HighLight News

          (၁၀.၁၁.၂၀၂၅)ရက်နေ့ နံနက်(၁၀:၃၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံး၊ လှည်းကူးမြို့နယ်ခွဲတာဝန်ခံ ဦးထွန်းထွန်းဦးသည် လှည်းကူးမြို့နယ်၊ မြို့မဈေးရှိ ကုန်မျိုးစုံဆိုင်များ၌ အသင့်သောက်အချိုရည်အမျိုးမျိုးအား ကွင်းဆင်းစစ်ဆေးခဲ့ပါသည်။

           ထိုသို့စစ်ဆေးရာတွင် ဈေးစည်ပင်မှ တာဝန်ရှိသူက ပူးပေါင်းပါဝင်လျက် ကုန်မျိုးစုံဆိုင်များတွင် ရောင်းချနေသော အချိုရည်များတွင် ကုန်အညွှန်းအမှတ်အသားတွင် ဖော်ပြရမည်ဖြစ်သော အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ ဓါတ်မတည်ကြောင်းဖော်ပြချက်များနှင့် ပါဝင်မှုအလေးချိန်ကိုလည်း မြန်မာလိုရေးသားဖော်ပြထားကြောင်း စစ်ဆေးတွေ့ရှိရပြီး မိမိတို့ဌာနမှလည်း စီးပွားရေးလုပ်ငန်းရှင်လိုက်နာရမည့် အချက်(၁၁) ချက်ကို လိုက်နာဆောင်ရွက်ရမည်ဖြစ်ကြောင်း ဆွေးနွေးအသိပညာပေးပြောကြားခဲ့ကြောင်း သိရှိရပါသည်။

DOCA (ရန်ကုန်)

             ၈.၁၁.၂၀၂၅ ရက်နေ့ (၁၁း၀၀) နာရီအချိန်တွင် ပန်းဘဲတန်းမြို့နယ် KKK သုံးလုံးဆေးဆိုင်အား ရန်ကုန်အနောက်ပိုင်းခရိုင်ဦးစီးမှူးရုံးမှ ဒေါ်မြတ်မွန် ဒု-ကြီးကြပ်ရေးမှူးနှင့်ဝန်ထမ်း(၂) ဦးတို့သည် ပန်းဘဲတန်းမြို့နယ်စည်ပင်မှ ရပ်ကွက်အပိုင်မှူး ဒေါ်သန္တာခိုင် (ဌာနခွဲစာရေး) တို့နှင့် ပူးပေါင်း၍ ကွင်းဆင်းစစ်ဆေးခဲ့ကြောင်း သိရသည်။

          ပန်းဘဲတန်းမြို့နယ် KKK သုံးလုံးဆေးဆိုင်တွင် ရောင်းချနေသော ဆရာဝန်ထောက်ခံချက်မရှိဘဲ သောက်သုံးနိုင်သော ဆေးဝါးတို့တွင် ကုန်အညွှန်းအမှတ်အသားများ ပြည့်စုံစွာပါဝင်ခြင်းရှိ/ မရှိ ကွင်းဆင်းစစ်ဆေးခြင်းများ ပြုလုပ်ခဲ့ပါသည်။ သို့ရာတွင် ၎င်းဆေးဆိုင်တွင်ရောင်းချနေသော Royal D (ဓါတ်ဆား)၊ Kremils(အစာအိမ်ဆေး)၊ Len San၊ Decolgen၊ Fluza၊ Enervon C အစရှိသော ဆေးဝါးများတွင် ကုန်အညွှန်းအမှတ်အသားများ ပြည့်စုံစွာပါဝင်မှုရှိသည်ကို တွေ့ရှိခဲ့ရကြောင်း သိရှိရပါသည်။

DOCA(ရန်ကုန်)

       ဖျာပုံခရိုင်၊ဒေးဒရဲမြို့နယ် စားသုံးသူရေးရာဦးစီးဌာနနှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍စားသုံးသူကာကွယ်ရေး အသိပညာပေး(Talk Show) ကို၂၀၂၅ခုနှစ်၊နိုဝင်ဘာလ၆ရက်နေ့၊ နေ့လယ်(၁၂:၀၀)နာရီအချိန်တွင် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနလူထုအခြေပြု ဗဟိုဌာန Community Centre ခန်းမ၌ကျင်းပခဲ့ကြောင်း သိရသည်။

        ရှေးဦးစွာ ပြန်ကြားရေးနှင့်ပြည်သူ့ဆက်ဆံရေး ဦးစီးဌာနမှဦးစီးအရာရှိ ဒေါ်မြင့်မြင့်ခိုင်မှ စားသုံးသူကာကွယ်ရေးဥပဒေအကြောင်းအရာများနှင့် ပတ်သတ်၍ ပြည်သူများ ကျယ်ကျယ်ပြန့်ပြန့် သိရှိစေရန် ရည်ရွယ်၍ ပြုလုပ်ရခြင်းဖြစ်ကြောင်း ဆွေးနွေးပြောကြားပြီး စားသုံးသူရေးရာဦးစီးဌာနမှ ဒု-လက်ထောက်ကြီးကြပ်ရေးမှူး ဦးခန့်စည်သူက မိမိတို့ဌာနအနေဖြင့် စားသုံးသူများဘေးအန္တရာယ် ကင်းရှင်းစေရေးအတွက်ကုန်စည်နှင့် ဝန်ဆောင်မှုများကိုအဓိကထား ဈေးကွက်စောင့်ကြည့်လျှက်ရှိကြောင်းနှင့် စားသုံးသူအခွင့်အရေးနှင့်တာဝန်များအကြောင်း၊ စားသုံးသူကာကွယ်ရေးဥပဒေ အခန်း(၁၇) ကုန်စည်(သို့)ဝန်ဆောင်မှုအပေါ် တာဝန်ရှိမှုနှင့် ပတ်သက်ပြီးပုဒ်မခွဲများ အကြောင်းတို့ကို ရှင်းလင်းပြောကြားခဲ့ပြီး စားသုံးသူမိဘပြည်သူများ ကုန်စည်နှင့်ဝန်ဆောင်မှုများကြောင့် နစ်နာမှုများရှိလာပါက တိုင်းဒေသကြီးပြည်နယ်ဦးစီးမှူးရုံး၊ ခရိုင်ဦးစီးမှူးရုံးများတွင် ဖွင့်လှစ်ထားသော CICC စားသုံးသူသတင်းပြန်ကြားရေးနှင့်တိုင်ကြားမှု လက်ခံဆောင်ရွက်ရေးCenter မှ တိုင်ကြားနိုင်သလို၊ ဖုန်းဆင်းကတ်မှတဆင့်တိုင်ကြားလိုသူများ အနေဖြင့်Call Center 1535 သို့ခေါ်ဆို၍ တိုင်ကြားနိုင်ကြောင်း အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

          ဖျာပုံခရိုင်၊ ဒေးဒရဲမြို့နယ် စားသုံးသူရေးရာ ဦးစီးဌာနမှ မြို့နယ်တာဝန်ခံနှင့်ဝန် ဝန်ထမ်းတို့သည် ၂၀၂၅ခုနှစ်၊ နိုဝင်ဘာ၅ရက်နေ့ နေ့လယ် (၁၂း၀၀)နာရီအချိန်တွင် ဒေးဒရဲမြို့ အမှတ်(၁) ရပ်ကွက်ရှိ ကုန်မျိုးစုံဆိုင်များတွင် ရောင်းချနေသောစားအုန်းဆီများ ရည်ညွှန်းဈေးဖြင့် ရောင်းချခြင်းရှိ/မရှိ ကွင်းဆင်းစစ်ဆေးခဲ့ကြောင်း သိရသည်။

       အဆိုပါကွင်းဆင်းစစ်ဆေးရာတွင် မြို့နယ်တာဝန်ခံမှ စားအုန်းဆီခွဲတမ်းရရှိသော  လက်လီ/လက်ကားကိုယ်စားလှယ်များအနေဖြင့် သတ်မှတ်ထားသော စည်းမျဉ်းစည်းကမ်းများနှင့် အညီစနစ်တကျ ဖြန့်ဖြူးရောင်းချရန်၊ စားသုံးသူများထင်ယောင်ထင်မှား မဖြစ်စေရေးအတွက် ဈေးနှုန်းဆိုင်းဘုတ်များကို သတ်မှတ်ရည်ညွှန်းဈေးအလိုက်  မြင်သာထင်သာရှိသော နေရာများတွင် ချိတ်ဆွဲရောင်းချမှုရှိ/ မရှိတို့ကို လိုက်လံစစ်ဆေးခဲ့ရာ စားအုန်းဆီအရောင်းဆိုင်များအနေဖြင့် သတ်မှတ်ထားသော စည်းကမ်းများနှင့်အညီ ရောင်းချနေမှုအားကွင်းဆင်းစစ်ဆေးခဲ့မှုအရ သတင်းရရှိပါသည်။

DOCA (ဧရာဝတီ)

          မအူပင်ခရိုင်၊ စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူးရုံးမှ  ဒေါ်ချိုမီဇင် ဒုဦးစီးမှူးနှင့် ဝန်ထမ်းများသည် (၇-၁၁-၂၀၂၅) ရက်နေ့ နံနက် (၀၉း၀၀) နာရီအချိန်တွင် မြို့နယ်စည်ပင်သာယာရေးအဖွဲ့နှင့်အတူ ကုန်စုံဆိုင် (၆)ဆိုင်မှ ‌ရောင်းချသည့်  ဟင်းလျာများတွင် အသုံးပြုသော အရောင်အနံ့အတွက်အသုံးပြုသော ဟင်းခတ်ပစ္စည်းအမျိုးမျိုးအား ကုန်အညွှန်အမှတ်အသားဖော်ပြချက်နှင့် စပ်လျဉ်း၍ ကွင်းဆင်းစစ်ဆေး ခဲ့ကြောင်း သိရသည်။

         စစ်ဆေးရာတွင် မြို့နယ်စားသုံးသူရေးရာဦးစီးဌာနမှ ကုန်စုံဆိုင်များဖြစ်သော ကုန်မျိုးစုံလက်ကား အရောင်းဆိုင်ကြီးများတွင်  ရောင်းချနေသော ဟင်းမွေးမဆလာ၊ ခရုအဆီ၊ ဟင်းခတ်အမှုန့်များ၊ လျှာလကာရည်၊ ငံပြာရည်အမျိုးမျိုး၊ အမွေးအကြိုင်အတွက်အသုံးပြုသော ကုန်ပစ္စည်းများတွင် ကုန်အညွှန်းအမှတ်အသား ဖော်ပြပါဝင်ခြင်းရှိ/မရှိ၊ အစားအသောက်နှင့် ဆေးဝါးကွပ်ကဲရေးဦးစီးဌာန၏ ခွင့်ပြုချက် ပါဝင်မှုရှိမရှိတို့ကို စစ်ဆေးခဲ့ပြီး၊ မြို့နယ် ဈေးကွက် အတွင်း သတ်မှတ်ချက်များနှင့်အညီ ထုတ်ကုန်များရောင်းချနေကြောင်း တွေ့ရှိရပြီး သက်တမ်းလွန်ကုန်စည်များရှိပါက ရောင်းချခြင်းမရှိစေရန် ဆိုင်ရှင်များအားမှာကြားခဲ့ပြီး ဈေးကွက်အတွင်း သက်တမ်းလွန်ကုန်စည်များရောင်းချနေခြင်းတွေ့ရှိပါက ဥပဒေအရ အရေးယူဆောင်ရွက်သွားမည်ဖြစ်ကြောင်းနှင့် စားသုံးသူကာကွယ်ရေဥပဒေပါ စီးပွားရေးလုပ်ငန်းရှင်တာဝန်များအကြောင်းကို ရှင်းလင်းပြောကြားခဲ့ကြောင်း သိရှိရပါသည်။

DOCA (ဧရာဝတီ)