ပဲခူးတိုင်းဒေသကြီး ၊တောင်ငူခရိုင် ရေတာရှည်မြို့နယ် သပြေတန်းကွင်းထန်းကုန်းကျေးရွာ တွင် (၁၆.၇.၂၀၂၆)ရက်နေ့နံနက်ပိုင်း၌ ဒေသခံတောင်သူတစ်ဦး၏ ကွင်းအမှတ်(၆၃၇)၌ လက်ဆွဲကောက်စိုက်စက်ဖြင့်မိုးစပါးစိုက်ပျိုးခြင်းကွင်းသရုပ်ပြပွဲကိုခရိုင်၊မြို့နယ်စိုက်ပျိုးရေး၊ မွေးမြူရေးကြီး ကြပ်မှုကော်မတီ ဥက္ကဌနှင့် အဖွဲ့ဝင်များက ကြည့်ရှုအားပေးခဲ့သည်။
အဆိုပါစက်ကိုအသုံးပြုခြင်းဖြင့် လက်မှုလယ်ယာစနစ်မှ စက်မှုလယ်ယာစနစ်သို့အသွင် ကူးပြောင်း ဆောင်ရွက်ခြင်းဖြင့် လုပ်သားရှားပါးမှုအခက်အခဲနှင့်အချိန်တိုအတွင်းစိုက်ဧကများစွာကို စိုက်ပျိုးနိုင်သည့် အပြင်စပါးပန်းတိုင်အထွက်နှုန်းကောင်းမွန်စေသည့် အကျိုးများစွာရရှိစေကြောင်း ခရိုင်စိုက်ပျိုးရေး၊မွေးမြူ ရေးကြီးကြပ်မှုကော်မတီဥက္ကဌမှ ပြောကြားခဲ့သည်။
(PowerHarrow)မြေမွှေစက်နှင့် ကောက်စိုက်စက်တို့ကိုအသုံးပြု၍ မြေပြုပြင်ထွန်ယက်ခြင်း ဖြင့် ရရှိနိုင်သော အကျိုးကျေးဇူးနှင့် အချိန်ကုန်လူသက်သာပြီး လုပ်သားရှားပါးမှု ပြဿနာကိုပထမဦးစွာ ဖြေရှင်းပေးနိုင်ပါသည်။ခေတ်မီလယ်ယာစိုက်ပျိုးရေးတွင် လုပ်အားခသက်သာပြီး အထွက်နှုန်း တိုးစေရန် အဓိကအကျိုးပြုစေမည့်စိုက်ပျိုးရေးသုံးစက်ကိရိယာများ ဖြစ်ကြောင်းလည်း စက်မှုပိုင်း ဆိုင်ရာအချက် အလက်များကို တောင်သူများအား အသေးစိတ်သိရှိနားလည်စေရန် ရှင်းလင်းပြော ကြားခဲ့ကြောင်း သိရှိရသည်။
DOCA(ပဲခူး)