စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှုး၏လမ်းညွှန်မှု၊ သရက်/အောင်လံခရိုင်တာဝန်ခံ၏ ကြီးကြပ်မှုတို့ဖြင့် သရက်ခရိုင်တာဝန်ခံရုံးမှ စားသုံး/ထုတ်လုံတာဝန်ခံ ဒေါ်ရီရီထွေး(ဒု-ဦးစီးမှုး)နှင့် ဦးထင်ကျော်လင်း (ဒု-ကြီးမှုး)တို့သည် (၆.၈.၂၀၂၆)ရက်နေ့၊ နံနက် (၀၉:၀၀) နာရီအချိန်တွင် မိတ်ဖက်ဌာနများဖြစ်သော မြို့နယ်ထွေအုပ်၊ မြို့နယ်စည်ပင်၊ ကျန်းမာရေး၊ ခရိုင် FDA နှင့် မြို့နယ်ရဲတပ်ဖွဲ့များဖြင့် သရက်မြို့မစည်ပင်သာယာ ဈေးကြီးအတွင်း ကုန်စည်များတွင်ပါရှိရမည့် ကုန်အညွှန်းအမှတ်အသားများ ပြည့်စုံစွာထည့်သွင်း ဖော်ပြထားရှိခြင်း ရှိ/မရှိနှင့် လစဉ်သတ်မှတ်ထားသော ဦးစားပေးစစ်ဆေးရမည့် ကုန်စည်ဖြစ်သည့် အသင့်သောက်အချိုရည် အမျိုးမျိုးတို့အား ဈေးကွက် စောင့်ကြည့်စစ်ဆေးခြင်းများပြုလုပ်ခဲ့ကြောင်း သိရသည်။
ထိုသို့ဈေးကွက်စောင့်ကြည့် စစ်ဆေးခဲ့ရာတွင် ကုန်မျိုးစုံရောင်းချသည့် ဆိုင်များနှင့် အသင့်သောက်အချိုရည်အမျိုးမျိုး ရောင်းချသည့်ဆိုင်များအား စားသုံးသူကာကွယ်ရေးဥပဒေ အခန်း(၁၈)၊ ပုဒ်မ(၄၁) အရကုန်စည်များတွင် ကုန်အညွှန်းအမှတ်အသား ပြည့်စုံစွာဖော်ပြထားသော ကုန်စည်များကို သာရောင်းချရန်၊ စားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာဖော်ပြလာစေရေး၊ စားသုံးဆီဗူးများတွင် ညွှန်ကြားချက်အမှတ် (၁/၂၀၂၁) အရ ဖော်ပြရမည့်အချက်များ ကိုက်ညီမှုရှိစေရေး၊ ကုန်အညွှန်းအမှတ်အသား ပြည့်စုံမှုမရှိသည့် ကုန်စည်များ ဈေးကွက်အတွင်းရောင်းချခြင်းမရှိစေရေးတို့အား အကျယ်တဝင့် ရှင်းလင်းပြောကြားခဲ့ပြီး စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ အချက်အလက်များသိရှိလိုပါက သရက်ခရိုင်တာဝန်ခံရုံးတွင်လည်းကောင်း၊ စားသုံးသူရေးရာဦးစီးဌာန၏ Website ဖြစ်သော www.doca.gov.mmတို့တွင်လည်းကောင်း ဝင်ရောက်လေ့လာနိုင်ကြောင်း အသိပညာပေးခဲ့ကြောင်း သိရှိရပါသည်။
DOCA(မကွေး)