ပြည်တွင်းကုန်သွယ်မှုသတင်း

                စစ်ကိုင်းတိုင်းဒေသကြီး၊ မုံရွာမြို့၊ မြသလ္လာဈေးနှင့် သံလမ်းဈေးတို့တွင် မုံရွာမြို့နယ် အတွင်းရှိ ကျေးရွာများ၊ မြို့ပေါ်ရပ်ကွက်များနှင့် ဒေသအသီးသီးမှ သံပုရာသီးများ လာရောက် ရောင်းချသည့် အတွက် ဈေးကွက်အတွင်း အရောင်းအဝယ်ဖြစ်လျက်ရှိကြောင်း သိရှိရပါသည်။

          ဩဂုတ်လ တတိယပတ်တွင် မုံရွာမြို့ မြသလ္လာဈေး၊ သံလမ်းဈေးနှင့် ရပ်ကွက်ဈေးတို့၌ သံပုရာသီးဈေးနှုန်းမှာ အရွယ်အစား အကြီး/ အသေး  အပေါ်မူတည်၍ တစ်လုံးလျှင် (၁၀ဝိ/-)ကျပ်မှ (၁၅၀)ကျပ်ထိလည်းကောင်း၊ ရှောက်သီး(အသေး)(၁)လုံးလျှင် (၂၅၀)ကျပ်နှင့်  ရှောက်သီး (အသေး) (၁)လုံးလျှင်(၃၀၀)ကျပ်ထိ ရောင်းချလျက်ရှိရာ သံပုရာသီးသည် ကျန်းမာရေးအတွက် ကောင်းမွန်ပြီး သံပုရာယို၊ သံပုရာ ဖျော်ရည်နှင့် အသုပ်များတွင် ထည့်သွင်း စားသုံးရပြီး ရှောက်သီးမှာ ဆေးဖော်စပ် ရာတွင်လည်း အသုံးပြုကြသည့်အတွက် အရောင်းအဝယ်ဖြစ်လျက်ရှိကြောင်း ကုန်စိမ်းရောင်းသူများ ထံမှ သိရှိရပါသည်။

DOCA (စစ်ကိုင်း)

   မန္တလေးတိုင်းဒေသကြီး၊ မိတ္ထီလာခရိုင်၊ သာစည်မြို့နယ်ရှိ ကျေးရွာများသည် စိုက်ပျိုးရေးလုပ်ငန်းကို အဓိကထားလုပ်ကိုင်ကြပြီး သီးနှံမျိုးစုံ စိုက်ပျိုးလျက်ရှိရာ ၂၀၂၅-၂၀၂၆ခုနှစ် မိုးနေကြာ (၅၈၃)ဧကကို ဇွန်နှင့်ဇူလိုင်လတို့တွင် စတင်စိုက်ပျိုးခဲ့ကြကြောင်း၊ ၂၀၂၅ ခုနှစ်၊ စက်တင်ဘာ၊ အောက်တိုဘာလတွင် ရိတ်သိမ်းရမည်ကြောင်း ၊ ယခင်နှစ်အထွက်နှုန်းအနေဖြင့် တစ်ဧကလျှင် (၁၅) တင်းခန့် ထွက်ရှိခဲ့ ကြောင်း၊ ယခုနှစ်ပန်းတိုင်အထွက်နှုန်းမှာ တစ်ဧကလျှင် (၅၀) တင်း မျှော်မှန်းထားသော်လည်း ရာသီဥတုနှင့်စိုက်ပျိုးနည်းစနစ် အပေါ်မူတည်၍ ကွဲပြားမှုများရှိကြောင်း သိရှိရပါသည်။

  လက်ရှိပေါက်ဈေးအနေဖြင့် နေကြာစေ့တစ်ပိဿာလျင် (၅၀၀၀)ကျပ်၊ နေကြာဆီတစ်ပိဿာ လျင် (၁၈၀၀၀- ၁၉၀၀၀) ကျပ် ၊ နေကြာဖတ် တစ်ပိဿာလျင် (၁၀၀၀) ကျပ်၊ ဈေးပေါက်လျက်ရှိ ကြောင်း၊ တောင်သူများအနေဖြင့် နေကြာကို ဆီကြိတ်စာသုံးရန်အတွက်သာ စိုက်ပျိုးပြီး ရောင်းချမှု နည်းပါးကြောင်း သိရှိရပါသည်။

DOCA(မန္တလေး)

   သာစည်မြို့နယ်ရှိ လယ်ယာထွက်ကုန်သီးနှံများအပြင် သစ်သီးဝလံတစ်မျိုးဖြစ်သည့် သင်္ဘောသီးကိုလည်း တစ်နိုင်တစ်ပိုင် စိုက်ပျိုးရာမှ စီးပွားဖြစ် ဧကအလိုက် စိုက်ပျိုးကြောင်းသိရသည်။

          သင်္ဘောသီးကို အိမ်ခြံဝန်းအတွင်း တစ်နိုင်တစ်ပိုင် စိုက်ပျိုးကြသကဲ့သို့ စီးပွားဖြစ် ဧကအလိုက် စိုက်ပျိုးရာတွင် တပေါင်း၊ တန်ခူးလများ၌  ပျိုးထောင်ခဲ့ပြီး (ကဆုန်လ)မှာတော့ စိုက်ခင်း အတွင်း ပြောင်းရွှေ့ စိုက်ပျိုးကြပါသည်။ သင်္ဘောပင်စိုက်ပျိုးရာတွင် မျိုး၊ သွင်းအားစု၊ လုပ်သားခအပါအဝင် တစ်ဧက ကုန်ကျစရိတ် စုစုပေါင်း ကုန်ကျစရိတ် သိန်း (၃၀) ခန့် ကုန်ကျကြောင်း ၊ တစ်ဧကလျှင် သင်္ဘောအပင်(၇၀၀)ခန့်ဆံ့ပြီး တစ်ဧကအထွက်နှုန်းမှာ အလုံး(၆၀၀၀) ဝန်းကျင်ခန့် ထွက်ရှိကြောင်း၊ စိုက်ပျိုးပြီးအပင်သက်တမ်း (၆)လ အကြာမှာ အသီးခူးဆွတ် နိုင်ကာ အသီးခူးဆွတ်နိုင်သည့် ကာလမှာလည်း (၆)လအထိ ခူးဆွတ်နိုင်ပါကြောင်း၊ ယခုနှစ် ဩဂုတ်လမှာ အပွင့်ပွင့်ချိန်ဖြစ်ပြီး အချို့အပင်များမှာ အသီးအကင်းများဝင်နေပြီ ဖြစ်ပါသည်။ ယခုနှစ် မိုးကောင်း သည့်အတွက် အပင်များ ဖြစ်ထွန်းမှုပိုပြီး အသီးသီးအား ကောင်းလာမည်ဟု မျှော်မှန်းထားကြသဖြင့် အထွက်နှုန်းပိုမို ကောင်းမွန်နိုင်ကြောင်း၊ ဈေးကွက်အနေဖြင့် ပွဲစားများမှ ရွာအရောက် ခြံတွင်ဝယ်ယူကြကြောင်း၊ အချို့ မှာမြို့ပေါ်သို့ ကိုယ်တိုင်သွားရောက် ရောင်းချကြကြောင်း၊ တစ်လုံးလျှင် အလုံး အကြီး/အသေး ပေါ်မူ တည်၍ (၂၀၀၀-၂၅၀၀) ဖြင့် ရောင်းချရသဖြင့် သင်္ဘောစိုက်တောင်သူများ အကျိုးအမြတ်များစွာရရှိ ကြောင်း သိရှိရပါသည်။

DOCA(မန္တလေး)

   ရမည်းသင်းမြို့နယ်ရှိ ဝါဈေးကွက်၌ ဇူလိုင်လကုန်ပိုင်းမှစ၍ ဝါသီးနှံအသစ်များဝင်ရောက်လာရာ ဝါအသစ်တစ်ပိဿာလျှင် (၃၅၀၀-၄၀၀၀) ကျပ်ထိ ဈေးနှုန်းများနှင့် အရောင်းအဝယ်ဖြစ်ကြောင်း သိရ သည်။ ရမည်းသင်းမြို့ပေါ်တွင် ဝါသီးနှံများဝယ်ယူကာ ဝါသီးနှံအတိုင်းအရောင်းအဝယ်ပြုလုပ်ခြင်း၊ဂွမ်း စက်ဖြင့် ဂွမ်းပြုလုပ်၍ မန္တလေးမြို့ရှိ ဝါဂွမ်းကုန်သည်၊ ချည်မျှင်စက်များသို့ ရောင်းချခြင်း၊ နိုင်ငံပိုင် ချည် စက်များသို့ စာချုပ်၍ပေးသွင်းခြင်းများ ဆောင်ရွက်သူလုပ်ငန်းရှင် ( ၃ / ၄) ဦးရှိပြီး ၊ ၎င်းလုပ်ငန်းများမှ နှစ်စဉ် အရောင်းအဝယ်ပြုလုပ်ကြပါသည်။ ဈေးကွက်သို့ လက်ရှိကာလတွင် ဝင်ရောက်လာသော ဝါမှာ မိုးကြိုဝါဖြစ်ပြီး၊ မိုးကြိုဝါမှာ ဇူလိုင်လ၊ ဩဂုတ်လများ၌ ဈေးကွက်သို့ ဝင်ရောက်လေ့ရှိပါသည်၊ ယခုနှစ် မိုးကြိုဝါမှာ တစ်ပိဿာလျှင် (၃၅၀၀-၄၀၀၀) ကျပ် ရှိပြီး၊ ပြီးခဲ့သည့် နှစ်ဝါသီးနှံပေါ်ချိန်ကာလတူက တစ်ပိဿာ (၃၃၀၀) ကျပ် ရှိခဲ့ပါသည်။ ယခုအခါ ဝါ၊ဂွမ်းဈေးကွက်၌ ဂွမ်းဈေးမှာ  အရည်အသွေးပေါ် မူတည်ပြီး တစ်ပိဿာ (၈၀၀၀-၁၀၀၀၀) ကျပ် ဈေးဖြင့် ရောင်းချရကြောင်း ဝါ၊ ဂွမ်း ကုန်သည်များထံမှ သိရသည်။

DOCA(မန္တလေး)

         စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ မြေထောက်ပဲစိုက်ပျိုးမှုမရှိကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် မြေထောက်ပဲများ ကိုရွှေဘိုမြို့တွင်းရှိ ပွဲရုံများမှ ဝယ်ယူရောင်းချကြောင်း၊ မြေထောက်ပဲမှာ အဖြူရောင်နှင့် အညိုရောင်ဟူ၍ နှစ်မျိုးရှိကြောင်း၊ ရွှေဘိုမြို့ဈေးကွက်အတွင်း ဩဂုတ်လ၊ ဒုတိယအပတ်တွင်ရောင်းချသည့် မြေထောက်ပဲ (ဖြူ)ဈေးနှုန်းမှာ (၁)ပြည်လျှင်(၈၆၀ဝိ/-)ကျပ်နှင့် တစ်တင်းလျှင်(၁၃၇၆၀ဝိ/-) ကျပ်ဖြစ်ကြောင်း၊ ယခင် အပတ်နှင့်ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ မြေထောက်ပဲ (ဖြူ)(၁)ပြည်လျှင် (၈၆၀ဝိ/-)ကျပ်ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီကြောင်း၊ မြေထောက်ပဲ(ညို)(၁)ပြည် လျှင်(၇၀၀ဝိ/-)ကျပ်နှင့် တစ်တင်းလျှင်(၁၁၂၀၀ဝိ/-)ကျပ်ဖြစ်ကြောင်း၊ ယခင်အပတ်နှင့်ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ မြေထောက်ပဲ(ညို)(၁)ပြည်လျှင် (၇၀၀ဝိ/-)ကျပ် ပေါက်ဈေး ရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့် သူများ၊ ပဲပြုတ်ရောင်းချသူများ၊ အလှူမင်္ဂလာပွဲလမ်းဆောင်ရွက်မည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA (စစ်ကိုင်း)