သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ဧရာဝတီတိုင်းဒေသကြီး၊ ဇလွန်မြို့နယ်ဦးစီးမှူးသည် (၉.၄.၂၀၂၅) ရက်နေ့ နံနက်(၁၀:၃၀)နာရီအချိန်တွင် ဇလွန်မြို့၊ လမ်းမတော်(မ)၊ အနော်ရထာလမ်းရှိ ဈေးတာဝန် ခံရုံး၌ မုန့်မျိုးစုံအရောင်းဆိုင်၊ ကုန်စုံဆိုင်လုပ်ငန်းရှင်များအား စားသုံးသူကာကွယ်ရေး အသိပညာပေး ဟောပြောခြင်းကိုဆောင်ရွက်ခဲ့ပါသည်။

   ဟောပြောပွဲတွင် စားသုံးသူ‌ရေးရာဦးစီးဌာန မြို့နယ်တာဝန်ခံ ဦးသန့်ဇင်ဦးက စားသုံးသူကာ ကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်း၊ ဈေးကွက်အတွင်းရောင်းချသော ကုန်စည်အမျိုးအစားပေါ်တွင် သက်ဆိုင်ဌာနများ၏ထောက်ခံချက်၊ကုန်အညွှန်းအမှတ်အသား ပြည့်စုံ မှန်ကန်စွာ ဖော်ပြထားသောကုန်စည်များကိုသာရောင်းချရမည်ဖြစ်ကြောင်း၊ ကုန်အညွှန်း အမှတ် အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁) ပုဒ်မခွဲ(ခ)နှင့်(ဆ) တို့ပါ ကုန်အညွှန်း အမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြား ဘာသာ တစ်ခု (သို့မဟုတ်) တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည့်အကြောင်း၊ ကုန်စည်(သို့မဟုတ်)ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာသည့် နစ်နာဆုံးရှုံးမှု များနှင့် စပ်လျဉ်း၍ ကုစားခွင့်ရရှိခြင်းများအကြောင်း၊ ပြစ်မှုနှင့်ပြစ်ဒဏ်များအကြောင်း၊ စားသုံးသူ မိဘပြည်သူများအနေဖြင့်လည်းစားသုံးသူရေးရာဦးစီးဌာန၏လုပ်ငန်းဆောင်ရွက်ချက်များအကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်း၊ စားသုံးသူသတင်း ပြန်ကြားရေး နှင့် တိုင်ကြားမှုလက်ခံ ဆောင်ရွက်ရေးစင်တာ (CICC) ရုံးခန်းများ ဖွင့်လှစ်ထားရှိမှု အခြေအနေတို့ကို လည်းကောင်း အသိပညာပေးဟောပြောခဲ့ပြီး တက်ရောက်လာသူများမှလည်း သိလိုသည်များကို မေးမြန်း၍ စားသုံးသူကာကွယ်ရေးလက်ကမ်းစာစောင်များကို ဖြန့်ဝေပေးခဲ့ကြ ကြောင်းသိရှိရပါသည်။

DOCA(ဧရာဝတီ)

  ၂၀၂၅ခုနှစ်၊ မတ်လ(၈)ရက်နေ့ နေ့လည်(၁၃:၀၀)နာရီအချိန်တွင် စားသုံးသူရေးရာဦးစီးဌာနမှ မြို့နယ်ဦးစီးမှူးသည် အင်္ဂပူမြို့နယ် ဆုံကုန်းကျေးရွာအုပ်စု၊ အုပ်ချုပ်ရေးမှူးအိမ်၌  ပြည်သူများအား စားသုံးသူကာကွယ်ရေးဆိုင်ရာအသိပညာဗဟုသုတများရရှိစေရန်နှင့် စားသုံးသူများအနေဖြင့် လိုက် နာကျင့်သုံးရမည့် တာဝန်ဝတ္တရာများကိုလည်း နားလည်သိရှိနိုင်စေရန် ရည်ရွယ်၍ စားသုံးသူကာ ကွယ်ရေးဆိုင်ရာ အသိပညာပေးဟောပြောပွဲ ဆောင်ရွက်ခဲ့ကြောင်း သတင်းရရှိပါသည်။

     အဆိုပါဟောပြောပွဲတွင် အင်္ဂပူမြို့နယ် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးဘိုဘို က စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများကို အောင်မြင်စွာ အကောင်အထည်ဖော်ဆောင်ရွက်နိုင်ရန် မျှော်မှန်းချက်၊ရည်မှန်းချက်များချမှတ်၍ ဆောင်ရွက်လျက် ရှိပါကြောင်း၊ ထုတ်လုပ်သူနှင့် ဖြန့်ဖြူးသူတို့၏ မမှန်မကန်လုပ်ဆောင်မှုများမှ ကာကွယ်ရန်နှင့် ကုန်စည်၊ ဝန်ဆောင်မှုများနှင့်စပ်လျဉ်း၍ အရည်အသွေး၊ အဆင့်အတန်း မပြည့်မီခြင်းမှ ကာကွယ်နိုင် ရန်အတွက် စားသုံးသူကာကွယ်ရေးလုပ်ငန်းများကို ဆောင်ရွက်နေခြင်းဖြစ်ကြောင်း၊ စီးပွားရေးလုပ် ငန်းရှင်များမှ စောင့်ထိန်းရမည့် စီးပွားရေးဆိုင်ရာကျင့်ဝတ်များကို လိုက်နာကျင့်သုံးသွားရန် လိုအပ် သကဲ့သို့ စားသုံးသူပြည်သူများဘက်မှလည်း သတင်းအချက်အလက် လမ်းညွှန်ချက်များအတိုင်း လိုက်နာဆောင်ရွက်ခြင်း၊ကုန်စည်ကိုရွေးချယ်ဝယ်ယူရာတွင်သဘောတူညီထားသည့်တန်ဖိုးနှင့်အညီ ပေးချေခြင်း၊ လုပ်ငန်းရှင်အပေါ်မဟုတ်မမှန်စွပ်စွဲပြောဆိုခြင်း၊ ရေးသားခြင်း၊ ပြုမူခြင်းတို့ကို ရှောင် ကြဉ်ရန်လိုအပ်ကြောင်း စသည့် စားသုံးသူတာဝန်များကိုလည်း အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

   စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် (၉.၄.၂၀၂၅)ရက်နေ့ နံနက် (၁၀:၀၀) အချိန်တွင် မိတ်ဘက်ဌာနဆိုင်ရာများနှင့်ပူးပေါင်း၍ ဇလွန်မြို့ပေါ်ရပ်ကွက်ရှိ ကုန်မျိုးစုံအရောင်းဆိုင် များတွင် ရောင်းချသော သောက်ရေသန့်အမျိုးမျိုးအား ထုတ်ကုန်လုံခြုံစိတ်ချရမှုရှိစေရေး ဈေးကွက် စောင့်ကြည့်စစ်ဆေးခြင်းကို ဆောင်ရွက်ခဲ့ပါသည်။

   ထိုသို့ကွင်းဆင်းခဲ့ရာတွင် မြို့နယ်တာဝန်ခံ ဦးသန့်ဇင်ဦးက စားသုံးသူမိဘပြည်သူများ ဘေး အန္တရာယ်ကင်းရှင်းစွာအသုံးပြုနိုင်စေရန်၊  ထုတ်ကုန်များလုံခြုံစိတ်ချရမှုရှိစေရန်၊  သောက်ရေသန့် ဘူးပေါ်တွင် ကုန်စည်၏အမျိုးအမည်၊ အသားတင်ပမာဏ၊ ထားသိုသိမ်းဆည်းမှုအညွှန်းများအား မြန်မာဘာသာဖြင့် ဖော်ပြရန်နှင့်  ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်း အမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိ တို့ကိုစစ်ဆေးခဲ့ပြီး၊ စီးပွားရေးလုပ်ငန်းရှင် များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များ အကြောင်းနှင့် ပြစ်မှုပြစ် ဒဏ်များအကြောင်း စသည်တို့ကို အသိပညာပေးဆွေးနွေးခဲ့ပြီး၊ ဈေးကွက်စောင့်ကြည့်စစ်ဆေးခြင်း များ ဆောင်ရွက်ခဲ့ကြကြောင်းသိရှိရပါသည်။

DOCA(ဧရာဝတီ)

   ၇-၄-၂၀၂၅ ရက်နေ့က စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၏ လမ်းညွှန်ချက်အရ ပန်းတနော်မြို့နယ်တာဝန်ခံရုံးမှ မြို့နယ်တာဝန်ခဲနှင့် ဝန်ထမ်းများသည် ACME ရေသန့်စက်ရုံ လုပ်ငန်းဆောင်ရွက်မှု အခြေအနေအားကွင်းဆင်းစစ်ဆေးခဲ့ကြောင်း သိရသည်။

      ကွင်းဆင်းစစ်ဆေးရာတွင် စစ်ဆေးတွေ့ရှိချက်အရ ACME ရေသန့်စက်ရုံ လုပ်ငန်းပိုင်ရှင်သည် ရန်ကုန်သို့ ပြောင်းရွှေ့နေထိုင်လျှက်ရှိကြောင်း မြေပြင်ကွင်းဆင်းစစ်ဆေးရာမှ စက်ရုံပိုင်ရှင်နှင့် ဆွေမျိုတော်စပ်သူထံမှ သိရပြီး၊ စက်ရုံလုပ်ငန်းဆောင်ရွက်မှု အခြေအနေများအား ပန်းတနော်မြို့နယ်တာဝန်ခံရုံးသို့လာရောက်၍ ရှင်းလင်းဆွေနွေးခဲ့ရာ ရေသန့်စက်ရုံမှ အိတ်သိမ်းထားတာကြာမြှင့်နေပြီဖြစ်၍ အခြားသူသို့ရောင်းချ ထားပြီးဖြစ်ကြောင်း ၊ ၎င်းစက်ရုံမှာ ယခု ပိုင်ရှင်အသစ်မှ အဆောက်အဦးအသစ်ပြန်လည်တည် ဆောက်နေခြင်းဖြစ်ကြောင်း ကွင်းဆင်းစစ်ဆေးချက်အရ သတင်းရရှိပါသည်။

DOCA(ဧရာဝတီ)

  စားသုံးသူရေးရာဦးစီးဌာန၊ ပန်းတနော်မြို့နယ်ဦးစီးမှူးရုံးမှ တာရှိဝန်သူနှင့် ဝန်ထမ်းများသည် မြို့နယ်တာဝန်ခံရုံးတွင် ပန်းတနော်ဆီလုပ်ငန်းရှင်များအသင်းအဖွဲ့ဝင်(၅)ဦးကို မြို့နယ်ရုံးတွင်ဖိတ်ကြား၍ ၁၀-၄-၂၀၂၅ ရက်နေ့ နံနက် ၀၉၃၀ နာရီအချိန်က သင်္ကြန်ကာလ ကုန်ဈေးနှုန်း တည်ငြိမ်စေရေး တွေ့ဆုံဆွေးနွေးခဲ့ကြောင်း သိရသည်။

    တွေ့ဆုံဆွေးနွေးရာတွင် ပန်းတနော်မြို့နယ်တာဝန်ခံ ဦးအောင်ကျော်သက်က မြို့နယ်အတွင်း ဆီရောင်းချသူ ကိုယ်စားလှယ်များမှ ယခုကာလအတွင်း စားသုံးသူပြည်သူများ သဘာဝဘေးအန္တရာယ်အတွက် အခြေခံ စာသောက်ကုန်နှင် ကုန်ပစ္စည်းများ ဝယ်ယူ၍ လှူတန်းမှုများပြုလုပ်နေခြင်း၊ မြန်မာနှစ်ဦးဖြစ်၍ အလှူဒါနများ ပြုလုပ်နေကြပြီး ဆီနှင့် ကုန်စည်များရောင်းချရာတွင် ကုန်ဈေးနှုန်းမြှင့်တက်၍ ရောင်းချခြင်းမပြုရန်၊ သတ်မှတ်ချက်များနှင့်အညီ ရောင်းချရန် စီးပွားရေးလုပ်ငန်းရှင်များအနေဖြင့် ကျင့်ဝတ်နှင့်အညီ မှန်ကန်သောဈေးနှုန်း၊ အလေးချိန်ပြည်မီစွာဖြင့် မလှူတက်ဈေးရောင်း ဆိုသကဲ့သို့ ပရဟိတစိတ်တစ်ခုဖြင့် သင့်တင်မျှတစွာ ရောင်းချရန်၊ စားသုံးသူအခွင့်အရေး ထိခိုက်နာစ်နာမှု ရှိပါက တိုင်ကြားလိုရသော စားသုံးသူရေးရာဦးစီးဌာနသည် ပြည်သူအတွက်အသင့်ရှိသဖြင့် စီးပွားရေးလုပ်ငန်းရှင်တာဝန်များကို အချိန်ပြည့် လိုက်နာကျင့်ကျန်ဆောင်ရွက်ရန်ကို ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)