ပြည်ပကုန်သွယ်မှုသတင်းများ

      စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာန(MAFF) နှင့် ကုလသမဂ္ဂ စက်မှုဖွံ့ဖြိုး တိုးတက်ရေးအဖွဲ့ (UNIDO) တို့သည် ကမ္ဘောဒီးယားနိုင်ငံတွင် အပြည်ပြည်ဆိုင်ရာစံချိန်စံညွှန်း သတ်မှတ်ရေးအဖွဲ့ (ISO) ၏စံနှုန်းများနှင့်အညီ အမျိုးသားစိုက်ပျိုးရေးဓာတ်ခွဲခန်း တည်ဆောက်ရန်တွေ့ဆုံဆွေးနွေးမှုများ ပြုလုပ်ခဲ့သည်။ MAFF ဝန်ကြီး Tina သည် UNIDO ကိုယ်စားလှယ်အဖွဲ့အား အမျိုးသားဓာတ်ခွဲခန်းတည်ဆောက်ခြင်းနှင့် ပတ်သက်၍ MAFF ရုံးတွင် အသေးစိတ်ဆွေးနွေးမှုများပြုလုပ်ခဲ့ကြောင်း MAFF ကထုတ်ပြန်ထားသည်။ စံချိန်စံညွှန်းမီ အမျိုးသာဓာတ်ခွဲခန်းတစ်ခု တည်ဆောက်ရန် UNIDO အဖွဲ့၏ ပါဝင်ဆောင်ရွက်မှုအတွက် ကျေးဇူတင်ရှိကြောင်း၊ ထိုသို့သော အမျိုးသားအဖွဲ့အစည်းသည်ကမ္ဘောဒီးယားစိုက်ပျိုးရေး ကဏ္ဍကိုအားကောင်းစေမည်ဖြစ်ကြောင်း ပြောကြားခဲ့သည်။ Tina သည် လုပ်ငန်းအဖွဲ့အား ထိရောက်သောရလာဒ်များရရှိစေရေးအတွက် ၎င်းတို့၏ကြိုးပမ်းအားထုတ်မှုများကို တိုးမြှင့် လုပ်ဆောင်ရန်၊ အမျိုးသားဓာတ်ခွဲခန်းတည်ဆောက်ရေးတွင် ပူးပေါင်းဆောင်ရွက်ခြင်း၏ အရေးကြီးပုံကို အလေးပေးပြောကြားခဲ့သည်။ ကမ္ဘောဒီးယားသီဟိုဠ်စေ့အသင်း (CAC) ၏ ဥက္ကဋ္ဌ Suy Kokthean က အဆိုပါလုပ်ဆောင်ချက်သည် စိုက်ပျိုးရေးကဏ္ဍအတွက် အပြုသဘောဆောင် သော ဖွံ့ဖြိုးတိုးတက်မှုဖြစ်ကြောင်းနှင့် စိုက်ပျိုးရေးဝန်ကြီးဌာနအနေဖြင့် စိုက်ပျိုးရေး ခေတ်မီစေရန် ခြေလှမ်းစတင်မှုသည် သီဟိုဠ်စေ့ကဏ္ဍအပေါ်အကျိုးရှိသော သက်ရောက်မှုဖြစ်ကြောင်း ပြောကြားခဲ့သည်။ စိုက်ပျိုးရေးသုတေသနပြုမှုတွင် စီးပွားရေးထိရောက်မှုနှင့် ရေရှည်တည်တံ့မှုတို့ကို မြှင့်တင်ရန်အတွက်  အစိုးရလက်အောက်တွင် ပူးတွဲသုတေသနအဖွဲ့များ ဖွဲ့စည်းမည့် MAFF သည် ကမ္ဘောဒီးယားစိုက်ပျိုးရေးသိပ္ပံအကယ်ဒမီ တည်ထောင်ရန်အတွက် ဥပဒေတစ်ရပ် ရေးဆွဲနေကြောင်း ဆက်လက်ပြောကြားခဲ့သည်။

Source: Khmer Times

DOCA(ရန်ကုန်)

      အင်ဒိုနီးရှားအစိုးရသည် နောက်ဆုံးပေါ် ipnone 16 မော်ဒယ်အား အင်ဒိုနီးရှားနိုင်ငံအတွင်း၌ အရောင်းအဝယ်ခွင့်ပြုချက်ရရှိရန်အတွက် အမေရိကန်‌ဒေါ်လာ ၁ ဘီလီယံရင်းနှီးမြှုပ်နှံရန် အတွက် Apple ထံတွင် တောင်းဆိုထားကြောင်း ဝန်ကြီးတစ်ဦးမှ ၃.၁၂.၂၀၂၄ ရက်နေ့က ပြောကြားခဲ့သည်။ ရင်းနှီးမြုပ်နှံမှု ပထမအဆင့်အတွက် Apple နှင့် ဆွေးနွေးမှုများ ပြုလုပ်ပြီးစီးခဲ့ကြောင်း၊ ပထမအဆင့်အတွက် ရင်းနှီးမြှုပ်နှံမှု ဒေါ်လာ ၁ ဘီလီယံတောင်းခံထားကြောင်း အင်ဒိုနီးရှား ရင်းနှီးမြှုပ်နှံမှုဝန်ကြီး Rosan Roeslani မှ ဂျကာတာတွင် ပြုလုပ်သော လွှတ်တော်ကြားနာမှု အတွင်း ပြောကြားခဲ့သည်။ အင်ဒိုနီးရှားအစိုးရသည် အင်ဒိုနီးရှား၏ စီးပွားရေးကို တွန်းအားပေး ကူညီရန်နှင့် ဒေသတွင်းစက်မှုလုပ်ငန်းများအတွက် ထပ်လောင်း တန်ဖိုးများ ဖန်တီးရန် Apple အား အလိုရှိသောကြောင့် ထိုရင်းနှီးမြှုပ်နှံမှုကို တောင်းဆိုရခြင်းဖြစ်ကြောင်း၊ အင်ဒိုနီးရှားဘက်မှ Apple အား ၎င်းတို့၏ ကမ္ဘာလုံးဆိုင်ရာ ထောက်ပံ့ရေးကွင်းဆက်ဖြစ်သော အင်ဒိုနီးရှားစက်မှုလုပ်ငန်းကဏ္ဍတွင် ပါဝင်စေချင်ကြောင်း၊ အင်ဒိုနီးရှားနိုင်ငံတွင်သာ ရင်းနှီးမြှုပ်နှံရန် အင်ဒိုနီးရှား နိုင်ငံတွင်သာ အလုပ်အကိုင်များဖန်တီးပေးချင်ကြောင်း Rosan Roeslani မှ ဆက်လက်ပြောကြားခဲ့သည်။ လက်ရှိတွင် အင်ဒိုနီးရှားနိုင်ငံသည် ၎င်း၏နည်းပညာကုမ္ပဏီအတွက် အလားအလာကောင်းများရှိနေသော်လည်း Apple ၏ နောက်ဆုံးပေါ် iphone 16 အား နိုင်ငံအတွင်း၌ ရောင်းချခွင့်မပြုထားသေးကြောင်း သိရသည်။ Apple သည် အင်ဒိုနီးရှားနိုင်ငံ၏ အနိမ့်ဆုံးဒေသဆိုင်ရာအကြောင်းအရာ လိုအပ်ချက်များနှင့်လည်း မကိုက်ညီကြောင်း ယခင်က သတင်းများ ထွက်ခဲ့သည်။

Source : Xinhua

DOCA(ရန်ကုန်)

     ဒုတိယအကြိမ်မြောက် China Supply Chain Expo အား ၃၀.၁၁.၂၀၂၄ ရက်နေ့က ကျင်းပပြီးစီးခဲ့ပြီး စုစုပေါင်း ယွမ် ၁၅၂  ဘီလီယံ (အမေရိကန်ဒေါ်လာ ၂၁.၁၇ ဘီလီယံ) တန်ဖိုး ရှိသော ကုန်သွယ်မှုသဘောတူညီချက်စာချုပ် ၂၁၀ ကျော်နှင့် အကြိုသဘောတူစာချုပ်များအား လက်မှတ်ရေးထိုးခဲ့ကြောင်း ပွဲစီစဉ်သူ နိုင်ငံတကာကုန်သွယ်မှုမြှင့်တင်ရေး တရုတ်ကောင်စီ (CCPIT) ၏ အဆိုအရ သိရသည်။ ငါးရက်ကြာ ကုန်စည်ပြပွဲအတွင်း နိုင်ငံနှင့်ဒေသပေါင်း ၇၀ နီးပါးမှ ပြခန်းပေါင်း ၆၀၀ ကျော်သည် အထက်ပိုင်းနှင့် အောက်ပိုင်းထောက်ပံ့သူ ၃၇၀၀၀ ကျော်နှင့် ပူးပေါင်းဆောင်ရွက်မှုများပြုလုပ်ခဲ့ကြောင်း ပွဲစီစဉ်သူမှ ပြောကြားခဲ့သည်။ ဒုတိယအကြိမ်မြောက် ကုန်စည်ပြပွဲသည် လာရောက်လည်ပတ်သူ ၂၀၀၀၀၀ ကျော်ကို ဆွဲဆောင်နိုင်ခဲ့ပြီး ပထမအကြိမ် ပြုလုပ်သည့် ပြပွဲနှင့် နှိုင်းယှဉ်ပါက လာရောက်လည်ပတ်သူ ဦးရေသုံးပုံ တစ်ပုံခန့် တိုးလာခဲ့သည်။ ထောက်ပံ့ရေးကွင်းဆက်များအား အဓိကအာရုံစိုက်သည့် ကမ္ဘာ့ပထမဆုံးသော အမျိုးသားအဆင့် ပြပွဲဖြစ်သောကြောင့် နိုင်ငံစုံမှ စိတ်ဝင်စားမှုကို ရရှိခဲ့သည်။ CCPIT ၏ ဒုတိယဥက္ကဋ္ဌ Zhang Shaogang က ကုန်စည်ပြပွဲသည် ပြည်တွင်းနှင့် နိုင်ငံတကာကုမ္ပဏီများအတွက် ၎င်းတို့၏ ဆန်းသစ်တီထွင်မှုများကို ပြသရန်၊ အဓိပ္ပါယ်ရှိသော စီးပွားရေးဆိုင်ရာ ဆွေးနွေးမှု များတွင် ပါဝင်ရန်နှင့် ထောက်ပံ့ရေးကွင်းဆက်ပူးပေါင်းဆောင်ရွက်မှုကို အားကောင်းလာစေရန်အတွက် အမြင်ချင်းဖလှယ်ရန် အလေးပေးပြောကြားခဲ့သည်။ CCPIT သည် စက်မှုနှင့် ထောက်ပံ့ရေး ကွင်းဆက်များဖွံ့ဖြိုးတိုးတက်ရေးဆိုင်ရာ နိုင်ငံတကာ၏ သဘောတူညီမှုပိုမိုရရှိလာစေရန် ရည်ရွယ်၍ ပြပွဲအား ဖွံ့ဖြိုးတိုးတက်စေရန်နှင့် ၎င်း၏ လက်လှမ်းမီမှုကို ချဲ့ထွင်ရန် ကတိပြုထား ကြောင်း Zhang Shaogong က ဆက်လက်ပြောကြားခဲ့သည်။

Source : Xinhua

DOCA(ရန်ကုန်)

     အင်ဒိုနီးရှားနိုင်ငံစက်မှုနှင့်ကုန်သည်များအသင်း (Kadim) ၏ဥက္ကဌဖြစ်သူ Anindya Bakrie က အင်ဒိုနီးရှား-ကနေဒါဘက်ပေါင်းစုံစီးပွားရေးမိတ်ဖက်သဘောတူညီချက် (ICE-CEPA) သည် အင်ဒိုနီးရှားတွင် ကနေဒါ၏ရင်းနှီးမြှုပ်နှံမှုများ  မြင့်တက်လာစေရန် ကူညီပေးနိုင်မည်ဟု သိရပါသည်။ Bakrie က ထိုသဘောတူညီချက်သည် အင်ဒိုနီးရှားထုတ်ကုန်များ ကနေဒါဈေးကွက် သို့ ဝင်ရောက်ရန် အခွင့်အရေးများရရှိစေမည်ဖြစ်ကြောင်းနှင့် ထိုသဘောတူညီချက်ကို လာမည့်နှစ်နှစ်အတွင်း အကောင်အထည်ဖော်နိုင်မည်ဖြစ်ကြောင်း ဒီဇင်ဘာ ၂ ရက်နေ့ကကျင်းပခဲ့သည့် CEPA ဖိုရမ်တွင် ပြောကြားခဲ့ပါသည်။ ၎င်းသည် စွမ်းအင်ဖူလုံရေး၊ အစားအစာဖူလုံရေး၊ တွင်းထွက်ပစ္စည်းများနှင့် ကာကွယ်ရေးပူးပေါင်းဆောင်ရွက်ရေးအစရှိသည့် များစွာသောအလားအလာရှိသည့် ကဏ္ဍများအား ထိုသဘောတူညီချက်တွင် ဆွဲစောင်နိုင်ခဲ့ကြောင်း သိရပါသည်။ ထိုသဘော တူညီချက်မှတစ်ဆင့် အကျိုးကျေးဇူးရနိုင်သည့်အခြားကဏ္ဍများတွင် ကုန်ထုတ်လုပ်ခြင်း၊ နည်းပညာ၊ စိုက်ပျိုးမွေးမြူရေးနှင့် စွမ်းအင်ပါဝင်သည့် နိုင်ငံခြားတိုက်ရိုက်ရင်းနှီးမြှုပ်နှံမှုများ ပါဝင်ကြောင်း သိရပါသည်။ Bakrie က အနာဂတ်တွင် ICA-CEPA သည် နှစ်နိုင်ငံလုံးအတွက် အကျိုးကျေးဇူးများကို သယ်ဆောင်ပေးနိုင်ကြောင်းနှင့် သမ္မတ Prabowo၏ နိုင်ငံခြားအလည် အပတ်ခရီးစဉ်အတွင်းတွင်လည်း အမေရိကန်ဒေါ်လာ ၁၈.၅ ဘီလီယံတန်ဖိုးရှိသည့် ရင်းနှီးမြှုပ်နှံမှု အာမခံချက်များကိုရရှိခဲ့သဖြင့် နိုင်ငံသည် မှန်ကန်သည့်လမ်းကြောင်းပေါ်တွင် ရှိနေကြောင်း ပြောကြားခဲ့ပါသည်။ ၎င်း၏အဆိုအရ အင်ဒိုနီးရှားနိုင်ငံသည် ယူအေအီးနှင့်သြစတေးလျ ကဲ့သို့သော နိုင်ငံများနှင့်လည်း မိတ်ဖက်သဘောတူညီချက်များရရှိခဲ့ကြောင်း သိရပါသည်။ ICA-CEPA ဆွေးနွေးမှုများသည် နှစ်နိုင်ငံခေါင်းဆောင်များ၏  နိုဝင်ဘာ ၁၅ ရက်နေ့ကကျင်းပခဲ့သော APEC ညီလာခံ၏ သီးခြားအစည်းအဝေးတွင် ပြီးပြတ်ခဲ့ကြောင်း ပြောကြားခဲ့ပါသည်။ နှစ်နိုင်ငံလုံး သည် ထိုသဘောတူညီချက်ကို ၂၀၂၅ ခုနှစ် နှစ်အလယ်ပိုင်းတွင် လက်မှတ်ရေးထိုးရန် သဘောတူထားပြီး ခန့်မှန်း ၂၀၂၆ ခုနှစ်တွင်အကောင်အထည်ဖော်မည်ဟု သိရပါသည်။

Antara News

DOCA(ရန်ကုန်)

     နိုင်ငံ၏အစားအစာထုတ်လုပ်မှုမြင့်တက်လာနိုင်သည်ဟု ယူဆရသောကြောင့် အင်ဒိုနီးရှား သမ္မတ Prabowo Subianto သည် ၂၀၂၅ ခုနှစ်တွင် နိုင်ငံ၏ဆန်တင်သွင်းမှုကို ရပ်တန့်နိုင်မည် ဟုယုံကြည်ကြောင်း ဒီဇင်ဘာ ၂ ရက်နေ့က ဂျကာတာရှိ သမ္မတနန်းတော်တွင် ပြောကြားခဲ့ပါသည်။ Prabowo က ၎င်းသည် ၂၀၂၅ ခုနှစ်တွင် ဆန်တင်သွင်းရန်မလိုအပ်တော့ဟု ယုံကြည်ချက်ရှိနေကြောင်း၊ နိုင်ငံအနေဖြင့် အစားအစာကဏ္ဍတွင် အားကောင်းရန် လိုအပ်ကြောင်း၊ ဆန်သာမကအစားအစာအားလုံးတွင် တင်သွင်းနေရမှုကို ရပ်တန့်သွားမည်ဖြစ်ကြောင်း ပြောကြားခဲ့ပါသည်။ ၎င်းသည် အင်ဒိုနီးရှားနိုင်ငံအစားအစာအတွက် ညှိနှိုင်းရေးဝန်ကြီးနှင့် အဖွဲ့ကို နိုင်ငံတွင် အစားအစာကိစ္စ ကိုင်တွယ်ဖြေရှင်းခြင်းအတွက် ကျေးဇူးတင်ကြောင်း ပြောကြားခဲ့ပါ သည်။ အင်ဒိုနီးရှားနိုင်ငံ၏အစားအစာထုတ်လုပ်မှုသည် မြင့်တက်လျက်ရှိပြီး အရန်အစားအစာသည် များစွာသောနှစ်များအတွင်း အမြင့်ဆုံးအနေအထားကို ရောက်ရှိနေကြောင်း သိရပါသည်။ ၎င်းတို့သည် လတ်တလောတွင် သိုလှောင်ရုံများ၌ အစားအစာတန် ၂ သန်းသိုလှောင် ထားကြောင်း သိရပါသည်။ ထိုအောင်မြင်မှုသည် များစွာသောအေဂျင်စီများနှင့် ကတ်ဘိနက်အဖွဲ့ဝင်များ၏ ကြိုးပမ်းအားထုတ်မှုကြောင့်ဖြစ်ကြောင်း သိရပါသည်။ Prabowo က စိုက်ပျိုးမွေးမြူရေးဝန်ကြီး နှင့် အဖွဲ့ဝင်များ၊ နိုင်ငံတော်အစားအစာအေဂျင်စီနှင့် သက်ဆိုင်သည့် နိုင်ငံတော်ပိုင်လုပ်ငန်း အားလုံးကို အသိအမှတ်ပြုကြောင်း၊ ပြည်ထဲရေးဝန်ကြီးကိုလည်း ငွေကြေးဖောင်းပွမှုထိမ်းချုပ်ရာတွင် ကူညီ ပေးသည့်အတွက် ကျေးဇူးတင်ကြောင်းနှင့် အစားအစာပြသနာဖြစ်ပေါ်စေနိုင်သည့် ပထဝီနိုင်ငံရေး တင်းမာမှုများကြားမှ ကျော်လွှားနိုင်ခဲ့ကြောင်း ပြောကြားခဲ့ပါသည်။ ထို့ပြင်သမ္မတက ပထဝီနိုင်ငံရေးတင်းမာမှုများကြောင့် တင်ပို့သည့်နိုင်ငံများသည် ပို့ကုန်လုပ်ငန်းစဉ်များကို ရပ်တန့်ရန် ဆန္ဒရှိခဲ့ကြကြောင်းနှင့် နိုင်ငံသည် ယခုအခါအားကောင်းသည့်နေရာတစ်ခုသို့ မြင့်တက်လာနေကြောင်း ပြောကြားခဲ့ပါသည်။

Antara News

DOCA(ရန်ကုန်)