ပြည်ပကုန်သွယ်မှုသတင်းများ

    ဖိလစ်ပိုင်နိုင်ငံ၌ စပါးရိတ်သိမ်းထွက်ရှိမှုမှာ စံချိန်တင်မြင့်မားဖွယ်ရှိသည်ဟု ခန့်မှန်းထားရှိ သော်လည်း ပြည်တွင်းမှ ထုတ်လုပ်မှုသည် တိုးတက်လျက်ရှိသော ဆန်ဝယ်လိုအားကို ပြည့်မီအောင် ဖြည့်ဆည်းပေးနိုင်စွမ်းမရှိသဖြင့် ယခုနှစ်တွင် ဆန်တန်ချိန် ၄ သန်းကျော်အထိ တင်သွင်းရဖွယ်ရှိနေပါသည်။

     ဖိလစ်ပိုင် စီးပွားရေး၊ စီမံကိန်းနှင့် ဖွံ့ဖြိုးတိုးတက်မှုဦးစီးဌာန (DEPDev) က နောက်ဆုံးထုတ် ပြန်ထားသော ခန့်မှန်းချက်တွင် နိုင်ငံ၏ ဆန်ထုတ်လုပ်နိုင်မှုသည် ပြည်တွင်းသုံးစွဲရန်လိုအပ်ချက်ကို ပြည့်မီစွာ ဖြည့်ဆည်းနိုင်ခြင်းမရှိပဲ ၁၇ ရာခိုင်နှုန်းခန့် လိုအပ်ချက် ဖြစ်ပေါ်လျက်ရှိသဖြင့် ယခုနှစ်၌ ပြည်ပမှ ဆန်တန်ချိန် ၄.၃၇ သန်းခန့်ကို တင်သွင်းရဖွယ်ရှိသည်ဟု ဖော်ပြထားသည်။

  ယခုနောက်ဆုံးခန့်မှန်းခဲ့သည့် ဆန်တင်သွင်းရန် လိုအပ်ချက်သည် အဆိုပါဦးစီးဌာနက ယခင်အကြိမ် ခန့်မှန်းထားသော ဆန်လိုအပ်ချက် တန်ချိန် ၃.၄၅ သန်းထက် လေးပုံတစ်ပုံခန့် ပိုမို လာခဲ့ခြင်းဖြစ်သည်။ ၂၀၂၅ ခုနှစ် ပထမနှစ်ဝက်ကာလအတွင်း မျှော်မှန်းထားသည့် ပမာဏထက် ပိုမိုလျက် ဆန်များ တင်သွင်းရောက်ရှိခဲ့ခြင်းက ခန့်မှန်းချက်ကို တိုးမြှင့်ပြင်ဆင်မှု ဖြစ်စေခဲ့သည်။ သို့ရာတွင် ယခုနောက်ဆုံးပြင်ဆင်ခဲ့သော ဆန်တင်သွင်းမှုပမာဏ ခန့်မှန်းချက်သည် ယခင်နှစ်၌ တင်သွင်းခဲ့ရသော ဆန်တန်ချိန် ၄.၈ သန်းအောက်သို့ နိမ့်ကျနေဆဲဖြစ်သည်။

     DEPDev ၏ ခန့်မှန်းချက်အရ ယခုနှစ် ဖိလစ်ပိုင်နိုင်ငံ၏ ဆန်ထွက်ရှိမှုသည် တန်ချိန် ၁၂.၉ သန်းအထိ ရောက်ရှိနိုင်ကြောင်း၊ အဆိုပါ ပမာဏသည် ယခင်နှစ် ထုတ်လုပ်မှု ဆန်တန်ချိန် ၁၂.၄၈ သန်းထက် ၃ ရာခိုင်နှုန်းခန့် ပိုမိုမြင့်မားမည်ဖြစ်ကြောင်း၊ ယခုတွက်ချက်မှုသည် ပထမ သုံးလပတ်၌ အမှန်တကယ် ရိတ်သိမ်းထွက်ရှိမှုနှင့် ပထမနှစ်ဝက်ကာလအတွင်း ဆန်တင်သွင်းခဲ့မှုတို့အပေါ် အခြေခံထားခြင်းဖြစ်ကြောင်း၊ ယခုနှစ် ၁ နှစ်လုံးအတွက် ဆန်ဝယ်လိုအားမှာ တန်ချိန် ၁၅.၅၄ သန်း ရှိမည်ဖြစ်ကြောင်း သိရှိရသည်။

     နှစ်အစ စာရင်းဖွင့်လက်ကျန် အပါအဝင် စုစုပေါင်း ဆန်ရောင်းလိုအားပမာဏသည် တန်ချိန် ၁၉.၅၅ သန်းခန့်ရှိမည်ဖြစ်ပြီး ၂၀၂၅ ခုနှစ် ကုန်ဆုံးချိန်၌ နှစ်ပိတ်လက်ကျန် ဆန်တန်ချိန် ၃.၉၂ သန်း ခန့် ကျန်ရှိမည်ဟု ခန့်မှန်းထားသည်။ ၎င်းနှစ်ပိတ်လက်ကျန် ပမာဏသည် ပြည်တွင်းသုံးစွဲရန် ၃ လ ကျော် ကာလအတွက် လုံလောက်မှုရှိမည်ဖြစ်သည်။

   ဆန်တင်သွင်းမှုသည် တတိယသုံးလပတ်၌ တန်ချိန် ၈၃၈၀၀၀ ခန့်နှင့် စတုတ္ထသုံးလပတ်တွင် တန်ချိန် ၁.၁၆ သန်းခန့်ရှိနိုင်ကြောင်း၊ ၁ နှစ်ပတ်လုံးအတွက် လုံလောက်စွာ ထောက်ပံ့ပေးသွင်းနိုင် ရေးတွင် ပြည်ပမှဆန်များတင်သွင်းမှုသည် အရေးပါမှုရှိကြောင်း DEPDev က ဖော်ပြထားသည်။

      ဖိလစ်ပိုင် အကောက်ခွန်ဗျူရို၏ အချက်အလက်များအရ ယခုနှစ် ပထမနှစ်ဝက်၌ တင်သွင်း ခဲ့သော ဆန်ပမာဏသည် တန်ချိန် ၂.၃၈ သန်းရှိပြီး ယခင်နှစ်ကာလတူထက် ၄ ရာခိုင်နှုန်း မြင့်တက် လာခဲ့ကြောင်း သိရှိရသည်။

     DEPDev ဦးစီးဌာနသည် ၎င်း၏ တွက်ချက်မှုများ၌ စိုက်ပျိုးရေးဦးစီးဌာန၏ ဒုတိယနှစ် သုံးလပတ်မှ စတုတ္ထ သုံးလပတ်ကာလအထိ စပါးစိုက်ပျိုးထွက်ရှိနိုင်မှု ခန့်မှန်းချက်များကို အသုံးပြု ထားခြင်းဖြစ်သည်။ ရာသီဥတုကောင်းမွန်မှုနှင့် အစိုးရ၏ အစဉ်တစိုက် ကူညီထောက်ပံ့ပေးမှုများ အရ ပထမနှစ်ဝက်၌ စပါးအထွက်တိုးတက်ခဲ့ပြီးနောက် ၂၀၂၅ ခုနှစ်အတွက် စုစုပေါင်း စပါးထွက်ရှိမှု သည်  တန်ချိန် ၂၀.၄၆ သန်းကို ကျော်လွန်နိုင်မည်ဟု မျှော်မှန်းကြောင်း ဖိလစ်ပိုင်စိုက်ပျိုးရေးဦးစီး ဌာနက အစောပိုင်းကာလတွင် ပြောဆိုခဲ့သည်။

   နိုင်ငံ၏ စပါးထွက်ရှိမှုသည် ယခင်နှစ် ကာလတူ၌ ထွက်ရှိခဲ့သော တန်ချိန် ၈.၅၃ သန်းထက် ၆ ရာခိုင်နှုန်း ပိုမိုလျက် ယခုနှစ် ဇန်နဝါရီလမှ ဇွန်လအထိ ကာလအတွင်း တန်ချိန် ၉.၀၈ သန်းအထိ ရိတ်သိမ်းရရှိခဲ့ပြီး ပထမနှစ်ဝက်ကာလများတစ်လျောက် အမြင့်မားဆုံးထွက်ရှိမှုအဖြစ် စံချိန်တင်နိုင် ခဲ့ကြောင်း ဖိလစ်ပိုင်စာရင်းအင်းအေဂျင်စီက ဖော်ပြထားသည်။

Source: The Philippine Star, 4 Aug 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)

          တရုတ်နိုင်ငံ၏ မီးရထားကုန်စည်ပို့ဆောင်မှုပမာဏသည် ၂၀၂၅ ခုနှစ် ပထမနှစ်ဝက်အတွင်း တည်ငြိမ်သောတိုးတက်မှုရှိခဲ့ကြောင်းနှင့် ကုန်စည်ပို့ဆောင်ရေးကွန်ရက် လည်ပတ်မှု ပိုမိုထိရောက်လာပြီး ဝန်ဆောင်မှုများလည်း ပိုမိုကောင်းမွန်လာကြောင်း အမျိုးသားမီးရထားလုပ်ငန်းက ၂၀-၇-၂၀၂၅ ရက်နေ့တွင်ပြောကြားခဲ့သည်။ နိုင်ငံ၏ အမျိုးသားအဆင့်မီးရထား စနစ်သည် (၆) လအတွင်း စုစုပေါင်းကုန်စည်တန်ချိန် ၁.၉၈ ဘီလီယံ သယ်ယူပို့ဆောင်ပေးခဲ့ပြီး ၂၀၂၄ ခုနှစ် ကာလတူနှင့် နှိုင်းယှဉ်ပါက ၃ ရာခိုင်နှုန်း တိုးတက်ခဲ့ကြောင်း China State Railway Group Co., Ltd. ၏ ထုတ်ပြန်ချက်အရ သိရသည်။ နေ့စဉ်ပျမ်းမျှ ကုန်တင်တွဲတင်ဆောင်မှု အရေအတွက်မှာ ၁၈၂,၄၀၀ အတွဲရှိခဲ့ပြီး ယခင်နှစ်အလားတူကာလထက် ၄ ရာခိုင်နှုန်း တိုးတက်ခဲ့သည်။ ဘက်စုံပေါင်းစပ်ထားသော မီးရထားကွန်ရက်ကို အပြည့်အဝအသုံးပြုခဲ့ပြီး ထောက်ပံ့ ပို့ဆောင်ရေးစွမ်းဆောင်ရည်၊ ထိရောက်မှုနှင့် ဝန်ဆောင်မှုအရည်အသွေးများကို မြှင့်တင်ရန်အတွက် မီးရထားကုန်စည်ပို့ဆောင်ရေးတွင် ဈေးကွက်ကိုဦးတည်သော ပြုပြင်ပြောင်းလဲမှုများ ကို ဆောင်ရွက်ခဲ့ကြောင်း ယင်းကုမ္ပဏီက ပြောကြားခဲ့သည်။ ကုန်စည်ပို့ဆောင်မှု အနေဖြင့် ဇန်နဝါရီလမှဇွန်လအထိ (၆) လကာလအတွင်း ကျောက်မီးသွေးသယ်ယူပို့ဆောင်မှုမှာ စုစုပေါင်း တန်ချိန် ၁.၀၂ ဘီလီယံရှိခဲ့ပြီး သတ္တုထုတ်ကုန်ဆိုင်ရာကုန်ပစ္စည်းနှင့် သီးနှံကုန်စည်များ သယ်ယူပို့ဆောင်မှု ပမာဏမှာ ၈.၆ ရာခိုင်နှုန်းနှင့် ၉.၈ ရာခိုင်နှုန်း အသီးသီးမြင့်တက်ခဲ့ကြောင်း သိရှိရပါသည်။

Source: Xinhua

DOCA(ရန်ကုန်)

     Rupali Bank ၏ အမြတ်ငွေများသည် ဝင်ငွေလည်ပတ်မှုများနည်းပါးမှုကြောင့် ယခုနှစ် ပထမ သုံးလပတ်ကာလတွင် ရုတ်တရက်ထိုးခဲ့ကြောင်း သိရပါသည်။ နိုင်ငံပိုင်ငွေချေးသူများ၏ အမြတ်ငွေသည် ၂၀၂၅ ခုနှစ် ဧပြီလမှ ဇွန်လအတွင်းတွင် tk ၃.၄၁ ကုဋေသို့ တစ်နှစ်ထက်တစ်နှစ် ၈၃ ရာခိုင်နှုန်းခန့် ကျဆင်းခဲ့ကြောင်း သိရပါသည်။ ၎င်း၏ တစ်ခုချင်းအစုရှယ်ယာ (EPS) သည် ယခင်နှစ်ကာလတွင် ရရှိခဲ့သော tk ၀.၄၂ မှ tk ၀.၀၇ သို့ကျဆင်းသွားကြောင်း စျေးနှုန်းထိန်းချုပ် ရေး ထုတ်ပြန်ချက်အရ သိရပါသည်။ ဇန်နဝါရီလ မှ ဇွန်လအတွင်း Rupali Bank ၏ EPS သည် ယခင်နှစ်အစောပိုင်းကာလ (EPS) tk ၀.၈၉ မှ tk ၀.၂၀ အထိကျဆင်းခဲ့ကြောင်း သိရပါသည်။ Rupali Bank သည် ယခုနှစ်ပထမနှစ်ဝက်အတွင်း ၎င်း၏ ဝင်ငွေစီမံခန့်ခွဲမှု စွမ်းဆောင်ရတွင် သိသိသာသာတိုးတက်မှုရှိကြောင်း အစီရင်ခံခဲ့ပါသည်။ ၎င်း၏ ရှယ်ယာတစ်ခုချင်းဝင်ငွေလမ်း ကြောင်း (NOCFPS) သည် ယခင်နှစ်ကာလနှင့် နှိုင်းယှဥ်လျှင် tk ၃.၆၉ မှ tk ၁၃၉.၁၁ သို့မြင့်တက်ခဲ့ ကြောင်း နှင့် အဆိုပါ မြင့်တက်မှုသည် အာမခံငွေအပ်နှံမှု မြင့်တက်ခဲ့ခြင်းကြောင့် ဖြစ်ကြောင်း သိရပါသည်။ ဇွန်လ ၃၀ ရက်နေ့အထိ အဆိုပါ Rupali Bank ၏ရှယ်ယာများကို အစိုးရက ၉၀.၁၉ ရာခိုင်နှုန်း၊ အဖွဲ့အစည်းများက ၃.၄၃ ရာခိုင်နှုန်းနှင့် ပြည်သူလူထုက ၆.၃၈ ရာခိုင်နှုန်း အသီးသီး ကိုင်ဆောင်ထားကြောင်း ဒါကာစျေးကွက်လဲလှယ်ရေး အဖွဲ့အစည်း (DSE) ၏ အချက်အလက်များ အရ သိရပါသည်။

   DOCA(ရန်ကုန်)

တရုတ်နိုင်ငံ၏ နိုင်ငံတော်အဆင့် စီးပွားရေးဖွံ့ဖြိုးမှုဇုန်များတွင် အရည်အသွေးကောင်းမွန်သည့် ကုန်ထုတ်စွမ်းအားသစ်များကိုမြှင့်တင် ရန်ရည်ရွယ်သော မူဝါဒပိုင်းဆိုင်ရာ အစီအမံများချမှတ်ခဲ့သည်။ စီးပွားရေးဖွံ့ဖြိုးမှုဇုန်များအနေဖြင့် စက်မှုလုပ်ငန်းနှင့် နည်းပညာ ဆိုင်ရာ ဆန်းသစ်တီထွင်မှုကို အထောက်အကူပေးရာတွင် ကြီးမားသော အခန်းကဏ္ဍမ ှပါဝင်လာသည်။ စီးပွားရေးဖွံ့ဖြိုးမှုဇုန်များကို လွန်ခဲ့သောနှစ်(၄၀)ကျော်က စတင် တည်ထောင်ခဲ့ချိန်မှစ၍ တရုတ်နိုင်ငံ၏ တံခါးဖွင့်လှစ်မှုကို မြှင့်တင်ကာ ဆန်းသစ်ထီထွင်မှု တိုးမြှင့်ရာတွင်အံ့မခန်း တိုးတက်မှုများရရှိခဲ့သည်။ စီးပွားရေးဖွံ့ဖြိးမှုဇုန်များတွင် နောက်ဆုံးပေါ် သတင်းအချက်အလက်နည်းပညာ၊ ကုန်ကြမ်းပစ္စည်းသစ်များ၊ အဆင့်မြင့်ကုန်ထုတ်လုပ်မှု၊ အဏ္ဏဝါစီးပွားရေးနှင့် အဏ္ဏဝါလုပ်ငန်းသုံးစက်ပစ္စည်းစသည့် မဟာဗျူဟာမြောက်ထွန်းသစ်စ လုပ်ငန်းနယ်ပယ်အဖွဲ့ အစည်းများပါဝင်သည်ဟု တရုတ်နိုင်ငံ စီးပွားရေးနှင့် ကူသန်းရောင်းဝယ်ရေးဝန်ကြီးဌာန တာဝန်ရှိသူ တစ်ဦး ကျီရှောင်ဖုန်းက ပြောကြားခဲ့သည်။ ၁၉၈၄ခုနှစ်တွင် တရုတ်နိုင်ငံ၌ ပထမဆုံးသော နိုင်ငံတော်အဆင့် စီးပွားရေးဖွံ့ဖြိုးမှုဇုန်ကို တရုတ်နိုင်ငံအရှေ့မြောက်ပိုင်း တာ့လျန်မြို့တွင် တည်ထောင်ခဲ့သည်။၂၀၂၄ခုနှစ် စီးပွားရေးဖွံ့ဖြိုးမှုဇုန် အရေအတွက်မှာ ၂၃၂ခု ရှိလာကြောင်း သိရသည်။

တရုတ်နိုင်ငံ၏ နိုင်ငံတော်အဆင့်စီးပွားရေးဖွံ့ဖြိုးမှုဇုန်များတွင် နည်းပညာမြင့် ကုမ္ပဏီ ပေါင်း၈၅၀၀၀ ကျော် ဖွင့်လှစ်ထားပီး နည်းပညာမြင့် ကုမ္ပဏီစုစုပေါင်း၏ ၁၈ ရာခိုင်နှုန်း ကျော်ရှိကြောင်းသိရသည်။ စီးပွားရေးဖွံ့ဖြိုးမှုဇုန်များမှာ ၂၀၂၄ခုနှစ်တွင် တရုတ်နိုင်ငံ၏ နိုင်ငံခြား ရင်းနှီးမြှုပ်နှံမှုနှင့် ပြည်ပကုန်သွယ်မှုပမာဏ၏ လေးပုံတစ်ပုံနီးပါးရှိပီး စီးပွားရေးဖွံ့ဖြိုးမှုဇုန် စုစုပေါင်း၏ ဒေသအလိုက် (GDP)တန်ဖိုးမှာ ယွမ်၁၆.၉ ထရီလီယံ (အမေရိကန်ဒေါ်လာ ၂.၃၆ ထရီလီယံခန့်) ရှိကြောင်းသိရသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန အနေဖြင့် စက်မှုဇုန်များအတွင်း ဆန်းသစ်တီထွင်မှုနှင့် အရည်အသွေးမြင့် ဖွံ့ဖြိုးတိုးတက်မှုအား တစ်ဆင့်  တိုးမြှင့်တင်ရန် မေလက လုပ်ငန်းအစီအစဉ်တစ်ရပ်ကို ထုတ်ပြန်ကြေညာခဲ့သည်။ ယင်းအစီအစဉ်  ကနိုင်ငံတော်အဆင့် စက်မှုနှင့်နည်းပညာဆိုင်ရာတီထွင်ဆန်းသစ်မှု ပလက်ဖောင်းများ အားပေး  မြှင့်တင်ရန်တက္ကသိုလ်များ၊သုတေသနအင်စတီကျူ့များနှင့်အတူဆန်းသစ်တီထွင်မှုဆိုင်ရာ ပူးပေါင်း အဖွဲ့ဖွဲ့စည်းရေးအတွက် ၎င်းဇုန်များရှိ ဦးဆောင်စီးပွားရေးလုပ်ငန်းများအား တိုက်တွန်းအား ပေးရန်နိုင်ငံတော်အဆင့် စီးပွားရေးဖွံ့ဖြိုးမှုဇုန်များအတွက် မူဝါဒပံ့ပိုးမှုကိုတီထွင်ဖော်ပြထားသည်။   

စီးပွားရေးဖွံ့ဖြိုးမှုဇုန်များအနေဖြင့် ဇီဝဆေးပညာ ၊စွမ်းအင်သစ်၊ ပစ္စည်းကိရိယာသစ်  များနှင့် လေကြောင်းအာကာသပညာရပ် စသည့်မဟာဗျူဟာမြောက် ထွန်းသစ်စလုပ်ငန်းများအား  ဆက် လက်ဖော်ထုတ်သွားမည် အနာဂတ်စက်မှုလုပ်ငန်းများအတွက် အမြော်အမြင် ရှိသော စီမံကိန်း  များကိုလည်းဖော်ဆောင်သွားမည်။ နိုင်ငံတော်အဆင့် စီးပွားရေးဖွံ့ဖြိုးမှုဇုန်များတွင် အရည်အသွေး ကောင်းမွန်သည့် ထွက်ကုန်စွမ်းအားသစ်များ ပျိုးထောင်ရန် ကြိုးပမ်းအားထုတ်မှုများ ပိုမိုဆောင်ရွက် သွားမည်ဖြစ်ပြီး ဆန်းသစ်တီထွင်မှုအား ချဲ့ထွင်ရာတွင် စီးပွားရေးလုပ်ငန်းများ၏ ယုံကြည် မှုအား တစ်ဆင့်တိုးမြင့် တင်ပေးမည်ဖြစ်ကြောင်းသိရသည်။

“အနာဂတ်မှာ စက်မှုလုပ်ငန်းသုံး AIလိုမျိုး ထွက်ကုန်သစ်တွေနဲ့ နည်းပညာသစ်တွေ  သုတေသနလုပ်မြှင့်တင်မှုတွေ အများအပြား လုပ်ဆောင်သွားမှာဖြစ်ပြီး ဒစ်ဂျစ်တယ်စနစ်မှ ညဏ်ရည်ရှိပြီး စမတ်အသွင်အပြောင်းစနစ်ထိ ကူးပြောင်းရာမှာစီးပွားရေးလုပ်ငန်းတွေကို ပိုမိုအကူ အညီ ပေးနိုင်ပါလိမ့်မည်” ဟု ကုမ္ပဏီ၏ ဘရင်းန် မန်နေဂျာ ကျုံးချုံချင့် က ပြောကြားခဲ့သည်။

DOCA(မန္တလေး)

      တရုတ်နှင့် ဥရောပသမဂ္ဂသဘောတူညီချက်အရ ဥရောပကောင်စီ ဥက္ကဌ Antonio Costa နှင့် ဥရောပကော်မရှင် ဥက္ကဌ Ursula von der Leyen တို့သည် ဇူလိုင်လ ၂၄ ရက်နေ့တွင် တရုတ် နိုင်ငံသို့ လာရောက်လည်ပတ်မည်ဖြစ်ကြောင်း သိရပါသည်။ တရုတ်နိုင်ငံသမ္မတ Xi Jinping သည် ၎င်းတို့နှင့်‌တွေ့ဆုံသွားမည်ဖြစ်ကြောင်း တရုတ်နိုင်ငံ နိုင်ငံခြားရေးဝန်ကြီးဌာနမှ ပြော‌ရေးဆိုခွင့် ရှိသူမှ ကြေညာခဲ့ကြောင်း သိရပါသည်။ အဆိုပါ ပြောရေးဆိုခွင့်ရှိသူသည် တရုတ်နိုင်ငံ ထိပ်သီး ခေါင်းဆောင် Li Qiang နှင့် ဥရောပသမဂ္ဂ ခေါင်းဆောင်နှစ်ဦးတို့သည်လည်း အဆိုပါ ၂၅ ကြိမ်မြောက် ထိပ်သီးအစည်းအဝေးတွင် ပါဝင်မည်ဖြစ်ကြောင်း သိရပါသည်။

DOCA (ရန်ကုန်)