သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၄)ဦးတို့ သည် (၂၉.၉.၂၀၂၅)ရက်နေ့ (၁၂:၀၀)နာရီအချိန်တွင် လှိုင်မြို့နယ်ရှိ ဆက်သွယ်ရေးဝန်ဆောင်မှု လုပ်ငန်းတစ်ခုဖြစ်သော Southeastasianet technologies myanmar Co.,Ltd ဆက်သွယ်ရေး ဝန်ဆောင်လုပ်ငန်းအား ကွင်းဆင်း၍ အသိပညာပေးဆောင်ရွက်ခဲ့ပါသည်။

    ဒေါ်နီလာဝင်း၊ ဦးစီးမှူးမှ ဆွေးနွေးရာတွင် စားသုံးသူကာကွယ်ရေးဥပဒေတွင် ဝန်ဆောင်မှု ဆိုသည်မှာ လုပ်ငန်း(သို့မဟုတ်)ဝန်ဆောင်မှုအသွင်ဖြင့် စားသုံးသူ၏လိုအပ်ချက်ကို တန်ဖိုးဖြင့် ဖြစ်စေ၊ တန်ဖိုးမပါဘဲဖြစ်စေ ဖြည့်ဆည်းပေးသည့်ဆောင်ရွက်မှုကို ခေါ်ဆိုတာဖြစ်ကြောင်း၊ ဝန်ဆောင်မှုလုပ် ငန်းများ၏ အာမခံချက်နှင့်စပ်လျဉ်း၍ စားသုံးသူက တောင်းဆိုနိုင်သည့် အခွင့်အရေးများအပေါ် အာမခံချက်ပေးထားသည့်ကာလအတိုင်း ဝန်ဆောင်မှုပေးရန် ပျက်ကွက် လျှင် ဝန်ဆောင်မှုပေးရန် ပျက်ကွက်ခဲ့မှုကြောင့် နစ်နာဆုံးရှုံးမှုများဖြစ်ခဲ့လျှင် ယင်းအတွက် လျော်ကြေးပေးရန် အာမခံထားသော အချိန်ကာလအတွင်း သဘောတူညီထားသော ဝန်ဆောင်မှု ကို မရခဲ့လျှင် စားသုံးသူ၏ နစ်နာမှု အတွက် ကုစားခွင့်ပေးရန် စားသုံးသူမှ တောင်းဆိုပိုင်ခွင့် ရှိကြောင်းနှင့် စီးပွားရေးလုပ်ငန်းရှင်၏ တာဝန်များ၊ တားမြစ်ချက်များကို အသိပညာပေးဆွေးနွေး ခဲ့ကြောင်း သိရှိရပါသည်။

DOCA (ရန်ကုန်)

   စားသုံးသူရေးရာဦးစီးဌာနသည် စားသုံးသူများအသုံးပြုလျက်ရှိသည့် ကုန်စည်နှင့် ဝန်ဆောင်မှု များ အဆင်ပြေစေရန်အတွက် ဈေးကွက်စောင့်ကြည့်စစ်ဆေးခြင်းလုပ်ငန်းများအား စစ်ဆေးခြင်း လုပ်ငန်းများအား စစ်ဆေးရေးအရာရှိများအား ခန့်အပ်စစ်ဆေးဆောင်ရွက်လျက် ရှိရာ (၂၉.၉.၂၀၂၅) ရက်နေ့ နံနက်(၁၀:၃၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၄)ဦးတို့သည် Galaxia@net Co.,Ltd သို့ သွားရောက်၍ ယနေ့ခေတ်သည် IT ခေတ်ဖြစ်သည့်အတွက် အလုံမြို့နယ်အတွင်းရှိ လိုင်စင်ရဆက်သွယ်ရေးအော်ပရေတာ (၁)ခုအား ဝန်ဆောင်မှုဈေးကွက်စောင့်ကြည့်စစ်ဆေးခြင်း များ ဆောင်ရွက်ခဲ့ပါသည်။

     ထိုသို့စစ်ဆေးရာတွင် လုပ်ငန်းတစ်ခုချင်းစီအလိုက် သတင်းအချက်အလက်များအား စားသုံး သူပြည်သူများသိရှိရန်အတွက် ဆိုရှယ်မီဒီယာများ၌ ဖော်ပြခြင်း၊ လက်ကမ်းစာ စောင် များဖြန့်ဝေခြင်း၊ ဗွီနိုင်းများကပ်၍ကြော်ငြာခြင်း၊ ဆက်သွယ်ရေးညွှန်ကြားမှုဦးစီးဌာနမှ လိုင်စင် ရရှိထားသည့် လုပ်ငန်းရှင်များနှင့် မိုဘိုင်းအော်ပရေတာများသို့ ညွှန်ကြားထားသည့် အချက် (၁၁)ချက်ကို အခြေခံ၍ စားသုံးသူများသို့ ဆက်သွယ်ရေး(အင်တာနက် )ဝန်ဆောင်မှုနှင့် စပ်လျဉ်း ၍ မှန်ကန်ရှင်းလင်းသည့် သတင်း အချက်အလက်များကို ကြိုတင်သတိပေးရန်နှင့် သတင်းအ ချက်အလက်မှန်ကန်ရှင်းလင်းသည့် သတင်းအချက်အလက်များကို ကြိုတင်သတိပေး ရန်နှင့် သတင်းအချက်အလက်ပေးထားသည့်အတိုင်း တာဝန်ယူဆောင်ရွက်ပေးစေရန် အဓိက ထားစစ် ဆေးခဲ့ပြီး လိုက်နာမှုမရှိပါက စားသုံးသူကာ ကွယ်ရေးဥပဒေ၊ ဆက်သွယ်ရေးဥပဒေများ ဖြင့် အရေးယူသွားမည်ဖြစ်ကြောင်းကို အသိပညာပေး ဆွေးနွေးဆောင်ရွက်ခဲ့ကြောင်း သိရှိရပါသည်။

DOCA (ရန်ကုန်)

    စက်တင်ဘာလလယ်နှင့်လကုန်ပိုင်းအတွင်း အခြေခံစားသောက်ကုန်ဈေးနှုန်းများ ပြောင်း လဲမှုအခြေအနေအား စက်တင်ဘာလ(၂၉)ရက်နေ့၊ နံနက်(၀၉:၀၀)နာရီအချိန်တွင် ရန်ကုန်တိုင်း ဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်း/အပြင်နှင့်ရပ်ကွက် များရှိ အခြေခံစားသောက်ကုန်ပစ္စည်းအရောင်းဆိုင်များသို့ ဈေးကွက်စောင့် ကြည့်ကွင်းဆင်းစစ် ဆေးခဲ့ကြောင်း သိရသည်။

     ထိုသို့ ဈေးကွက်စောင့်ကြည့် ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့ မြို့မဈေးတာဝန်ခံ ဦးအေးသွင်နှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းနှင့် ဝန်ထမ်းများသည် စည်ပင်လမ်း၊ မကျီးကန်ရပ်ကွက်၊ ဗိုလ်ချုပ်လမ်း၊ မြို့မရပ်ကွက်နှင့် စည်ပင်လမ်း ပြည်တော်သာရပ်ကွက်ရှိ ဆန်နှင့် ကုန်ခြောက်ပစ္စည်းအရောင်းဆိုင်များနှင့် စည်ပင် သာယာမြို့မဈေးအတွင်း/အပြင်ရှိ အခြေခံစားသောက်ကုန်ပစ္စည်းအရောင်းဆိုင်များ ဖြစ်သော ဆန်ဆိုင်များ၊ ကုန်ခြောက်ဆိုင်များ၊ အသား၊ ငါး၊ ပုဇွန်နှင့် ငါးပိ၊ ငါးခြောက်အရောင်းဆိုင်များ၊ ကြက်ဥ၊ ဘဲဥ လက်လီလက်ကားအရောင်းဆိုင်များ၊ အသီးအရွက်ကုန်စိမ်းဆိုင်များအတွင်း ဖြန့်ဖြူးရောင်းချလျက်ရှိသော ဈေးနှုန်းအခြေအနေတို့အား မေးမြန်းစုံစမ်း စာရင်းကောက်ယူ စစ်ဆေးခဲ့ရာတွင် စက်တင်ဘာလလယ်နှင့် လကုန်ပိုင်းအထိ အခြေခံစားသောက်ကုန်ပစ္စည်းတို့ မှာ သိသိသာသာ ပြောင်းလဲမှုများမရှိသည်ကို စစ်ဆေးတွေ့ရှိခဲ့ရပြီး စားသုံးသူပြည်သူများ၏ အဓိကစားသောက်ကုန်ပစ္စည်းများဖြစ်သော ဆန်အမျိုးအစားအလိုက် ဈေးနှုန်းနှင့် စားအုန်းဆီ ဈေးနှုန်းတို့မှာလည်း တည်ငြိမ်လျက်ရှိကြောင်း သိရှိရပါသည်။

DOCA(ရန်ကုန်)

    ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ပိန္နဲကုန်းကျေးရွာအုပ်စုဓမ္မာရုံတွင် စက်တင်ဘာလ(၂၆)ရက်နေ့၊ နံနက် (၀၉:၀၀)နာရီအချိန်တွင် မြို့နယ်မှတောင်သူအသိပညာပေး ကွင်းဆင်းကြီးကြပ်ရေးအဖွဲ့(၂)ဌာနဆိုင်ရာ တာဝန်ရှိသူများအား တောင်သူအသိပညာပေးခြင်း လုပ်ငန်းရှင်များ ကွင်းဆင်းစစ်ဆေးခဲ့ကြောင်း သိရသည်။

    ထိုသို့ တောင်သူအသိပညာပေး ကွင်းဆင်းဆောင်ရွက်ခဲ့ရာတွင် မြို့နယ်မြေစာရင်းဦးစီး ဌာန၊ မြို့နယ်စားသုံးသူရေးရာဦးစီးဌာန၊ မြို့နယ်စိုက်ပျိုးရေးဦးစီးဌာန၊ မြို့နယ်စည်ပင်သာယာရေး အဖွဲ့၊ မြို့နယ်ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာ၊ မြန်မာ့ဆက်သွယ်ရေးလုပ်ငန်း (စာတိုက်)တို့မှ တာဝန်ရှိသူများသည် အဖျောက်၊ ဇရပ်ကုန်း၊ ပိန္နဲကုန်းကျေးရွာအုပ်စုများမှ မိုးစပါး စိုက်တောင်သူများအား စိုက်ပျိုးသီးနှံများနှင့်ပတ်သတ်၍ ပန်းတိုင်အထွက်နှုန်းရရှိစေရေးအတွက် စိုက်နည်းစနစ်များ ပြောင်းလဲစိုက်ပျိုး ဆောင်ရွက်နိုင်ရေး၊ ရေရရှိရေး၊ ပေါင်းစပ်ညှိနှိုင်းရေး၊ အရည်သွေးမီသွင်းအားစုများ စနစ်တကျသုံးစွဲရေး၊ သီးနှံဖျက်ပိုးကာကွယ်ခြင်း၊ နှိမ်နှင်းခြင်းများ အတွက် ပိုးသတ်ဆေးသုံးစွဲမှုများအား စနစ်တကျအသုံးပြုနိုင်ရေး၊ ပိုးသတ်ဆေးဓာတ်ကြွင်းဓာတ် ကျန်များအား အထူးသတိပြုဆောင်ရွက်ကြရန်၊ မျိုးကောင်းမျိုးသန့်များအား တိုက်ရိုက်မျိုးစေ့ချ ကိရိယာဖြင့် ပြောင်းလဲစိုက်ပျိုးနိုင်ရေးနှင့် လယ်ယာမြေဥပဒေအကြောင်း ဆွေးနွေးခြင်း နွေစပါး အတွက်ရေရရှိရေး၊ ရေမြောင်းများ လိုအပ်ပါက တင်ပြတောင်းခံကြရန် တောင်သူအသိပညာပေး လုပ်ငန်းများအား ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(  ရန်ကုန်)                       

    ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာန အနေဖြင့် ဆက်စပ်ဌာနများနှင့် ပူးပေါင်း၍ ကွင်းဆင်းစိစစ်ဆောင်ရွက်ခြင်းများအား စက်တင်ဘာ လ(၂၆)ရက်နေ့၊ နံနက်(၀၉:၃၀)နာရီအချိန်တွင် စိုက်ပျိုးရေးဦးစီးဌာနမှ ဦးဆောင်သော ဓာတ်မြေ ဩဇာဆိုင်များ စစ်ဆေးရာတွင် ပူးပေါင်း၍ ကွင်းဆင်းစိစစ်ခဲ့ကြောင်း သိရှိရသည်။

    ထိုသို့ ကွင်းဆင်းစိစစ်ခြင်းများ ဆောင်ရွက်ရာတွင် မြို့နယ်အထွေထွေအုပ်ချုပ်ရေးဦးစီး ဌာန အကြီးတန်းစာရေး ဦးသန့်ဇော်ဦး၊ မြို့နယ်စိုက်ပျိုးရေးဦးစီးဌာန မြို့နယ်ဦးစီးမှူး ဦးကြည်စိန် နှင့်ဝန်ထမ်းများ၊ မြို့နယ်သမဝါယမဦးစီးဌာန ဦးစီးမှူး ဒေါ်ခင်ယုမွန်နှင့်ဝန်ထမ်းများ၊ မြို့နယ်စား သုံးသူရေးဦးစီးဌာန ဌာနခွဲစာရေး ဦးတင်ထွန်းဦးတို့ ပါဝင်သောပူးပေါင်းအဖွဲ့သည် မြို့နယ်အတွင်း ဓာတ်မြေဩဇာ ရောင်းချသည့် ဆိုင်များဖြစ်သည့် ဈေးပိုင်းရပ်ကွက်ရှိ ဒေါ်လာဝင်း ဓာတ်မြေ ဩဇာ အရောင်းဆိုင်၊ စန်းသော်တာ စိုက်ပျိုးရေးဓာတ်မြေဩဇာနှင့် မျိုးစေ့အရောင်းဆိုင်၊ ကိုကျော်မင်းသူ+ မသုန်သုန်ဖြိုး ဓာတ်မြေဩဇာ၊ ပိုးသတ်ဆေးနှင့်စိုက်ပျိုးရေးပစ္စည်းအမျိုးမျိုး အရောင်းဆိုင်များတွင် ယူရီးယား ဓာတ်မြေဩဇာ၊ တီစူပါ(သံကွင်း) ဓာတ်မြေဩဇာ၊ ပိုတက် ဓာတ်မြေဩဇာနှင့် ကွန်ပေါင်းဓာတ်မြေဩဇာများ၏ ရောင်းချသည့် ဈေးနှုန်းမြှင့်တက်မှုရှိ/မရှိ၊ အလေးချိန်ပြည့်ဝမှုရှိ/မရှိ၊ ပစ္စည်းပြတ်လပ်မှုရှိ/မရှိ ကွင်းဆင်းစိစစ်ခဲ့ကြောင်း သိရှိရသည်။

DOCA(  ရန်ကုန်)