HighLight News

           ဖျာပုံခရိုင် ကျိုက်လတ်မြို့နယ် စားသုံးသူရေးရာဦးစီးဌာန မြို့နယ်တာဝန်ခံ ဦးမိုးမင်းသန်းနှင့်ဝန်ထမ်းတို့သည်ဌာနဆိုင်ရာပူးပေါင်းအဖွဲ့ဖြင့် ဈေးကွက်အတွင်း ရောင်းချနေသော ဘူးဆီများအား၂၀၂၅ခုနှစ်၊ ဇန္နဝါရီလ(၂)ရက်နေ့၊ နေ့လယ်(၁၃:၀၀)နာရီအချိန်တွင် FDAထောက်ခံချက်ပါရှိမှုရှိ/ မရှိ၊ကုန်အညွှန်းအမှတ်အသားပြည့်စုံမှုရှိ/ မရှိ ကွင်းဆင်းစိစစ်ခဲ့ကြောင်းသိရသည်။

          ကွင်းဆင်းစစ်ဆေးခဲ့ရာတွင် မြို့မဈေးအပြင်တန်းရှိ ကုန်စုံဆိုင်များတွင်ရောင်းချနေသောဘူးဆီများတွင် ကုန်အညွှန်းအမှတ်အသားများပြည့်စုံစွာပါရှိခြင်း၊ FDAထောက်ခံချက်များပါရှိခြင်းတို့တွေ့ရှိရပါကြောင်း ဈေးကွက်စောင့်ကြည့်စစ်ဆေးခဲ့ပါကြောင်း သတင်းရရှိပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ ဘိုကလေးမြို့နယ်တာဝန်ခံနှင့် ဝန်ထမ်းတို့သည် ၂၀၂၅ခုနှစ် ဇန်နဝါရီလ(၇)ရက်နေ့ နေလယ်(၁၃:၀၀)နာရီအချိန်တွင် (၃)ရပ်ကွက်ပြည်သူ(၄၇)ဦးအား ရပ်ကွက်ဓမ္မာရုံတွင်စားသုံးသူကာကွယ်ရေးအသိပညာပေးဆောရွက်ခဲ့ကြပါသည်။

          ထိုအသိပညာပေးဟောပြောပွဲတွင် စားသုံးသူကာကွယ်ရေးဥပဒေနှင့်စပ်လျဉ်း၍ စားသုံးသူပြည်သူများအား ဘေးအန္တရာယ်ကင်းရှင်းစေရေး၊ ကျန်းမာရေးစိတ်ကျေနပ်မှုရှိစေရေး အတွက် ကုန်စည်နှင့်ဝန်ဆောင်မှုများကို ရွေးချယ်ဝယ်ယူရာတွင် ဈေးကွက်အတွင်းရှိ ကုန်စည်များတွင် မြန်မာဘာသာဖြင့် ရေးသားဖော်ပြထားသော ကုန်အညွှန်းအမှတ်အသားဖော်ပြချက်များ အကြောင်း၊ FDA ထောက်ခံချက်ပါ ကုန်စည်များဘေးအန္တရာယ်ကင်းရှင်းကြောင်း ဈေးကွက်အတွင်းစားအုန်းဆီနှင့် ပတ်သက်၍ ပဲရော၊ နှမ်းရော၊ ပဲလတ်ဆီဆိုတာမရှိကြောင်း၊ စားသုံးဆီချိပ်ပိတ်ဘူးဆီများတွင် ကုန်ညွှန်းအမှတ်အသားအချက်အလက်များ ရှိနေပြီဖြစ်ကြောင်းနှင့် ကုန်စည်နှင့်ဝန်ဆောင်မှုလုပ်ငန်းများနှင့် ပတ်သက်၍ သိမှတ်ဖွယ်ရာများအကြောင်းများဟောပြောခဲ့ပါကြောင်း သတင်းရရှိပါသည်။

DOCA(ဧရာဝတီ)

             ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး၊ ခရိုင်ဦးစီးမှူး ဦးဇော်လင်း အောင်နှင့် မြို့နယ်ဦးစီးမှူးဦးလှထွဋ်ဦးတို့သည် (၈.၁.၂၀၂၄)ရက်နေ့ နေ့လယ်(၁၄း၀၀) နာရီအချိန်တွင် စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး အစည်းအဝေးခန်းမတွင် စက်မှုလုပ်ငန်းသုံးဆီခွဲတမ်းရရှိမှုနှင့် ပတ်သက်ပြီး လုပ်ငန်းရှင်များအားခေါ်ယူတွေ့ဆုံ၍ ဆွေးနွေးဆောင်ရွက်ခဲ့ပါသည်။

          ထိုသို့ဆွေးနွေးရာတွင် စားသုံးသူရေးရာဦးစီးဌာန၊ ခရိုင်ဦးစီးမှူးမှ စက်မှုလုပ်ငန်းသုံးများအတွက် လိုအပ်သည့်စားအုန်းဆီထုတ်ယူရရှိရေး ပေါင်းစပ်ညှိနှိုင်းရေးအဖွဲ့မှ ထုတ်ပြန်ထားသော စည်းကမ်းချက်များအရ စားအုန်းဆီခွဲတမ်း ရရှိမှုအပေါ် လုပ်ငန်းရှင်များအနေဖြင့် တဆင့်ပြန်လည်ရောင်းချခြင်းမပြုလုပ်ကြရန်၊ မိမိလုပ်ငန်းတွင်သာအသုံးပြုကြရန်၊ ဌာနမှလည်း အမှန်တကယ်အသုံးပြုခြင်းရှိမရှိ စီစစ်စစ်ဆေးသွားမည်ဖြစ်ကြောင်း အသေးစိတ်ရှင်းလင်းဆွေးနွေးပြီး     စက်မှုလုပ်ငန်းသုံးဆီလုပ်ငန်းရှင်များမှ သိရှိလိုသည့်မေးမြန်းချက်များအား ခရိုင်ဦးစီးမှူးမှ ပြန်လည်ရှင်းလင်း ဆွေးနွေးခဲ့ပါသည်။ဆွေးနွေးပွဲသို့ လုပ်ငန်းရှင်(၄၀)ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)                                                                                                                                                                                                                                                                                 

         ဖျာပုံခရိုင် စားသုံးသူရေးရာဦးစီးဌာန၊ ဖျာပုံမြို့နယ်ဦးစီးမှူးနှင့်ဝန်ထမ်းမျာသည် အထွေထွေအုပ်ချုပ်ရေးဦးစီးဌာနတို့ ပူးပေါင်း၍ ၂၀၂၅ခုနှစ်၊ ဇန်နဝါရီလ(၉)ရက်နေ့ နံနက်(၁၀:၀၀)အချိန်တွင် ဖျာပုံမြို့တွင်းရှိဘိလပ်မြေ အရောင်းဆိုင်များသို့ ဈေးနှုန်းဈေးကွက်အခြေအနေနှင့် မြေပြင်လက်ကျန်အခြေအနေများကို ကွင်းဆင်းစစ်ဆေးခဲ့ပါသည်။

             ထိုသို့ကွင်းဆင်းစစ်ဆေးရာတွင်ဘိလပ်မြေလက်လီ၊ လက်ကားအရောင်းဆိုင်များအား ရောင်းချသည့်အမျိုးအစား၊ အမျိုးအစားအလိုက် ယခင်လရောင်းဈေးနှင့် ယခုလ‌ရောင်းဈေး၊ ဆိုင်တွင်းလက်ကျန်အရေအတွက်၊ ဘိလပ်မြေပြတ်လပ်မှုရှိ/ မရှိတို့ကိုကွင်းဆင်းစစ်ဆေးခဲ့ပါကြောင်း သတင်းရရှိပါသည်။

DOCA(ဧရာဝတီ)

            စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးရုံးမှ ဒု-ဦးစီးမှူးသည် (၈.၁.၂၀၂၅)ရက် နေ့ နံနက်(၀၉:၀၀)နာရီအချိန်တွင် မြန်အောင်မြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေ ပြုဗဟိုဌာန (Community Centre)ခန်းမ၌ အွန်လိုင်းစနစ်ဖြင့်ဝယ်ယူခြင်းနှင့်စပ်လျဉ်း၍ စားသုံးသူများ စိစစ်သင့်သည့်အချက်အလက်များနှင့် အကျိုးရလဒ်များအကြောင်းTalk Show အစီအစဉ်ကို ဆောင်ရွက်ခဲ့ကြောင်းသိရသည်။

          အဆိုပါ အစီအစဉ်တွင် ဒု-ဦးစီးမှူး ဒေါ်ယဉ်ယဉ်ထွန်းက အွန်လိုင်းမှတစ်ဆင့်ဝယ်ယူရာတွင် စားသုံးသူများစိစစ်သင့်သည့်အချက်များဖြစ်သည့်  မိမိဝယ်ယူသုံးစွဲမည့် အွန်လိုင်းမှရောင်းချသည့် ကုန်စည် (သို့)ဝန်ဆောင်မှုသည် စားသုံးများအကြား နာမည်ဂုဏ်သတင်းကောင်းမွန်ခြင်းရှိ/ မရှိ၊ သတင်းအချက်အလက်များ ပြည့်စုံမှန်ကန်စွာဖော်ပြထားခြင်းရှိ/ မရှိ၊ မိမိနှင့် သင့်လျော်မှုရှိ/ မရှိ၊ စာချုပ်ပါအချက်အလက်များ(သို့)အာမခံချက်ပါအချက်အလက်များ မိမိနှင့်ကိုက်ညီမှုရှိ/ မရှိ၊ ကြော်ငြာနှင့်အရောင်းမြှင့်တင်ရေး တို့တွင်ပါဝင်သော ဖော်ပြချက်များ ကိုက်ညီမှု ရှိ/မရှိနှင့် မိမိဝယ်ယူသုံးစွဲမည့် ကုန်စည်သည် သက်ဆိုင်ရာ ဌာနများ၏ ထောက်ခံချက်ရှိ/မရှိ စသည်တို့ကို ပထမဦးစွာ စိစစ်သင့်သည့်အကြောင်း၊ မှတ်ပုံတင် ထားသည့် အွန်လိုင်းရောင်းချမှုလုပ်ငန်းများမှ ဈေးဝယ်ယူခြင်းဖြင့် ရရှိလာသောအကျိုးရလဒ်များအနေဖြင့် မရိုးဖြောင့်သော၊ တရားမဝင်သောအွန်လိုင်းဆိုင်များ၏ လိမ်လည်မှုမှ ရှောင်ရှားနိုင်ခြင်း၊ ကုန်စည်/ဝန်ဆောင်မှုနှင့် စပ်လျဉ်းသည့်အာမခံချက်ကို ရောင်းချသည့်လုပ်ငန်းရှင်ထံ ဆက်သွယ်တောင်းဆိုနိုင်ခြင်း၊ အွန်လိုင်းမှ ဝယ်ယူသုံးစွဲရာတွင် နစ်နာဆုံးရှုံးမှုကြုံတွေ့ပါက ရောင်းချသည့် လုပ်ငန်းကို ဖြေရှင်းပေးရန်ဆက်သွယ်နိုင် ခြင်း၊ သက်ဆိုင်ရာအစိုးရဌာနသို့ တိုင်ကြားရာတွင် လည်းရောင်းချ သည့်လုပ်ငန်းနှင့်စပ်လျဉ်း၍ ခိုင်လုံစွာ တိုင်ကြားနိုင်ခြင်း၊  သက်ဆိုင်ရာဌာနအနေဖြင့် စားသုံးသူနစ်နာ ဆုံးရှုံးမှုအား ဖြေရှင်းရာတွင် လွယ်ကူစေခြင်းတို့ကိုရှင်းလင်းခဲ့ပြီး၊ တိုင်ကြားမှုဖြေရှင်းသည့် နည်းလမ်းများအနေဖြင့် သက်ဆိုင်ရာတိုင်းဒေသကြီး/ ပြည်နယ်ဦးစီးမှူးရုံးများက လိုအပ်သည့် စိစစ်ဆောင်ရွက်မှုများ ပြုလုပ်၍ စေ့စပ်ညှိနှိုင်းပေးခြင်း၊ စီမံခန့်ခွဲရေးနည်းလမ်းအရအရေးယူခြင်း စသည့်တို့ကို အကျယ်တဝင့် ရှင်းလင်းဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)