သကြားဈေးနှုန်းများ မြင့်တက်နေမှုအား ထိန်းချုပ်နိုင်မည့် အစီအမံများကို အစိုးရက ထပ်မံ ပြုလုပ်ပေးရန် အိန္ဒိယရှိ သကြားစက်ရုံလုပ်ငန်းကမျှော်လင့်လျက်ရှိကြောင်း၊ ပြီးခဲ့သည့် ရက်သတ္တပတ် တွင် ဈေးနှုန်း ၄.၃% မြင့်တက်ခဲ့ပြီးနောက် တစ်လအတွင်း သကြားဈေးနှုန်း ၁၇ % နီးပါး မြင့်တက် ခဲ့ကြောင်းသိရသည်။
ဇူလိုင်လ ၂၈ ရက်နေ့မှ စတင်၍ သကြားကုန်သည်များ၏ သကြားတင်သွင်း သိုလှောင်မှု ပမာဏအား အစိုးရက ထိန်းချုပ်ကန့်သတ်ပြီးနောက် သကြားဈေးနှုန်းများ တစ်ဖြေးဖြေး မြင့်တက် လျက်ရှိရာ အမြင့်ဆုံးဈေးနှုန်းတစ်ခုသို့ရောက်ရှိခဲ့ခြင်းဖြစ်ကြောင်း၊ ပြည်တွင်းဈေးနှုန်းများကျဆင်း နေပြီး သိုလှောင်မှုများပြားနေသည့်ကြားမှ မေလ ၁၃ ရက်နေ့ထိ တိုင်အောင် သကြားတင်ပို့လျက် ရှိကြောင်းသိရသည်။
သကြားဈေးနှုန်းသည် တစ်လအတွင်း ၁၆.၇ % မြင့်တက်ခဲ့ပြီး၊ အိန္ဒိယတစ်ပြည်လုံးတွင် သကြား တစ်ကီလိုလျှင် ရူပီး ၃၉၆၀ မှ တစ်ကီလိုလျှင် ရူပီး ၄၆၂၀ ထိမြင့်တက်ခဲ့ကြောင်း၊ လာမည့် ကြံစိုက်ရာသီနှစ်ရာသီတွင် အယ်လ်နီညိုဖြစ်စဉ်၏ သက်ရောက်မှုကြောင့် အထွက်နှုန်းကျဆင်း မည်ဖြစ်ကာ သကြားဈေးနှုန်းများလည်းမြင့်တက်လာမည်ဖြစ်ကြောင်းသကြားစက်ရုံပိုင်ရှင်များက ပြောကြားထားပါသည်။ သကြားဈေးနှုန်းမြင့်တက်ခြင်းကြောင့် သကြားလိုအပ်ချက်အပေါ် သက်ရောက်မှုမရှိနိုင်ကြောင်း Maharashtra ပြည်နယ်ရှိသကြားကုန်သည်တစ်ဦးက ပြောကြားထား ပါသည်။
ပြီးခဲ့သည့်နှစ်နည်းတူ ဩဂုတ်လတွင် သကြားစက်ရုံများအား ဝေစုတန်ချိန် ၂.၂၅ သန်း ပေးအပ် လျက်ရှိရာ ဗဟိုအစိုးရအနေဖြင့် သကြားစက်ရုံတစ်ရုံလျှင် လစဉ် ကိုတာသတ်မှတ်၍ ခွဲဝေပေးလျက် ရှိကြောင်းသိရသည်။
Source :The Economic Times, 4 Aug 2026(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)