စိုက်ပျိုးထွက်ရှိမှုအခြေအနေ
၂၀၂၀ ခုနှစ်၊ မတ်ပဲ စိုက်ဧက အနေဖြင့် (၂,၃၂၉,၁၆၅) စိုက်ပျိုးထားခဲ့ပြီး၊ ရိတ်သိမ်းဧက ပြီးစီးမှုအနေဖြင့် (၂,၃၂၈,၁၃၁) ထိ ရိတ်သိမ်းထားရှိခဲ့ပါကြောင်း၊ စုစုပေါင်းအထွက်တင်း (၁၇.၈၂) တင်းဖြင့် မတ်ပဲအထွက် တင်းပေါင်း (၄၁,၄၈၄,၉၁၈) တင်း ထွက်ရှိထားပြီး ဖြစ်ကြောင်း စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန စာရင်းအရ သိရှိရပါသည်။ ၂၀၂၀ ပြည့်နှစ် ၊ နိုဝင်ဘာလ ထုတ်ပြန်သည့် ထိုင်းနိုင်ငံ၏ စာရင်းများ အရ ၂၀၂၀-၂၀၂၁ ခုနှစ်အတွင်း ကမ္ဘာ့စိုက်ပျိုးမှုသည် ၈.၅ သန်း နီးပါး စိုက်ပျိုးထားပါကြောင်း၊ အဓိက စိုက်ပျိုးသည့် နိုင်ငံ များအနေဖြင့် အရှေ့တောင်အာရှနိုင်ငံများမှ ဖြစ်ကြောင်း YES Bank ၏ ထုတ်ပြန်သည့် စာရင်းများအရ သိရှိရပါသည်။
ဈေးနှုန်း၊ ဈေးကွက်အခြေအနေ
မတ်ပဲ အဓိက စိုက်ပျိုး ထုတ်လုပ် တင်ပို့ရောင်းချနေသည့် ကုန်စည်ဒိုင်ကြီးများ၏ (၈.၁.၂၀၂၁)ရက်နေ့တွင် ဖြစ်ပေါ်နေသော မတ်ပဲ တစ်တန် ဈေးနှုန်းများမှာ-
- (၉၇၀,၆၀ဝိ /-) ကျပ်၊
- (၉၇၃,၇၀ဝိ /-) ကျပ်၊
- (၉၇၀,၆၀ဝိ /-) ကျပ်၊
- (၉၇၀,၆၀ဝိ/-) ကျပ်၊
- (၉၄၉,၂၀ဝိ/-) ကျပ်၊
အိန္ဒိယနိုင်ငံ မွန်ဘိုင်းဈေးနှုန်းများအနေဖြင့် အသစ်ဈေး (၉၄၉) ဒေါ်လာ၊ အဟောင်းဈေး (၉၃၉)ဒေါ်လာထိ ဈေးနှုန်းဖြစ်ပေါ် နေကြောင်း သိရှိရပါသည်။
ပြည်ပ ကုန်သွယ်မှုအခြေအနေနှင့် လက်ကျန်အခြေအနေ
ယခုဘဏ္ဍာနှစ် ၁.၁၀.၁၉ မှ ၂၅.၁၂.၂၀၂၀ထိ ပင်လယ် ရေကြောင်းနှင့်နယ်စပ်မှ မတ်ပဲ တန်ချိန်စုစုပေါင်း (၁၁၁၉၀၂)၊ တန်ဖိုး (၁၀၀.၂၈၃) ဒေါ်လာသန်း တင်ပို့နိုင်ခဲ့ပါသည်။ ယခင် နှစ် ကာလတူထက် (၂၉၄၅၅)တန် လျော့ကျခဲ့ပြီး၊ တန်ဖိုး (၆.၃၈၄)ဒေါ်လာသန်း တင်ပို့နိုင်ခဲ့ပါသည်။ (၃၀.၁၂.၂၀၂၀) ရက်နေ့၊ တိုင်းဒေသကြီး၊ ပြည်နယ်များ၏ တင်ပြချက်စာရင်း များအရ ခန့်မှန်း လက်ကျန်မှာ (၆၅,၇၁၀)တန် ဖြစ်ပါသည်။
သုံးသပ်ချက်
မတ်ပဲကို ကုန်သည်များက ဝယ်ယူမှုရှိသော်လည်း နယ်ပေါင်းစုံတွင် ထွက်ရှိကာ စျေးကွက် အတွင်း သို့ အရေအတွက်များ ရောက်ရှိနေသဖြင့် စျေးနှုန်းအနည်းငယ်ကျဆင်းလာမည့် အခြေအနေ ဖြစ်ပေါ် နေပါသည်။ ဝယ်လိုအားထက် ရောင်းလိုအားက များပြားနေခြင်းကြောင့် ယခု ကဲ့သို့ စျေးနှုန်း ကျဆင်း လာခြင်း ဖြစ်ပါသည်။ ယခုအခြေအနေအရ စျေးနှုန်း ဆက်လက် ကျဆင်းမည့် အခြေအနေတွင်ရှိကြောင်း ကုန်သည်များက သုံးသပ်ထားကြပါသည်။