ညောင်ဦးမြို့နယ်ရှိ စက်သုံးဆီအရောင်းဆိုင်များမှ စက်သုံးဆီများကို နေ့စဉ် ပုံမှန်ဖွင့်လှစ် ရောင်းချလျက်ရှိရာ လက်ရှိဖြစ်ပေါ်နေသော ကမ္ဘာ့နိုင်ငံရေးအခြေအနေများအရ အများပြည်သူနှင့် စက်သုံးဆီရောင်းချနေသောအရောင်းဆိုင်လုပ်ငန်းရှင်များ ထုတ်ပြန်ထားသော ညွှန်ကြားချက်များနှင့် အညီ လိုက်နာမှုရှိစေရေးအတွက် ကွင်းဆင်းကြီးကြပ်မှုအား ၂၇.၃.၂၀၂၆ ရက်နေ့၊ နံနက် ၀၈:၀၀ နာရီ အချိန်တွင် မြို့နယ်စက်သုံးဆီကြီးကြပ်ရေးကော်မတီအဖွဲ့မှဆောင်ရွက်ရာတွင် စားသုံးသူရေးရာဦးစီး ဌာန၊ ညောင်ဦးခရိုင်တာဝန်ခံသည် ပူးပေါင်း ပါဝင်ဆောင်ရွက်ခဲ့ပါသည်။
လက်ရှိကမ္ဘာ့နိုင်ငံရေးအခြေအနေများအရ လောင်စာဆီတင်သွင်းသည့် သင်္ဘောများ သယ်ယူ ပို့ဆောင်ရာ ရေလမ်းကြောင်းတစ်လျှောက်တွင် အတားအဆီးအဟန့်အတားပိတ်ဆို့မှုများဖြစ်ပေါ် လျက်ရှိသဖြင့် စက်သုံးဆီများခြိုးခြံချွေတာသုံးစွဲစေရေးနှင့် ဖူလုံမှုရှိစေရေးအတွက် မော်တော်ယာဉ် များ၊ ဆိုင်ကယ်များအား လစဉ် စုံရက်၊ မရက်များခွဲ၍ ယာဉ်၏ စုံနံပါတ်၊ မ နံပါတ်အလိုက် အသုံးပြု စေရန် ထုတ်ပြန်ညွှန်ကြားချက်များအား အများပြည်သူ သိရှိလိုက်နာမှုရှိစေရေး၊ စက်သုံးဆီအရောင်း ဆိုင်များအနေဖြင့် သတ်မှတ်ချက်များနှင့်အညီ ရောင်းချမှုရှိစေရေး၊ စက်သုံးဆီလုပ်ငန်းရှင်များသာမက အများပြည်သူအနေဖြင့် စက်သုံးဆီများဝယ်ယူစုဆောင်းခြင်းနှင့် ဈေးနှုန်းမြှင့်တင်၍ ရောင်းချခြင်းများ လုံးဝမပြုလုပ်ရန်၊ဖောက်ဖျက်ကျူးလွန်ပါကတည်ဆဲဥပဒေများနှင့်အညီအရေးယူဆောင်ရွက်သွားမည်ဖြစ်ကြောင်းထုတ်ပြန်ညွှန်ကြားချက်များအား သိရှိလိုက်နာစေရေး ကွင်းဆင်းကြီးကြပ်မှုများ ဆောင်ရွက်ခဲ့ကြကြောင်း သိရပါသည်။
DOCA(မန္တလေး)