စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည်(၉.၉.၂၀၂၅)ရက်နေ့ နံနက်(၁၁:၀၀)နာရီ အချိန်တွင် ဇလွန်မြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Centre)ခန်းမ၌ အွန်လိုင်းမှတ်ပုံတင်လျှောက်ထားခြင်းနှင့် စပ်လျဉ်း၍ အသိပညာပေး Talk Show အစီအစဉ်ကိုဆောင်ရွက်ခဲ့ပါသည်။

          အဆိုပါအစီအစဉ်တွင် မြို့နယ်တာဝန်ခံ ဦးသန့်ဇင်ဦးက စီးပွားရေးလုပ်ငန်းရှင်များသည် အွန်လိုင်းစနစ်ဖြင့် ရောင်းချခြင်းလုပ်ငန်း ဆောင်ရွက်ပါက အွန်လိုင်းစနစ်ဖြင့် ဦးစီးဌာနသို့ မှတ်ပုံတင် လက်မှတ်လျှောက်ထားရမည်ဖြစ်ကြောင်းရှင်းလင်းပြောကြားခဲ့ပါသည်။ ထိုသို့ပြောကြားရာတွင် မှတ်ပုံ တင် လက်မှတ်လျှောက်ထားသူသည် လူပုဂ္ဂိုလ်ဖြစ်ပါက ပြည်ထောင်စုသမ္မတမြန်မာနိုင်ငံတော်အတွင်း  အခြေချနေထိုင်လျက် ရှိပြီး အသက်(၁၈)နှစ် ပြည့်ပြီးသူဖြစ်ရမည်။ ထုတ်ပြန်ချက်ပါ သတ်မှတ်ချက်များ ကိုလိုက်နာနိုင်သူ၊လုပ်ငန်းလုပ်ကိုင်ဆောင်ရွက်မည့်နေရာကိုတင်ပြနိုင်သူ၊ အစိုးရအဖွဲ့အစည်း တရပ်ရပ် က အမည်ပျက်ကြေညာ ထားသော ပုဂ္ဂိုလ်များ မဖြစ်ရဟု ဖော်ပြထားပါသည်။ ကုမ္ပဏီ သို့မဟုတ် စီးပွားရေးအဖွဲ့အစည်းဖြစ်ပါက တည်ဆဲဥပဒေတစ်ရပ်ရပ်ဖြင့် ဖွဲ့စည်းတည်ထောင်ထားသော၊ ကိုယ်ပိုင် သတ်မှတ်ချက်ဖြင့် တရားဝင် ဝက်ဘ်ဆိုဒ်ရရှိထားပြီး  အွန်လိုင်းစနစ်ဖြင့် ရောင်းချခြင်းလုပ်ငန်း လုပ်ကိုင် ဆောင်ရွက်မည့်နေရာ တင်ပြနိုင်သော အဖွဲ့အစည်းဖြစ်ရပါမည်။ မှတ်ပုံတင်လက်မှတ်လျှောက်ထားရာ တွင် ကုမ္ပဏီ သို့မဟုတ်စီးပွားရေးအဖွဲ့အစည်း ဖြစ်ပါက အဖွဲ့အစည်းရှိ တာဝန်ခံပုဂ္ဂိုလ်၏ရောင်စုံဓါတ်ပုံ၊ လူပုဂ္ဂိုလ်ဖြစ်ပါက ယင်း ပုဂ္ဂိုလ်၏ ရောင်စုံဓါတ်ပုံ၊ နိုင်ငံသားစိစစ်ရေးကတ်ပြားမိတ္တူ၊ လုပ်ငန်းအမှန် တကယ် တည်ရှိကြောင်း သက်ဆိုင်ရာ အစိုးရဌာန၊ အစိုးရ အဖွဲ့အစည်း သို့မဟုတ် ရပ်ကွက်/ကျေးရွာ အုပ်ချုပ်ရေးမှူး၏ထောက်ခံချက်၊ အွန်လိုင်းစနစ်ဖြင့် ရောင်းချမည့် ကုန်စည် သို့မဟုတ် ဝန်ဆောင်မှု  အမျိုးအစားစာရင်း၊ အချက်အလက်နှင့် အာမခံချက်၊ ကုန်စည်နှင့် စပ်လျဉ်း၍ မည်သည့်နိုင်ငံမှ တင် သွင်းကြောင်း သို့မဟုတ် ပြည်တွင်း၌ထုတ်လုပ်ကြောင်း ဖော်ပြထားသည့် အချက်အလက်များ၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ သက်ဆိုင်ရာ အစိုးရဌာန၊ အစိုးရအဖွဲ့ အစည်းကခွင့်ပြု ထားသော အထောက်အထားများရှိပါက   ယင်းတို့နှင့်စပ်လျဉ်းသည့် အထောက်အထားများပါ ပူးတွဲတင်ပြ၍ အွန် လိုင်းမှတ်ပုံတင်လက်မှတ်လျှောက်ထားရမည်ဟု  ဖော်ပြထားကြောင်းအသိပညာပေးရှင်းလင်းခဲ့ပါသည်။

DOCA (ဧရာဝတီ)

     စစ်ကိုင်းတိုင်းဒေသကြီး၊ ကလေးခရိုင်အတွင်းရှိ၊ ကလေးမြို့၊ တာဟန်းရပ်ကွက်၌ သောက်ရေသန့်ထုတ်လုပ် ဖြန့်ဖြူးရောင်းချသည့် Happy Time သောက်ရေသန့်စက်ရုံများအား ( ၅.၉.၂၀၂၅ ) ရက်နေ့တွင် မိတ်ဖက်ဌာနများနှင့် ပူးပေါင်း၍ ကွင်းဆင်းစစ်ဆေးခဲ့ကြောင်း သိရှိရပါသည်။

     ထိုသို့စစ်ဆေးရာတွင် ကလေးမြို့၊ တာဟန်းရပ်ကွက်အတွင်းရှိ Happy Time သောက်ရေသန့် စက်ရုံအား သောက်ရေသန့်ထုတ်လုပ်ရာတွင် သောက်ရေသန့်ဗူးများတွင် ကပ်နှိပ်ထားသည့် ကုန်အညွှန်းအမှတ်အသားများသည် ( ၂/၂၀၁၉ ) နှင့် ကိုက်ညီမှုရှိသည်ကို စစ်ဆေးတွေ့ရှိရပြီး၊ စက်ရုံအတွင်း စနစ်တကျဖြင့် လုပ်ကိုင်လျက်ရှိသည်ကို စစ်ဆေးတွေ့ရှိရပါသည်။ ကျန်းမာရေးနှင့် ညီညွတ်မှု ရှိ/မရှိ၊ သန့်ရှင်းသပ်ရပ်မှု ရှိ/မရှိ၊ သက်ဆိုင်ရာ ဌာနများ၏ ထောက်ခံချက်နှင့် လိုင်စင်သက်တမ်းတိုးလျှောက်ထားမှုများ ရှိ/မရှိ စစ်ဆေးခဲ့ကြောင်း သိရှိရပါသည်။

DOCA(စစ်ကိုင်း)

     ( ၄.၉.၂၀၂၅ ) ရက်နေ့တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကလေးခရိုင်ဦးစီးမှူးရုံးနယ်မြေအတွင်းရှိ ကလေးဝမြို့၊ အမှတ် ( ၂ ) ရပ်ကွက်အတွင်းရှိ အသင့်စားခေါက်ဆွဲအမျိုးမျိုး ရောင်းချသည့် ကုန်စုံဆိုင်များအား ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

     ကလေးဝမြို့ပေါ်တွင် ရောင်းချနေသည့် အသင့်စားခေါက်ဆွဲ အမျိုးမျိုးတွင် မြန်မာဘာသာဖြင့် ကုန်အညွှန်းအမှတ်အသားများ ပြည့်စုံစွာဖော်ပြထားခြင်း ခြင်း/မရှိနှင့် သက်တမ်းလွန် အသင့်စားခေါက်ဆွဲခြောက်များ ရောင်းချခြင်း ရှိ/မရှိ စစ်ဆေးခဲ့ကြကြောင်း သိရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊   ခရိုင်ပတ်ဝန်းကျင်ထိန်းသိမ်းရေးဦးစီးဌာနမှ ခရိုင်ဦးစီးမှူးနှင့် ဝန်ထမ်းများ သည် ၂၀၂၅ခုနှစ် ၊ စက်တင်ဘာလ (၅) ရက်နေ့၊ နေ့လယ် (၁၃:၀၀)နာရီ အချိန်တွင် မုံရွာမြို့၊ စားသုံးသူရေးရာဦးစီးဌာန၊ ခရိုင်ဦးစီးမှူးရုံးသို့လာရောက်၍ အမှိုက်အမျိုးအစားခွဲခြားစွန့်ပစ်ခြင်းနှင့် လက်တွေ့သရုပ်ပြခြင်းဆိုင်ရာ အသိပညာ ပေးဟောပြောပွဲကို ကျင်းပခဲ့ပါသည်။  အဆိုပါဟောပြောပွဲတွင် ခရိုင်ဦးစီးမှူးရုံးမှ   အမှိုက်များကိုစွန့်ပစ်ရာတွင် အမှိုက်စို၊ အမှိုက်ခြောက်၊ ပလတ်စတစ်အမှိုက်၊ ဘေးအန္တရယ်ရှိသောအမှိုက်ဟူ၍(၄)မျိုးခွဲခြားစွန့်ပစ်ရန်လိုကျောင်း၊ အမှိုက်ပုံးများကိုလည်း သိသာထင်ရှားသည့်နေရာတွင် စာများကပ်ထားရန်လိုကြောင်းနှင့် အမှိုက်စိုဆိုသည်မှာ အခြေခံအားဖြင့် အစားအသောက်ပစ္စည်း၊ ညစ်ညမ်းစေသည့် အစားအစာထုပ်ပိုးမှု၊ တစ်ကိုယ်ရေသန့်ရှင်းမှု ထုတ်ကုန်စည်သည်တိုပါဝင်ကြောင်း၊ အမှိုက်ခြောက်တွင် ပြန်လည်ထုတ်ပိုးအသုံးပြုနိုင်သောပစ္စည်းနှင့် ပြန်လည် အသုံးမပြုနိုင်သောပစ္စည်းများပါဝင်ကြောင်း၊ ပလက်စတစ်အမှိုက်ဆိုသည်မှာ ပလတ်စတစ်ဖြင့်ပြုလုပ်ထားသော အမှိုက်များပါဝင်ကြောင်း၊ ဘေးအန္တရယ်ရှိသောအမှိုက်တွင် ခြင်းဆေးဘူးများ၊ ပိုးသတ်ဆေးဘူးများ၊ သက်တမ်းလွန် နေသည့် အစားအစာများ၊ ဆေးဝါးများစသည်တို့ ပါဝင်ကြောင်းနှင့် ထိုသို့အမှိုက်အမျိုးအစားများ ခွဲခြား စွန့်ပစ်ခြင်းအားဖြင့် မိမိပတ်ဝန်းကျင်သန့်ရှင်ရုံသမက ကျန်းမာရေးကိုလည်းအထောက်အကူပြုကြောင်း  အသိပညာ ပေးဟောပြောခဲ့ကြောင်း သတင်းရရှိပါသည်။

DOCA(စစ်ကိုင်း)

           စားသုံးသူရေးရာဦးစီးဌာန၊ အရှေ့ပိုင်းခရိုင်စားသုံးသူရေးရာဦးစီးဌာနမှ ဦးမင်းမင်းစိုး (ဌာ နခွဲစာရေး)သည် (၈.၉.၂၀၂၅)ရက်နေ့တွင် မင်္ဂလာတောင်ညွန်မြို့နယ်၊ ရွှေပြည်စုံဈေးရှိ သစ်ခွဆေးဆိုင်နှင့် KK ဆိုင်များသို့သွားရောက်၍ ဆေးဆိုင်အတွင်းရှိဆေးဝါးများ အခြေအနေအား စစ်ဆေးမေးမြန်းမှုများ ပြုလုပ်ခဲ့ကြောင်း သိရှိရပါသည်။

          ထိုသို့စစ်ဆေးမေးမြန်းရာတွင် လူသုံးများသောဆေးဝါးများနှင့်  ရောင်းချနေသော ဆေးဝါးများ၏ဈေးနှုန်းများ အတက်အကျရှိ/ မရှိ၊ ယခင်လဈေးနှုန်း၊ ယခုလဈေးနှုန်းများ၏ဈေးနှုန်း ကွာခြားမှုရှိ/ မရှိ၊  ဈေးကွက်များအတွင်း ဆေးနှင့်ဆေးပစ္စည်းများ ပြတ်လပ်မှုရှိ/ မရှိတို့ကိုကိုစစ်ဆေးခဲ့ပြီး ဆေးဝါးများကို အမြတ်ရာခိုင်နှုန်းများစွာတင်၍ ရောင်းချခြင်းမပြုလုပ်ဘဲ ဈေးနှုန်းမှန်ကန်စွာရောင်းချကြရန်နှင့် ဖြစ်သင့်ဖြစ်ထိုက်သည့်‌ ဈေးနှုန်းထက် ဈေးနှုန်းမြှင့်တင်ရောင်းချမှုကို စစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပညာပေးပြောကြားခဲ့ကြောင်း သတင်းရရှိပါသည်။

DOCA (ရန်ကုန်)