ပြည်တွင်းကုန်သွယ်မှုသတင်း

          ဧရာဝတီတိုင်းဒေသကြီး၊ ဟင်္သာတခရိုင်၊ ဇလွန်မြို့နယ်ကုန်ဈေးနှုန်း တည်ငြိမ်ကျဆင်းရေးကော်မတီ၏ ကြီးကြပ်မှုဖြင့်(၈.၇.၂၀၂၅)ရက်နေ့ နံနက်(၀၈:၀၀) နာရီအချိန်မှစတင်၍ အခြေခံစားသောက်ကုန် ဆန်၊ဆီနှင့်ကြက်ဥများအား ဈေးနှုန်းသက်သာစွာဖြင့် ပြည်သူများဝယ်ယူအသုံးပြုနိုင်ရေး ရောင်းချပေးလျက်ရှိပါသည်။ ဆန်နှင့် စားအုန်း ဆီများရောင်းချပေးရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ၊ မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာန မြို့နယ်တာဝန်ခံ ဦးသန့်ဇင်ဦးနှင့် မြို့နယ် စားအုန်းဆီလက္ကားကိုယ်စားလှယ်များမှ ပူးပေါင်းဆောင်ရွက်ခဲ့ကြောင်းသိရသည်။

           ထိုသို့ရောင်းချရာတွင် ပြည်သူများအား သက်သာသောဈေးနှုန်းဖြင့် ဝယ်ယူစားသောက်နိုင်ရန် စားအုန်းဆီ (၅၀ ကျပ်သား)ဘူးခွံအပါ တစ်ဗူးလျှင် ၃၅၀၀/- ကျပ်နှုန်းဖြင့် ပိဿာချိန် (၁၁၀)နှင့် ဆင်းသုခ ဆန်တစ်ပြည်လျှင် ၂၀၀၀/- ကျပ်တစ်ဦးလျှင် (၂)ပြည်နှုန်းဖြင့် ဆန်(၈)အိတ်၊ ကြက်ဥတစ်လုံးလျှင် (၃၃၀)ကျပ်ဖြင့် အလုံးရေ (၁၀၀၀)လုံးအား ရောင်းချပေးခဲ့ကြောင်း သိရှိရပါသည်။ ထိုသို့ရောင်းချခြင်းကို ဌာနဆိုင်ရာများမှ ပူးပေါင်း၍ ပြည်သူများ ဈေးနှုန်းသက်သာစွာ ဝယ်ယူနိုင်ရေး ဆောင်ရွက်ပေးခြင်းဖြစ်ကြောင်း သတင်းရရှိပါသည်။

DOCA (ဧရာဝတီ)

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ လပွတ္တာမြို့နယ်တာဝန်ခံ ဦးမြင့်ဌေးနှင့် ဝန်ထမ်းများသည်(၁၁.၇.၂၀၂၅)ရက်နေ့၊ နံနက်(၀၇း၃၀) နာရီအချိန်တွင် မြို့နယ်ကုန်ဈေးနှုန်း တည်ငြိမ်ကျဆင်းရေး ကော်မတီဥက္ကဌနှင့်အဖွဲ့ဝင်များ၊အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့ရှေ့တွင် ဆန်၊ စားအုန်းဆီ၊ ကြက်ဥ တို့ကိုသက်သာသောဈေးနှုန်းများဖြင့် ပြည်သူများအား ရောင်းချပေးခဲ့ပါသည်။

           ထိုသို့ရောင်းချပေးရာတွင် စားသုံးသူပြည်သူများအား ကြက်ဥတစ်လုံး (၃၅၀)၊  ဆန်တစ်ပြည်(၂၀၀၀)၊ စားအုန်းဆီ ၁ပိဿာ(၆၈၀၀) အစရှိသည့်သက်သာသော ဈေးနှုန်းများဖြင့် စားသုံးသူပြည်သူများအား မည်သူမဆိုလွတ်လပ်စွာဝယ်ယူနိုင်ရန် ရောင်းချပေးခဲ့ကြောင်း သိရှိရပါသည်။

DOCA(ဧရာဝတီ)

   ရန်ကုန်တိုင်းဒေသကြီး မရမ်းကုန်းမြို့နယ်  ဘုရင့်နောင်ကုန်စည်ဒိုင် ပဲနှမ်းအသင်းမှ ၁၁.၇.၂၀၂၅ ရက်နေ့ရှိ ပဲလက်ကျန်စာရင်းမှာ မြေပဲတစ်ပိဿာလျှင် မြေပဲလုံးဆံ ၉၃၀၀ ကျပ်ခန့် ၊ မြေပဲဆီဆံ တစ်ပိဿာလျှင် ၈၆၀၀ ကျပ်ခန့်ရှိပါသည်။ နှမ်းဖြူ မန္တလေးဈေးမှာ ၄၅ ပိဿာ တစ်အိတ်လျှင် ၃၅၀၀၀၀ ကျပ်ခန့်ရှိပါသည်။ နှမ်းနက်(ရိုးရိုး) ဈေးနှုန်းမှာ ၄၅ ပိဿာတစ်အိတ်လျှင် ၆၉၅၀၀၀ ကျပ်ခန့်ရှိပြီး ရန်ကုန်ဈေးကွက်တွင် မုန့်ညှင်းဈေးကွက်မရှိပါ။ ပဲပုတ် ၂၀၂၅ အတွက် တန်ချိန်(၁၉၈၀၀၀) ဝန်းကျင်ရှိမည်ဟု ခန့်မှန်းကြောင်း သိရှိရပါသည်။

DOCA (ရန်ကုန်)

       ရန်ကုန်တိုင်းဒေသကြီး၊ လှိုင်မြို့နယ် လှိုင်ဈေးကြီးအတွင်းရှိ အခြေခံစားသောက်ကုန် များဖြစ်သော ဆန်အမျိုးအစားများအနက် ပေါ်ဆန်းတစ်ပြည် ၅၀၀၀ ကျပ်၊ ပေါ်ကျွဲ တစ်ပြည် ၄၀၀၀ ကျပ်၊ ဧည့်မထတစ်ပြည် ၃၅၀၀ ကျပ်၊ ငစိန်တစ်ပြည် ၃၀၀၀ ကျပ်၊ ဇီယာတစ်ပြည်လျှင် ၄၀၀၀ ကျပ် ဆန်ကွဲတစ်ပြည် ၂၈၀၀ ကျပ် နှင့် စားအုန်းဆီတစ်ပိဿာ ၆၄၃၀ ကျပ်၊ မြေပဲဆီတစ်ပိဿာလျှင် ၁၀၈၀၀ မှ ၁၁၈၀၀ ကျပ်၊ ကုန်ခြောက်ဈေးနှုန်းများမှာ ကြက်သွန်နီ တစ်ပိဿာ ၁၄၀၀ မှ ၂၀၀၀ ကျပ်၊ ကြက်သွန်ဖြူ တစ်ပိဿာ ၁၀၀၀၀ ကျပ် ငရုပ်သီးခြောက် (အပု) တစ်ပိဿာ ၇၀၀၀ မှ ၁၀၀၀၀ ကျပ်၊ ငရုပ်သီးခြောက်(အရှည်) တစ်ပိဿာ ၁၂၀၀၀ မှ ၁၃၀၀၀ ကျပ်၊ အာလူးတစ်ပိဿာ ၅၀၀၀ မှ ၆၀၀၀ ကျပ်၊ ချင်းတစ်ပိဿာ ၅၀၀၀ မှ ၆၀၀၀ ကျပ်၊ ဆားတစ်ပိဿာ ၂၀၀၀ မှ ၃၀၀၀ ကျပ်တို့ဖြစ်ပြီး ကုလား ပဲတစ်ပိဿာ ၆၈၀၀ မှ ၇၀၀၀ ကျပ်၊ မတ်ပဲတစ်ပိဿာ ၈၀၀၀ မှ ၉၀၀၀ ကျပ်တို့ဖြစ်ပါသည်။ အသီး အရွက် ဈေးနှုန်းများမှာ ကန်စွန်းရွက်တစ်စီး ၃၀၀ မှ ၅၀၀ ကျပ်၊ ချဉ်ပေါင်ရွက်တစ်စီး ၃၀၀ မှ ၅၀၀ ကျပ်၊ မုန့်ညှင်းရွက်တစ်စီး ၂၀၀ မှ ၃၀၀ ကျပ်၊ ဆလပ်ရွက်တစ်စီး ၇၀၀ ကျပ်၊ ငါးခြောက် ဈေးနှုန်း များမှာ အာပြဲခြောက်တစ်ပိဿာ ၅၀၀၀၀ မှ ၆၀၀၀၀ ကျပ်၊ ငါးရံ့ခြောက်တစ်ပိဿာ ၉၀၀၀၀ မှ ၁၂၀၀၀၀ ကျပ်၊ပုဇွန်ခြောက်တစ်ပိဿာ ၁၀၀၀၀၀ မှ ၂၀၀၀၀၀ ကျပ်တို့ဖြစ်ပြီး ကြက်ဥတစ်လုံး ၃၆၅ ကျပ် နှင့် ဘဲဥတစ်လုံး ၅၀၀ မှ ၆၀၀ ကျပ်တို့ဖြင့် အသီးသီးအရောင်းအဝယ်ဖြစ်ကြောင်း သိရှိရပါသည်။

DOCA (ရန်ကုန်)

    ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီ များသည် အနောက်ပိုင်းခရိုင်၊ စားသုံးသူရေးရာဦးစီးဌာန ကွပ်ကဲမှုအောက်ရှိ ဘုရင့်နောင် ကုန်စည်ဒိုင်သို့  နေ့စဉ်မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီ လက်ကျန် အခြေအနေများ အား  အမှန်ကန်ဆုံး သိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ  ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရ လည်း ကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ်ဝင်ရောက်မှု စာရင်းများအရလည်းကောင်း၊ ကြက်သွန်နီ လက်ကျန်အခြေအနေအား နေ့စဉ်စုံစမ်း လျက်ရှိပါသည်။

      ဇူလိုင်လ (၁၀) ရက်နေ့တွင် ဘုရင့်နောင် ကုန်စည်ဒိုင်သို့ ကြက်သွန်နီ ဝင်ရောက်ရာဒေသများ ဖြစ်သည့် ဆိပ်ဖြူ၊ ၊ မြင်းခြံ၊ ၊ မုံရွာဒေသတို့မှ ကြက်သွန်နီ (၇၈၀၀၀၀) ပိဿာ ဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၃၁၂၀၀၀) ကျန်ရှိကြောင်း ကုန်စည်ဒိုင်သတင်းအရ သိရှိရသည်။ ဆိပ်ဖြူ ကြက်သွန်နီ (အသစ်) အချော တစ်ပိဿာ ကျပ် ၈၀၀၊ အသန့်မှာ တစ်ပိဿာ ကျပ် ၁၄၀၀ ၊ အကြီးမှာ ကျပ် ၁၅၀၀၊ ရှယ်မှာ ကျပ် ၁၆၀၀၊ မြင်းခြံ ကြက်သွန်နီ (အသစ်) အချော တစ်ပိဿာ ကျပ် ၉၀၀၊ အသန့်မှာ တစ်ပိဿာ ကျပ် ၁၂၅၀ ၊ အကြီးမှာ ကျပ် ၁၃၅၀၊ ရှယ်မှာ ကျပ် ၁၅၀၀၊ မုံရွာ ကြက်သွန်နီ(အသစ်) အချော တစ်ပိဿာ ကျပ် ၈၀၀၊ အသန့်မှာ တစ်ပိဿာ ကျပ် ၁၃၀၀ ၊ အကြီးမှာ ကျပ် ၁၄၀၀၊ ရှယ်မှာ ကျပ် ၁၅၀၀  ဈေးတို့အသီးသီးရှိကြောင်း စုံစမ်းသိရှိရပါသည်။

      ယခင်တစ်ပတ်နှင့် ယခုတစ်ပတ် ကြက်သွန်နီဈေးနှုန်းများ နှိုင်းယှဉ်ရာတွင် မြင်းခြံကြက်သွန်နီ ဈေးနှုန်းများမှာ ယခင်အပတ်ကထက် ဈေးနှုန်းအနည်းငယ် မြင့်တက် လျက်ရှိကြောင်း သိရှိရပါသည်။

DOCA (ရန်ကုန်)