ကုန်သွယ်မှုသတင်းများ
ခရမ်းချဉ်သီးကို မြန်မာနိုင်ငံတွင် ရှမ်းပြည်နယ်တောင်ပိုင်းဖြစ်သော ညောင်ရွှေ၊ တောင်ကြီး မြို့နှင့်ရှမ်းပြည်နယ်မြောက်ပိုင်းဒေသများတွင် အဓိကစိုက်ပျိုးကြကြောင်းသိရှိရသည်။ အေးမြသော တောင်ပေါ်ဒေသများတွင် အောက်တိုဘာလမှ မတ်လအတွင်း စိုက်ပျိုးကြ၍ မြေပြန့်ဒေသများတွင် မိုးရာသီ (ဇွန်လ-ဇူလိုင်လ)နှင့် ဆောင်းရာသီ (အောက်တိုဘာလ-ဒီဇင်ဘာလ)တို့တွင် အဓိကစိုက်ပျိုးကြကြောင်းသိရှိရသည်။
ကန့်ဘလူခရိုင်၊ ကျွန်းလှမြို့နယ်အတွင်း စိုက်ပျိုးရေးကို အဓိကလုပ်ကိုင်လျက်ရှိရာ မိမိတို့ အိမ်ခြံ ဝင်းအတွင်းနှင့် တောင်ယာမြေများတွင် တစ်နိုင်တစ်ပိုင်အနေဖြင့် စားဖိုဆောင်သီးနှံများကို စိုက်ပျိုးထားကြသည့်အနက် ဆူးပုတ်ရွက်သည်လည်း တစ်မျိုးပါဝင်ပါသည်။ ဆူပုတ်ရွက်ကို ကန့်ဘလူမြို့နယ်၊ ပေကုန်းကျေးရွာနှင့် ကျွန်းလှမြို့ပေါ်ရပ်ကွက်အသီးသီးတို့မှ လာရောက် ရောင်း ချခြင်းဖြစ်ပါသည်။ ဆူးပုတ်ရွက်ကို မိမိတို့ဒေသ တွင်သာမက ဒေသတိုင်းတွင် လူကြိုက်များပြီး အစားများသော အရွက်တစ်မျိုးဖြစ်ပါသည်။
ချဉ်ပေါင်ရွက်သည် မြန်မာနိုင်ငံနေရာအနှံအပြားတွင် စိုက်ပျိုးကြကြောင်း၊ ၎င်းကို မိုးရာသီဖြစ်သော (ဇွန်-ဩဂုတ်)နှင့် ဆောင်းရာသီ (စက်တင်ဘာ-ဖေဖော်ဝါရီ) လတို့တွင် အဓိကစိုက်ပျိုးနိုင်ကြောင်း၊ ရေစီးရေလာကောင်းပြီး သဘာဝမြေဩဇာကြွယ်ဝတဲ့ မြေနုမှာ စိုက်ပျိုးဖြစ်ထွန်းကြောင်း၊ စိုက်ပျိုးပြီး ၄၅ ရက်မှ ၆၀ ရက်ခန့်အတွင်း ခူးဆွတ်စား သုံးကြကြောင်းသိရှိရသည်။
ကျွန်းလှမြို့၊ ပိတောက်မြိုင်ဈေးတွင် စကားဖြူပန်း၊ စကားဝါပန်းများကို ရောင်းချလျက်ရှိရာ စကားဖြူ/ဝါပန်းပင်သည် အပင်ကြီးမျိုးဖြစ်ပြီး အရွက်ပုံစံမှာဘဲစဥပုံနှင့် စကားဖြူ/ဝါပန်းပင်သည် မြန်မာ ပြည်အနှံအပြား စိုက်ပျိုးနိုင်သည်။ စကားဖြူ/ဝါပန်းပင်သည် ပူအိုက်စွတ်စိုသော ရာသီကို ကြိုက်နှစ် သက်သည့် အပင်ဖြစ်သည်။ မြေနေရာမရွေး စိုက်ပျိုးနိုင်ပြီး ရေဝပ်ဒဏ် မခံနိုင်ပါကြောင်း သိရသည်။
မြင်းခြံမြို့အတွင်းသို့ ပြင်ဦးလွင်ဒေသမှထွက်ရှိသော ပန်းထိမ်ငိုပန်းများ ဈေးကွက်တွင် ဝင်ရောက်လာကြောင်း၊ မြင်းခြံမြို့၊ အေးမြသီတာဈေးရှိ ဘုရားပန်းရောင်းချသောဆိုင်များတွင် အခြားဘုရားပန်းများနှင့်အတူ ပန်းထိမ်ငိုပန်းများကိုလည်း ရောင်းချလျက်ရှိကြောင်း၊ ၂၀၂၅ ခုနှစ်၊ ဇွန်လ ဒုတိယပတ်တွင် ပန်းထိမ်ငိုပန်း (၁၀) ခက်ပါတစ်စီးလျှင် (၃၀၀၀-၃၅၀၀) ကျပ်ဖြင့် ရောင်းချ လျှက်ရှိကြောင်း၊ အပွင့်အခက် အကြီး၊ အသေး၊ လတ်ဆတ်မှုအပေါ်တွင်မူတည်၍ ဈေးနှုန်းများကွာခြားကြောင်း၊ ပန်းထိမ်ငိုပန်းများသည် ဘုရ
