆန်စပါးလုပ်ငန်း ကြီးကြပ်ရေးအဖွဲ့သို့ ဆန်စပါးနှင့်ပတ်သက်၍ အမှာစာ(၆)စောင်အားဖတ်ကြား၍ အတည်ပြုချက်ရယူကာမကွေး တိုင်းဒေသကြီး ဆန်စပါးလုပ်ငန်းကြီးကြပ်ရေးအဖွဲ့(၂/၂၀၂၅)ကြိမ်မြောက်လုပ်ငန်းညှိနှိုင်းအစည်းအဝေးတွင်ဆုံးဖြတ်ချက် (၁၃)ချက်အား ချမှတ်ခဲ့ကြပြီး အစည်းအဝေးကို နေ့လယ်(၁၀:၃၀)နာရီအချိန်တွင် ရုတ်သိမ်းခဲ့ကြောင်း သိရှိရပါသည်။

DOCA(မကွေး)   

    စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပြဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသား ဖေါ်ပြထားမှုအခြေအနေ တို့နှင့် စပ်လျဉ်း၍ သက်ဆိုင်ရာ မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်း လုပ်ငန်းများဆောင်ရွက်လျက်ရှိရာ ၂၀၂၅ ခုနှစ်၊ စက်တ်ဘာလအတွင်းတွင် ပြည်ခရိုင်၊ ပြည်မြို့နယ်တွင် ဘုရင့်နောင်လမ်းမကြီး၊ နဝဒေးလမ်းဆုံရှိ “သပြေ” သောက်ရေသန့် လုပ်ငန်းသို့လည်းကောင်း၊ ဈေးကြီး(၅)ရုံရှိ “ပြည့်ကျော်” ကရေကရာလုပ်ငန်းသို့လည်းကောင်း၊ သိမ်လမ်း၊ အမှတ်(၆၂၃)၊ ဆင်စုရပ်ကွက်ရှိ “မြင်းပျံ” ဖျော်ရည်လုပ်ငန်း သို့လည်းကောင်း၊ (၁၄)လမ်း၊ အောင်ဆန်းပြည်သာယာရပ်ကွက်၊ အပိုင်း(၃)ရှိ “အောင်ကမ္ဘာ” မလိုင်လုံးလုပ်ငန်းသို့လည်းကောင်း၊ အမှတ်(၂၁)၊ F လမ်း၊ အောင်ဆန်းပြည်သာယာရပ်ကွက်ရှိ “ရွှေမြင့်မိုရ်” ချက်နို့ဆီလုပ်ငန်း သို့လည်းကောင်း၊ မအူရွာ၊ ဆင်စုရပ်ကွက်ရှိ “ကောင်းသန့်”မလိုင်လုံး လုပ်ငန်းသို့လည်းကောင်း၊ အောင်ဆန်းတိုးချဲ့ရပ်ကွက်ရှိ “ပေါက်ကြီး” ပေါင်မုန့်လုပ်ငန်း သို့လည်းကောင်း၊ အောင်ဆန်း ပြည်သာယာရပ်ကွက်ရှိ “အက်ရှင်” ငှက်သိုက်လုပ်ငန်းသို့လည်းကောင်း၊ သို့လည်းကောင်း သက်ဆိုင်ရာ မြို့နယ်တာဝန်ခံနှင့်ဝန်ထမ်း များသည်သွားရောက်၍ ဈေးကွက်မရောက်မီ ကုန်စည်များတွင် ကုန်အညွှန်း အမှတ်အသားပါ သတ်မှတ် ချက်များနှင့် ကိုက်ညီမှုရှိသော ကုန်စည် များကို တင်သွင်း ရောင်းချခြင်း ရှိ/မရှိ၊ သက်ဆိုင်ရာဌာန၏ ထောက်ခံမှု ရှိ/မရှိ ဈေးကွက် စောင့်ကြည့်စစ်ဆေး ခဲ့ပါကြောင်းနှင့် စောင့်ကြည့် စစ်ဆေးခဲ့သည့် ကုန်စည်များတွင် ကုန်အညွှန်း အမှတ်အသား ဖေါ်ပြချက်များနှင့် ကိုက်ညီမှုရှိပါ ကြောင်း သတင်းရရှိပါသည်။

DOCA(ပဲခူး)