သတင်းနှင့် လှုပ်ရှားမှုများ

      ရန်ကုန်တိုင်းဒေသကြီးအစိုးရအဖွဲ့မှကြီးမှူး၍ ရန်ကုန်တိုင်းဒေသကြီးအသေးစား၊ အငယ်စားနှင့် အလတ်စားစီးပွားရေး ဖွံ့ဖြိုးတိုးတက်ရေးအေဂျင်စီက ကျင်းပသော MSME Talk Show စကားဝိုင်းအစီအစဉ်ကို ပြည်သူ့ရင်ပြင်၊ ပြည်သူ့ဥယျာဉ်၌ နိုဝင်ဘာလက ကျင်းပပြုလုပ်ခဲ့ပါသည်။ အခမ်းအနားကို ဌာနဆိုင်ရာများမှအရာထမ်းအမှုထမ်းများနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြပါသည်။ အခမ်းအနားစတင်ချိန်တွင် စက်မှုကြီးကြပ်ရေးနှင့် စစ်ဆေးရေးဦးစီးဌာန ရန်ကုန်တိုင်း‌‌ဒေသကြီးဦးစီးမှူးဖြစ်သူ ဦးကျော်ကျော်ညွန့်က အဖွင့်စကား ပြောကြားခဲ့ပါသည်။ ထိုနောက် Talk Show (စကားဝိုင်း) အစီအစဉ်ကို ပထမစကားဝိုင်းနှင့် ဒုတိယစကားဝိုင်း နှစ်ပိုင်းခွဲ၍ကျင်းပခဲ့ပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူးဖြစ်သူ ဒေါ်သင်းရည်မွန်ဟန်က ဒုတိယစကားဝိုင်း အစီအစဉ်တွင် ပါဝင်ဆွေးနွေးခဲ့ကြောင်း သိရပါသည်။ ဒုတိယစကားဝိုင်း အစီအစဉ်ကို Moderator အဖြစ် ရန်ကုန်တိုင်းဒေသကြီးစက်မှု  ကြီးကြပ်ရေးနှင့် စစ်ဆေးရေးဦးစီးဌာနမှ ဒုတိယညွှန်ကြားရေးမှူးဖြစ်သူ‌ ဒေါ်မူမူအေးက ဆောင်ရွက်ခဲ့ပြီး ရန်ကုန်တိုင်းဒေသကြီး ကြေးတိုင်နှင့်မြေစာရင်းဦးစီးဌာနမှ ညွှန်ကြားရေးမှူးဖြစ်သူ ဦးကျော်ငြိမ်း၊ ရန်ကုန်တိုင်းဒေသကြီး အစားအသောက်နှင့် ဆေးဝါးကွပ်ကဲရေးဦးစီးဌာနမှ ညွှန်ကြားရေးမှူးဖြစ်သူ ဒေါက်တာမင်းဝန်၊ စားသုံးသူရေးရာဦးစီးဌာန ရန်ကုန်တိုင်းဒေသကြီး ဦးစီးမှူးရုံးမှ လက်ထောက်ညွှန်ကြားရေးမှူးဖြစ်သူ ဒေါ်သင်းရည်မွန်ဟန်နှင့် စီးပွားရေးနှင့်ကူးသန်း‌ရောင်းဝယ်ရေးဝန်ကြီးဌာန မူပိုင်ခွင့်ဦးစီးဌာနမှ ညွှန်ကြားရေးမှူးဖြစ်သူ ဒေါက်တာစိမ့်သန္တာထွန်းတို့က မေးမြန်းချက်များအား ရှင်းလင်းဆွေးနွေးခဲ့ပါသည်။ ထိုစကားဝိုင်းတွင် စားသုံးသူရေးရာဦးစီးဌာန၊ရန်ကုန်တိုင်းဒေသကြီးဦးစီးမှူးရုံးမှလက်ထောက်ညွှန်ကြားရေးမှူးဖြစ်သူဒေါ်သင်းရည်မွန်ဟန်က စားသုံးသူရေးရာဦးစီးဌာန၏ လုပ်ဆောင်ချက်များဖြစ်သည့် စျေးကွက်စောင့်ကြည့် စစ်ဆေးခြင်း လုပ်ငန်းစဉ်များ၊ ကုန်အညွှန်းအမှတ်အသားစိစစ်ခြင်း လုပ်ငန်းစဉ်များ၊ စားသုံးသူများနှင့် စီးပွားရေး လုပ်ငန်းရှင်များအား အသိပညာပေး ဆောင်ရွက်မှုများနှင့် စားသုံးသူတိုင်ကြားမှုများနှင့် ပတ်သတ်၍ ဖြေရှင်းဆောင်ရွက်သည့်လုပ်ငန်းစဉ်များကို ရှင်းလင်းပြောကြားခဲ့ကြောင်း သိရပါသည်။

DOCA(ရန်ကုန်)

            ၂.၁၂.၂၀၂၄ ရက်နေ့ နံနက်(၁၀:၅၀)နာရီအချိန်တွင် မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် လှိုင်သာယာ(အနောက်ပိုင်း)မြို့နယ်ရှိ ပင်လုံဈေးတွင် ဈေးကွက်အတွင်း စားအုန်းဆီမှောင်ခိုရောင်းချနေမှုရှိ/ မရှိအား ကွင်းဆင်းစစ်ဆေးခြင်းလုပ်ငန်း ဆောင်ရွက်ခဲ့ကြောင်းသိရသည်။

            ထိုသို့ ကွင်းဆင်းစစ်ဆေးခဲ့ရာတွင် လှိုင်သာယာ(အနောက်ပိုင်း)မြို့နယ်ရှိ ပင်လုံဈေး၊ တာဝန်ခံ ဦးစိုးမင်းထွဋ်မှ ပူးပေါင်းပါဝင်လျက် ဈေးအတွင်းရှိ ဦးဘိုဘိုရှန်၊ ဦးကျော်စွာစိုးနှင့် ဒေါ်အိအိခိုင် ကုန်မျိုးစုံဆိုင်များမှ နေ့စဉ်ရရှိသောခွဲတမ်းများအား ရပ်ကွက်အလိုက်၊ စာအုပ်စနစ်ဖြင့် နေ့စဉ်ရောင်းချပေးပါကြောင်း၊ ဈေးနှုန်းမှာလည်း လက်ကားကိုယ်စားလှယ်များမှ သတ်မှတ်ပေးသော ဈေးနှုန်းများအတိုင်းရောင်းချပြီး လက်ကျန်ဆီလည်းမထားရှိပါကြောင်း၊ မိမိတို့ဌာနမှလည်း သိုလှောင်ထားခြင်းရှိလျှင် အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကို ပြောကြားခဲ့ကြောင်းသိရှိရပါသည်။

DOCA(ရန်ကုန်)

             ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်၌ နိုဝင်ဘာလ(၂၉)ရက်နေ့၊ နံနက်(၁၀:၃၀)နာရီအချိန်တွင် မြို့နယ်စီမံအုပ်ချုပ်ရေးအဖွဲ့၊ မြို့နယ်မီးသတ်ဦးစီးဌာန၊ မြို့နယ်စီမံကိန်းဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်မွေးမြူရေးနှင့်ကုသရေးဦးစီးဌာန၊ မြို့နယ်စားသုံးသူရေးရာဦးစီးဌာနတို့ပါဝင်သော အစည်းအဝေးတွင် “ရန်ကုန်တိုင်းဒေသကြီးအစိုးရအဖွဲ့၏ဦးဆောင်မှုဖြင့် အများပြည်သူသို့ ကြက်ဥ၊ ကြက်သားရောင်းချရန်’’ အစီအစဉ်ဖြင့် လုပ်ငန်းညှိနှိုင်းအစည်းအဝေး၏ ဆုံးဖြတ်ချက်အရ တောကျောင်းကျေးရွာနှင့် ဆူးကလပ်ကျေးရွာများသို့ အသားစားကြက်မွေးမြူသော ကြက်ခြံများသို့ ကွင်းဆင်းစစ်ဆေးခဲ့ကြောင်း သိရသည်။

                ထိုသို့ကွင်းဆင်းစစ်ဆေးခဲ့ရာတွင် တောကျောင်းကျေးရွာရှိ ဒေါ်အေးအေးမြင့် ကြက်ခြံ၊ ဒေါ်တင်လှဝေ ကြက်ခြံနှင့် ဦးမျိုးဇော်ကြက်ခြံ၊ ဆူးကလပ်ကျေးရွာရှိ ဦးစန်းဝင်ကြက်ခြံ၊ ဦးဖြိုးမောင်မောင်ဦး ကြက်ခြံများသို့ ကွင်းဆင်းစစ်ဆေးခဲ့ရာ ကြက်ခြံများတွင် ကြက်ကောင်ရေ (၃၀၀၀)ကျော် မွေးမြူထားကြပြီး ၎င်းကြက်များနှင့် ကြက်စာများကို ဖျာပုံ CP ကုမ္ပဏီမှ လာရောက်ချပေးကြောင်းနှင့် ၄၅ ရက်နှင့် ၆၀ ရက်များတွင် ကုမ္ပဏီမှ လာရောက်ထုတ်ယူရောင်းချကြောင်း သိရှိရပါသည်။

DOCA(ရန်ကုန်)

         ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌စားအုန်းဆီဈေးကွက်တွင် မှောင်ခိုရောင်းချနေခြင်းများဖြစ်ပေါ်နေမှုအခြေအနေအား နိုဝင်ဘာလ(၃၀)ရက်နေ့၊ နေ့လယ် (၁၀:၃၀)နာရီအချိန်တွင် စည်ပင်သာယာမြို့မဈေးအတွင်း/ အပြင်နှင့် ရပ်ကွက်များရှိ ကုန်ခြောက်ဆိုင်များသို့ မြေပြင်ကွင်းဆင်းစစ်ဆေးခဲ့ကြောင်း သိရသည်။

           ထိုသို့မြေပြင်ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်နှင့်စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းတို့သည် စည်ပင်သာယာမြို့မဈေးအတွင်း/ အပြင်ရှိ ကုန်ခြောက်ဆိုင်များ၊ အမှတ်(၂၂၆) ဗိုလ်ချုပ်လမ်းမြို့မရပ်ကွက်ရှိ စားအုန်းဆီကိုယ်စားလှယ်ဦးကိုလေး၊ ကုန်ခြေက်ဆိုင်ပိုင်ရှင်၊ စီးပွားရေးလုပ်ငန်းရှင်များအား စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ညွှန်ကြားချက်နှင့်အညီ ရန်ကုန်တွင်စားအုန်းဆီမှောင်ခိုဈေးကွက် ကြီးထွားလာခြင်းနှင့်စပ်လျဉ်း၍ ကော့မှူးမြို့နယ်အတွင်းရှိ စားသုံးသူပြည်သူများအနေဖြင့် မိမိတို့၏ဈေးဆိုင်များတွင် ဝယ်ယူမှုအခြေအနေနှင့်ဝယ်ယူသည့်စားအုန်းဆီများအား မှောင်ခိုဈေးကွက်ဖြင့် ပြန်လည်ရောင်းချမှုမရှိစေရေးတို့အတွက် စာအုပ်စနစ်ဖြင့် အိမ်ထောင်စုတစ်စုလျှင်(၅၀)ကျပ်သားနှုန်းဖြင့် အမှန်တကယ်ပြန်လည်ဖြန့်ဖြူးရောင်းချပေးကြရန် မှောင်ခိုဈေးကွက်မဖြစ်ပေါ်စေရေး အသိပညာပေးဟောကြားခဲ့ပြီး မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

      အထက်အကြောင်းအရာပါကိစ္စနှင့်ပတ်သက်၍ စားသုံးသူ‌ရေးရာဦးစီးဌာန၊ ကော့သောင်းခရိုင်ဦးစီးမှူးရုံးမှ ခရိုင်ဦးစီးမှူး ဒေါ်မြသီတာ (ဦးစီးအရာရှိ)သည် ၂၀၂၄ ခုနှစ် နိုဝင်ဘာလ ၂၆  ရက်နေ့၊ နံနက်(၁၀:၀၀) နာရီအချိန်တွင် ကော့သောင်းခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုပြုဌာန (Community Center)  အခန်းမ၌ Talk Show အစီအစဉ် တွင် အွန်လိုင်းစနစ်ဖြင့် ရောင်းချခြင်း အကြောင်းကို အရေးကြီးကုန်စည်နှင့် ဝန်ဆောင်မှုဥပဒေအကြောင်း၊ အွန်လိုင်းစနစ်ဖြင့် ရောင်းချခြင်းလုပ်ငန်းကို လုပ်ကိုင်ဆောင်ရွက်မည့်သူတိုင်း Online ဖြင့် ကုန်သွယ်ရေးဦးစီးဌာနသို့ မှတ်ပုံတင်လျှောက်ထားရမည့်အကြောင်း၊ အွန်လိုင်းမှတ်ပုံတင် လက်မှတ်လျှောက်ထားပြီးမှသာ ရောင်းချမည်ဖြစ်ကြောင်း၊ ပုံစံပါအချက်အလက်နှင့်အထောက် အထားများစိစစ်ခြင်းအား စားသုံးသူရေးရာဦးစီးဌာနမှ မြေပြင်အခြေအနေစစ်ဆေးခြင်းများ ဆောင်ရွက်ရမည့်ဖြစ်ကြောင်းနှင့် မှတ်ပုံတင်ထားခြင်းမရှိဘဲ Online စနစ်ဖြင့် ရောင်းချခြင်း ဆောင်ရွက်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်မည်ဖြစ်ပါကြောင်း စသည်တို့ကိုဆွေးနွေးပြောကြားခဲ့ပါကြောင်း သိရှိနိုင်ပါရန် တင်ပြအပ်ပါသည်။

DOCA(တနင်္သာရီ)