နံနက်ခင်းအိပ်ရာထချိန်တွင် ကိုယ်ခန္ဓာကိုအကြောလျော့ပါ။ ထိုလေ့ကျင့်ခန်းကို ပြုလုပ်ခြင်းဖြင့် ခါးနာကျင်မှုကို သက်သာကြောင်း၊ ထို့နောက်ခန္ဓာကိုယ်ကိုခေါက်ချ၍ လေ့ကျင့်ခန်းပြုလုပ်ခြင်းဖြင့် ခါးနာကျင်မှုကို သိသိသာသာ လျှော့ချပေးနိုင်သည်။ ခြေထောက်နောက်ကြောအကြောဟာ ခြေဖဝါးကနေတစ်ဆင့် ခြေသလုံး၊ ပေါင်နောက်ဘက်၊ တင်ပါး၊ ခါး၊ လည်ကုပ်အထိ အရှည်လိုက် ဆက်စပ်နေသည်။ ရုံးဝန်ထမ်းများ၊ ကွန်ပျူတာရိုက်သူများနှင့် ထိုင်တာကြာ တဲ့သူတွေမှာ အကြောတွေ တင်းမာလာတဲ့အခါ ခါးနဲ့ လည်ပင်းအထိ ဆွဲအားသက်ရောက်စေပြီး တင်ပါးဆုံကို တင်းစေကာ ခါးကိုလွယ်လွယ်နာစေသည်။ အကြောလျော့နည်းကို မနက်စောစော လေ့ကျင့်ခန်းပြုလုပ်ပေးခြင်းဖြင့် တစ်နေကုန် လှုပ်ရှားမှုတွေအတွက် အထောက်အကူပြုသည်။ ဦးခေါင်းကို နှလုံးထက်နိမ့်အောင် ငုံ့လိုက်ခြင်းဖြင့် ဦးနှောက်ဆီ သွေးစီးဆင်းမှု တိုးစေကာ ခန္ဓာကိုယ်ကို ငြိမ်သက်စေပြီး ဦးနှောက်ကိုမျှတစွာ နိုးထလာစေသည်။ ကျောရိုးပေါ်က ဆွဲအားကို လျှော့ချပေးခြင်းဖြင့် ခါးကိုချက်ချင်း ပိုမိုပျော့ပြောင်းလာစေသည်။ ကိုယ်ငုံ့ခြင်းနှင့် အသက်ရှူထုတ်တာကို ရှည်ရှည်လုပ်ခြင်းတို့ ပေါင်းစပ်လိုက်တဲ့အခါ စိတ်ဖိစီးမှုကို လျှော့ချပေးပြီး စိတ်ကို ငြိမ်သက်စေသည်။ မနက်ပိုင်းကနေ နေ့လယ်ပိုင်းအထိ ထိုင်နေတဲ့ ဖိအားတွေ စုပုံမှုကို ကာကွယ်ပေးပြီး ကြွက်သားများကိုအားကောင်းစေသည်။ ကြမ်းပြင်ပေါ်တွင်ထိုင်ပြီး ခြေထောက်နှစ်ဖက်ကို ရှေ့တည့်တည့်ဆန့်ထားပါ။ ခါးကိုမကွေးဘဲ၊ တင်ပါးဆုံမှ စတင်ခေါက်ချပါ။ ဦးခေါင်း၊ ပခုံးနဲ့ လက်တွေကို ပေါ့ပေါ့ပါးပါး လျှော့ချထားပါ။ ရှူသွင်း၊ရှူထုတ် ၆ ကြိမ်မှ ၈ ကြိမ် (စုစုပေါင်း ၁ မိနစ်ခန့်)၊ သုံးကြိမ်ပြုလုပ်ပါ။ ဤလေ့ကျင့်ခန်းလေးကို ပြုလုပ်ခြင်းဖြင့် (၂၄)နာရီအတွင်း ခါနာခြင်းကိုသက်သာစေသည်ကို လေ့လာသိရှိရသည်။
DOCA(မန္တလေး)