မကွေးတိုင်းဒေသကြီး၊ သရက်ခရိုင်၊ သရက်မြို့မစည်ပင်ဈေးကြီးနှင့် အခွန်လွတ်ဈေးများတွင် ရခိုင်ငှက်ပျောသီးများ မင်းတုန်းမြို့နယ်ရှိကျေးရွာများမှ ဝင်ရောက်လျက်ရှိပါသည်။ ကျန်းမာရေးနှင့် ခန္ဓာကိုယ်အတွက် ဘက်ပေါင်းစုံမှ အာဟာရဓာတ်များစွာပါရှိသည့် အဖိုးတန်သီးနှံဖြစ်သော ရခိုင်ငှက်ပျောသီးများကို မင်းတုန်းမြို့နယ်ရှိ ကျေးရွာများဖြစ်သည့် အကြီးစားကျေးရွာနှင့် မြို့ဟောင်းကျေးရွာများမှ အများအပြားထွက်ရှိပြီး သရက်မြို့ပေါ်ရှိ ဈေးကွက်များသို့ လာရောက်ရောင်းချကြကြောင်း သိရသည်။
ရခိုင်ငှက်ပျောသီး ဈေးနှုန်းအနေဖြင့်၂၀၂၆ခုနှစ်၊ အောက်တိုဘာလ (ပထမပတ်)တွင် ရခိုင်ငှက်ပျောသီး (၁)ဖီးလျှင် ကျပ်(၁၇၀၀)ဖြစ်ပြီး (ဒုတိယပတ်)တွင် ရခိုင်ငှက်ပျောသီး (၁)ဖီးလျှင် ကျပ်(၁၅၀၀) ဖြင့် ဈေးကွက်အတွင်း ရောင်းအားကောင်းလျက်ရှိပါသည်။ ဈေးနှုန်းနှိုင်းယှဉ်ပါက ယခု (ဒုတိယပတ်) တွင် ရခိုင်ငှက်ပျောသီး (၁)ဖီးလျှင် ကျပ်(၂၀၀)ကျဆင်းခဲ့ပြီး ရောင်းအားမှာလည်း ပိုမိုကောင်းမွန်ကြောင်း၊ ငှက်ပျောသီး အထွက်နှုန်းလည်းပိုလာကြောင်း၊ ရခိုင်ငှက်ပျောသီး အဖီးတစ်နေ့လျှင်(၅၀)မှ (၇၀)ဖီးအတွင်း ရောင်းချရကြောင်း ရခိုင်ငှက်ပျောသီးများ လက်လီ/လက်ကား ရောင်းချနေသည့်ဈေးသည်(၁)ဦးထံမှ သိရှိရပါသည်။
DOCA(မကွေး)