ပြည်တွင်းကုန်သွယ်မှုသတင်းများ
ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ တောင်ခွေးရဲကျေးရွာမှ တောင်သူဦးချင်း၏ လယ်ယာမြေ (၀.၂၅)ဧကတွင် သခွားသီးများကို တစ်နိုင်တစ်ပိုင် စိုက်ပျိုးရောင်းချခြင်းဖြင့် မိသားစုစားဝတ်နေရေးအတွက် ဝင်ငွေများတိုးပြီး စီးပွားရေးအဆင်ပြေလျက်ရှိကြောင်း သိရပါသည်။
ကျေးလက်ဒေသများတွင် ပိန်းဥကို ခြံဝင်းကျယ်ကျယ်အတွင်း မြေကွက်လပ်တွင် စိုက်ပျိုးကြပါသည်။ ပိန်းဥ ရေစိမ့်ဝင်မှုအားကောင်းသော မြေမျိုးကို နှစ်သက်ပါသည်။ မိုးဦးကျကာလတွင် စိုက်ပျိုးပြီး မိုးရာသီကုန်လျှင် ပိန်းဥများပေါ်ပြီဖြစ်ပါသည်။
ထန်းမြစ်ဆိုသည်မှာ ထန်းသီးအရင့်များကို မြေကြီးထဲတွင် မြှုပ်ထားပြီး သုံးလခန့်အကြာတွင် ထွက်လာသည့် ထန်းပင်ပေါက်ကလေးများကို ခေါ်ပါသည်။ အရသာမှာ ဆိမ့်ပြီး အနည်းငယ်သက်သည်။ မီးဖုတ်၍ဖြစ်စေ၊ ပြုတ်၍ဖြစ်စေ ဆီဆမ်းစားရသည်။ အချို့ကလည်း ကြော်စားကြပါ သည်။
တောင်ငူမြို့ ညောင်ပင်ဈေးသို့ အရပ်ဒေသအသီးသီးမှ ဒေသထွက်ကုန်များ၊ သစ်သီးဝလံများ လာရောက်ရောင်းချလျက်ရှိရာ ရှမ်းပြည်နယ်ထွက် စတော်ဘယ်ရီသီးများလည်း လူကြိုက်များ၍ ရောင်းအားကောင်းပါသည်။
တောင်ငူမြို့၊ ညောင်ပင်ဈေးတွင် ကြက်ပေါင်သီးများကို ပေါများစွာ ရောင်းချလျက်ရှိသည်ကို တွေ့ရပါသည်။ ကြက်ပေါင်သီးများကို ကြော်၍လည်းကောင်း၊ ထောင်း၍လည်းကောင်း၊ ချက်၍လည်းကောင်း အမျိုးမျိုးပြုလုပ်စားသုံးနိုင်ပါသည်။
