ကုန်သွယ်မှုသတင်းများ

      ပဲခူးတိုင်းဒေသကြီး၊ ပြည်ဈေးကွက်တွင် နေရာတစ်နေရာရှိ၍ ပုံမှန် အရောင်းအဝယ်သွက်ကာရောင်းချနေသည့် သီးနှံတစ်မျိုးမှာ အုန်းသီးစိမ်းဖြစ်ပါသည်။ အုန်းစိမ်းရည်မှာ နာလန်ထစ လူမမာများ သောက်သုံး ရန်အထူးသင့်တော်သော အားဆေးရည်ပင်ဖြစ်ပါသည်။ COVID-19 First Wave မှစ၍ ရောင်းအား စတင်ကောင်းလာပြီး ယခုအချိန်ထိ ရောင်းအားကျဆင်းခြင်းမရှိပဲ အရောင်းသွက်လျက်ရှိကာ တစ်နေ့လျှင် ရောင်းအားကောင်းလျှင် အလုံး ၁၄၀၀-၁၆၀၀ခန့် ရောင်းအားရှိပြီး၊ ပုံမှန်မှာ တစ်နေ့လျှင် အလုံး ၈၀၀-၁၀၀၀ခန့် ရောင်းအားရှိကြောင်း သိရှိရ

       ပြည်ခရိုင်တွင် မိုးစပါး စိုက်ဧကမှာ (၂၂၆၄၉၆)ဧကရှိပြီး ပြည်မြို့နယ်တွင် ၇၄၆၄၂ဧက၊ ပေါက်ခေါင်းမြို့နယ်တွင် ၄၆၇၅၃ဧက၊ ပန်းတောင်းမြို့နယ်တွင် ၄၆၉၃၄ဧက၊ ရွှေတောင်မြို့နယ်တွင် ၅၈၁၆၃ဧက စိုက်ပျိုးပြီးဖြစ်ပါသည်။ စိုက်ပျိုးသောစပါးမျိုးများမှာ အင်းလယ်၊ ဆင်းသွယ်လတ်၊ မနောသုခ၊ ကျော်ဇေယျ၊ ဧရာမင်း၊ မှော်ဘီ၊ အင်းမရဲဘော်နှင့် ထိုင်းနှံကောက် စပါးမျိုးများ ဖြစ်ပါသည်။ ယခုအချိန်တွင် ဧက(၅)သောင်းကျော်ရိတ်သိမ်းပြီး အထွက်နှုန်းအနေဖြင့်ပျမ်းမျှ တင်း ၇၀ခန့်ထွက်သည်ဟု သိရှိရပါသည်။