ပခုက္ကူခရိုင်နှင့် ဂန့်ဂေါခရိုင်ဦးစီးမှူးရုံးမှ ၂၀၂၆ ခုနှစ်၊ ဇူလိုင်လအတွင်း လုပ်ငန်းရှင်များနှင့်တွေ့ဆုံခြင်း ဆောင်ရွက်နိုင်မှုအခြေအနေ

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေ ပြဌာန်းချက်ပါ ကုန်အညွှန်းအမှတ်အသားပြည့်စုံစွာ ထည့်သွင်းဖော်ပြလာခြင်းဖြင့် စားသုံးသူများ ဘေးအန္တရာယ်ကင်းရှင်းပြီး ဈေးကွက်များပိုမို ရရှိစေရန်ရည်ရွယ်၍ လုပ်ငန်းရှင်တွေ့ဆုံခြင်းများကို စဉ်ဆက်မပြတ် ကွင်းဆင်းအသိပညာပေးလျက်ရှိကြောင်း သိရသည်။

       ပခုက္ကူခရိုင်အနေဖြင့် ဇူလိုင်လအတွင်း စားသုံးသူရေးရာဌာနခွဲ တာဝန်ခံနှင့် ဝန်ထမ်းများသည် ပခုက္ကူမြို့၊ အမှတ်(၁၄)ရပ်ကွက်ရှိ ခါဂျာမုန့်၊ အသားတုကြော်နှင့် ကိတ်မုန့်/ပေါင်မုန့် ထုတ်လုပ်သည့် စီးပွားရေးလုပ်ငန်းရှင်များနှင့် တွေ့ဆုံမှု(၃)ကြိမ် အသိပညာပေးခြင်းများ ဆောင်ရွက်ခဲ့ကြောင်း သိရသည်။

      ဆိပ်ဖြူမြို့နယ်တာဝန်ခံအနေဖြင့် ဆိပ်ဖြူမြို့၊ ယောဝရပ်ကွက်ရှိ ပဲချောင်းကြော်နှင့် ရေလယ်ကျွန်းကျေးရွာရှိ မုန့်မျိုးစုံထုတ်လုပ်သည့်လုပ်ငန်းရှင်များထံသို့ တွေ့ဆုံမှု(၂)ကြိမ် အသိပညာပေးခြင်းများ ဆောင်ရွက်ခဲ့ကြောင်း သိရသည်။

        ဂန့်ဂေါခရိုင်၊ မြို့နယ်တာဝန်ခံအနေဖြင့် စည်ပင်သာယာရပ်ကွက်ရှိ  အိမ်သုံးဆေးဝါးမျိုးစုံ ရောင်းချသည့်လုပ်ငန်းရှင်နှင့် တွေ့ဆုံမှု(၁)ကြိမ်ဆောင်ရွက်ပြီး ပခုက္ကူခရိုင်(၅)ကြိမ်နှင့် ဂန့်ဂေါခရိုင် (၁)ကြိမ် စုစုပေါင်း လုပ်ငန်းရှင်တွေ့ဆုံမှု (၆)ကြိမ်ဆောင်ရွက်ခဲ့ကြောင်း သိရှိရပါသည်။

DOCA(မကွေး)