ဝန်ထမ်းစွမ်းဆောင်ရည်မြင့်မားလာစေရေးအထောက်အကူဖြစ်စေရန်အတွက် ရုံးလုပ်ငန်းသုံး အစီရင်ခံ ကွန်ပျူတာ(မွန်းမံ)သင်တန်းပိတ်ပွဲအခမ်းအနားအား (၁၆-၈-၂၀၂၃) ရက်နေ့၊ နေ့လယ် (၁၆:၀၀) နာရီအချိန်တွင် စားသုံးသူရေးရာဦးစီးဌာန၊ ကရင်ပြည်နယ်အစည်းအဝေးခန်းမ၌ ကျင်းပခဲ့ကြောင်းသိရသည်။
အခမ်းအနားတွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူး ဦးသန်းဦးက အမှာစကားပြောကြားခဲ့ပြီးနောက် ဦးစီးအရာရှိ ဦးမျိုးဝင်းနိုင်က သင်တန်းတက်ရောက်ရခြင်းကြောင့် ရရှိသောအကျိုးကျေးဇူးကိုပြောကြားပြီး သင်တန်းနည်းပြ ဦးဇေယျထူးက ကျေးဇူးတင်နှုတ်ဆက်စကားပြောကြား၍ အခမ်းအနားပိတ်ပွဲအစီအစဉ်ကျင်းပခဲ့ကြောင်းသိရသည်။
အဆိုပါအခမ်းအနားတွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးရှိ အရာထမ်း၊ အမှုထမ်းစုစုပေါင်း (၁၅) ဦးသင်တန်းတက်ရောက်ခဲ့ပြီး သင်တန်းတွင် အခြေခံရုံးသုံးကွန်ပျူတာဘာသာရပ်များဖြစ်သော Microsoft word, Microsoft Excel, Powerpoint နှင့် Email ပေးပို့ခြင်း/ လက်ခံခြင်းများ, Software အဖြုတ်/အတပ် စသည်တို့ကို (၁၄-၈-၂၀၂၃) ရက်နေ့မှ (၁၆-၈-၂၀၂၃) ရက်နေ့အထိ (၃) ရက်တာ စာတွေ့၊ လက်တွေ့သင်ကြားပို့ချပေးခဲ့ကြောင်း သတင်းရရှိပါသည်။
DOCA(ကရင်)