ပြည်တွင်းကုန်သွယ်မှုသတင်း

   ဝါတွင်းကာလအတွင်း မန္တလေးပန်းစျေးကွက်သို့  မန္တလေးတိုင်းဒေသကြီးရှိ အမရပူရခရိုင်၊ ပြင်ဦးလွင်ခရိုင်၊ ကျောက်ဆည်ခရိုင်၊ မိတ္တီလာခရိုင်နှင့် မြင်းခြံခရိုင်တို့မှထွက်သည့်ပန်းများ၊ စစ်ကိုင်း တိုင်းဒေသကြီးနှင့် ရှမ်းပြည်နယ်၊တောင်ကြီးဒေသတို့မှ ထွက်ရှိသည့်ဂန္ဓာမာပန်းများ ဝင် ရောက် လှျက်ရှိပြီး၊ အရောင်းသွက်လျက်ရှိကြောင်းသိရှိရပါသည်။ စျေးကွက်အတွင်း အများဆုံးတွေ့ရသော ဂန္ဓမာပန်းအမည်များမှာ ဆန်းမားဖြူ၊ ဆန်းမားဝါ၊ လပ်ကီးဖြူ၊လပ်ကီးဝါ၊လပ်ကီးနီ၊ ရွှေစိမ်း၊ ကီလို၊ ကြွေဖြူ၊ကြွေဝါ၊ချက်စိမ်း၊ပုလဲဖြူစသည်ဖြင့် အမျိုးမျိုးတွေ့ရှိရပါသည်။၂၀၂၅ ခုနှစ် အောက်တိုဘာလ ဒုတိယပတ်အတွင်း လက်လီစျေးအနေဖြင့် ဂန္ဓာမာပန်းကြွေဖြူ တစ်ရိုး တစ်ပွင့် (၁၀ခက်ပါ) တစ်စီးလျှင် ၄၀၀၀ ကျပ်နှင့် ၄၅၀၀ ကျပ်၊ ဆန်းမား၊ လပ်ကီး၊ ရွှေစိမ်း၊ ကီလို၊ ကြွေဖြူ၊ ကြွေဝါ၊ ချက်စိမ်းနှင့် ပုလဲဖြူ တစ်စီးလျှင် ၃၀၀၀ ကျပ်နှင့် ၃၅၀၀ကျပ်အသီးသီးဖြင့် ရောင်းချလျက်ရှိကြောင်း မန္တလေးမြို့၊ သိရီမာလာပန်းစျေးကွက်အတွင်းမှ သိရှိရပါသည်။

 DOCA(မန္တလေး)

   မန္တလေးပန်းစျေးကွက်သို့  မန္တလေးတိုင်းဒေသကြီးရှိ အမရပူရခရိုင်၊ ပြင်ဦးလွင်ခရိုင်၊ ကျောက်ဆည်ခရိုင်၊မိတ္တီလာခရိုင်နှင့်မြင်းခြံခရိုင်တို့မှထွက်သည့်ပန်းများ၊ စစ်ကိုင်းတိုင်းဒေသကြီးနှင့် ရှမ်းပြည်နယ်၊ တောင်ကြီးဒေသတို့မှ ထွက်ရှိသည့်မေမြို့ပန်းများ ဝင်ရောက်လျက်ရှိပြီး၊ စျေးနှုန်း ပြောင်းလဲမှုမရှိဘဲ စျေးငြိမ်လျှက် ရှိကြောင်းသိရှိရပါသည်။ ၂၀၂၅ ခုနှစ်အောက်တိုဘာလဒုတိယ ပတ်အတွင်း ဖြစ်ပေါ်သည့် စျေးနှုန်းများမှာ မေမြို့ပန်း လက္ကားစျေး (အစီးကြီး) ၁စီးလျှင် ၁၀၀၀၀ ကျပ်နှင့် ၁၂၀၀၀ ကျပ်၊ (အစီးသေး) ၁ စီးလျှင် ၂၀၀၀ကျပ်နှင့်၂၅၀၀ကျပ်စျေးတို့ဖြင့် ရောင်းချလျှက်ရှိ ကြောင်းသိရှိရပါသည်။မန္တလေးပန်းမျိုးစုံစျေးကွက်အတွင်း ဝါတွင်းကာလဘုရားပွဲနှင့် အလှူပွဲတော် များကျင်းပသည့်အချိန်ဖြစ်၍ မေမြို့ပန်းမှာ စျေးကွက်အတွင်း အရောင်းသွက်လျက်ရှိကြောင်း သိရှိ ရပါသည်။

DOCA(မန္တလေး)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ မြို့မဈေးတွင် အသင့်စားအ ကြော်အလှော်များကို ရောင်းချလျက်ရှိပါသည်။ အသင့်စားအကြော်အလှော်များကို မိသားစုတစ် နိုင်တစ်ပိုင်လုပ်ငန်းအဖြစ် ကြော်လှော်၍ ရောင်းချလျက်ရှိကြောင်း သိရသည်။

     အသင့်စားအကြော်အလှော်များသည်   အချိန်ကုန်သက်သာစေသော အစားအစာတစ်မျိုး ဖြစ်ပါသည်။ အသင့်စားအကြော်အလှော်များမှာ ငါးနီတူအစပ်ကြော်၊ ရွှေလရောင်အချိုကြော်၊ ရွှေလရောင်အစပ်ကြော်၊ အသားတုပဲငါးပိကြော်၊  လသာခြောက်အစပ်ကြော်၊ ပါလာချောင်ကြော် ဟူ၍ အမျိုးမျိုးရောင်းချလျက်ရှိကြောင်း၊ အသင့်စားအကြော်အလှော်များကို ကျောင်းသူ၊ကျောင်း သားများ၊ ရုံးသူရုံးသားများနှင့် အိမ်ရှင်မများမှ အများဆုံးဝယ်ယူကြကြောင်း၊ ၂၀၂၅ခုနှစ်၊ အောက် တိုဘာလ ဒုတိယပတ်အတွင်း အသင့်စားအကြော်အလှော် အမျိုးအစားအလိုက်ဈေးနှုန်း အနည်း ငယ်ကွာခြားကာ (၁၀)ကျပ်သားလျှင် (၃၀၀၀မှ၅၀၀၀)ကျပ်အထိ အရောင်းအဝယ်ဖြစ်လျက်ရှိကြောင်း၊လူကြီး လူငယ်မရွေး ကြိုက်နှစ်သက်သောကြောင့် ရောင်းအားကောင်းကြောင်း အကြော်အလှော်ရောင်းချသူထံမှ သတင်းရရှိပါသည်။   

DOCA(စစ်ကိုင်း)

          ပဲကြီးသီးနှံမှာ ပြည်တွင်း ၌စားသုံးမှုပမာဏများပြားပြီး၊ စျေးကွက်အတွင်း အရောင်းသွက် လျက်ရှိကြောင်း သိရပါသည်။  မန္တလေးတိုင်းဒေသကြီးအတွင်း  ၂၀၂၄-၂၀၂၅ခုနှစ်တွင်ပဲကြီး သီးနှံ အပါအဝင်  ပဲမျိုးစုံစိုက်ပျိုးမှု(၁၀၁၉၄၇၇)ဧကဖြစ်ကြောင်း သိရပါသည်။  မန္တလေးပွဲစား၊ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ခုနှစ်အောက်တိုဘာလပထမပတ်အတွင်းဖြစ်ပေါ် လျှက်ရှိသောစျေးမှာ၃တင်းဝင်တစ်အိတ်လျှင်ပဲကြီး(ကြီး)၄၂၀၀၀၀ကျပ်နှင့် ၄၃၀၀၀၀ကျပ်၊ ပဲကြီး (လတ်)၃၇၀၀၀၀ကျပ်နှင့်၄၀၀၀၀၀ကျပ်၊ပဲကြီး(သေး)၃၂၀၀၀၀ကျပ်နှင့်၃၃၀၀၀၀ကျပ်၊ တစ်ပိဿာ စျေးမှာပဲကြီး (ကြီး) ၇၆၀၂ကျပ်နှင့် ၇၇၈၃ ကျပ်၊ ပဲကြီး(လတ်)၆၆၉၇ကျပ်နှင့် ၇၂၄၀ကျပ်၊ ပဲကြီး (သေး)၅၇၉၂ကျပ်နှင့်၅၉၇၃ကျပ်ဖြစ်ပြီး၊ယခင်နှစ်ကာလတူတစ်ပိဿာစျေးမှာပဲကြီး(ကြီး)၅၀၆၈ကျပ်နှင့်၅၃၃၉ကျပ်၊ပဲကြီး(လတ်)၄၇၀၆ကျပ်နှင့်၄၇၉၆ကျပ်၊ ပဲကြီး(သေး) ၄၁၆၃ ကျပ်နှင့် ၄၂၅၃ကျပ် တို့ဖြစ်ကြောင်းသိရပါသည်။ယခုနှစ်နှင့် ယခင်နှစ်ကာလတူပေါက်စျေးနှိုင်းယှဉ်ပါက ပဲကြီးစျေးမှာ ပိုမိုရရှိကြောင်း သိရပါသည်။

DOCA (မန္တလေး)

     ကုလားပဲသီးနှံမှာ ပြည်တွင်း စားသုံးမှုများခြင်းနှင့် ပြည်ပတင်ပို့သည့် ပဲတစ်မျိုးဖြစ်ပြီး၊  မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ်တွင် ကုလားပဲစိုက်ပျိုးမှု (၂၃၇၇၄၇)ဧက ဖြစ် ကြောင်းသိရပါသည်။မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင် ၂၀၂၅ ခုနှစ် အောက်တိုဘာလပထမပတ်အတွင်း ဖြစ်ပေါ်လျက်ရှိသည့်အမျိုးအစားအလိုက် ပေါက်စျေးများ မှာ ၃တင်းဝင်တစ်အိတ်လျှင် ကုလားပဲ(V-2) ၂၄၅၀၀၀ကျပ်နှင့် ၂၄၇၀၀၀ကျပ်၊ ကုလားပဲ(V-7) ၂၂၈၀၀၀ ကျပ်နှင့်၂၃၀၀၀၀ကျပ်၊ကုလားပဲ (ထိုင်ဝမ်)၂၂၇၀၀၀ကျပ်နှင့်၂၂၈၀၀၀ကျပ်၊ ကုလားပဲ (929) ၂၃၃၀၀၀ ကျပ်နှင့် ၂၃၅၀၀၀ကျပ်၊ တစ်ပိဿာပေါက်စျေးမှာ ကုလားပဲ(V-2) ၄၂၇၉ကျပ်နှင့် ၄၃၁၄ကျပ်၊ ကုလားပဲ(V-7)၃၉၈၃ကျပ်နှင့် ၄၀၁၇ကျပ်၊ ကုလားပဲ(ထိုင်ဝမ်)၄၀၃၆ကျပ်နှင့် ၄၀၅၃ကျပ်၊ ကုလားပ ဲ(929)၄၁၄၂ကျပ်နှင့် ၄၂၇၈ကျပ် တို့ဖြစ်ပြီး၊ ယခင်နှစ်ကာလတူတစ်ပိဿာစျေးမှာ ကုလားပဲ(V-2) ၅၄၁၅ကျပ်၊ ကုလားပဲ (ထိုင်ဝမ်) ၄၃၅၆ကျပ်နှင့် ၅၀၆၇ ကျပ်၊ကုလားပဲ(929) ၅၁၇၃ ကျပ်နှင့် ၅၁၉၁ ကျပ်စျေးတို့ဖြစ်ပါသည်။ ယခုနှစ်နှင့်ယခင်နှစ်ကာလတူ ပေါက်စျေးနှိုင်းယှဉ်ပါက ကုလားပဲ စျေးမှာ အနည်းငယ်ကျဆင်းသွားကြောင်း သိရှိရပါ သည်။ 

DOCA (မန္တလေး)