သတင်းနှင့် လှုပ်ရှားမှုများ

ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ် ဒီဇင်ဘာလ(၁၉)ရက်နေ့တွင် ၂၀၂၄-၂၀၂၅ ရာသီပဲတီစိမ်းစိုက်တောင်သူများအတွက် (GAP&GHP)နည်းစဉ်များအတိုင်း စိုက်ပျိုး စေရန်နှင့် ဥရောပသမဂ္ဂနိုင်ငံများသို့ ပဲပင်ပေါက်ဖောက်ရန်အတွက် မြန်မာပဲတီစိမ်းများတွင် ပို့ရာတွင် တစ်နှစ်ထက် တစ်နှစ်ပိုမိုတင်ပို့ရောင်းချနိုင်ရန် ရည်ရွယ်၍ စိုက်ပျိုးရေးဦးစီးဌာန၊ ကျွမ်းကျင်ပညာရှင်းများမှ ပို့ချသော တောင်သူပညာပေးသင်တန်းကို ဒီဇင်ဘာလ(၁၉)ရက်နေ့၊ နံနက်(၀၉၃၀)အချိန်က လေးကျွန်းမာရ်အောင်စေတီတော်ဝင်းအတွင်းရှိ ဇဗ္ဗူဒီပ ဓမ္မဗိဗာန်တော် တွင် ကျင်းပပြုလုပ်ခဲ့ ကြောင်း သိရသည်။

ဦးစွာ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်က အဖွင့်အမှာစကားပြောကြားပြီး Bright Light Co.,Ltdမှ ဦးမောင်မြင့်က GAP&GHP နည်းလမ်းများအတိုင်း စိုက်ပျိုးနိုင်စေရန် ရှင်းလင်းပြောကြားခဲ့ ကြောင်း သိရသည်။

ထို့နောက်သုံးခွမြို့နယ်နှင့်ခရမ်းမြို့နယ်မှ လာရောက်လာသော ပဲတီစိမ်းစိုက်တောင်သူများ အား စိုက်ပျိုးရေးဦးစီးဌာနမှ လက်ထောက်ညွှန်ကြားရေးမှူး ဦးမိုးခိုင်တို့က သင်တန်းပို့ချပြီး ကုန်ပစ္စည်းစမ်းသပ်စစ်ဆေးရေးနှင့်အရည်အသွေးစီမံခန့်ခွဲမှုဌာနခွဲ(လှည်းကူး)မှ ဒုတိယ ညွှန်ကြား‌ရေးမှူး ဦးသန့်စင်မှ နိဂုံးချုပ်အမှာစကားပြောကြားကာ တောင်သူ(၂၄၁)ဦး တက်ရောက်ခဲ့ကြောင်း သိရသည်။

DOCA(ရန်ကုန်)

          ရန်ကုန်တိုင်းဒေသကြီး၊ တောင်ပိုင်းခရိုင် သန်လျင်မြို့နယ်ရှိ  သီလဝါစက်မှုဇုန်၊ Wilmar ဆီကန်မှတစ်ဆင့် ရန်ကုန်တိုင်းဒေသကြီးအတွင်း မြို့နယ်များနှင့်အခြားတိုင်းဒေသကြီးပြည်နယ် များရှိ ကိုယ်စားလှယ်များသို့ စားအုန်းဆီနေ့စဉ် ထုတ်ပေးလျှက်ရှိပါသည်။ စားအုန်းဆီအား ပြည်တွင်းဈေးကွက်၌ ရောင်းဝယ်ဖောက်ကားရာတွင် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ စားအုန်းဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ အပတ်စဉ် ထုတ်ပြန် ထားသော အခြေခံလက်ကားရည်ညွှန်းဈေးနှုန်းအပေါ် လက်ကားပြန်လည် ဖြန့်ဖြူးရောင်းချသူများအနေဖြင့် ဒေသအရောက်ဈေးနှုန်းများအပေါ် (၂)ရာခိုင်နှုန်းအမြတ်ထက် မပိုသော ဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချစေရေး ဈေးနှုန်း အဆမတန်မြှင့်တင်ရောင်းချခြင်းများ မပြုလုပ်စေရေးတို့အတွက်လည်း ဝန်ထမ်းများမှ ကွင်းဆင်းကြပ်မတ်ဆောင်ရွက်လျှက်ရှိကြောင်းနှင့် (၁၆.၁၂.၂၀၂၄)ရက်နေ့မှ (၂၁.၁၂.၂၀၂၄) ရက်နေ့အထိ ဆီကုမ္ပဏီ(၁၁)ခုနှင့် စားအုန်းဆီတန်ချိန် (၂၄၇၉.၃၀၂)တန်ကို ထုတ်ပေးခဲ့ကြောင်း သိရှိရပါသည်။

DOCA(ရန်ကုန်)

 ရန်ကုန်တိုင်းဒေသကြီးအတွင်း၊ ဈေးဝယ်စင်တာများနှင့် ဈေးများရှိ ကြက်ဥ၊ ဘဲဥ၊ ဆန်‌ အရောင်းဆိုင်များ၌ ဈေးနှုန်းမြင့်တင်ရောင်းချမှုမရှိစေရေးအတွက် အထွေထွေအုပ်ချုပ်ရေးဦးစီး ဌာန၊ မြန်မာနိုင်ငံရဲတပ်ဖွဲ့၊ စားသုံးသူရေးရာဦးစီးဌာန၊ ရန်ကုန်မြို့တော်စည်ပင်သာယာ အုပ်ချုပ်ရေးမှုးရုံး၊ စည်ပင်သာယာရေးအဖွဲ့နှင့် အထူးစုံစမ်းစစ်ဆေးရေးဦးစီးဌာန ကိုယ်စားလှယ် များဖြင့် ဆိုင်/မြို့နယ် ကော်မတီများဖွဲ့စည်း၍ ကွင်းဆင်းစစ်ဆေးကြပ်မတ်သွားရန်နှင့် ကုန်ဈေးနှုန်းများလိုအပ်သည်ထက် ပိုမိုမြှင့်တင်ရောင်းချ မှုမရှိစေရေး (၂၀.၁၂.၂၀၂၄)ရက်နေ့၊ (၁၄:၀၀)နာရီအချိန်တွင် သင်္ဃန်းကျွန်းခရိုင်၊ အထွေထွေအုပ်ချုပ် ရေးအစည်းဝေးခန်းမ၌ အ‌‌ရောင်းစင်တာနှင့်ဈေးများရှိ အ‌ရောင်းဆိုင်ကိုယ်စားလှယ်တာဝန်ရှိသူများကို ဖိတ်ကြားတွေ့ဆုံ ပြောကြားခဲ့ပါသည်။

              ထိုသို့ဆွေးနွေးရာ၌ ဖွဲ့စည်းထားသည့် ခရိုင်ကွင်းဆင်းကြပ်မတ်စစ်ဆေးရေးအဖွဲ့၊ အဖွဲ့ခေါင်းဆောင် ခရိုင်အုပ်ချုပ်‌ရေးမှူးမှ Shopping malls၊ City Market  နှင့် စတိုးဆိုင်၊ အ‌‌ရောင်းဆိုင်လုပ်ငန်းများ မှ တာဝန်ရှိသူများအား အခြေခံစားသောက်ကုန်များဖြစ်သည့် ဆန်၊ ဆီ၊ ကြက်ဥ၊ ဘဲဥနှင့် အခြားစားသောက်ကုန်များကို လိုအပ်သည်ထက်ဈေးနှုန်းမြှင့်တင် ရောင်းချခြင်းမပြုရန်၊ ခရိုင်/မြို့နယ် ကော်မတီဝင်များဖြင့် ဖွဲ့စည်းဆောင်ရွက်ရမည့် အခြေအနေ များ၊ သတ်မှတ်ရည်ညွှန်းဈေးထက် ပိုမိုမြှင့်တင် ရောင်းချခြင်းမပြုရန်မှာကြားခဲ့သည်။ ဆက်လက်၍  အဖွဲ့ဝင်များဖြစ်သည့်  မြန်မာနိုင်ငံရဲတပ်ဖွဲ့၊ စည်ပင်သာယာ‌ရေးအဖွဲ့ တာဝန်ရှိသူ များမှ လက်ရှိကာလအတွင်း ကြက်ဥ၊ ဘဲဥ နှင့် အခြေခံစားသောက်ကုန်များကို အခြေခံ လူတန်းစားများ သင့်တင့်သောဈေးဖြင့် ဝယ်ယူသုံးစွဲနိုင်ရေးအတွက် သက်ဆိုင်ရာ တိုင်း‌ဒေသကြီးအစိုးရအဖွဲ့နှင့် မွေးမြူရေးအဖွဲ့ချုပ်တို့မှ ပူးပေါင်းဆောင်ရွက်နေမှုများကို ရှင်းလင်း ပြောကြားခဲ့ပြီး စားသုံးသူရေးရာဦးစီးဌာနမှလည်း ဈေးကွက်အတွင်း ကုန်ဈေးနှုန်း ကောက်ယူ တင်ပြ နေမှုများ ၊ စားသောက်ကုန်ပစ္စည်းများအား အ‌‌ရေးကြီးကုန်စည်အဖြစ် သတ်မှတ်ထားပြီးဖြစ်၍ ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ဖြန့်ဖြူးရောင်းချခြင်း ၊ သယ်ယူပို့ ဆောင်ခြင်းများတွေ့ရှိပါက အ‌‌‌ရေးယူနိုင်ကြောင်း ၊ အခြေခံလူတန်းစားများ၏ စားသောက်ကုန်များအား သင့်တင့်သောအမြတ်နှုန်းဖြင့်သာ သတ်မှတ်ရည်ညွှန်းဈေးများအပေါ်  အမြတ်တင်ရောင်းချပေးကြရန် တို့ကိုဆွေးနွေးပြောကြား ခဲ့ပါသည်။ ထို့နောက် အဖွဲ့ခေါင်းဆောင်အုပ်ချုပ်ရေးမှူးမှ ခရိုင်/မြို့နယ် ကော်မတီဝင်များ ကွင်းဆင်းကြပ်မတ်စစ်ဆေးသွားရန်နှင့် ကုန်ဈေးနှုန်းများလိုအပ်သည်ထက် ပိုမိုမြှင့်တင် ရောင်းချနေမှုများတွေ့ရှိပါက တိုင်းဒေသကြီးအဖွဲ့သို့ တင်ပြလမ်းညွှန်မှုခံယူသွားရန်တို့ကို ပြော ကြားခဲ့ကြောင်းနှင့် တွေ့ဆုံဆွေးနွေးပွဲသို့ သင်္ဃန်းကျွန်းခရိုင်အတွင်း မြို့နယ်(၄)မြို့နယ်ရှိ ဈေးဝယ်စင်တာ၊ အရောင်းဆိုင်များမှ တာဝန်ရှိသူ(၉)ဦး တက်ရောက်ခဲ့ကြောင်း သတင်းရရှိပါ သည်။

DOCA(ရန်ကုန်)

           စားသုံးသူရေးရာဦးစီးဌာန၊ ဟင်္သာတမြို့နယ်ဦးစီးမှူးသည် (၁၆.၁၂.၂၀၂၄)ရက်နေ့၊ နံနက် (၁၀:၀၀) နာရီအချိန်တွင်  ဟင်္သာတမြို့ပေါ်ရပ်ကွက်နှင့် တက္ကသိုလ်လမ်းမကြီးရှိ Online စနစ်ဖြင့် ရောင်းချလျက်ရှိသော အဝတ်အထည်၊ အလှကုန်နှင့် စားသောက်ကုန်ဆိုင်များသို့ အွန်လိုင်းမှတ်ပုံတင်ထားမှုရှိ/ မရှိ၊ ကုန်အညွှန်းအမှတ်အသား ပြည့်စုံစွာဖော်ပြထားမှုရှိ/ မရှိ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းခဲ့ရာတွင် မြို့နယ်ဦးစီးမှူး ဦးမိုးကျော်မှ Online စနစ်ဖြင့်ရောင်းချ နေသော အ‌ရောင်းဆိုင်များသို့ မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်းဆောင်ရွက်ရာတွင် လုပ်ငန်းရှင်များ လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်းလုပ်ငန်းအမှန်တစ်ကယ်တည်ရှိခြင်းရှိ/ မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန် တင်ပြထားသော ကုန်စည်(သို့)ဝန်ဆောင်မှု အမျိုးအစားစာရင်းအတိုင်း မြေပြင်တွင်အမှန်တစ်ကယ်ရောင်းချနေသော စာရင်းကိုက်ညီမှုရှိ/ မရှိတို့ကို စစ်ဆေးခဲ့ပြီး၊ မှတ်ပုံတင်လက်မှတ်ရရှိသူ၏ တာဝန်ဖောက်ဖျက်မှုရှိ/ မရှိ၊ စားသုံးသူကာကွယ်ရေးဥပ‌ဒေပါ ကုန်စည်ပေါ်တွင် ဖော်ပြပါရှိရမည့် ကုန်အညွှန်းအမှတ်အသား ဖော်ပြမှုတို့ကို ကွင်းဆင်းစစ်ဆေးခဲ့ကြောင်း သိရှိရပါသည်။

 DOCA(ဧရာဝတီ)

          စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည်(၁၈.၁၂.၂၀၂၄)ရက်နေ့ နေ့လည် (၁၄:၀၀)နာရီအချိန်တွင် အင်္ဂပူမြို့နယ် ပန်းတင်ကျေးရွာအုပ်စုရှိ ဘုန်းကြီးကျောင်းတန်ဆောင်း အတွင်း၌  စားသုံးသူပြည်သူ(၄၀)ဦးအား စားသုံးသူကာကွယ်ရေး အသိပညာပေးဟောပြောခြင်းများ ကိုဆောင်ရွက်ခဲ့ပါသည်။

            ဟောပြောပွဲတွင် မြို့နယ်တာဝန်ခံ ဦးဘိုဘိုမှ စားသုံးသူကာကွယ်ရေးဥပဒေများအကြောင်း၊  စားသုံးကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များအကြောင်း၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ သိကောင်းစရာများအကြောင်း၊ ကုန်စည် (သို့မဟုတ်) ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့် နစ်နာဆုံးရှုံးမှုများနှင့် စပ်လျဉ်း၍ ကုစားခွင့်ရရှိခြင်းများအကြောင်း၊ ပြစ်မှုနှင့်ပြစ်ဒဏ်များအကြောင်း၊ ဈေးကွက်အတွင်းရောင်းချနေသော ကုန်ပစ္စည်းများကို ရွေးချယ်ဝယ်ယူအသုံးပြုတတ်စေရန် အသိပညာပေးခြင်းများ၊ စားသုံးသူမိဘပြည်သူများအနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်း၊ စသည့်တို့ကို အသိပညာပေးဟောပြောခဲ့ကြောင်းသိရှိရပါသည်။

DOCA(ဧရာဝတီ)