ပြည်တွင်းကုန်သွယ်မှုသတင်း

     ပြည်ကြက်သွန်နီဈေးကွက်အတွင်း ၂၀၂၅ ခုနှစ်၊ အောက်တိုဘာလသည် ကထိန်ရာသီ ဖြစ်သည့်အတွက် ကြက်သွန်နီအရောင်းအဝယ်သွက်လျက်ရှိပါသည်။ပြည်ပွဲရုံများသို့ အောင်လံ မြို့နယ်၊ ဆိပ်ဖြူမြို့နယ်နှင့် ကျောက်ပန်းတောင်းမြို့နယ်ဘက်မှ ကြက်သွန်နီများ တစ်ရက်လျှင် ပိသာချိန် တစ်သောင်းခွဲခန့် အဝင်ရှိနေကြောင်းသိရပြီး အောင်လံဘက်မှ ကြက်သွန်နီမှ ဈေးချိုသဖြင့် ပိုမိုအရောင်းသွက်လျက်ရှိသည်။ ပြည်ဈေးကွက်မှ တစ်ဆင့် ပန်းတောင်းနှင့် ဥသျှစ်ပင်၊ နတ်တလင်းခရိုင်၊ သာယာဝတီခရိုင်နှင့် ပေါက်ခေါင်းနယ်ဘက်တို့မှ ဝယ်ယူမှုများရှိနေပြီး ဒေသတွင်း ပုံမှန်ဝယ်လက်များ၊ အိတ်ဆွဲဝဘ်ရောင်းသမားများနှင့် အရောင်းအဝယ်ဖြစ်လျက်ရှိရာ ဝင်ရောက်မှု ၏ သုံးပုံနှစ်ပုံအရောင်းအဝယ်ဖြစ်လျက်ရှိနေသည်။ ဈေးနှုန်းမှာ အောင်လံနယ်ဘက်မှ ကြက်သွန်နီ မှာ အရည်အသွေးပိုင်း အနည်းငယ်အားနည်းသဖြင့် တစ်ပိဿာလျှင် ပွဲရုံလက်ကားဈေးမှာ ကျပ် ၁၀၀၀ - ၁၂၀၀ နှုန်းခန့်ရှိပြီး ကျန်အမျိုးအစားကြက်သွန်နီမှာ ပွဲရုံလက်ကားဈေးတစ်ပိဿာလျှင် ကြီး/ လတ်/ သေးကျပ် ၁၆၀၀/၁၅၀၀-၁၄၀၀/၁၃၀၀ နှုန်းတို့နှင့် လက်လီဈေးအသေးများတွင် ကျပ် ၂၀၀၀-၁၉၀၀-၁၈၀၀-၁၇၀၀နှုန်းတို့ဖြင့် အသီးသီးရောင်းဝယ်လျက်ရှိကြောင်း သိရပါသည်။

DOCA(ပဲခူး)

            တောင်ငူမြို့နယ်အတွင်းရှိ ညောင်ပင်လေးဈေးတွင် ဟင်းသီးဟင်းရွက်များနှင့် အသားငါးများ ရောင်းချလျက်ရှိရာ ကန်စွန်းရွက် ၁ စည်းလျှင် ၂၀၀ ကျပ် ၊ ၃ စီးလျှင် ၅၀၀ ကျပ် ဈေးနှုန်းရှိပြီး ၁၀ စည်းနှင့်အထက် ဝယ်ယူပါက ဖောက်သည်ဈေးတစ်မျိုးဖြစ်ပြီး ဟင်းနုနွယ်ရွက်မှာ ၁ စည်းလျှင် ၃၀၀ ကျပ်၊ ၃ စည်းလျှင် ၈၀၀ ကျပ်၊ ၁၀ စည်းလျှင် ၂၅၀၀ ကျပ်ဈေးနှုန်းအသီးသီးရှိပြီး ချဉ်ပေါင်ရွက်မှာ ၁ စည်းလျှင် ၁၅၀ ကျပ်၊ ၃ စည်းလျှင် ၄၀၀ ကျပ် ၊ ၁၀ စည်းလျှင် ၁၂၀၀ ကျပ်အထိ    ဈေးနှုန်းရှိပြီး သခွါးသီး ၂၅ ကျပ်သားလျှင် ၅၀၀ ကျပ် ၊ ၁ ပိဿာလျှင် ၂၀၀၀ ကျပ်၊ ရုံပတီးသီး ၂၅ ကျပ်သားလျှင် ၅၀၀ ကျပ် ၊ ၁ ပိဿာလျှင် ၂၀၀၀ ကျပ်ဈေးနှုန်း ရှိပြီး သခွားသီးနှင့် ရုံပတီးသီး ၃ ပိဿာနှင့်ဝယ်ယူပါက ဈေးနှုန်းအပြောင်းအလဲရှိပြီး ပဲတောင့်ရှည်သီးမှာ ၁၅ တောင့်ပါ အစည်း ၁ စည်းလျှင် ၈၀၀ ကျပ် ၊ ၂ စည်းလျှင် ၁၅၀၀ ကျပ် ၊ ၇၅ တောင့်ပါ၁ ထုံးလျှင် ၄၀၀၀ ကျပ်၊ ဂေါ်ရခါးသီးမှာ အသေးအကြီး ပေါ်မူတည်ပြီး ၁ လုံးလျှင် ၂၀၀ ကျပ် မှ ၃၅၀ ကျပ် ၊၁၀ လုံးနှင့် အထက်ဝယ်ယူပါက ဈေးနှုန်းအပြောင်းအလဲရှိပြီး ဂေါ်ရခါးညွန့်၁ စည်းလျှင် ၁၃၀၀ ကျပ် ၊ ၂ စည်းလျှင်၂၅၀၀ ကျပ်အထိ ဈေးနှုန်းရှိကြောင်း ရောင်းချသည့်ဈေးသည်များထံမှ သိရှိရပါသည်။

DOCA(ပဲခူး)

  တောင်ငူမြို့နယ်အတွင်းရှိ ညောင်ပင်လေးဈေးထဲသို့ ရှမ်းပြည်နယ်ဘက်မှ ဟင်းသီးဟင်းရွက် အသီးအနှံများဝင်ရောက်လာကြပြီး အောက်တိုဘာလ (ဒုတိယအပါတ်)တွင် ဂေါ်ဖီထုပ် ၁ ပိဿာလျှင် ၄၀၀၀ ကျပ်ရှိပြီး ယခုအောက်တိုဘာလ (စတုတ္တအပါတ်)တွင် ဂေါ်ဖီဈေးနှုန်းမှာ (၁) ပိဿာလျှင် ၁၈၀၀ ကျပ်မှ ၂၀၀၀ ကျပ်အထိဈေးနှုန်းကျဆင်းလာပြီး ခရမ်းချဉ်သီးမှာ အောက်တိုဘာလ (ဒုတိယအပါတ်) တွင် ၁ပိဿာလျှင် ၁၈၀၀ ကျပ် မှ ၃၀၀၀ ကျပ်ရှိပြီး ယခုအောက်တိုဘာလ (စတုတ္တအပါတ်)တွင် ခရမ်းချဉ်သီးဈေးနှုန်းမှာ ၁ပိဿာလျှင် ၁၅၀၀ ကျပ် မှ ၂၅၀၀ ကျပ်အထိ ဈေးနှုန်း ကျဆင်းလာပြီး ဗမာ ခရမ်းချဉ်သီး ၁ ပိဿာလျှင် ၃၀၀၀ ကျပ်မှ ၃၅၀၀ ကျပ်အထိ ဈေးနှုန်းရှိပြီး ဈေးနှုန်းတည်ငြိမ်လျက်ရှိ ပါသည်။ နံနံပင်မှာ အောက်တိုဘာလ (ဒုတိယအပါတ်)တွင် ၁၀ ကျပ်သား လျှင် ၁၂၀၀ ကျပ် ၊ ၁ ပိဿာလျှင် ၁၀၀၀၀ ကျပ်မှ ၁၁၀၀၀ ကျပ်အထိဈေးနှုန်းရှိသော်လည်း ယခု အောက်တိုဘာလ (စတုတ္တအပါတ်)တွင် နံနံပင် ၁၀ ကျပ်သားလျှင် ၂၂၀၀ ကျပ်ဈေးနှုန်းရှိပြီး ၁ ပိဿာ လျှင် ၂၀၀၀၀ ကျပ်မှ ၂၁၀၀၀ ကျပ်အထိဈေးနှုန်းမြင့်တက်သွားသော်လည်း  ရောင်းချသည့်ဈေးသည် များထံမှ သိရှိရပါသည်။

DOCA(ပဲခူး)

          တောင်ငူမြို့နယ်အတွင်းရှိ ညောင်ပင်လေးဈေးသို့ တောင်ငူမြို့နယ် အနီးတစ်ဝိုက်မှ ကျေးရွာများဖြစ်သော  ဆိတ်ဖူးတောင်၊ ရှမ်းဝတီးတို့မှ ဒေသခံတောင်သူများက ကန်စွန်းဥနှင့် ပိန်းဥများ ကိုယ်တိုင် လာရောက်ရောင်းချလျက်ရှိပါသည်။ ကန်စွန်းဥကိုပြုတ်စား၍ သော်လည်းကောင်း၊ မီးဖုတ်၍သော်လည်းကောင်း၊ ကန်စွန်းဥဆနွင်းမကင်းပြုလုပ်ရာတွင် လည်းကောင်း၊ ကန်စွန်းဥသာကူကြိုချက်စားရာ တွင်လည်းကောင်း အမျိုးမျိုးပြုလုပ် စားသုံးကြ ပါသည်။ ကန်စွန်းဥသည် အရွယ်အစားအလိုက်ဈေးနှုန်း ကွာခြားမှုရှိပြီး ကန်စွန်းဥရွှေဝါအသေး (၁) ပိဿာလျှင် ၂၀၀၀ ကျပ်၊ အလတ်(၁) ပိဿာလျှင် ၂၅၀၀ ကျပ်၊ အကြီး (၁) ပိဿာလျှင် ၃၅၀၀ ကျပ်ရှိပြီး ရှမ်းပြည်ဒေသမှလာသော ကန်စွန်းဥငချိတ်သည် အလုံး သေး (၁) ပိဿာလျှင် ၃၀၀၀ ကျပ်၊ အလတ်(၁) ပိဿာလျှင် ၃၅၀၀ ကျပ်၊ အကြီး (၁) ပိဿာလျှင် ၄၀၀၀ ကျပ်ရှိပြီး ပိန်းဥ (၁) ပိဿာလျှင် ၂၅၀၀ ကျပ်မှ ၃၀၀၀ ကျပ်အထိဈေးနှုန်းရှိပြီး ချက်စားသည့် ပိန်းဥ (၁) ပိဿာလျှင် ၃၅၀၀ ကျပ် မှ ၄၀၀၀ ကျပ်အထိရောင်းချလျက်ရှိကြောင်း သိရသည်။

DOCA(ပဲခူး)

          တောင်ငူမြို့နယ်အတွင်းရှိ ညောင်ပင်လေးဈေးသို့ တောင်ပေါ်ဒေသဖြစ်သော ရှမ်းပြည်နယ် နှင့်တောင်ငူမြို့နယ်အနီးတစ်ဝိုက်မြို့များမှ ဒေသထွက်သီးနှံများ တင်ပို့ရောင်းချလျက် ရှိရာ ယခုအခါ ရှမ်းပြည်နယ်မှတင်ပို့သောဒညင်းသီးများ ဈေးကွက်အတွင်း အရောင်းအဝယ်ဖြစ်လျက်ရှိပါသည်။ ဒညင်းသီးကို ပြုတ်စားခြင်း၊ ချက်စားခြင်း၊ မီးကင်စားခြင်း၊ ဆားရည်စိမ်ခြင်း စသည်ဖြင့် နှစ်သက်ရာ စားသုံးကြပါသည်။

         ဒညင်းသီးကို အဆိပ်သီးဟုခေါ်ဆိုသော်လည်း စားသုံးမှုများသောကြောင့် အရောင်းအဝယ် သွက်လျက်ရှိကြောင်း ရောင်းချသည့်ဈေးသည်များထံမှ သိရှိရပြီး ဒညင်းသီးကို အလုံးအရွယ် အစားပေါ်မူတည်၍ အသေး ၊ အလတ်၊ အကြီးဟူ၍ သုံးမျိုးခွဲထားပြီး ဈေးနှုန်းမှာ အနည်းငယ်ကွာခြားလျက် ရှိပါသည်။ အသေး (၁၀) လုံးလျှင် ၁၀၀၀ ကျပ်၊ အလတ် (၁၀) လုံးလျှင် ၁၂၀၀ ကျပ်၊ အကြီး (၁၀) လုံးလျှင် ၁၅၀၀ ကျပ်ရှိပြီး အလုံး (၁၀၀) နှင့်အထက်ဝယ်ယူပါက ဈေးနှုန်းအပြောင်းအလဲရှိပြီး ရှမ်းပြည်ဒေသထွက်ဒညင်းသီးမှာ သံတောင်ဒညင်းသီးထက် ပိုစည်းပြီးပြုတ်၍ချက်စားရာတွင် ပိုမိုကောင်းမွန်ပြီး ဆားရည်စိမ်ရာတွင်လည်း အသီးမှာ ပိုမာပြီးကျွတ်သဖြင့် ထမင်းဆိုင်များမှအများဆုံး ဝယ်ယူပြီး ဆားရည်စိမ်ခြင်းအတွက် အသုံးပြု ကြောင်းသိရှိရပါသည်။

DOCA(ပဲခူး)