သတင်းနှင့် လှုပ်ရှားမှုများ

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဉီးစီးဌာန၊ ကလေးဝမြို့နယ်တာဝန်ခံ ဦးကျော်ကျော်မိုး(ဒု-ကြီးကြပ်ရေးမှူး )သည် ၂၀၂၃ခုနှစ်၊ အောက်တိုဘာလ ( ၂၅ ) ရက်နေ့၊ နံနက်(၁၀:၀၀)နာရီအချိန်၌  ကလေးဝမြို့၊ အမှတ်-၂ ရပ်ကွက်ရှိ(မူလွန်-၂) ကျောင်းသို့သွားရောက်၍ အသိပညာပေးဟောပြောပွဲကျင်းပပြုလုပ်ခဲ့ရာ ဆရာ/ဆရာမ ( ၃၀ )ဦး၊ ကျောင်းသား/သူ ( ၃၈၀ ) ဦး၊ စုစုပေါင်း ( ၄၁၀ ) ဦးတက်ရောက်ခဲ့ကြောင်းသိရှိရပါသည်။

     အဆိုပါဟောပြောပွဲတွင်  ကျောင်းအုပ်ဆရာကြီး ဦးစိန်မြင့်က အဖွင့်အမှာစကားပြောကြားပြီး စားသုံးသူရေးရာဉီးစီးဌာန၊  ကလေးဝမြို့နယ်တာဝန်ခံ  ဦးကျော်ကျော်မိုး (ဒု-ကြီးကြပ် ရေးမှူး)က ဌာနမှဆောင်ရွက်လျက်ရှိသော လုပ်ငန်းများအကြောင်း၊ ဌာန၏မျှော်မှန်းချက်၊ ရည်မှန်းချက်များအကြောင်း၊ စားသုံးသူအခွင့်အရေးနှင့် လိုက်နာရမည့်တာဝန်များ၊ စီးပွားရေးလုပ်ငန်းရှင်၏ တာဝန်များ၊ လုပ်ငန်းရှင်များအနေဖြင့် သက်ဆိုင်ရာဌာနမှ စားသုံးရန်မသင့်ဟုကြေညာထားသည့် စားသောက်ကုန်များနှင့် သက်တမ်းလွန်စားသောက်ကုန်များကိုရောင်းချခြင်းမပြုရန်၊ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြခြင်းအကြောင်းများ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် (၂/၂၀၁၉)ပါအကြောင်းများ၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများ၊ ဌာနနှင့်သက်ဆိုင်သော အကြောင်းများကိုမေးမြန်းစုံစမ်းနိုင်သည့် Concumer Call Center များနှင့်စပ်လျဉ်း၍ အသေးစိတ်ရှင်းလင်းဆွေးနွေးအသိပညာပေးခဲ့ပြီး စားသုံးသူအသိပညာပေးလက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် ပြည်သူများဘေးအန္တရာယ်ကင်းရှင်းသော ကုန်စည်များသုံးစွဲနိုင်ရန်ရည်ရွယ်၍ ဈေးကွက်စောင့်ကြည့်စစ်ဆေးခြင်းလုပ်ငန်းအား လစဉ်ဆောင်ရွက်လျက်ရှိရာ ၂၀၂၃ခုနှစ်၊ အောက်တိုဘာလ(၂၄)ရက်နေ့တွင် ကသာခရိုင်ဦးစီးမှူးရုံးမှ စစ်ဆေးရေးမှူး ဦးကြည်နိုင်ဦးသည် အင်းတော်မြို့ရှိ ကုန်စုံဆိုင်အား ဈေးကွက်စောင့်ကြည့်စစ်ဆေးခဲ့ပါသည်။

   ထိုသို့စစ်ဆေးရာတွင် စားသောက်ကုန်များ၊ ကလေးအာဟာရဖြည့်စွက်စာများ၊ စားသုံးဆီဘူးများနှင့် အချိုရည်အမျိုးမျိုးတို့တွင် စားသုံးသူကာကွယ်ရေးဥပဒေ(၂၀၁၉)ပါ ကုန်စည်အလိုက်မဖြစ်မနေ ထည့်သွင်းဖော်ပြရမည့်အချက်များပြည့်စုံမှန်ကန်မှုရှိ/မရှိ၊ စားသုံးဆီဘူးများတွင် ထည့်သွင်းဖော်ပြရမည့် ညွှန်ကြားချက်အမှတ် (၁/၂၀၂၁) ပါ အချက်များနှင့် ကုန်စည်များတွင် သက်ဆိုင်ရာဌာနများ၏ ထောက်ခံချက်များပါဝင်မှုရှိ/မရှိ စစ်ဆေးခြင်းများဆောင်ရွက်ခဲ့ပြီး ရောင်းချသူဆိုင်ရှင်များအား ကုန်အညွှန်းအမှတ်အသားနှင့် သက်ဆိုင်ရာဌာနတို့၏ ထောက်ခံချက်ပြည့်စုံစွာပါဝင်ခြင်းမရှိသောကုန်စည်များမှာ စားသုံးသူများအား ဘေးအန္တရာယ်ဖြစ်စေနိုင်သည့်အတွက် ရောင်းချခြင်းမပြုရန်နှင့် မြန်မာနိုင်ငံအစားအသောက်နှင့်ဆေးဝါးကွပ်ကဲရေးဦးစီးဌာန(FDA)မှ စားသုံးရန်မသင့်ဟု တရားဝင်ထုတ်ပြန်ထားသောစားသောက်ကုန်များနှင့် သက်တမ်းလွန်စားသောက်ကုန်များကိုလည်းရောင်းချခြင်းမပြုရန် မှာကြားဆွေးနွေးခြင်းများဆောင်ရွက်ခဲ့ကြောင်းသိရှိရပါသည်။

DOCA(စစ်ကိုင်း)

          စားသုံးသူရေးရာဦးစီးဌာန၊ မုံရွာခရိုင်ဦးစီးမှူး၊မြို့နယ်တာဝန်ခံနှင့် ဝန်ထမ်းများသည် အောက်တိုဘာလ ၂၃ ရက် နံနက် (၁၀:၀၀)နာရီအချိန်က မုံရွာမြို့၊ SEC ကိုယ်ပိုင် အထက်တန်းကျောင်း အစည်းအဝေးခန်းမ၌ စားသုံးသူကာကွယ်ရေးဟောပြောပွဲကျင်းပပြုလုပ်ခဲ့ရာ ဆရာ/ဆရာမများနှင့် ကျောင်းသား၊ ကျောင်းသူ စုစုပေါင်းအင်အား (၄၁၅) ဦး တက်ရောက်ခဲ့ကြကြောင်း သိရပါသည်။      

             အသိပညာပေးဟောပြောတွင် စားသုံးသူရေးရာဦးစီးဌာန၊ မုံရွာခရိုင်ဦးစီးမှူးက ကျောင်းသား၊ ကျောင်းသူများ အသိပညာများတိုးပွားရရှိစေရေးအတွက် အသိပညာပေးဟောပြောပွဲများ ဆောင် ရွက်ရခြင်းနှင့် ပတ်သက်၍ မိမိတို့ဝန်ကြီးဌာန၊ ဦးစီးဌာနတို့၏ လုပ်ငန်းဆောင်ရွက်ချက်များကို မိတ်ဆက်အမှာစကားပြောကြားခြင်း၊ စားသုံးသူများရသင့်ရထိုက်သော အခွင့်အရေးများ၊ စားသုံးသူ ကာကယ်ရေးဥပဒေပါ ကုန်အညွှန်းအမှတ်အသားပြည့်စုံသည့် စားသောက်ကုန်များဝယ်ယူစားသုံး သင့်ကြောင်း၊ စားသုံးသူများတိုင်ကြားရမည့် နည်းလမ်းများနှင့် လူကိုယ်တိုင်သော်လည်းကောင်း၊ ဖုန်းဖြင့်လည်းကောင်း တိုင်ကြားနိုင်ကြောင်းနှင့် တိုင်ကြားမှုများအပေါ် ဌာနမှ ဖြေရှင်းဆောင်ရွက်ခဲ့ သည့် အမှုတွဲများအကြောင်း ဟောပြောဆွေးနွေးခဲ့ပါသည်။

          ထို့နောက် တက်ရောက်လာသည့် ဆရာ/ဆရာမများနှင့် ကျောင်းသား၊ ကျောင်းသူများက စားသုံးသူကာကွယ်ပေးရေးအကြောင်းအရာများနှင့် ပတ်သက်၍ သိလိုသည့်မေးမြန်းချက်များအပေါ် တာဝန်ရှိသူများက အပြန်အလှန်ရှင်းလင်းဆွေးနွေးခဲ့ကြပြီး လက်ကမ်းစာစောင်များဖြန့်ဝေခြင်းများ ဆောင်ရွက်ခဲ့ကြောင်းသိရပါသည်။             

DOCA(စစ်ကိုင်း)

     စားသုံးသူရေးရာဦးစီးဌာန၊ကရင်ပြည်နယ်ဦးစီးမှူးရုံးမှ ဦးမျိုးဝင်းနိုင်(ဦးစီးအရာရှိ)နှင့် ဝန်ထမ်းများသည် ကရင်ပြည်နယ် အစားအသောက်နှင့် ဆေးဝါးကွပ်ကဲရေးဦးစီးဌာနနှင့်ပေါင်းစပ်၍ ၂၄-၁၀-၂၀၂၃ ရက်နေ့၊ နံနက်(၁၀:၀၀)နာရီအချိန်တွင် ဘားအံခရိုင် မီးသတ်ဦးစီးဌာနအစည်းအဝေးခန်းမတွင် မီးသတ်ဦးစီးဌာနဝန်ထမ်းများနှင့် ဝန်ထမ်းမိသားစုများ စုစုပေါင်း (၂၅)ဦးတို့ကို စားသုံးသူကာကွယ်ရေးဆိုင်ရာ အသိပညာများ၊ အစားအသောက်နှင့် ဆေးဝါးအကြောင်း သိကောင်းစရာများကို ဆွေးနွေးခဲ့ကြောင်း သိရသည်။

   ဟောပြောပွဲတွင် စားသုံးသူရေးရာဦးစီးဌာနမှ ဦးမျိုးဝင်းနိုင် (ဦးစီးအရာရှိ)က စားသုံးသူများအနေဖြင့် ကုန်စည်ဝန်ဆောင်မှုများနှင့် စပ်လျဉ်း၍ နစ်နာမှုများရှိပါက စားသုံးသူရေးရာဥပဒေပါ စားသုံးသူအခွင့်အရေးများကို အရေးဆိုတိုင်ကြားနိုင်ရန်နှင့် တိုင်ကြားရန်နည်းလမ်းများကိုလည်းကောင်း၊ ဌာန၏ Consumer Call Center ၁၅၃၅ သို့ တိုင်ကြားရန်နှင့် ဌာန Website www.doca.gov.mmတွင် တိုင်ကြားရန် နည်းလမ်းများကိုလည်းကောင်း၊ အွန်လိုင်းဝန်ဆောင်မှုနှင့် ပတ်သက်၍ စားသုံးသူများ သတိပြုရန်အချက်များကိုလည်းကောင်း အကျယ်တဝင့်ရှင်းလင်းဆွေးနွေးခဲ့ပြီး အစားအသောက်နှင့်‌ဆေးဝါးကွပ်ကဲရေးဦးစီးဌာနမှ ဒုတိယဦးစီးမှူး ဒေါ်အိသက်စံနှင့် ဦးစီးအရာရှိ ဒေါ်ယဉ်နွဲ့သူက အစားအသောက်ဆိုးဆေးအန္တရာယ်နှင့် စံမမီဆေးဝါးအတုများ အန္တရာယ်အကြောင်းကိုလည်းကောင်း အသီးသီးအသိပညာပေး ဆွေးနွေးဟောပြောခဲ့ကြသည်။

          ထို့နောက်တက်ရောက်လာသော မြို့နယ်မီးသတ်ဦးစီးမှူးနှင့် ဝန်ထမ်းများက သိလိုသည်များကို ပြန်လည်မေးမြန်းဆွေးနွေးခဲ့ပြီး တာဝန်ရှိသူများက ပြန်လည်ရှင်းလင်းဆွေးနွေးခဲ့ကြပြီးနောက် အခမ်းအနားကို နေ့လယ် (၁၂:၀၀) နာရီအချိန်တွင် ရုပ်သိမ်းခဲ့ကြောင်း သတင်းရရှိသည်။

DOCA(ကရင်)

    တရားဝင်တင်သွင်းခွင့် အထောက်အထားတင်ပြနိုင်ခြင်းမရှိသောကြောင့် သံလွင်တံတားစစ်ဆေးရေးဂိတ်တွင် ဖမ်းဆီး၍ အမှုဖွင့်ထားသော ကုန်စည်များမှ ပုပ်သိုးပျက်စီးလွယ်သော အသားလုံး အသားတုများအား အကောက်ခွန်ဦးစီးဌာန၊ စည်ပင်သာယာရေးဦးစီးဌာန၊ မြန်မာနိုင်ငံရဲတပ်ဖွဲ့၊ အထွေထွေအုပ်ချုပ်ရေးဦးစီးဌာနတို့ ပါဝင်သောအဖွဲ့စုံဖြင့် ဘားအံမြို့ ထန်းကိုးပင် သုဿာန်တွင် ဖျက်ဆီး ဆောင်ရွက်ခဲ့ကြောင်း သိရသည်။

     ထိုသို့ဆောင်ရွက်ရာတွင် တရားမဝင်လမ်းကြောင်းမှ ဝင်ရောက်လာသည့် ထိုင်းနိုင်ငံထုတ် အသားလုံး/အသားတုမျိုးစုံ ၅၀ကီလိုပါ အိတ် ၄၀ အတွက် ၂၄၀၀၀၀၀/ကျပ်တန်ဖိုးရှိပစ္စည်းများကို ၁၈-၁၀-၂၀၂၃ ရက်နေ့တွင် လည်းကောင်း၊ ထိုင်းနိုင်ငံထုတ် အသားလုံး/အသားတုမျိုးစုံ ၅၀ကီလိုပါ  ၂၇အိတ်အတွက် ၂၀၂၅၀၀၀/ကျပ်တန်ဖိုးရှိပစ္စည်းများကို ၁၉-၁၀-၂၀၂၃ ရက်နေ့တွင်လည်းကောင်း အဖွဲ့စုံဖြင့် စနစ်တကျဖျက်ဆီးခဲ့ကြောင်း သိရသည်။

     အေးခဲသားအပါအဝင် အသားလုံး/အသားတုများတွင် ကုန်အညွှန်းအမှတ်အသား မပြည့်စုံခြင်း၊ သက်ဆိုင်ရာဌာနများ၏ ထောက်ခံချက်မပါရှိခြင်းနှင့် သက်ဆိုင်ရာဌာနများတွင် စိစစ်ခံမှုများမရှိဘဲ မြတီနယ်စပ်ရှိ တရားမဝင် ဂိတ်ပေါက်များ တရားမဝင်တင်သွင်းလာခြင်းဖြစ်ပြီး တရားမဝင်ကုန်သွယ်မှု ပပျောက်စေရေးနှင့် စားသုံးသူများ ဘေးအန္တရာယ်ကင်းရှင်းစေရေးအတွက် တရားဝင်တင်သွင်းခွင့် အထောက်အထားမပါရှိသော ကုန်စည်များနှင့် စားသောက်ကုန်များကို  ပြည်နယ်/ခရိုင် တရားမဝင် ကုန်သွယ်မှုတိုက်ဖျက်ရေးအထူးအဖွဲ့များဖြင့် စစ်ဆေးအရေးယူ ဆောင်ရွက်လျက်ရှိကြောင်း သိရသည်။

DOCA(ကရင်)