ပြည်တွင်းကုန်သွယ်မှုသတင်း

၇.၇.၂၀၂၅ ရက်နေ့၊ ကုန်စည်ဒိုင်တွင်ဖြစ်ပေါ်ခဲ့သော ထန်းလျက် တစ်ပိဿာ ဈေးနှုန်းများမှာ တောင်သာ၊ မလိုင်(ဒုံး) သစ် အနိမ့်ဆုံးဈေး ကျပ် ၅၃၀၀ မှ အများဆုံး ကျပ် ၅၆၀၀၊ ညောင်ဦးဆေးရှယ် ကျပ် ၅၀၀၀ မှ ၇၀၀၀၊ ညောင်ဦးဆေးရှယ် (ထန်းရော) အနိမ့်ဆုံးဈေး ကျပ် ၄၉၀၀၊ အများဆုံး ကျပ် ၅၀၀၀၊ ပခုက္ကူကြမ်း ကျပ် ၅၅၀၀၊ ရေစကြိုထန်းလျက် အနိမ့်ဆုံးဈေး ကျပ် ၆၈၀၀ မှ အများဆုံး ကျပ် ၇၀၀၀ ၊ ကြံသကာ(ရှမ်း) ကျပ် ၃၅၀၀၊ ကြံသကာ (သကြားရော) ကျပ် အနိမ့်ဆုံး ၅၀၀၀ မှ အများဆုံး ကျပ် ၅၂၀၀၊ မန်ကျည်းသီးများဖြစ်သော မန်းကျည်းသီး ပွင့်ကပ် (သစ်) အနိမ့်ဆုံးဈေး ကျပ် ၆၀၀၀ မှ ကျပ် ၆၂၀၀၊ မန်းကျည်းသီး အသား(သစ်) အနိမ့်ဆုံးဈေး ကျပ် ၈၀၀၀ မှ ကျပ် ၉၅၀၀၊ ပြည်တွင်းသကြား အနိမ့်ဆုံးဈေး ကျပ် ၄၇၅၀ မှ ကျပ် ၄၉၀၀ တို့အသီးသီးဖြစ်ကြောင်း ကုန်စည်ဒိုင်မှ သတင်းရရှိပါသည်။ DOCA(ရန်ကုန်)

၇.၇.၂၀၂၅ ရက်နေ့ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ကြက်သွန်ဖြူ ကြူကုတ် (ရှယ်) တစ်ပိဿာ ဈေးနှုန်းများမှာ အမြင့်ဆုံးဈေး ကျပ် ၈၅၀၀ မှ အနိမ့်ဆုံးဈေး ကျပ် ၈၃၀၀၊ အောင်ပန်းထူး-၂ ကျပ် ၄၃၀၀ ၊ အောင်ပန်းထူး-၃ ကျပ် ၅၇၀၀၊ အောင်ပန်းထူး-၄ ကျပ် ၆၃၀၀၊ အောင်ပန်းထူး-၅ ကျပ် ၆၅၀၀၊ ကြက်သွန်နီ ဈေးနှုန်းများမှာ ဆိပ်ဖြူ(သစ်) ရှယ် ကျပ် ၁၆၀၀ ၊ ဆိပ်ဖြူ(သစ်)လတ်ကြီး ကျပ် ၁၅၀၀ ၊ ဆိပ်ဖြူ(သစ်)လတ်သန့် ကျပ် ၁၄၀၀၊ ဆိပ်ဖြူ(သစ်) လတ် ချော ကျပ် ၈၅၀၊ မုံရွာ(သစ်) ရှယ် ကျပ် ၁၅၀၀/၁၅၅၀ ၊ မုံရွာ(သစ်) လတ်ကြီး ကျပ် ၁၃၀၀/၁၄၀၀၊ မုံရွာ လတ်သန့် ကျပ် ၁၃၀၀၊ မုံရွာ လတ်ချော ကျပ် ၉၅၀ ၊ မြင်းခြံ(သစ်) ရှယ် ကျပ် ၁၅၀၀၊ မြင်းခြံ(သစ် ) လတ်ကြီး ကျပ် ၁၄၅၀၊ မြင်းခြံ(သစ်) လတ်သန့် ကျပ် ၁၃၀၀၊ မြင်းခြံ(သစ်) လတ်ချော ကျပ် ၉၅၀၊ ပခုက္ကူ(သစ်) ရှယ် ကျပ် ၁၆၀၀၊ ပခုက္ကူ (သစ်) လတ်ကြီး ကျပ် ၁၅၀၀၊ ပခုက္ကူ (သစ်) လတ်သန့် ကျပ် ၁၄၀၀၊ ပခုက္ကူ (သစ်) လတ်ချော ကျပ် ၁၀၀၀ အသီးသီးရှိကြကြောင်း ကုန်စည်ဒိုင်မှ စုံစမ်းသိရှိရပါသည်။ အာလူးတစ်ပိဿာဈေးနှုန်းများမှာ ဟဲဟိုး အေဝမ်း ကျပ် ၂၅၀၀၊ ဟဲဟိုး အိုကေ ကျပ် ၃၀၀၀၊ ဟဲဟိုး အက်စ်ဝမ်း ကျပ် ၃၀၀၀၊ ဟဲဟိုး အက်စ်တူး ကျပ် ၂၆၀၀/၂၈၀၀၊ တရုတ်အာလူး ကျပ် ၃၃၀၀/၃၅၀၀ ရှိကြောင်းသိရှိရပါသည်။ အာလူး ဈေးနှုန်းပြောင်းလဲခြင်းမရှိပါ။ ကြက်သွန်ဖြူ တစ်ပိဿာလျှင် ၃၀၀/၅၀၀/၇၀၀ ကျပ်ကျဆင်းလျှက်ရှိပြီး ကြက်သွန်နီ မြင်းခြံဈေးနှုန်းမှာ တစ်ပိဿာလျှင် ကျပ် ၄၀၀ မြင့်တက်လျက်ရှိကြောင်း သိရှိရပါသည်။ DOCA(ရန်ကုန်)

မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်တွင် “ဝါ”သီးနှံကို ကံတော်၊ ကံလှ၊ ကံတိန်၊ ကံရက်၊ ကံမြင့်ကုန်း၊ မြိုင်နှင့် ရေစကြိုမြို့ နယ်အတွင်းရှိရွာများမှ “ဝါ”ကို အဓိကစိုက်ပျိုး ကြပါသည်။ ထွက်ရှိသော“ဝါ”များမှာ ပခုက္ကူမြို့ပေါ်သို့ ဝင်ရောက်အရောင်းအဝယ်ဖြစ်လျက်ရှိပါ သည်။ ပခုက္ကူမြို့ “ဝါ”စိုက်ဧကမှာ ယခင်က(၅၀၀၀ မှ ၆၀၀၀)ရှိခဲ့ပြီး ယခုအခါတွင် စိုက်ဧကမှာ အလွန်နည်းပါးလျက်ရှိပါသည်။ အဓိကစိုက်ပျိုးသော “ဝါ”များမှာ ချည်မျှင်ရှည်ဝါနှင့်ချည်မျှင်တိုဝါ များကို စိုက်ပျိုးကြပါသည်။ “ဝါ” စတင်ပေါ်စတွင် အစေ့ပါ တစ်ပိဿာလျှင် ကျပ်(၃၈၀၀)ဖြစ်ခဲ့ပြီး တစ်နေ့လျှင် ကုန်ချိန်(၃၀ မှ ၅၀ ထိ)ဝင်ရောက်လျက်ရှိကြောင်း “ဝါ”ကုန်သည်များထံမှ သိရှိရသည်။ ဈေးနှုန်းဈေးကွက်အနေဖြင့် ပခုက္ကူမြို့နယ်မှ ထွက်ရှိသော“ဝါ”များကို မန္တလေးတိုင်းဒေသ ကြီးနှင့် သရက်၊ အောင်လံခရိုင်များသို့လည်း တင်ပို့ရောင်းချလျက်ရှိပါသည်။ ၂၀၂၅ခုနှစ်၊ ဇူလိုင်လ (ပထမပတ်)တွင် “ဝါ”ဝင်ရောက်မှုမှာ တစ်နေ့လျှင် ပိဿာချိန် (၂၀၀ မှ ၃၀၀ ထိ)ဝင်ရောက်ပြီး ဈေးနှုန်းအနေဖြင့် ချည်မျှင်ရှည်ဝါ တစ်ပိဿာလျှင် ကျပ်(၃၂၀၀)၊ ချည်မျှင်တိုဝါ တစ်ပိဿာလျှင် ကျပ်(၂၈၅၀)ရှိပြီး ဝါကြိတ်ဖတ်တစ်ပိဿာလျှင် ကျပ်(၁၀၀၀)၊ ဝါစေ့တစ်ပိဿာလျှင် ကျပ်(၂၃၀၀)၊ ဝါစေ့ဆီတစ်ပိဿာလျှင် ကျပ်(၁၁၀၀၀)ဈေးဖြင့် အရောင်းအဝယ်ဖြစ်ပြီး ယခင်ဇွန်လ(ပထမပတ်) နှင့်ဈေးနှုန်းနှိုင်းယှဉ်ပါက ဝါဂွမ်းတစ်ပိဿာလျှင် ကျပ်(၃၀၀)၊ ဝါစေ့ဆီတစ်ပိဿာလျှင် ကျပ်(၂၀၀) ဈေးကျဆင်းပြီး အရောင်းအဝယ်ဖြစ်ကြောင်း၊ “ဝါ”ဝင်ရောက်မှုမှာ တစ်နေ့လျှင် ပိဿာချိန်(၂၅၀ မှ ၃၀၀)ခန့် ဝင်ရောက်ကြောင်း “ဝါ”ကုန်သည်များထံမှ သိရှိရပါသည်။ DOCA(မကွေး)

မကွေးတိုင်းဒေသကြီး၊ ပခုက္ကူခရိုင်အတွင်းရှိ ပခုက္ကူ၊ မြိုင်၊ ပေါက်၊ ရေစကြို၊ ဆိပ်ဖြူ မြို့နယ် များတွင် စပါး၊ ဆီထွက်သီးနှံမျိုးစုံ၊ ကုန်စိမ်းသီးနှံမျိုးစုံနှင့် သစ်သီးဝလံများကို နှစ်စဉ်စိုက်ပျိုးလျက် ရှိသည်။ သီးနှံမျိုးစုံအနက် မတ်ပဲသီးနှံကို စိုက်ပျိုးရာတွင် စိုက်ဧက(၃၀၀၀)ခန့် စိုက်ပျိုးပြီး ရေစကြို မြို့နယ်တွင် အဓိကစိုက်ပျိုးပြီး ပခုက္ကူ ဈေးကွက်သို့ ဝင်ရောက်အရောင်းအဝယ်ဖြစ်သည့်အပြင် အခြားမြို့နယ်များမှလည်း ဝင်ရောက်ကြောင်း သိရှိရသည်။ မတ်ပဲဈေးနှုန်းမှာ ၂၀၂၅ခုနှစ်၊ ဇူလိုင်လ(ပထမပတ်)တွင် ဈေးတက်ပြီး အရောင်းအဝယ် ဖြစ်ကြောင်း၊ မတ်ပဲတစ်တင်းလျှင် သီးနှံအရည်အသွေးလိုက်၍ ကျပ်(၁၀၀၀၀၀ မှ ၉၀၀၀၀)ဈေးရှိပြီး ယခင်ဇွန်လ(ပထမပတ်)တွင် ကျပ်(၈၅၀၀၀-၈၃၀၀၀)ဖြင့် အရောင်းအဝယ်ဖြစ်ခဲ့၍ ဈေးနှုန်းနှိုင်းယှဉ် ပါက တစ်လအတွင်း မတ်ပဲတစ်တင်းလျှင် ကျပ်(၁၅၀၀၀)ခန့် ဈေးနှုန်းမြင့်တက်လာကြောင်း သိရှိ ရသည်။ မတ်ပဲသီးနှံသည် ပြည်တွင်းစားသုံးမှုနည်းသော်လည်း ပြည်ပနိုင်ငံများမှ ဝယ်လိုအား ကောင်းသော သီးနှံတစ်မျိုးဖြစ်၍ ဈေးကွက်ခိုင်မာမှုရှိကြောင်း သီးနှံဈေးကွက်နှင့် လက်ကျန်အနည်း အများပေါ်မူတည်၍ ဈေးအတက်အကျရှိကြောင်း ပဲဈေးကွက်မှ သိရှိရသည်။ DOCA(မကွေး)

မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်အတွင်းရှိ ဒေသခံပြည်သူများသည် ကြက်သွန်နီသီးနှံကို ဒေသစီးပွားဖြစ် နှစ်စဉ်မပြတ်စိုက်ဧက အများဆုံးစိုက်ပျိုးလျက်ရှိသည်။ ဆိပ်ဖြူ မြို့ကြက်သွန်နီဈေးကွက်သို့ ဒေသတွင်းကြက်သွန်နီစိုက်ပျိုးထွက်ရှိသော ကျေးရွာများအပြင် အခြား မြို့နယ်များဖြစ်‌သော ပွင့်ဖြူ၊ စလင်း၊ ချောက်၊ ပခုက္ကူဒေသထွက် ကြက်သွန်နီများလည်း ဝင်ရောက် အရောင်းအဝယ်ဖြစ်လျက်ရှိသည်။ မေလအတွင်း တစ်ရက်လျှင် ကုန်ချိန်ပိဿာ(၄)သောင်းခန့်၊ တစ်လအတွင်း ကုန်ချိန်ပိဿာ(၈)သိန်းခန့်ဝင်ရောက်ခဲ့ကြောင်း ဈေးကွက်မှသိရှိရသည်။ ၂၀၂၅ ခုနှစ်၊ ဇွန်လအတွင်း ကြက်သွန်နီဈေးကျဆင်း၍ အရောင်းအဝယ်ဖြစ်ပြီး ဈေးနှုန်း အနေဖြင့် တောင်သူပေါက်ဈေး ကြက်သွန်နီ အရည်အသွေးလိုက်၍ တစ်ပိဿာလျှင် ကျပ်(၁၂၀၀)မှ ကျပ်(၈၀၀)ဈေးဖြင့် အရောင်းအဝယ်ဖြစ်ပြီး ပွဲရုံများမှ ကြက်သွန်နီများကို ပြန်လည်သန့်စင်ပြီး ရောင်းချသော ဈေးနှုန်းမှာ ကြက်သွန်နီတစ်ပိဿာလျှင် အမြင့်ဈေး(ရှယ်)ကျပ်(၁၆၀၀)၊ လတ်ကြီး တစ်ပိဿာလျှင် ကျပ်(၁၅၀၀)၊ လတ်ချောတစ်ပိဿာလျှင် ကျပ်(၁၄၀၀)၊ လတ်သန့် တစ်ပိဿာလျှင် ကျပ်(၁၃၀၀)၊ အသေးစတစ်ပိဿာလျှင် ကျပ်(၁၂၀၀)ဈေးအသီးသီးဖြင့် ဒေသအနှံ့အပြားသို့ ဖြန့်ဖြူး ရောင်းချလျက်ရှိကြောင်းကြောင်း၊ ဆိပ်ဖြူမြို့ ပတ္တမြားဈေးအတွင်း အရောင်းအဝယ်ဖြစ်သော လက်လီ ဈေးနှုန်းမှာ အရည်အသွေး၊ အရွယ်အစားလိုက်၍ တစ်ပိဿာလျှင် ကျပ်(၂၀၀၀- ၁၈၀၀- ၁၅၀၀) ဈေးဖြင့် အရောင်းအဝယ်ဖြစ်ကြောင်း သိရှိရသည်။ ကုန်စည်စီးဆင်းမှုအနေဖြင့် ဇွန်လအတွင်း ကုန်ချိန်ပိဿာ(၈)သိန်းခန့် တန်ချိန်အားဖြင့် (၁၃၀၆)တန်ခန့် စီးဆင်းခဲ့ကြောင်း၊ ရန်ကုန်ဘုရင့်နောင်ပွဲရုံသို့ ကုန်ချိန်အများဆုံး တင်ပို့ပြီး မြဝတီ၊ မော်လမြိုင်မြို့မှတစ်ဆင့် ထိုင်းနိုင်ငံသို့ တင်ပို့လျက်ရှိကြောင်း၊ ပြည်ပတင်ပို့မှုနည်း၍ ဆိပ်ဖြူ ကြက်သွန်နီဈေးကွက် ဈေးအေး၍ အရောင်းအဝယ်ဖြစ်လျက်ရှိကြောင်း သိရှိရသည်။ DOCA(မကွေး)