ပြည်တွင်းကုန်သွယ်မှုသတင်း

            ဧရာဝတီတိုင်းဒေသကြီး၊ ဓနုဖြူမြို့နယ်အတွင်းရှိ ထုံးပုံကျေးအုပ်စု။ စာဖြူစုကျေးရွာတွင် ကျေးရွာများတွင် မုန့်ညှင်းသီးနှံကို စိုက်ပျိုးလျက်ရှိပြီး ဒေသတွင်းဟင်းသီးဟင်းရွက် သီးနှံများကို ယာမြေခြံများပေါ်တွင် တောင်သူများမှ စိုက်ပျိုးလျက်ရှိပြီး တစ်ပိုင်တစ်နိုင်ရာသီပေါ် မုန်ညင်းစိုက်ပျိုး လုပ်ကိုင်ရောင်းချရာမှ မိသားစုအတွက် ဝင်ငွေများတိုးပွားလျက်ရှိကြောင်း သိရသည်။

            မုန်ညင်းမျိုးကို သက်ငယ်၊ သက်လတ်နဲ့ သက်ကြီးဆိုပြီး သုံးမျိုးသုံးစားခွဲပြီးတော့ စိုက်ပျိုးပြီး  မုန်ညင်းသက်ငယ်မျိုးကိုတော့ ဝါဆိုလနဲ့ဝါခေါင်လမှာ စတင်စိုက်ပျိုးပါတယ်။ မုန်ညင်း သက်လတ်မျိုး ကိုတော့ တော်သလင်းလနဲ့ သီတင်းကျွတ်လမှာ စိုက်ပျိုးပါတယ်။ နောက်ဆုံး မုန်ညင်းသက်ကြီးမျိုးကို တော့ တန်ဆောင်မုန်းလကနေ့စပြီးတော့မှ ယခုလအထိပေါ့ စိုက်ပျိုးပြီး ရောင်းချပါတယ်။ မုန်ညင်း (၁၀) စည်းပါ တစ်ထုံးကိုငွေကျပ် (၂၅၀၀၀) နှုန်းဖြင့် ဖောက်သည်သွင်းရကြောင်းသိရသည်။

            မျိုးအနေဖြင့်  တြိဂံထုတ်ကိုဝယ်ယူပြီး တစ်ထုပ်လျှင် ၁၀၀၀၀ ကျပ်နှုန်းဖြင့်  ဝယ်ယူ၍ စိုက်ဧက ၀.၁၀ ဝန်းကျင်ကို မျိုးထုပ် ၂ ထုပ်ခန့် စိုက်ပျိုးရကြောင်း၊ စိုက်ပျိုးမှုအနေဖြင့် မြေဘောင်ပြုလုပ်ကာ  မြေချစနစ်ဖြင့် စိုက်ပျိုးကြောင်း၊ ၄၅ ရက်သားအရွယ်တွင် အပင်ကိုစတင် နှုတ်ရကြောင်း၊ ဒီဇင်ဘာလတွင်စိုက်ပျိုူးပြီး  စိုက်ပျိုးထုတ်လုပ်မှု ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင်  ၀.၁၀ ဧကလျှင် ငွေကျပ် ၁၀၀၀၀၀ ခန့်သာကုန်ကျပြီး အထွက်နှုန်း အနေဖြင့်   ၁လအတွင်း ထွက်ရှိသဖြင့် (၁)သိန်းခွဲ ဝန်ကျင်းခန့် အကျိုးအမြတ်ရရှိကြောင်း ဦးတင်ဝင်းမှ ပြောပြခဲ့ကြောင်းသိရှိရပါသည်။

           တင်ပို့မှု ဈေးကွက်အနေဖြင့် အဖျောက်မြို့ကျေးရွာနှင့် ရန်ကုန်သီရိမင်္ဂလာဈေး ဘက်သို့တင်ပို့ကြောင်း  မုန်ညင်းများအပြင် အခြားရာသီပေါ်သီးနှံများဖြစ်သည့် ဘူးသီး၊ ခဝဲသီး၊ ငရုတ်သီး၊  သခွားသီး၊  ပဲတောင့်ရှည်၊ ကြက်ဟင်းခါးသီးနှင့် ပန်းမုန်လာစသည့် သီးနှံများကိုလည်း စိုက်ပျိုးလုပ်ကိုင်လျက်ရှိကြောင်း သိရှိရပါသည်။

DOCA (ဧရာဝတီ)

         ဧရာဝတီတိုင်းဒေသကြီး၊ ဓနုဖြူမြို့နယ်အတွင်းရှိ ထုံးပုံကျေးအုပ်စု။ စာဖြူစုကျေးရွာတွင် ဆလပ်သီးနှံကို စိုက်ပျိုးလျက်ရှိပြီး ယခုနှစ်တွင် ဓနုဖြူမြို့နယ်တွင် ဟင်းသီးဟင်းရွက် စိုက်ဧက ၈၆၁ ကျော် စိုက်ပျိုးထားရှိကြောင်း သိရသည်။

            မျိုးအနေဖြင့်  တြိဂံထုတ်ကိုဝယ်ယူပြီး တစ်ထုပ်လျှင် ၇၀၀၀ ကျပ်နှုန်းဖြင့်  ဝယ်ယူ၍ စိုက်ဧက ၀.၁၀ ဝန်းကျင်ကို မျိုးထုပ် ၂ ထုပ်ခန့် စိုက်ပျိုးရကြောင်း၊ စိုက်ပျိုးမှုအနေဖြင့် မြေဘောင်ပြုလုပ်ကာ  မြေချစနစ်ဖြင့် စိုက်ပျိုးကြောင်း၊ ၄၀ ရက်သားအရွယ်တွင် အပင်ကို စတင်နှုတ်ရကြောင်း၊ ဒီဇင်ဘာလတွင်စိုက်ပျိုးပြီး  စိုက်ပျိုးထုတ်လုပ်မှု ကုန်ကျစရိတ် အနေဖြင့် မျိုး၊ သွင်းအားစု၊ လုပ်သားခ အပါအဝင်  ၀.၁၀ ဧကလျှင် ငွေကျပ် ၁၀၀၀၀၀ ခန့်သာကုန်ကျပြီး အထွက်နှုန်းအနေဖြင့်   ၁လအတွင်း ထွက်ရှိသဖြင့် (၃)သိန်းဝန်ကျင်ခန့် အကျိုးအမြတ်ရရှိကြောင်း နှစ်စဉ် ဆလပ်သီးနှံကို မိုးအကုန် နွေအကူးအထိ  ၅ကြိမ်ခန့် စိုက်ပျိုးကြောင်း တောင်သူ ဦးအောင်မိုးမှ ပြောပြခဲ့ကြောင်းသိရသည်၊

          ဈေးနှုန်းအနေဖြင့် ၂၀.၁၂.၂၀၂၄ရက်နေ့ ဆလပ် ၂ခိုင် တစ်စီး လက်လီဈေး ၁၀၀၀ကျပ်ဖြင့် ရောင်းချကြပြီး လက်ကားဈေး ၈၀၀ကျပ်ဖြင့် ပေး၍ ရောင်းချရကြောင်း၊ တင်ပို့မှု ဈေးကွက်အနေဖြင့် အဖျောက်မြို့ကျေးရွာဘက်သို့တင်ပို့ရပြိး နှစ်စဉ်မှာယူကြောင်း  ဆလပ်ထွက်ပေါ်ချိန်တွင် ဈေးနှုန်းကောင်းမွန်မှုကြောင့် အကျိုးအမြတ်များရရှိကြောင်းကို ဆလပ်စိုက်ပျိုးသူ ဦးအောင်မိုးထံမှ သိရှိရပါသည်။

DOCA (ဧရာဝတီ)

ဒီဇင်ဘာလ စတုတ္ထအပတ်တွင် ကွမ်းခြံကုန်းမြို့နယ်၌ အခြေခံစားသောက်ကုန်များ ဖြစ်သော ဆန်ကြမ်း၊ ဆန်ချောအမျိုးအစားအလိုက် ဧည့်မထတစ်ပြည်လျှင်(၃၅၀၀-၃၆၀၀) ကျပ်ထိ၊ ငစိန်ဆန် တစ်ပြည်လျှင်(၃၀၀၀-၃၁၀၀)ကျပ်ထိ၊ ကြားပျံဆန်(ရိုးရိုး)တစ်ပြည်လျှင် (၅၆၀၀-၅၈၀၀)ကျပ်ဖြင့် လည်းကောင်း၊ စားအုန်းဆီတစ်ပိဿာလျှင် ယခင်ပတ်တွင်(၇၈၀၀) ကျပ်၊ ယခုပတ်တွင်(၇၈၀၀)ကျပ်ဖြင့် ဈေးနှုန်းတည်ငြိမ်လျှက်ရှိပြီး၊ ပဲဆီတစ်ပိဿာလျှင် (၂၂၀၀၀)ကျပ်ဖြင့်လည်းကောင်း၊ ကြက်သွန်နီအသစ်ဆိုဒ်စုံတစ်ပိဿာလျှင်(၃၅၀၀-၄၀၀၀)ကျပ်၊ ကြက်သွန်ဖြူ(ရှမ်းစ)တစ်ပိဿာလျှင် (၁၆၀၀၀)ကျပ်၊ ရိုးရိုးဆားတစ်ပိဿာလျှင်(၆၀၀)ကျပ်၊ ငြုပ်တောင့်(အရှည်)တစ်ပိဿာလျှင် (၉၀၀၀)ကျပ်၊ ငြုပ်တောင့်(အပု)တစ်ပိဿာလျှင် (၂၇၀၀၀) ကျပ်၊ ကုလားပဲဇံခြမ်းတစ်ပိဿာလျှင် (၇၅၀၀)ကျပ်၊ ကြက်ဥတစ်လုံးလျှင်(၃၈၀)ကျပ်နှင့် ဘဲဥတစ်လုံးလျှင်(၅၅၀)ကျပ်တို့ဖြင့် အရောင်းအဝယ်ဖြစ်လျှက်ရှိပါသည်။

အလားတူဗမာကြက်တစ်ပိဿာလျှင်(၃၃၀၀၀)ကျပ်၊ CPကြက်တစ်ပိဿာလျှင်(၂၀၀၀၀) ကျပ် ဝက်သားတစ်ပိဿာလျှင်(၂၆၀၀၀)ကျပ်၊ အမဲသားတစ်ပိဿာလျှင်(၂၆၀၀၀)ကျပ်၊ ဆိတ်သား   တစ်ပိဿာလျှင်(၃၅၀၀၀)ကျပ်၊ ငါးမြစ်ချင်း တစ်ပိဿာလျှင်(၉၀၀၀)ကျပ်၊ ငါးကြင်းတစ်ပိဿာ လျှင် (၁၀၀၀၀)ကျပ်စသည့်ဖြင့်လည်းကောင်း ဈေးနှုန်းအသီးသီးတို့ဖြင့် ရန်ကုန်တိုင်းဒေသကြီး ကွမ်းခြံကုန်းမြို့နယ်၊ စည်ပင်သာယာမြို့မဈေးအတွင်း အရောင်းအဝယ်ဖြစ်လျှက်ရှိကြောင်း     သိရပါသည်။

ယခင်အပတ်နှင့်ယခုအပတ်နှိုင်းယှဉ်ရာတွင် ဆန်ကြမ်း၊ ဆန်ချောဈေးနှုန်းများ၊ အခြေခံစားသောက်ကုန်ဈေးနှုန်းများနှင့် စားအုန်းဆီဈေးနှုန်းများမှာ တည်ငြိမ်လျှက်ရှိကြောင်း သိရှိရသည်။

DOCA(ရန်ကုန်)

ဒီဇင်ဘာလ စတုတ္ထအပတ်တွင် ခရမ်းမြို့နယ်၌ အခြေခံစားသောက်ကုန်များဖြစ်သော ဆန်ကြမ်း၊ ဆန်ချောအမျိုးအစားအလိုက် ဧည့်မထတစ်ပြည်လျှင်(၃၅၀၀-၃၈၀၀)ကျပ်ထိ၊ ဧရာဝတီ ပေါ်ဆန်းတစ်ပြည်လျှင်(၅၈၀၀-၆၀၀၀)ကျပ်၊ ငစိန်အုပ်စု ပုသိမ်ရာကျော်တစ်ပြည်လျှင် (၃၀၀၀-၃၂၀၀)ကျပ်၊ စားအုန်းဆီတစ်ပိဿာလျှင် ယခင်ပတ်တွင်(၇၈၀၀)ကျပ်၊ ယခုပတ်တွင် (၇၈၀၀)ကျပ်ဖြင့် ဈေးနှုန်းတည်ငြိမ်လျှက်ရှိပြီး၊ ပဲဆီတစ်ပိဿာလျှင် (၁၉၀၀၀)ကျပ်ဖြင့် လည်းကောင်း၊ ကြက်သွန်နီအသစ်ဆိုဒ်ဆုံ တစ်ပိဿာလျှင်(၂၅၀၀-၃၅၀၀)ကျပ်၊ ကြက်သွန်ဖြူ (ကြက်ကုတ်) တစ်ပိဿာလျှင်(၁၈၀၀၀)ကျပ်၊ ဆားကြမ်းတစ်ပိဿာလျှင်(၇၀၀)ကျပ်၊ ငြုပ်တောင့်(အရှည်) တစ်ပိဿာလျှင်(၈၅၀၀)ကျပ်၊ ငြုပ်တောင့်(အပု) တစ်ပိဿာလျှင်(၂၄၀၀၀) ကျပ်၊ ကုလားပဲဇံခြမ်း တစ်ပိဿာလျှင်(၈၀၀၀)ကျပ်၊ ငပိ(မျှင်)တစ်ပိဿာလျှင်(၈၀၀၀)ကျပ်၊ ကြက်ဥတစ်လုံးလျှင် (၃၈၀)ကျပ်နှင့် ဘဲဥတစ်လုံးလျှင် (၅၀၀)ကျပ်တို့ဖြင့် အရောင်းအဝယ် ဖြစ်လျှက်ရှိပါသည်။

အလားတူဗမာကြက်တစ်ပိဿာလျှင်(၃၀၀၀၀)ကျပ်၊ CPကြက်တစ်ပိဿာလျှင် (၁၅၀၀၀) ကျပ် ဝက်သားတစ်ပိဿာလျှင်(၂၇၀၀၀)ကျပ်၊ အမဲသားတစ်ပိဿာလျှင်(၂၇၀၀၀)ကျပ်၊ ဆိတ်သားတစ်ပိဿာ လျှင်(၃၂၀၀၀)ကျပ်၊ ငါးမြစ်ချင်းတစ်ပိဿာလျှင်(၉၀၀၀)ကျပ်၊ ငါးကြင်း တစ်ပိဿာလျှင်(၁၀၀၀၀)ကျပ် စသည့်ဖြင့်လည်းကောင်း ဈေးနှုန်းအသီးသီးတို့ဖြင့် ရန်ကုန် တိုင်းဒေသကြီး ခရမ်းမြို့နယ်၊ စည်ပင်သာယာမြို့မဈေးအတွင်း အရောင်းအဝယ်ဖြစ်လျှက် ရှိကြောင်းသိရပါသည်။

ယခင်အပတ်နှင့်ယခုအပတ်နှိုင်းယှဉ်ရာတွင် ဆန်ကြမ်း၊ ဆန်ချောဈေးနှုန်းများ၊ အသားငါး ဈေးနှုန်းများ၊ စားအုန်းဆီဈေးနှုန်းနှင့် ပဲဆီဈေးနှုန်းများမှာတည်ငြိမ်လျှက်ရှိပြီး   အခြေခံစားသောက် ကုန်ဈေးနှုန်းများမှာ အနည်းငယ်ကျဆင်းသွားလျှက်ရှိကြောင်း သိရှိရသည်။

DOCA(ရန်ကုန်)

ဒီဇင်ဘာလ စတုတ္ထအပတ်တွင် ကော့မှူးမြို့နယ်၌ အခြေခံစားသောက်ကုန်များဖြစ်သော ဆန်ကြမ်း၊ ဆန်ချောအမျိုးအစားအလိုက် ဧည့်မထတစ်ပြည်လျှင်(၃၃၀၀-၃၄၀၀)ကျပ်ထိ၊ တောင်ပျံဆန်(ရိုးရိုး)တစ်ပြည်လျှင်(၅၁၀၀-၅၂၀၀)ကျပ်၊ ကျားပျံဆန်တစ်ပြည်လျှင်(၅၃၀၀-၅၄၀၀) ကျပ်တို့ဖြင့်လည်းကောင်း၊ စားအုန်းဆီတစ်ပိဿာလျှင် ယခင်ပတ်တွင်(၇၅၄၅)ကျပ်၊ ယခုပတ်တွင် (၇၅၈၀)ကျပ်ဖြင့် ဈေးနှုန်းအနည်းမြင့်တက်လျှက်ရှိပြီး၊ ပဲဆီတစ်ပိဿာလျှင် (၂၀၀၀၀)ကျပ်ဖြင့် လည်းကောင်း၊ ကြက်သွန်နီအသစ်ဆိုဒ်စုံတစ်ပိဿာလျှင် (၃၀၀၀-၃၅၀၀-၄၀၀၀)ကျပ်၊ ကြက်သွန်ဖြူ(ကြူကုတ်)တစ်ပိဿာလျှင်(၂၀၀၀၀)ကျပ်၊ နနွင်းတစ်ပိဿာလျှင် (၁၃၀၀၀)ကျပ်၊  ရိုးရိုးဆား တစ်ပိဿာလျှင်(၆၀၀)ကျပ်၊ အိုင်အိုဒင်းဆားတစ်ထုပ်လျှင်(၆၀၀) ကျပ်၊ ငြုပ်တောင့်(အရှည်)တစ်ပိဿာလျှင်(၉၀၀၀)ကျပ်၊ ကုလားပဲဇံခြမ်းတစ်ပိဿာလျှင် (၇၅၀၀)ကျပ်၊ မန်ကျည်းသီးအမှည့် တစ်ပိဿာလျှင်(၇၅၀၀)ကျပ်၊ ငံပြာရည်တစ်ပိဿာလျှင် (၁၀၀၀)ကျပ်၊ ငါးရံ့ခြောက် တစ်ပိဿာလျှင်(၆၅၀၀၀)ကျပ်၊ ခေါက်ဆွဲခြောက်တစ်ထုပ်လျှင် (၇၀၀)ကျပ်၊ ကြက်ဥတစ်လုံးလျှင် (၃၈၀)ကျပ်နှင့် ဘဲဥတစ်လုံးလျှင်(၄၅၀-၅၀၀)ကျပ်တို့ဖြင့် အရောင်းအဝယ်ဖြစ်လျှက်ရှိပါသည်။

အလားတူအသား၊ငါးဈေးနှုန်းများဖြစ်သော ကြက်သား(ဗမာကြက်) တစ်ပိဿာလျှင် (၂၅၀၀၀)ကျပ်၊ CPကြက်တစ်ပိဿာလျှင်(၁၈၀၀၀)ကျပ်၊ ဝက်သားတစ်ပိဿာလျှင်(၂၃၀၀၀) ကျပ်၊ အမဲသားတစ်ပိဿာလျှင်(၂၅၀၀၀)ကျပ်၊ ဆိတ်သားတစ်ပိဿာလျှင်(၃၀၀၀၀)ကျပ်၊ ငါးမြစ်ချင်း တစ်ပိဿာလျှင်(၈၀၀၀)ကျပ်၊ ငါးကြင်းတစ်ပိဿာလျှင်(၉၀၀၀)ကျပ် စသည့်ဖြင့် လည်းကောင်း ဈေးနှုန်းအသီးသီးတို့ဖြင့် ရန်ကုန်တိုင်းဒေသကြီး ကော့မှူးမြို့နယ်၊ စည်ပင်သာယာမြို့မဈေးအတွင်း အရောင်းအဝယ်ဖြစ်လျှက်ရှိကြောင်း သိရပါသည်။

ယခင်အပတ်နှင့်ယခုအပတ်နှိုင်းယှဉ်ရာတွင် ဆန်ကြမ်း၊ ဆန်ချောဈေးနှုန်းနှင့် အသားငါး ဈေးနှုန်းများ၊ အခြေခံစားသောက်ကုန် ဈေးနှုန်း(ကုန်ခြောက်)များမှာ တည်ငြိမ်လျှက်ရှိပြီး  စားအုန်းဆီ ဈေးနှုန်းမှာ အနည်းငယ်မြင့်တက်သွားလျှက်ရှိကြောင်း သိရှိရသည်။

DOCA(ရန်ကုန်)