သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ တိုင်းဦးစီးမှူးရုံးနှင့် ခရိုင်ရုံးဝန်ထမ်းများသည် ၁၀/၂၀၂၅ လုပ်ငန်းညှိနှိုင်း အစည်းအဝေးကို ၈-၁၀-၂၀၂၅ ရက်နေ့ နေ့လယ်  (၁၃:၀၀)နာရီအချိန်က Zoom Meeting ဖြင့် အစည်းအဝးပြုလုပ်ခဲ့ရာ မအူပင်ခရိုင်ဦးစီးမှူးရုံးမှ ၁၂ဦး နှင့် မြို့နယ်မှ ၅ဦးတက်ရောက်ခဲ့ကြသည်။

   ဆွေးနွေးပွဲတွင် တိုင်းဒေသကြီးဦးစီးမှူးက အဖွင့်အမှာစကားပြောကြားရာ ဧရာဝတီတိုင်း ဒေသကြီးသို့ ပြည်ထောင်စုဝန်ကြီးနှင့် ဒေသန္တရာဆိုင်ရာ အကြီးအကဲများ ကွင်းဆင်းလေ့လာ ဆောင်ရွက်မှု များကို ခရိုင်အဆင့်ဆင့်မှ တာဝန်ရှိသူများက တာဝန်ကျေပျွန်စွာ ဆောင်ရွက်ပေးနိုင်ရန်၊ လုပ်ငန်းလိုအပ်ချက်များနှင့် ဆောင်ရွက်မှု အခြေအနေများကို ပြည်စုံမှန်ကန်စွာတင်ပြနိုင်ကြရန်၊ လိုအပ်တာများကို ကူညီဆောင်ရွက်ပေးနိုင်ရန်၊ မိမိတို့နယ်မြေဒေသနှင့် မိမိတို့ရုံးဝန်များကို ပွင့်လင်းရာ သီရောက်ရှိပြီဖြစ်၍ သန့်ရှင်သာယာလှပစေရေး စနစ်တကျဆောင်ရွက်ထားကြရန်၊ တိုင်းဒေသကြီး MSME ကုန်စည်ပြပွဲတွင် ပါဝင်ကူညီဆောင်ရွက်ပေးသော ဝန်ထမ်းများအားလုံးကို ကျေးဇူးတင်ရှိကြောင်းနှင့် ဝန်ထမ်းများ အခမ်းအနားပွဲကို ယူနီဖောင်းများ ဆောင်ထားရန်၊ သတ်မှတ်ယူနီဖောင်းဝတ်ဆင်ကြရန်နှင့် ပြည်စုံစွာဝတ်ဆင်ကြရန်ကိုမှာကြားပြီး ခရိုင်များမှ အသီးသီး လုပ်ငန်းညှိနှိုင်းဆောင်ရွက်မှုအခြေအနေများကို တင်ပြရန်ပြေကြားခဲ့သည်။

     ဆက်လက်၍ ခရိုင်အသီးသီးမှတင်ပြကြပြီး မအူပင်ခရိုင်မှ ခရိုင်ဦးစီးမှူးမှ လုပ်ငန်းညှိနှိုင်း အစည်းအဝေးတွင် တင်ပြရာ စက်တင်ဘာလ သတင်းရေးသာပါဝင်နှိုင်မှုအခြေအနေများ၊ လက်တစ်လော ဆန်/စပါးသိုလှောင်ရုံများ လက်ကျန်မြေပြင်ကွင်းဆင်းစစ် ဆေးခြင်းများပြု လုပ်ဆောင်ရွက်လျက်ရှိပြီး ပူးပေါင်းကူညီဆောင်ရွက်မှုအခြေအနေများ၊ စားအုန်းဆီထုတ်ယူခွင့် စာအုပ်များ ကျေးရွာနေ ပြည်သူများထံသိူ့ ရာခိုင်နှုန်းပြည့်ပေးပို့ဆောင်ရွက်ပြီးစီကြောင်းနှင့် ပြည်သူများမှ လိုအပ်ချက်များရှိပါက ဌာနသို့ ဆက်သွယ်ဆောင်ရွက်ခြင်း၊ ဆီရောင်းချမှု အခက်အခဲမရှိစေရေး ၊ အငြင်းပွားမှုမရှိစေရေးကို ဆောင်ရွက်ပေးလျက်ရှိကြောင်း၊ ဆီများကို အမှန်တကယ်လိုအပ်သော နေရာများသို့ု့ာ ဖြန့်ဖြူးပေးနိုင်ရန်၊  ဒေသတွင်းစပါးထွက်ရှိမှု အစိုဓာတ် ကွင်း ဈေးနှုန်းများ မြို့နယ်များအနေဖြင့် စုံစမ်းတင်ပြနိုင်ရန် ကွင်းဆင်းဆောင်ရွက်မှုအခြေအနေများကို တင်ပြခဲ့သည်။

     တိုင်းဒေသကြီးဦးစီးမှူးက နိဂုံးချုပ်အနေဖြင့် လိုအပ်ချက်များကို လမ်းညွှန်မှာကြားပြီး ဝန်ထမ်း အသစ်များ ၁၀ဦးထက်မနည်း ခန့်ထားပေးနိုင်ရေးစီစဉ်ဆောင်ရွက်နိုင်ရန် နှင့် ဝန်ထမ်းများ ဌာန၏ အမိန့်နှင့် ညွှန်ကြားချက်များနှင့်အညီ လိုက်နာဆောင်ရွက်ရန်ကို မှာကြားခဲ့ပြီး အစည်းအဝေးကို ၃နာရီခွဲအချိန်တွင် ရှုပ်သိမ်းခဲ့ကြောင်း သိရသည်။

DOCA (ဧရာဝတီ)

   ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် စည်ပင်သာယာမြို့မဈေးအတွင်း ကုန်ခြောက်ဆိုင်များတွင် ရောင်းချနေသော ဗူးဆီ (စားသုံးဆီအမျိုးမျိုး)တို့ကို စားသုံးသူရေးရာ ဦးစီးဌာန၊ ခရမ်းမြို့နယ်တာဝန်ခံ ဒေါ်ကျော့ကေခိုင်သည် မြို့နယ်စည်ပင်သာယာရေးအဖွဲ့ မြို့နယ်ဈေးတာဝန်ခံနှင့်ပူးပေါင်း၍ အောက်တိုဘာလ(၁၀)ရက်နေ့၊ နံနက်(၀၉:၃၀)နာရီအချိန် တွင် ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

        ထိုသို့ ဈေးကွက်စောင့်ကြည့် စစ်ဆေးရာတွင်  မြို့မဈေးအတွင်း ရောင်းချနေသော စားသုံးဆီအမျိုးမျိုးတို့တွင် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်၊ ၂/၂၀၁၉ပါ မြန်မာဘာသာဖြင့် ကုန်အညွှန်းအမှတ်အသားများနှင့် ပြည့်စုံမှုရှိ/မရှိ၊ စားသုံးသူရေးရာ ဦးစီးဌာန၏ ညွှန်ကြားချက်အမှတ်(၁/၂၀၂၁)ပါ ညွှန်ကြားထားချက်များနှင့် ထည့်သွင်းဖော်ပြထား ခြင်းများရှိ/မရှိနှင့် FDAထောက်ခံချက်များ ပါဝင်မှုရှိ/မရှိတို့အား စစ်ဆေးခဲ့ကြပြီး ဈေးဆိုင်ပိုင်ရှင်များအား မြို့နယ်တာဝန်ခံက ညွှန်ကြား ချက်ပါ အချက်များအား ရှင်းလင်းပြောကြားခဲ့ပြီး မိမိတို့ ဆိုင်တွင် ရောင်းချနေသော ဗူးဆီ (စားသုံးဆီအမျိုးမျိုး)တွင် ထိုအချက်များဖြင့် ပြည့်စုံသော ကုန်စည်ကို ရောင်းချခြင်းဖြင့် စားသုံးသူများ ထင်ယောင်ထင်မှား မဖြစ်စေဘဲ အခြေခံလိုအပ်ချက် များအပေါ်တွင် စိတ်ကျေနပ်မှုရရှိစေရန် ပူးပေါင်းဆောင်ရွက်ပေးကြရန် အသိပေးခဲ့ကြောင်းသိရှိရပါသည်။

DOCA(ရန်ကုန်)                                                                                                                       

       (၁၀.၁၀.၂၀၂၅)ရက်နေ့ နံနက်(၀၉:30)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိများသည် ဦးပိုင်အမှတ် (၄/၄၅/1A/46 /1A) နွယ်ခွေကျေးရွာ၊ မင်္ဂလာဒုံမြို့နယ်ရှိ Max စက်သုံးဆီဆိုင်သို့ ဈေးကွက်စောင့်ကြည့် စစ်ဆေးခဲ့ကြောင်း သိရသည်။

           ထိုသို့ကွင်းဆင်းစစ်ဆေးရာတွင် စစ်ဆေးရေးအရာရှိက Max စက်သုံးဆီဆိုင် တာဝန်ခံ ဦးစံဝင်းအား စက်သုံးဆီရောင်းချမှုအခြေအနေများ၊ စက်သုံးဆီဈေးနှုန်း၊ အချင်အတွယ် မှန်ကန်မှုရှိ/ မရှိ ဆီကားရောက်ရှိမှုအခြေအနေများနှင့် ဆီလက်ကျန်အခြေအနေများ၊ ဈေးနှုန်းမြှင့်တင်ရောင်းချခြင်းရှိ/ မရှိ မေးမြန်းခြင်းဆောင်ရွက်ခဲ့ပြီး စက်သုံးဆီအရောင်းဆိုင်များအနေဖြင့် စားသုံးသူများ လွယ်ကူစွာဝယ်ယူသုံးစွဲနိုင်စေရန်အတွက် စက်သုံးဆီအရောင်းဆိုင်များကို ပုံမှန်ဖွင့်လှစ်ရောင်းချပေးရန် ပြောကြားခဲ့ကြောင်း သိရှိရပါသည်။

DOCA (ရန်ကုန်)

   စားသုံးသူရေးရာဦးစီးဌာနသည် စားသုံးသူများ ဘေးအန္တရာယ်ကင်းရှင်းစေရေး၊ ဝယ်ယူ သုံးစွဲသောကုန်စည်နှင့်ပတ်သတ်၍ လိုအပ်သောသတင်းအချက်အလက်များ ပြည့်စုံမှန်ကန်စွာရရှိ နိုင်စေရေးအတွက် ကုန်စည်များတွင် ကုန်အညွှန်းအမှတ်အသားများ ပြည့်စုံစွာမြန်မာ ဘာသာဖြင့် ထည့်သွင်းဖော်ပြထားခြင်းရှိ/မရှိအား သက်ဆိုင်ရာဌာနဆိုင်ရာများနှင့် ပူးပေါင်းကာ ကုန်စည် အမျိုးအစားအလိုက် လစဉ်ဈေးကွက်စောင့်ကြည့်စစ်ဆေးလျှက်ရှိရာ ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်စည်ပင်သာယာမြို့မဈေးအတွင်း ဆေးမျိုးစုံရောင်းချသော ဆိုင်များ တွင် ရောင်းချနေသော ကလေးအာဟာရဖြည့်စွက်စာအမျိုးမျိုးကို စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံ ဒေါ်ကျော့ကေခိုင်သည် မြို့နယ်စည်ပင်သာယာရေးအဖွဲ့ ဈေးတာဝန်ခံနှင့် ပူးပေါင်း၍ အောက်တိုဘာလ(၈)ရက်နေ့၊ နံနက်(၀၉:၃၀)နာရီအချိန်တွင် ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

   ထိုသို့ ဈေးကွက်စောင့်ကြည့် စစ်ဆေးရာတွင် စည်ပင်သာယာမြို့မဈေးအတွင်း ဆေးအမျိုး မျိုးရောင်းချသော ဇူလိုင်ဆေးဆိုင်၊ ဦးမြဝိုင်+ဒေါ်တင်ရွှေဆေးဆိုင်၊ ရောင်နီဆေးဆိုင်များတွင် ကလေးအာဟာရဖြည့်စွက်စာအမျိုးမျိုးတွင် မြန်မာဘာသာဖြင့်ထည့်သွင်းဖော်ပြရမည့် ကုန်စည် အမျိုးအမည်၊ အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဓာတ်မတည့် ကြောင်းဖော်ပြချက်၊ ဘေးထွက်ဆိုးကျိုးနှင့်ကြိုတင်သတိပေးချက်များ ပြည်စုံစွာဖော်ပြထားခြင်း ရှိ/မရှိနှင့် FDA ထောက်ခံချက်များရှိ/မရှိတို့အား စစ်ဆေးခဲ့ကြပြီး မြို့နယ်တာဝန်ခံက ဆိုင်ရှင်များ အား ကလေးအာဟာရဖြည့်စွက်စာများ ရောင်းချရာတွင် ကျန်းမာရေးဝန်ကြီးဌာန၊ အစား အသောက်နှင့်ဆေးဝါးကွပ်ကဲရေးဦးစီးဌာနမှ ထုတ်ပြန်ထားသောတုပထုတ်လုပ် ဖြန့်ဖြူးရောင်းချ နေသည့် အစားအသောက်နှင့်ပတ်သတ်၍ အများပြည်သူသိရှိရန် အသိပေးကြေညာချက်များပါ ကုန်စည်အစစ်နှင့်အတုအား ခွဲခြားပြီး မိမိဆိုင်တွင် ကုန်စည်အတုများအား ဖြန့်ဖြူးရောင်းချခြင်း မပြုလုပ်ကြရန်နှင့် လိုက်နာဆောင်ရွက်ခြင်းမရှိပါက ဥပဒေနှင့်အညီ အရေးယူဆောင်ရွက်မည် ဖြစ်ကြောင်း အသိပညာပေးခဲ့ကြောင်း သိရှိရပါသည်။

DOCA(ရန်ကုန်)

  ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်မှု အရ အလုံခရိုင်၊ မရမ်းကုန်းခရိုင်၊ ကျောက်တံတားခရိုင် တရားမဝင်ကုန်သွယ်မှုတိုက်ဖျက်ရေး အထူးအဖွဲ့ အတွင်းရေးမှူး စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူး ဦးအောင်တင်စိုး ဦးဆောင်သော ပူးပေါင်းအဖွဲ့သည် ၁၀.၁၀.၂၀၂၅ ရက်နေ့တွင် ကမ်းရိုးတန်းသွားရေယာဉ်များ ဆိုက်ကပ်သည့် ဆိပ်ကမ်းများဖြစ်သော ဗားကရာဆိပ်ကမ်း၊ ချောင်းဝဆိပ်ကမ်းနှင့် သိန်းဦးဆိပ်ကမ်းအား အကောက်ခွန်ဦးစီးဌာန၊ စားသုံးသူရေးရာဦးစီးဌာန၊ အထွေထွေ အုပ်ချုပ်ရေးဦးစီးဌာန၊ စိုက်ပျိုးရေး ဦးစီးဌာန၊ မြန်မာ့ဆိပ်ကမ်းအာဏာပိုင်၊ အမှတ်(၃)ရေကြောင်း ရဲတပ်ဖွဲ့ စသည့် ပူးပေါင်းအဖွဲ့များဖြင့် ပူးပေါင်း၍ ရေယာဉ်များတွင် တင်ဆောင်ထားသော တင်ဆောင်ကုန်များအား ရှောင်တခင်ဝင်ရောက် စစ်ဆေးခဲ့ပြီး လက်နက်ခဲယမ်းများတင်ဆောင်မှု မရှိစေရေးအတွက် ရဲတပ်ဖွဲ့နှင့်ပူးပေါင်း၍ စစ်ဆေးမှုများပြုလုပ်ခဲ့ကြောင်း သိရှိရပါသည်။

DOCA(ရန်ကုန်)