မြန်မာနိုင်ငံတောင်ပိုင်းမြိတ်မြို့ရှိ သစ်သီးစျေးကွက်များတွင် အရသာထူးခြားပြီး အာဟာရတန်ဖိုးမြင့်မားသော Hass ထောပတ်သီးများကို စားသုံးသူများ၏ စိတ်ဝင်စားမှုမြင့်တက်လာသဖြင့် အရောင်းအဝယ်များ တဖြည်းဖြည်းသွက်လက်လာကြောင်း သိရပါသည်။ Hass ထောပတ်သီးသည် အခြားထောပတ်သီးမျိုးများနှင့် မတူဘဲ အသီးအခွံထူပြီး မှည့်လာချိန်တွင် အစိမ်းရောင်မှ ခရမ်းနက်ရောင်သို့ ပြောင်းလဲသွားသည်။ Hass ထောပတ်သီးကို ရှမ်းပြည်နယ်၊ တောင်ကြီးမြို့မှ သယ်ယူလာပြီး မြိတ်မြို့ပေါ်ရှိ စူပါမားကတ်များ၊ သစ်သီးဆိုင်များတွင် ရောင်းချလျက်ရှိပြီး စားသုံးသူများ ကြိုက်နှစ်သက်ကြကြောင်း သိရသည်။
ထောပတ်သီးသည် ကင်ဆာရောဂါအချို့ကိုကာကွယ်နိုင်ပြီး ကင်ဆာဆဲလ်များ စတင်ဖြစ်ပေါ်လာတဲ့အခြေအနေကို တားဆီးနိုင်ပြီး ကင်ဆာဆဲလ်တွေ ပြန့်ပွားနိုင်ခြေကိုလည်း ကာကွယ်ပေးနိုင်သည့်အပြင် ကိုယ်အလေးချိန်များသူတွေ၊ အဝလွန်သူတွေနဲ့ ပြုလုပ်ခဲ့တဲ့ သုတေသနမှာ နေ့လယ်စာစားပြီးချိန် ထောပတ်သီးတစ်ဝက်ကို စားပေးခြင်းဖြင့် ၃ နာရီကနေ ၅ နာရီလောက် ထိအဆာခံနိုင်သည့်အပြင် သွေးတွင်းသကြားဓာတ်ကိုလည်း ငြိမ်အောင်ထိန်းပေးနိုင်ကြောင်း သိရှိရပါသည်။
Hass ထောပတ်သီးကို ရှမ်းပြည်နယ်၊ တောင်ကြီးမြို့မှ သယ်ယူလာပြီး မြိတ်မြို့ပေါ်ရှိ စူပါမားကတ်များ၊ သစ်သီးဆိုင်များတွင် ရောင်းချလျက်ရှိပြီး စားသုံးသူများကြိုက်နှစ်သက်ကြပါသည်။ Hass ထောပတ်သီးကိုယခင်လက တစ်ကီလိုလျှင်(၈၀၀၀)လောက်ထိရောင်းချကြသော်လည်း ယခုသြဂုတ် လပထမပတ်တွင် ထောပတ်သီးတစ်ကီလိုလျှင် (၅၈၀၀) ကျပ်ဖြင့်သာရောင်းချနေကြောင်း သစ်သီးရောင်းချသူထံမှ သိရှိရပါသည်။
DOCA(တနင်္သာရီ)